Primary tabs
ஐந்திணையைம்பது
துறை, சொற்றொடர் விளக்கம்.
துறை, சொற்றொடர் விளக்கம்.
எண் - பக்கவெண்
புள்ளியிடுதல்
ஐந்தொகை முதலிய பெருங் கணக்குக ளிட்டுப் பார்த்தல்
-
முல்லை
முல்லையாகிய ஒழுக்கம்; தலைவன் பிரிவாலுண்டாம்
வருத்தத்தினை தலைவி பொறுத்து, அவன் கற்பித்தவாறே
அடக்கத்தினை மேற்கொண்டிருத்தல்
பகற்குறி
தோழி தலைவிக்குக் குறையிரந்து நின்ற தலைவன் செய்தி
கூறிக் கூட்டத்திற்குத் தலைவியை இணங்குவித்த பிறகு,
தினைப்புனத்தை யடுத்த சோலையினுள்ள ஓரிடத்தைத்
தலைவனுக்குக் குறிப்பிட்டுக் கூறித் தலைவியைக் கொண்டு
சேர்க்குமிடம்
இரவுக்குறி
தலைவனும் தலைவியும் இரவில் சந்தித்துக் கூடுமிடம். இது
தலைவியின் வீட்டினை யடுத்திருப்பதாம்
அல்லகுறி
தலைவன் (இரவுக் குறியின்கண் வந்தவுடன் தன் வரவினைத்
தலைவிக்குந் தோழிக்குந் தெரிவிப்பான் வேண்டிப் பூஞ்சோலை
மரங்களில் கூடித் தங்கியிருக்கும் பறவைக் கூட்டங்களை
யெழுப்பி விட்டாவது, குளக்கரையிலுள்ள தென்னை
முதலியவற்றின் காய்களைப் பறித்து நீரிலிட்டாவது ஒலி
யுண்டாக்குவன்.) சில நாட்களில், தலைவன் வருவதற்கு
முன்னரே வேறுவகையில் இவ்வொலி யெழும்பல் கூடும். அவ்வேளை
தோழி தலைவியுடன் வந்து தலைவனைக் காணாது தலைவியுடன்
திரும்புவள். அஃதே அல்லகுறி.
கூடலிழைப்பு
பெரும் வட்டமாக ஒரு கோட்டைக் கீறி, அதற்குள்ளே சிறு
சுழிகள் பலவற்றை நிறையச் சுழித்து முடித்து, பின்
அச்சுழிகளை இவ்விரண்டாக எண்ணி, ஒன்று மிஞ்சினால் தலைவன்
விரைவிற் கூடானென்றும், மிஞ்சாது இரட்டையாக அமைந்தால்,
விரைவிற் றலைவன் வந்து கூடுவனென்றுங் கருதலாகிய பழைய
வழக்கம்