Primary tabs
-
A02134 மரபுத் தொடர்
இந்தப் பாடம் என்ன சொல்கிறது?
மரபுத் தொடர் என்பதை இப்பாடம் விளக்குகிறது. அறிஞர்கள் தொன்று தொட்டு எவ்வாறு ஒரு சொல்லை அல்லது பொருளைத் தொடரில் பயன்படுத்தினார்களோ அவ்வாறு பயன்படுத்துவது எவ்வாறு, ஏன் என்பதை விளக்குவதாக இப்பகுதி அமைகிறது.
இந்தப் பாடத்தைப் படிப்பதால் என்ன பயன் பெறலாம்?
இதனைப் படித்து முடிக்கும் போது நீங்கள் கீழ்க்காணும்
திறன்களையும், பயன்களையும் பெறுவீர்கள்.
உண்பது தொடர்பான வினைச் சொற்கள், எழுத்து மாறாச் சொற்கள், இரக்கும் சொற்கள் ஆகிய சொற்களைத் தொடர்களில் பயன்படுத்தும் மரபை அறியலாம்.
ஒரு சொல் பல பொருள், அறியாப் பொருள், இயலாப்
பொருள் ஆகியவற்றைப் பயன்படுத்தும் மரபை அறியலாம்.
ஒரு பொருள் குறித்துவரும் இயற்பெயர், சிறப்புப் பெயர் ஆகியவற்றையும் ஒரு பொருள் பல பெயரையும், மூவகைப் பெயரையும் தொடர்களில் பயன்படுத்தும் மரபையும்
அறியலாம்.
இரட்டைக் கிளவி, அடைமொழி ஆகியவற்றைத்
தொடர்களில் பயன்படுத்தும் மரபை அறியலாம்.
-
4.0 பாட முன்னுரைஒரு பொருளை அறிவுடையவர்கள் எந்த முறையால் எப்படிச்
சொன்னார்களோ அப்பொருளை அச்சொல்லால் அவர்கள்
சொல்லிய முறையிலேயே சொல்வது மரபு ஆகும்.
விலங்கு/பறவை இளமைப் பெயர்
குதிரை, ஆடு, கழுதை
குரங்கு, பாம்பு, பூனை - குட்டி
பசு, ஒட்டை, கவரி - கன்று
புலி, நாய், நரி, பன்றி
மான், முயல் - குருளை
அணில், கீரி - பிள்ளை
பறவை - குஞ்சு
விலங்கு/பறவை எழுப்பும் ஒலி
குதிரை - கனைத்தல்
கழுதை, மாடு, ஆடு - கத்துதல்
நாய் - குரைத்தல்
நரி, ஓநாய் - ஊளையிடல்
யானை - பிளிறுதல்
இவ்வாறு குதிரைக் குட்டி என்றும் குதிரை கனைத்தது
என்றும் கூறுதலே அறிவுடையோர் தொன்று தொட்டு
கடைப்பிடித்து வரும் மொழி வழக்காகும். மொழியின்
பல்வேறு கூறுகளில் இம்மரபு எவ்வாறு
கடைப்பிடிக்கப்படுகிறது என்பதை இனி அறியலாம்.
எப்பொருள் எச்சொலின் எவ்வாறு உயர்ந்தோர்
செப்பினர் அப்படிச் செப்புதல் மரபே
(நன்னூல் - 388)