TVU

காவியம் என்றவுடனே கம்பராமாயணந்தான் அனைவர் நினைவுக்கும் வரும்
வகையில் நிலைமை வளர்ந்தோங்கியுள்ள தமிழகத்தில், காவியம் என்றவுடனே அது
இராவண காவியம் என்று கூறும் நிலைக்கு மாற்றங் கண்டிருக்கின்றோம்.

இதுவே பெரும் வெற்றிதான்,

இராவண காவியம், தமிழகக் காண்டம்; இலங்கைக் காண்டம்; விந்தக் காண்டம்;
பழிபுரி காண்டம்; போர்க் காண்டம் என்னும் அய்ந்து காண்டங்களைக் கொண்டு
திகழ்கின்றது.

தமிழகக் காண்டம் எட்டுப் படலங்களையும்; இலங்கைக் காண்டம் எட்டுப்
படலங்களையும்; விந்தக் காண்டம் பதினொரு படலங்களையும்; பழிபுரி காண்டம்
பன்னிரண்டு படலங்களையும்; போர்க் காண்டம் பதினெட்டுப் படலங்களையும்
கொண்டு திகழ்கின்றது.

தமிழகக் காண்டம் நானூற்று அய்ம்பத்து நான்கு பாட்டுகளையும்; இலங்கைக்
காண்டம் அய்ந்நூற்றிருபத்து நான்கு பாட்டுக்களையும்; விந்தக் காண்டம்
அறுநூற்றைம்பத்தாறு பாட்டுக்களையும்; பழிபுரி காண்டம் அறுநூற்று முப்பத்தாறு
செய்யுள்களையும்; போர்க் காண்டம் எண்ணூற்று முப்பது பாடல்களையும் ஆக
மூவாயிரத்து நூறு பாடல்கள் பாடப் பெற்றுளது இந்நூலில்.

இந்நூலுள் அறுசீர் விருத்தம்; அறுசீர்க் கட்டளை விருத்தம்; எழுசீர் விருத்தம்;
எண்சீர் விருத்தம்; கலி விருத்தம்; கலித்துறை: வஞ்சி விருத்தம்; வஞ்சித் துறை;
கொச்சகம் ஆகிய பாவினங்கள் கையாளப் பெற்றுள்ளன.

பாவேந்தர் பாரதிதாசன்; பேரறிஞர் அண்ணா; முத்தமிழறிஞர் கலைஞர் ஆகிய
அறிஞர் பெருமக்கள் அணிந்துரை வழங்கியுள்ளனர்.