திருநாவுக்கரசு நாயனார் புராணம் - உரை தேவாரக் குறிப்புக்கள் - தல விசேடங்கள் முதலியவற்றுடன் | தமிழ் இணையக் கல்விக்கழகம் TAMIL VIRTUAL ACADEMY

Primary tabs

முகப்பு

தொடக்கம்

சிறப்புப் பாயிரம்

தொகை

"திருநின்ற செம்மையே செம்மையாக் கொண்ட

திருநாவுக் கரையன்ற னடியார்க்கு மடியேன்"

- திருத்தொண்டர் தொகை

வகை

நற்றவ; னல்லூர்ச் சிவன்றிருப் பாதந்தன் சென்னிவைக்கப்
பெற்றவன்; மற்றிப் பிறப்பற வீரட்டர் பெய்கழற்றா
ளுற்றவ; னுற்ற விடமடை யாரிட வொள்ளமுதாத்
துற்றவ; னாமூரி னாவுந் காசெனுக் தூமணியே.

மணியினை மாமறைக் காட்டு மருந்தினை வண்மொழியாற்
றிணியன நீள்கத வந்திறப் பித்தன; தெண்கடலிற்
பிணியன கன்மிதப் பித்தன; சைவப் பெருநெறிக்கே
யணியன நாவுக் கரையர் பிரான்ற னருந்தமிழே.

- திருத்தொண்டர் திருவந்தாதி

விரி

1266.

திருநாவுக் கரசு, வளர் திருத்தொண்டி னெறிவாழ
வருஞானத் தவமுனிவர் வாகீசர், வாய்மைதிகழ்
பெரு நாமச் சீர்பரவ லுறுகின்றேன் பேருலகி
லொருநாவுக் குரைசெய்ய வொண்ணாமை யுணராதேன்.

திருநின்ற சருக்கம் :- இது, நிறுத்த முறையானே, ஐந்தாவதாகத், திருத்தொண்டத்தொகையினுள் "திருநின்ற"என்று தொடங்கும் நான்காவது திருப்பாசுரத்திலே துதிக்கப்பட்ட அடியார்களின் சரிதங்களைக் கூறும் பகுதி. அந்த அடியவர்களாவார், திருநாவுக்கரையர், குலச்சிறையார், பெருமிழலைக் குறும்பர், பேயரர் (காரைக்காலம்மையார்), அப்பூதியார், நீலநக்கனார், நமிநந்தியார் என்ற எழுவர்.

புராணம் :- இஃது அவ்வெழுவருள் திருநாவுக்கரையர் என்ற திருப்பெயருடைய நாயனாரது சரித வரலாறும் பண்புங் கூறும் பகுதி. மேல் வகுத்த முறையே, இனித், திருநின்ற சருக்கத்தில் முதலாவதாகிய திருநாவுக்கரசு நாயனாரது சரிதங் கூறத் தொடங்குகின்றார்.

தொகை :- நீங்காது நிலைத்த திருவாகிய செம்பொருளையே செவ்விய பற்றுக் கோடாகக் கொண்டருளிய திருநாவுக்கரசு நாயனாருடைய அடியார்களுக்கும் நான் அடியேனாவேன் என்பதாம். திரு - முத்திச்செல்வம். இறைவனது திரு. "போகமுந் திருவும் புணர்ப்பானை" (நம்பிகள் - ஆரூர் - தக்கேசி). நின்ற திரு என மாற்றுக.

முன்பக்கம்

மேல்

அடுத்தபக்கம்

Tags :