Primary tabs
-
தன் மதிப்பீடு : விடைகள் - II2.
பரத்தையிற் பிரிவு ஒழிந்த எஞ்சிய பிரிவுகளுக்கான கிளவித் தொகைகள் எத்தனை? யாவை?
ஓதல் பிரிவு முதலான எஞ்சிய ஐவகைப் பிரிவுகளும் தலைவனால் மேற்கொள்ளப்படும். அத்தகு சூழ்நிலைகளில் நிகழும் கிளவித் தொகைகள் பொதுவானவை. அவை ஒன்பது வகைப்படும். அவையாவன :
(1)பிரிவு அறிவுறுத்தல்:தலைவன் ஒரு காரணம் கருதிப் பிரிந்து செல்ல இருப்பதைத் தோழி தலைவிக்கு உணர்த்துதல்.(2)
பிரிவு உடன்படாமை:அவ்வாறு தலைவன் பிரிய இருப்பதைத் தலைவி ஒப்புக்கொள்ளாமை.(3)
பிரிவு உடன்படுத்தல்:‘சூழ்நிலை கருதித் தலைவன் பிரிந்து செல்லுதல் தவிர்க்க முடியாதது’ என்று கூறும் தோழி, தலைவியை அப்பிரிவுக்கு உடன்படச் செய்தல்.(4)
பிரிவு உடன்படுதல்:தலைவன் பிரிந்து சென்ற பிறகு அதற்காகத் தலைவி வருந்துதல்.(5)பிரிவுழிக் கலங்கல்:தலைவன் தனது இல்லற வாழ்க்கைக்குத் தேவையான பொருள் ஈட்டுதல் காரணமாகப் பிரிதல்.(6)வன்புறை:அவ்வாறு பிரிவுக்கு வருந்தும் தலைவிக்குத் தோழி ஆறுதல் கூறுதல்.(7)வன்பொறை:தோழியின் ஆறுதல் மொழிகளைக் கேட்ட தலைவி, தலைவனின் பிரிவை வலிந்து பொறுத்துக் கொள்ளுதல்.(8)வருவழிக் கலங்கல்:தலைவியைப் பிரிந்து சென்று செயலாற்றிய தலைவன் பணிமுடிந்து மீண்டு வரும் வழியில் தலைவியின் நிலையை எண்ணி வருந்துதல்.(9)வந்துழி மகிழ்ச்சி:பிரிந்து சென்ற தலைவன் திரும்பி வந்த போது தலைவியும், தோழியும் மகிழ்தல்.இவையாவும் ஓதற் பிரிவு முதலான ஐவகைப் பிரிவுகளுக்கும் உரிய பொதுவான கிளவித் தொகைகள் ஆகும்.