Primary tabs
துண்டென்பதும் அஃது இடப இலைச்சினை யென்பதும் அப்பூணில் பவளத்தாற் செய்த இடபவுருவும் பொன்னாற்செய்த மழு வாள்களினுருவு முளவென்பதும் தெரிகின்றன. இச்செய்தி வேறெங்கும் கண்டதில்லை. இதனானே இவரைச் சைவ சமயத்துக்கு ஓர் அரும் பொருளளித்தவ ரென்னலாம்.
2. உள்ளிவிழவு :
உள்ளி விழவி னன்ன’’ -அகம். 368 : 16 - 18.
இதனால், இவ்விழாவிலே கொங்கர், தம்மிடையிலே மணிகளைக் கட்டிக்கொண்டு வீதியிலே ஆடுவரென்ற செய்தி அறிவிக்கப்படுகிறது. இவ்விவரம் வேறெங்கும் காணப்படவில்லை.
3. பரசுராமன் வேள்வி செய்த இடம் செல்லூர் என்பது :
கடாஅ யானைக் குழுஉச்சமந் ததைய
மன்மருங் கறுத்த மழுவாள் நெடியோன்
முன்முயன் றரிதினின் முடித்த வேள்விக்
கயிறரை யாத்த காண்டகு வனப்பின்
அருங்கடி நெடுந்தூண் போல யாவரும்
காண லாகா மாணெழி லாகம்’’ - அகம் 220 : 3 - 9.
இப்பகுதியால் பரசுராமன் மன்னவரை அழித்து மிகமுயன்று அரிதாக வேள்வி செய்தானென்றும் அவ்வேள்வி செய்த இடம் செல்லூரென்றும் அவ்வேள்வியின் யூபத்தம்பத்தின் இடைப்பகுதி யாருக்குந் தெரியாதவாறு தருப்பைக்கயிற்றால் மறைத்துக் கட்டப்பட்டிருந்ததென்றும் தெரியவருகின்றன.
4. மதுரைவீதிகள் தூயனவாயிருந்தன வென்பது :
மதுரைப் பெருமுற்றம் போலநின் மெய்க்கட்
குதிரையோ வீறியது’’ -கலி. 96.
இவ்வடிகளால் மதுரையிற் பெரிய வீதிகளெல்லாம் விடியற்காலத்தே அலகால் சீத்துக் குப்பை வாரித் தூயனவாக்கப்பட்டு வந்தனவென்பது அறியப்படுகின்றது.
5. வியாழமும் வெள்ளியும் அரசியனூல் இயற்றின ரென்பது :
தறவினை யின்புறூஉ மந்தண ரிருவருந்
திறம்வேறு செய்தியி னூனெறி’’ -கலி. 99.