Primary tabs
(இ-ள்.) இன்னணம் - இவ்வண்ணம், அரச செல்வத்து யசோமதி செல்லும் நாளில் - ராஜசெல்வத்தில் யசோமதி வேந்தன் இன்பம் நுகரும் நாளில், பொன்இயல் அணிகொள் புட்பாவலி எனும் பொங்குகொங்கை - திருமகளனைய அழகுவாய்ந்தவளும் புட்பாவலி யென்னும்
அரசமாதேவி, முதலில் இரட்டைப்பிள்ளைகளையும் பின்னர் ஓர் ஆண்மகவையும் பெற்றாளென்க,
பொன்இயல் அணி - பொன்னாலாகிய ஆபரணமெனினுமாம். இரட்டையாகும் இளையருள் ஒருவர் ஆண்: மற்றவர்பெண். இது முன்னர் அறியலாகும். பேதை - பெண் பொங்கு கொங்கை - அன்மொழித் தொகை. தான், அசை.
(இ-ள்.) அன்னவர் தம்முள் முன்னோன் - அவ்விரட்டையருள் முன் பிறந்தவன், அபயமுன் உருசி - அபயருசி என்பவன்: தங்கை - அவனுடைய தங்கையாகிய,அன்னம் மெல் நடையினாளும் அபயமுன் மதி என்பாள் ஆம் - அன்னத்தின் நடைபோலும் மெல்லிய நடையினையுடையளாகிய அபயமதி யென்பவளாவாள்: அவர் வளரும்நாளுள் - அவ்விருவரும் வளர்ந்துவரும் நாட்களில்,பின் பிறந்தவன் - பின்னர்ப் பிறந்தவனாகிய, நிறம்கொள்பைந்தார் இன்இளங் குமரன் நாமம் - நன்னிறமுடைய புதிய பூமாலையுடைய இனிய இளையோனதுபெயர், இசோதரன் என்பது ஆகும் - யசோதரன் என்பதாம்.
1 முன்னா