Primary tabs
71-80
71
cUtu Ar kuRun' toTic cUr amai n'uTakkattu
n'in veg kAtali tazIi, n'erun'ai
ATinai enpa, punalE; alarE
maRaittal ollumO, makizn'a?
5
putaittal ollumO jAyiRRatu oLiyE?
parattaiyarOTu punalATinAn enak kETTup pulan'ta talaimakaL talaimakan atanai illai enRu maRaittuzic colliyatu. 1
72
vayal malar Ampal kayil amai n'uTagku tazait
titalai alkul, tuyalvarum kUn'tal,
kuvaLai uNkaN, Eer melliyal
malar Ar malirn'iRai van'tena,
5
punal ATu puNartuNai AyinaL, emakkE.
talaimakaL pulavi n'Ikkit tannOTu putup punal ATa vENTiya talaimakan kaLavuk kAlattup punalATTu n'ikazn'tatanai avaL kETpat tOzikkuc colliyatu. 2
73
vaNNa oN tazai n'uTagka, vAl izai
oNNutal arivai paNNai pAyn'tena,
kaL n'aRug kuvaLai n'ARit
taNNenRicinE perun' tuRaip punalE.
ituvum atu. 3
74
vicumpu izi tOkaic cIr pOnRicinE
pacum pon avir izai paiya n'izaRRa,
karai cEr marutam ERip
paNNai pAyvOL taN n'aRug katuppE.
ituvum atu. 4
75
palar ivaN ovvAy, makizn'a! atanAl,
alar toTagkinRAl UrE malara
tol n'ilai marutattup perun' tuRai,
n'innOTu ATinaL, taN punal atuvE.
parattaiyOTu punalATi van'ta talaimakan atanai maRaittuk kURiyavazit tOzi kURiyatu. 5
76
paijcAyk kUn'tal, pacu malarc cuNagkin
taN punalATi, tan n'alam mEmpaTTanaL
oN toTi maTavaral, n'innOTu,
an'tara makaLirkkut teyvamum pOnRE.
ituvum atu. 6
77
amma vAziyO, makizn'a! n'in mozival:
pEr Ur alar eza, n'Ir alaik kalagki,
n'innoTu taN punal ATutum;
emmoTu cenmO; cellal, n'in manaiyE.
mun oru jAnRu talaiviyOTu punalATinAn enakkETTu, ' ivanuTan ini ATEn' ena uTkoNTa parattai, ' putuppunal ATap pOtu' enRa talaimakaRkuc colliyatu. 7
78
katir ilai n'eTu vEl kaTu mAn kiLLi
matil kol yAnaiyin, katazpu, n'eRi van'ta,
ciRai azi putuppunal ATukam;
emmoTu koNmO, em tOL purai puNaiyE.
ituvum atu. 8
79
'putup punal ATi amartta kaNNaL,
yAr makaL, ivaL?' enap paRRiya makizn'a!
yAr makaLAyinum aRiyAy;
n'I yAr makanai, em paRRiyOyE?
tannOTu kUTAtu tanittup punalATukinRAn enak kETTu, talain'inRu ozukap paTAn'inRa parattai tAnum taniyE pOyp punalATinALAka, avaLai UTal tIrttaR poruTTAkat talaimakan cenRu, tAn aRiyAn pOla n'akaiyATik
80
pulakkuvem allEm; poyyAtu uraimO:
n'alattaku makaLirkkut tOL tuNai Aki,
talaip peyal cem punal ATit
tava n'ani civan'tana, makizn'a! n'in kaNNE.
tannai oziyap putuppunalATit tAzttu van'ta talaimakanOTu talaimakaL pulan'tu colliyatu. 10