Primary tabs
உலகம் ஒரு நிறையாத் தான் ஓர்
நிறையாப்
புலவர் புலக் கோலால் தூக்க, உலகு
அனைத்தும்
தான் வாட, வாடாத
தன்மைத்தே-தென்னவன்
நான்மாடக் கூடல் நகர்.
இதுவும், இதனைத் தொடர்ந்து வரும் ஐந்தும்
(7-11) புறத்திரட்டில் நகர் என்னும் பகுதியில் உள்ளன.
7. மதுரை
மாயோன் கொப்பூழ் மலர்ந்த
தாமரைப்
பூவொடு புரையும், சீர் ஊர்; பூவின்
இதழகத்து அனைய தெருவம்; இதழகத்து
அரும் பொகுட்டு அனைத்தே, அண்ணல்
கோயில்;
5
தாதின் அனையர், தண் தமிழ்க்
குடிகள்;
தாது உண் பறவை அனையர், பரிசில்
வாழ்நர்;
பூவினுள் பிறந்தோன் நாவினுள்
பிறந்த
நான்மறைக் கேள்வி நவில் குரல்
எடுப்ப
ஏம இன் துயில் எழுதல் அல்லதை,
10
வாழிய வஞ்சியும் கோழியும்
போலக்
கோழியின் எழாது, எம் பேர் ஊர்
துயிலே.
8. மதுரை
தண் தமிழ் வேலித்
தமிழ்நாட்டகம் எல்லாம்
நின்று நிலைஇப் புகழ் பூத்தல்
அல்லது,
குன்றுதல் உண்டோ மதுரை-கொடித்
தேரான்
குன்றம் உண்டாகும் அளவு?
9. மதுரை
செய்யாட்கு இழைத்த
திலகம்போல், சீர்க்கு ஒப்ப,
வையம் விளங்கிப் புகழ் பூத்தல்
அல்லது,
பொய்யாதல் உண்டோ மதுரை-புனை
தேரான்
வையை உண்டாகும் அளவு?
10. மதுரை
கார்த்திகை காதில் கன மகர
குண்டலம்போல்,
சீர்த்து விளங்கித் திருப்
பூத்தல் அல்லது,
கோத்தை உண்டாமோ மதுரை-கொடித்
தேரான்
வார்த்தை உண்டாகும் அளவு?
11. மதுரை
ஈவாரைக் கொண்டாடி, ஏற்பாரைப்
பார்த்து உவக்கும்-
சேய் மாடக் கூடலும், செவ்வேள்
பரங்குன்றும்,
வாழ்வாரே வாழ்வார்
எனப்படுவார்; மற்றையார்
போவார் ஆர், புத்தேள் உலகு?