Yasodara Kavium

தூய வுணவு கொடுப்பார்களாயின், ‘முறைப்படி ஏற்று உண்ணுவாம்‘ என்ற நியமமுடையவராதலின், ‘இல்லரவரெதிர்கொண்டீயின் எதிர்கொளுண்டியருமாகி’ என்றார்.  எதிர்கொண்டீயாக்கல் உண்ணாவிரதத்தை மேற்கொள்ளுவாம் என்ற நியமம் உடையார் என்பது இங்குப்பெறப்படும்.  நல்லற அமிர்து-சுதத்தாசாரியர் மொழிந்த அறவுரையாகிய அமிர்தம்; பிறவாநெறியாகிய முக்திநெறிக்குக் காரணமாதலின் அறம் அமிர்தமெனப்பட்டது. அமிர்தம்-சாவாமை. ‘சாவாமருந்து’ என்றார்(குறள்.82-ல்) தேவரும். அறத்தை அமிர்தென்றலை, ஊட்டரும் அறவமிர்துலகமுண்டதே‘,* ‘அறவியான்றானும் அறவமிர்தீந்தான’¹ எனப்பலவிடத்தும் காணலாம். நல்லறவமிர்தம் என்பது உருவகம்.  பாதங்கழுவுதல், பாதபூசை செய்தல், உச்சஸ்தானத்திருத்தல் தவிர மற்றவை உபாசகர்களுக்கும் உண்டு.  (24)                                

மன்னவனேவல் பெற்ற சண்டகருமன் இளைஞர்களைக்

கண்டு கலங்குதல்

(இ-ள்.) அண்டலர் எனினும் - பகைவரேயாயினும், கண்டால் - நேரில் கண்டால், அன்புவைத்து - (பகைமை நீங்கி) அன்புகொண்டு, அஞ்சும் - (தீங்குபுரிதற்கு) அஞ்சத்தக்க, நீரார்-தன்மையினையுடைய இளைஞரிருவரையும்,சண்டகருமனும் - ‘கண்டனன் - கண்டான்; கண்டுமனங்கலங்கா -கண்டு மனங்கலங்கி, ‘ (இவ்விருவரும்), புண்டரீகத்தின்கொம்பும் - தாமரையில் வாழுந் திருமகளும், பொருவு இல்மன்மதனும் - ஒப்பில்லாமன்மதனும், போன்று - ஒத்து, (மிக அழகிய வுருவத்துடன்), இளம்பருவம்,