Primary tabs
-
6.0 பாட முன்னுரை
‘வாக்குச் சீட்டினால் தேர்ந்தெடுக்கப்படாத மக்களின் பிரதிநிதி’ என இதழ்களைப் பற்றிக் கருத்துக் கூறுவர். மக்கள் குரலாக ஒலிக்கும் இதழ்கள் எவ்விதத் தடையுமின்றிச் சுதந்திரமாகச் செயல்பட வேண்டும். அப்போதுதான் இதழியலின் நோக்கம் முழுமையாக நிறைவேறும். அதாவது ஒரு சமுதாயத்திற்கு முழுமையான நன்மை செய்யும் விதமாக இயங்குவதற்கு இதழ்களுக்குத் தேவை, சுதந்திரம் !
இதழ்களின் சுதந்திரம் பற்றிய பொருள்விளக்கம், அறிஞர்களின் கருத்துகள், வரையறை, இதழியல் சுதந்திரத்தின் தேவை, இதழியல் சுதந்திரத்திற்கான தடைகள், இந்தியாவில் இதழியல் சுதந்திரம் எவ்வாறு இருந்தது என்பவற்றை விளக்கும் வகையில் இப்பாடம் அமைகின்றது.