Periya Puranam

புதல்வராகச் சிவாஞ்ஞைப்படி படைச்சாலில் மாணிக்கப் பெட்டியில் நான்கு
கரங்களும் சடைமுடியுமாக அவதரித்தனர். திருவையாற்றிலே தவஞ்செய்து
மகா உருத்திரத்தை எட்டுக்கோடி உருச்செபித்துச், சிவனருள் பெற்றுச்,
சுயசை என்னும் தேவியை மணந்து, திருக்கயிலை யடைந்தவர், திருப்பேரூரில்
இவரது திருவுருவச் செப்புப் படிமத்தில் "பட்டீசுவர சாமியார் வாசற் பிரதானி"
என்று எழுதப் பெற்றுள்ளது. கோவிற் சன்னதியில் முன்னிருக்கும் இடபதேவர்
வேறு. நந்திதேவர் வேறு. சிலர் இவ்விருவரையும் ஒருவரேயாகக் கொண்டு
மயங்குவர்.

நம்பி (317) - (1) சுநதரமூர்த்தி சுவாமிகள் திருநாமங்களில் ஒன்று (2)
ஆதிசைவர் மரபு குறிக்கும் பெயர். நம்பியாண்டார் நம்பி முதலியவை
காண்க. (3) நம்பி - நம்பி அடையப்படுபவன் - சிவபெருமான். இவர்
பெயர் குறிக்கும் "நம்பி" யென்ற திருப்பதிகங் (சுந்தரமூர்த்திகள் (தேவாரம்)
காண்க. நம்பி - குணபூரணன் என்பர்.

நம்பியாண்டார் நம்பி (49) - திருநாரையூரில் ஆதிசைவர்
குலத்துதித்தவர். இவர் தந்தையார் ஒருநாள் வேற்றூர் செல்லத், தாயார்
நிவேதனம் முதலியன செய்து கொடுத்துப் பொல்லாப் பிள்ளையாரைப்
பூசிக்க ஏவினள். நம்பிகள் ஆலயஞ்சென்று பிள்ளையாருக்குத் திருமஞ்சன
மாட்டி, அவரது திருமுன்பு அன்னம் முதலிய நிவேதனங்களைப் படைத்துப்,
புசிக்க வேண்டினர். பிள்ளையார் புசிக்காது வாளா விருக்க, நம்பிகள்
சோர்ந்து தமது தலையைச் சிலைமேல் மோதப் புகுதலும், பிள்ளையார்
தடுத்து நம்பி படைத்த யாவும் உட்கொண்டருளினார். பள்ளிக்குச் செல்லும்
காலம் தாழ்த்தமை அறிவிக்கவும், பிள்ளையார் அவருக்குச் சகல
கலைகலையும் தாமே ஓதுவித்தருளினார். இவ்வற்புதம் அறிந்த அபயகுல
சோழர் திருநாரையூர் வந்து, நம்பிகளை வணங்கிப், பிள்ளையாருக்கு
விசேட பூசைகள் ஆற்றுவித்து, மூவரோதியருளிய தேவாரத் திருமுறைக
ளிருக்கு மிடத்தை அறிய விரும்பி விநாயகர்பாற் கேட்டறிவிக்கும்படி
வேண்டினார். நம்பியார், பிளையார்பாற் கேட்டறிந்தபடி, அத்திருமுறைகள்
தில்லை மேற்குக் கோபுரத்தை யடுத்த திருமதிலில் சேமித்திருக்கிறதாகக்
கூறி, அச்சோழனுடன் திருத்தில்லை சென்று, திருமுறைகளை வெளிப்படுத்திச்,
சிதல் அரித்ததுபோக எஞ்சியவற்றைத் திருமுறைகளாக வகுத்தார். சைவத்
தெய்வத் திருமுறைகளில் முதற் பதினொரு திருமுறை வகுத்தவர் இவரே.
இவர் பாடிய பிரபந்தங்கள் பதினோராந் திருமுறையிலுள்ளன. அவை:-
விநாயகர் திருவிரட்டை மணிமாலை - கோயிற்றிருப்பண்ணியார் விருத்தம் -
திருத்தொண்டர் திருவந்தாதி - நிருநாவுக்கரசர் திருவேகாதச மாலை
என்பனவும், - ஆளுடைய பிள்ளையார் பேரில் திருவந்தாதி, சண்பைத்
திருவிருத்தம், மும்மணிக்கோவை, திரு உலாமாலை, திருக்கலம்பகம்,
திருத்தொகை என்ற இவைகளுமாம். இவர் அருளிய திருத்தொண்டர்
திருவந்தாதியே திருத் தொண்டத்தொகை யென்னும் முதனூலுக்கு வழிநூலாக,
அதன் விரிநூலாகி இத்திருத்தொண்டர் புராணம் திகழ்கின்றது. இவர் சரித
விரிவு திருமுறைகண்ட புராணத்தும் ஏனைய நூல்களிலும் காண்க. இவர்
ஆளுடைய பிள்ளை பேரில் திருவந்தாதி,சண்பைத் திருவிருத்தம்,
மும்மணிக்கோவை, திரு உலாமாலை, திருக்கலம்பகம், திருத்தொகை என்ற
இவைகளுமாம். இவர் அருளிய திருத்தொண்டர் திருவந்தாதியே
திருத்தொண்டத்தொகை யென்னும் முதனூலுக்கு வழிநூலாக, அதன்
விரிநூலாகி இத்திருத்தொண்டர் புராணம் திகழ்கின்றது. இவர் சரித விரிவு
திருமுறைகண்ட புராணத்தும் ஏனைய நூல்களிலும் காண்க. இவர் ஆளுடைய
பிள்ளையாரிடத்து உபாசனைவழியே மிக்க அன்பு பூண்டொழுகி அவர்பால்
விசேடித்த அருள் பெற்றவர். திருமுறை வகுப்பு விவரம், திருத்தொண்டர்
புராண வரலாறு 96-ம் பாட்டிலும் அதன் உரைக் குறிப்பினுங் காண்க.

நரசிங்க முனையரையர் (151) - திருமுனைப்பாடி நாட்டரசர்.
சுந்தரமூர்த்தி சுவாமிகளை மகன்மைகொண்டு வளர்த்தவர்.
பெரியபுராணத்துட் பேசப்பெறுந் தனியடியாரு ளொருவரென்ப.
இவர் சரிதம் இவரது புராணத்துட் காண்க.

நல்லூர் (505 - 506 - 507) - இது சோழநாட்டுத் தலங்களுளொன்று.
அமர்நீதி நாயனார் திருத்தொண்டு செய்தருளிய தலம். வாகீசப்
பெருந்தகையாருக்குத் திருவடி தீக்கை செய்த திருத்தலம்.
தலவிசேடங் காண்க. (பக் - 689).