Primary tabs
151-160
151
veLLAgkurukin piLLai cettena,
kANiya cenRa maTa n'aTai n'Arai
mitippa, n'akka kaN pOl n'eytal
kaL kamazn'tu AnAt tuRaivaRku
5
n'ekka n'ejcam n'ErkallEnE.
vAyil vENTiya tOzikku talaimakaL vAyil maRuppAL colliyatu. 1
152
veLLAgkurukin piLLai cettena,
kANiya cenRa maTa n'aTai n'Arai
kaiyaRupu iraRRu kAnal am pulampan'
tuRaivan varaiyum enpa;
5
aRavan pOlum; aruLumAr atuvE.
talaimakaL vAyil maRuttuzi, 'ivan n'inmEl toTarcciyil kuRaivilan; aruLum uTaiyAn; AtalAl n'I ivanOTu pulattal takAtu' ena n'erugki, vAyil n'Ervikkum tOzikku avaL colliyatu. 2
153
veLLAgkurukin piLLai cettena,
kANiya cenRa maTa n'aTai n'Arai
uLara, ozin'ta tUvi kuvavu maNal
pOrvil peRUum tuRaivan kENmai
5
n'aln'eTug kUn'tal n'ATumO maRRE?
parattaiyiR pirin'tu vAyil vENTiya talaimakan kETkumARRAl vAyilAyp pukun'tARkut tOzi kURiyatu. 3
154
veLLAgkurukin piLLai cettena,
kANiya cenRa maTa n'aTai n'Arai
kAnal cEkkum tuRaivanOTu
yAn evan ceykO? poykkum iv UrE?
tOzi vAyil vENTi n'erugkiyavazi, vAyil maRukkum talaimakaL colliyatu. 4
155
veLLAgkurukin piLLai cettena,
kANiya cenRa maTa n'aTai n'Arai
pataippa, tatain'ta n'eytal kaziya
OtamoTu peyarum tuRaivaRkup
5
paijcAyp pAvai InRanen, yAnE!
pala vaziyAnum vAyil n'ErALAkiya talaimakaL, 'makap pERRiRku urittAkiya kAlam kaziya ozukukinRAy' ena n'erugkiya tOzikkuc colliyatu. 5
156
veLLAgkurukin piLLai cettena,
kANiya cenRa maTa n'aTai n'Arai
pataippa, ozin'ta cem maRut tUvi
teN kazip parakkum tuRaivan
5
enakkO kAtalan; anaikkO vERE!
parattaiyiTattu vAyil viTTu ozukukinRa talaimakanatu vAyilAy van'tArkkut tOzi vAyil maRuttatu. 6
157
veLLAgkurukin piLLai cettena,
kANiya cenRa maTa n'aTai n'Arai
kAlai irun'tu mAlaic cEkkum
teN kaTaR cErppanoTu vArAn,
5
tAn van'tanan, em kAtalOnE!
parattaiyiR pirin'tu vAyil vENTi ozukukinRa talaimakan, 'putalvan vAyilAka varum' enak kETTu, ajciya talaimakaL putalvan viLaiyATit tanittu van'tuzic colliyatu. 7
158
veLLAgkurukin piLLai cettena,
kANiya cenRa maTa n'aTai n'Arai
kAnal am perun' tuRait tuNaiyoTu koTkum
taNNam tuRaiva! kaNTikum,
5
am mA mEni em tOziyatu tuyarE.
parattai pulan'tuzip pulavi n'IkkuvAnAy, aHtu iTamAka van'tamai aRin'ta tOzi talaimakaRku vAyil maRuttatu. 8
159
veLLAgkurukin piLLai cettena,
kANiya cenRa maTa n'aTai n'Arai
paci tina, alkum pani n'Irc cErppa!
n'in onRu irakkuven allEn;
5
tan'tanai cenmO koNTa ivaL n'alanE?
maRAmaRporuTTu uNTik kAlattu vAyil vENTi van'ta talaimakaRkut tOzi kURiyatu. 9
160
veLLAgkurukin piLLai cettena,
kANiya cenRa maTa n'aTai n'Arai
n'on'tatan talaiyum n'Oy mikum tuRaiva!
paNTaiyin mikap peritu inaii,
5
muyagkumati, peruma! mayagkinaL peritE!
pulan'ta kAtal parattai pulavi tIrAtu talaimakan vAyil vENTi van'tAn enRatu aRin'ta talaimakaL vAyil maRuttatu. 10