Primary tabs
-
A02135 வினா, விடை, பொருள்கோள்
இந்தப் பாடம் என்ன சொல்கிறது?
இந்தப் பாடம் வினா, விடை, பொருள்கோள் ஆகியன பற்றியும் அவற்றின் வகைகளைப் பற்றியும் விளக்குகிறது.இந்தப் பாடத்தைப் படிப்பதால் என்ன பயன் பெறலாம்?
இதனைப் படித்து முடிக்கும்போது நீங்கள் கீழ்க்காணும்
திறன்களையும் பயன்களையும் பெறுவீர்கள்.
வினாவைப் பற்றியும் அவற்றின் வகைகளைப் பற்றியும்
அறியலாம்.
விடைகளைப் பற்றியும் அவற்றின் வகைகளைப் பற்றியும் அறியலாம்.
பொருள்கோள் செய்யுளுக்கு உரியது என்பதைப் பற்றியும் அவற்றின் வகைகளைப் பற்றியும் அறியலாம்.
-
5.0 பாட முன்னுரை
தொடர்களை வினையெச்சத் தொடர், பெயரெச்சத் தொடர்,
எழுவாய்த் தொடர் எனப் பிரிப்பது போல வினாத்தொடர்,
விடைத் தொடர் என்றும் பிரிக்கலாம். இவ்வாறு
பிரிப்பது பேச்சு வழக்கு, செய்யுள் வழக்கு இரண்டிற்கும்
பொதுவானது.
செய்யுளில் இடம்பெறும் தொடர்களைப் பொருள்
கொள்வதற்கான வழிமுறைகளைக் குறிப்பிடுவது,
பொருள்கோள்என்பதாகும். தமிழில் செய்யுள் தொடர்களைப்
பொருள் கொள்வதற்கும், உரைநடைத் தொடர்களைப் பொருள்
கொள்வதற்கும் வேறுபாடு உள்ளது. உரைநடை என்பது
தொடர் அமைப்பில் பேச்சு வழக்கோடு நெருங்கிய
தொடர்புடையது என்பது குறிப்பிடத்தக்கது.