வெள்ளிக்கீழ் மேய நாயனார் கோயில்

குன்றத்தூர்

சைவம்-சிவபெருமான்

இந்துசமய அறநிலையத்துறையின் கீழ் வழிபாட்டில் உள்ளது.

சென்னை தாம்பரத்திலிருந்து குன்றத்தூர் வழியாக மாங்காடு செல்லலாம். சென்னை கோயம்பேடு பேருந்து நிலையத்திலிருந்து குமணன் சாவடி வழியாக மாங்காடு சென்றடையலாம். மாங்காடு காமாட்சி அம்மன் கோயிலின் உபகோயிலாக இக்கோயில் விளங்குகிறது. இக்கோயில் முழுவதும் புனரமைக்கப்பட்டுள்ளது. கருவறை தேவகோட்டங்களில் சோழர்கால சிற்பங்கள் இடம்பெற்றுள்ளன. கருவறை சதுர வடிவில் அமைந்துள்ளது. விமானம் தளப்பகுதி தற்போது சுதையால் வடிவமைக்கப்பட்டுள்ளது. கருவறையில் இலிங்கவடிவில் இறைவன் காட்சியளிக்கிறார். மாங்காடு வெள்ளீசுவரர் கோயில் தாங்குதளம் முதல் கூரை வரை கற்றளியாகவும், தளப்பகுதி தற்போது புனரமைக்கப்பட்ட சுதையாலும் அமைக்கப்பட்டுள்ளது. இக்கோயில் பல்லவர் காலத்திலேயே கற்றளியாய் இருந்திருக்க வேண்டும். இங்கு மூன்றாம் நந்திவர்மனின் 17-ஆம் ஆட்சியாண்டு கல்வெட்டு இங்குள்ள இறைவனை திருவெள்ளிக்கீழ் மேய நாயனார் என்கிறது. மேலும் அபராஜிதவர்மப் பல்லவனின் கிரந்தக் கல்வெட்டுகளும் உள்ளன. அதன் தொடர்ச்சியாக சோழர் காலத்தில் இக்கோயில் தற்போது உள்ள நிலையில் சிற்பங்களும், கோயில் அமைப்புமாக புனரமைக்கப்பட்டுள்ளது. இக்கோயில் சிற்பங்களை நோக்குகையில் பல்லவர்-சோழர் கால கலை பிரதிபலிப்பைக் காட்டுகின்றது. மேலும் விஜயநகர ஆட்சியின் போது இரண்டாம் தேவராயனும், பிரதாப தேவராயனும் இக்கோயிலுக்கு நொந்தா விளக்கெரிக்க கொடையளித்துள்ளனர். எனவே பல்லவர், சோழர், விஜயநகரர் ஆகிய மன்னர்களின் தொடர்ச்சியான கலைப்பாணியைப் பெற்று இக்கோயில் விளங்குகிறது. முகமண்டபத்தில் அமைக்கப்பட்டுள்ள தூண்களில் விஜயநகர காலத்து புடைப்புச் சிற்பங்கள் குறிப்பாக அமர்ந்த நிலையில் உள்ள சிங்கம் காட்டப்பட்டுள்ளது.

கி.பி.9-12-ஆம் நூற்றாண்டு / மூன்றாம் நந்தி வர்மன், அபராஜித வர்மன், மூன்றாம் இராஜராஜ சோழன்

இல்லை

இக்கோயில் முழுவதும் புனரமைக்கப்பட்டுள்ளது. கருவறை தேவகோட்டங்களில் சோழர்கால சிற்பங்கள் இடம்பெற்றுள்ளன. கருவறை சதுர வடிவில் அமைந்துள்ளது. விமானம் தளப்பகுதி தற்போது சுதையால் வடிவமைக்கப்பட்டுள்ளது. கருவறை திருமுன்னில் சோழர்கால வாயிற்காவலர்கள் காட்டப்பட்டுள்ளனர். கருவறையில் இலிங்கவடிவில் இறைவன் காட்சியளிக்கிறார்.

அருள்மிகு வெள்ளீசுவரர் திருக்கோயில், மாங்காடு-600 122, சென்னை.

காலை 6.00-12.30 மாலை 4.00-8.30

குமணன் சாவடி, மாங்காடு

சென்னை மீனம்பாக்கம்

மாங்காடு கோயில்கள்