Primary tabs
kiLLimagkalagkizAr
76. kuRijci
kAn'taL vEli Ogku malai n'al n'ATTuc
celpa enpavO, kal varai mArpar-
cilampil cEmpin alagkal vaL ilai
perug kaLiRRuc ceviyin mAnat taii,
taN varal vATai tUkkum
kaTum pani aRciram n'aTugku ajar uRavE.
pirivuNarttac cenRa tOzikku avar pirivu munnar uNarn'ta talaimakaL colliyatu.- kiLLimagkalagkizAr
110. mullai
vArAr Ayinum, varinum, avar n'amakku
yAr AkiyarO-tOzi!-n'Ira
n'Ilap paim pOtu uLari, putala
pIli oN poRik karuviLai ATTi,
n'uN muL Igkaic cev arumpu Uztta
vaNNat tuym malar utira, taNNenRu
innAtu eRitarum vATaiyoTu
en AyinaLkol ennAtOrE?
paruvag kaNTu azin'ta talaimakaL tOzikku uraittatu; talaimakanaik koTumai kURit talaimakaLait tOzi vaRpuRIiyatUum Am. - kiLLimagkalag kizAr
152. kuRijci
yAvatum aRikilar, kazaRuvOrE-
tAy il muTTai pOla, uTkiTan'tu
cAyin allatu, piRitu evan uTaittE?
yAmaip pArppin anna
kAmam, kAtalar kaiyaRa viTinE,
varaivu n'ITTittavazi ARRALAkiya talaimakaL, 'n'I ARRukinRilai' enRu.n'erugkiya tOzikkuc colliyatu. - kiLLimagkalag kizAr
181. kuRijci
itu maRRu evanO-tOzi!-tuniyiTai
innar ennum innAk kiLavi-
iru maruppu erumai InRaNik kArAn
uzavan yAtta kuzaviyin akalAtu,
pAal paim payir Arum Uran
tiru manaip pal kaTam pUNTa
peru mutu peNTirEm Akiya n'amakkE?
talaimakan parattaiyiR pirin'tavazi ARRALAkiya talaimakaL ARRal vENTit tOzi iyaRpazittavazi, talaimakaL iyaRpaTa mozin'tatu. - kiLLimagkalagkizAr