11. நெய்தல்

	பெய்யாது வைகிய கோதை போல
	மெய் சாயினை, அவர் செய் குறி பிழைப்ப;
	உள்ளி நொதுமலர் நேர்பு உரை தெள்ளிதின்
	வாரார் என்னும் புலவி உட்கொளல்
5	ஒழிகமாள நின் நெஞ்சத்தானே;
	புணரி பொருத பூ மணல் அடைகரை,
	ஆழி மருங்கின் அலவன் ஓம்பி,
	வலவன் வள்பு ஆய்ந்து ஊர,
	நிலவு விரிந்தன்றால் கானலானே.	உரை

35. நெய்தல்

	பொங்கு திரை பொருத வார் மணல்அடைகரைப்
	புன் கால் நாவல் பொதிப் புற இருங் கனி
	கிளை செத்து மொய்த்த தும்பி, பழம் செத்துப்
	பல் கால் அலவன் கொண்ட கோட்கு அசாந்து,
5	கொள்ளா நரம்பின் இமிரும் பூசல்
	இரை தேர் நாரை எய்தி விடுக்கும்
	துறை கெழு மாந்தை அன்ன இவள் நலம்
	பண்டும் இற்றே; கண்டிசின்தெய்ய;
	உழையின் போகாது அளிப்பினும், சிறிய
10	ஞெகிழ்ந்த கவின் நலம்கொல்லோ?-மகிழ்ந்தோர்
	கள்களி செருக்கத்து அன்ன
	காமம்கொல்?-இவள் கண் பசந்ததுவே!	உரை

106. நெய்தல்

	அறிதலும் அறிதியோ-பாக!-பெருங்கடல்
	எறி திரை கொழீஇய எக்கர் வெறி கொள,
	ஆடு வரி அலவன் ஓடுவயின் ஆற்றாது,
	அசைஇ, உள் ஒழிந்த வசை தீர் குறுமகட்கு
5	உயவினென் சென்று, யான், உள் நோய் உரைப்ப,
	மறுமொழி பெயர்த்தல் ஆற்றாள், நறு மலர்
	ஞாழல் அம் சினைத் தாழ்இணர் கொழுதி,
	முறி திமிர்ந்து உதிர்த்த கையள்,
	அறிவு அஞர் உறுவி ஆய் மட நிலையே?	உரை

123. நெய்தல்

	உரையாய்-வாழி, தோழி!-இருங் கழி
	இரை ஆர் குருகின் நிரை பறைத் தொழுதி
	வாங்கு மடற் குடம்பை, தூங்கு இருள் துவன்றும்
	பெண்ணை ஓங்கிய வெண் மணற் படப்பை,
5	கானல் ஆயமொடு காலைக் குற்ற
	கள் கமழ் அலர தண் நறுங் காவி
	அம் பகை நெறித் தழை அணிபெறத் தைஇ,
	வரி புனை சிற்றில் பரி சிறந்து ஓடி,
	புலவுத் திரை உதைத்த கொடுந் தாட் கண்டல்
10	சேர்ப்பு ஏர் ஈர் அளை அலவன் பார்க்கும்
	சிறு விளையாடலும் அழுங்கி,
	நினைக்குறு பெருந் துயரம் ஆகிய நோயே.	உரை

219. நெய்தல்

	கண்ணும் தோளும் தண் நறுங் கதுப்பும்
	பழ நலம் இழந்து பசலை பாய,
	இன் உயிர் பெரும்பிறிது ஆயினும், என்னதூஉம்
	புலவேன் வாழி-தோழி!-சிறு கால்
5	அலவனொடு பெயரும் புலவுத் திரை நளி கடல்
	பெரு மீன் கொள்ளும் சிறுகுடிப் பரதவர்
	கங்குல் மாட்டிய கனை கதிர் ஒண் சுடர்
	முதிரா ஞாயிற்று எதிர் ஒளி கடுக்கும்
	கானல்அம் பெருந் துறைச் சேர்ப்பன்-
10	தானே யானே புணர்ந்தமாறே.	உரை

239. நெய்தல்

	ஞான்ற ஞாயிறு குடமலை மறைய,
	மான்ற மாலை மகிழ்ந்த பரதவர்
	இனிது பெறு பெரு மீன் எளிதினின் மாறி,
	அலவன் ஆடிய புலவு மணல் முன்றில்
5	காமர் சிறுகுடிச் செல்நெறி வழியின்,
	ஆய் மணி பொதி அவிழ்ந்தாங்கு, நெய்தல்
	புல் இதழ் பொதிந்த பூத் தப மிதிக்கும்
	மல்லல் இருங் கழி மலி நீர்ச் சேர்ப்பற்கு
	அமைந்து தொழில் கேட்டன்றோ இலமே; 'முன்கை
10	வார் கோல் எல் வளை உடைய வாங்கி,
	முயங்கு' எனக் கலுழ்ந்த இவ் ஊர்
	எற்று ஆவதுகொல், யாம் மற்றொன்று செயினே?	உரை

385. நெய்தல்

	எல்லை சென்றபின், மலரும் கூம்பின;
	புலவு நீர் அடைகரை யாமைப் பார்ப்போடு
	அலவனும் அளைவயிற் செறிந்தன; கொடுங் கழி
	இரை நசை வருத்தம் வீட, மரமிசைப்
5	புள்ளும் பிள்ளையொடு வதிந்தன; அதனால்,
	பொழுதன்றுஆதலின், தமியை வருதி:	உரை