Primary tabs
-
P20225 - நம்மாழ்வாரும் திருமங்கையாழ்வாரும்
இந்தப் பாடம் என்ன சொல்கிறது?-
நம்மாழ்வார் இறைவனாலேயே நம் ஆழ்வார் என்று
அழைக்கப்பட்ட பெருமைக்குரியவர். இவர் அருளிய
பாசுரங்கள் வேதத்தின் சாரம் எனப் புகழப்பட்டது.
வேதம் செய்த மாறன் என்ற பெயரும் இவருக்கு
ஏற்பட்டது. இவர் பாடிய பாசுரங்களின் பெருமை
இப்பாடத்தில் பேசப்படுகிறது. -
மதுரகவியாழ்வார், நம்மாழ்வாரையே தெய்வமாக எண்ணிப்
போற்றியவர். அவரைத்தவிர வேறு தெய்வமில்லையென,
திருமாலைப் பாடாமல் திருமால் அடியவராகிய
நம்மாழ்வாரைப் பாடி பன்னிரு ஆழ்வார்களில் ஒருவராக
எண்ணிப் போற்றப்பட்டவர். -
திருமங்கையாழ்வார் பாடிய ஆறு நூல்களைப் பற்றி
விரிவாகப் பேசுகிறது இப்பாடம். சிறிய திருமடல். பெரிய
திருமடல் என எழுதி மடல் இலக்கியத்திற்கு
முன்னோடியாக அமைந்த பெருமைக்கு உரியவர்
திருமங்கையாழ்வார்.
இவையனைத்தும் இப்பாடத்தில் விளக்கமாகப் பேசப்படுகின்றன.
இப்பாடத்தைப் படிப்பதால்என்ன பயன் பெறலாம்?
-
நம்மாழ்வார் அருளிய திவ்வியப் பிரபந்தங்களின் சிறப்பை
உணர்ந்து கொள்ளலாம். -
மாறனின் பக்தி, தமிழை வளப்படுத்திய பாங்கு
ஆகியவற்றைத் திருவாய்மொழிவழி அடையாளங்
காணலாம். -
நம்மாழ்வாரைக் குருவாக ஏற்று அவரை மட்டும்பாடி
அடியார்க்கு அடியார் ஆன சீடன் மதுரகவியின்
பக்தியை இனங் காணலாம். -
நாலாயிரத் திவ்வியப் பிரபந்தத்துள் நம்மாழ்வார் அருளிய
திருவாய்மொழிக்குரிய சிறப்பை மற்றப் பகுதிகளுடன்
ஒப்பிட்டுப் பார்க்கலாம். -
திருமங்கை அருளிய பிரபந்தங்களில் உள்ள இலக்கிய
வகைகளைத் தொகுத்துக் கொள்ளலாம். -
நாயக நாயகி பாவத்தில் தோய்ந்த திருமங்கை நாயகியின்
புலப்பாட்டு உத்தியையும், கவிபாடும் திறனையும்
உணர்ந்து, பக்தி இலக்கியத்தின் தனித்தன்மையை
அடையாளம் காணலாம்.
-
E-
5.1 நம்மாழ்வார்
ஆழ்வார் திருநகரி என்னும் திருக்குருகூரில் வைகாசி மாதம்
விசாகம் நட்சத்திரத்தில் அவதரித்தவர் நம்மாழ்வார்.
நம்மாழ்வார் பிறந்தது முதல் குழந்தைக்குரிய
அழுதல், தாய்ப்பால் குடித்தல் போன்ற செயல்கள்
செய்யாது வாட்டமின்றி இருந்தார். எனவே
பெற்றோர் அக்குழந்தை பிறந்து, பன்னிரண்டாம்
நாள் திருக்குருகூர்ப்பிரான் கோயிலுக்கு எடுத்துச்
சென்றனர். உலக வழக்கத்திற்கு மாறாகக் காட்சி
அளித்த அக்குழந்தைக்கு மாறன் எனத் திருநாமம்
இட்டனர்.
திருவரங்கநாதன், நம் ஆழ்வார் என்று அழைத்ததால்
நம்மாழ்வார் என்பர். பெருமாள் கொடுத்த மகிழம்பூ மாலையை
அணிந்தவர் என்பதால் மகிழ்மாலை மார்பினர் ஆனார். புறச்
சமயங்களாகிய யானையை அடக்கத் தம் அருளிச் செயல்களை
அங்குசம் போலப் பயன்படுத்திக் கொண்டவர். ஆகையால்
பராங்குசதாசர் எனப் போற்றினர். சடகோபர் என்ற திருநாமமும்
இவருக்கு உண்டு. நம்மாழ்வார் அருளிய நான்கு திவ்வியப்
பிரபந்தங்களும் நான்கு வேதங்களின் சாரம் என்பதால் ‘வேதம்
தமிழ் செய்த மாறன்’ என்றும் போற்றப்படுகிறார்.