Kalithogai

Primary tabs

கணபதி துணை
முகவுரை.

சீரார் கலித்தொகைக்குச் செவ்வன் குறிப்பெழுதி
நீரார் கலிசூழ் நிலத்தவர்க்குப் - பேரார்வ
முற்றளிக்க வேண்டுளமே ¹ யோர்மருப்பன் றாண்முதலைப்
பற்றளிக்கு மக்கற் பகம்.

கலித் தொகை யென்பது, சங்கச் செய்யுட்களென்று தமிழ்மக்களால் நன்குமதித்துக் கொண்டாடப்பெறும் கடைச்சங்ககாலத்துப் பனுவல்களுள் ஒரு பிரிவாகிய எட்டுத்தொகையில் ஆறாவதென்பர்.

‘‘நற்றிணை நல்ல குறுந்தொகை யைங்குறுநூ
றொத்த பதிற்றுப்பத் தோங்கு பரிபாடல்
கற்றறிந்தார் ² போற்றுங் கலியோ டகம்புறமென்
றித்திறத்த வெட்டுத் தொகை’’

என்னும் வெண்பாவின் வைப்பு முறை இதற்குக் காரணமாகும்.

இதனை மேற்கணக்கினுள் ஒன்றென்பர் பன்னிரு பாட்டியலுடையார்; இசைப்பாட்டாகிய செந்துறை மார்க்கத்த தென்பர் நச்சினார்க்கினியர்.

இது சொற்சுவை பொருட்சுவைகளில் மிகச் சிறந்தது.

‘‘கற்றறிந்தார் போற்றுங் கலி’’ -என்றும்
³‘‘திருத்தகு மாமுனிசிந் தாமணிகம்பன்
விருத்தக் கவிவளமும் வேண்டேம்-திருக்குறளோ

1. ஓர் மருப்பனென்றது, திருவல்லிக்கேணிப் பெரியதெருவில் எழுந்தருளியிருக்கும் கற்பக விநாயக மூர்த்தியை.

(பிரதிபேதம்) 2. ஏத்துங் கலியே யகம், கூறுங் கலியோடு, சொல்லுங் கலியோடு.

3. முகவுரையில் இக்குறியிடப்பெற்ற வெண்பாக்கள், சில ஏட்டுப் பிரதிகளின் முன் உள்ளன. இவை வித்தியாபானு செந்தமிழென்னும் பத்திரிகைகளிலும் சிலவேறுபாட்டோடு முன்பு வெளிவந்துள்ளன. இவ்வெண்பாவொன்றும் சீவகசிந்தாமணியினிறுதியில் ‘‘திருத்தக்க மாமுனிசிந் தாமணி கம்பர், விருத்தக் கவித்திறமும் வேண்டே - முருத்தக்க, கொங்குவேண் மாக்கதையைக் கூறேங் குறளணுகே, மெங்கெழிலென் ஞாயிறெமக்கு’’ என மிக்க வேறுபாட்டோடு காணப்படுகிறது.

முன்பக்கம்

மேல்

அடுத்த பக்கம்

Tags :