Primary tabs
171-180
171
tirai imiz in icai aLaii, ayalatu
muzavu imiz in icai maRukutoRu icaikkum
toNTi anna paNait tOL,
oN toTi, arivai en n'ejcu koNTOLE!
iyaRkaip puNarcci puNarn'tu n'Igkum talaimakan AyattOTu collum talaimakaLaik kaNTu colliyatu. 1
172
oN toTi arivai koNTanaL, n'ejcE!
vaNTu imir panit tuRait toNTi AgkaN
uravuk kaTal olit tirai pOla,
iravinAnum tuyil aRiyEnE!
'kaN tuyilkinRilai; itaRkuk kAraNam en?' enRu vinaviya pAgkaRkut talaimakan colliyatu. 2
173
iravinAnum in tuyil aRiyAtu
aravu uRu tuyaram eytupa toNTit
taN n'aRu n'eytal n'ARum
pin irug kUn'tal aNagkuRROrE.
talaimakan kuRivazic cenRu talaimakaLaik kaNTa pAgkan tannuLLE colliyatu. 3
174
aNagkuTaip panit tuRait toNTi anna
maNam kamaz pozil kuRi n'alkinaL n'uNagkuizai
pogku ari paran'ta uNkaN,
am kaliz mEni acaiiya emakkE.
kuRivazic cenRu talaimakaLaik kaNTu van'ta pAgkan, 'avaL n'inRuzi n'inRAL' enRu kURiyavazi, ANTuc cellak karutiya talaimakan tannuLLE colliyatu. 4
175
emakku n'ayan'tu aruLinaiAyin, paNait tOL
n'al n'utal arivaiyoTu menmela iyali,
van'ticin vAziyO, maTan'tai!
toNTi anna n'in paNpu pala koNTE.
pAgkaR kUTTag kUTi n'Igkum talaimakan, 'ini varumiTattu n'in tOziyOTum vara vENTum' enat talaimakaTkuc colliyatu. 5
176
paNpum pAyalum koNTanaL toNTit
taN kamaz putu malar n'ARum oN toTi,
aitu amain'tu akanRa alkul,
koy taLir mEni! kURumati tavaRE.
talaimakaLum tOziyum orugku n'inRuzic cenRa talaimakan, 'ivaL ennai ivai kOTaRkuk kAraNam en?' enRu tOziyai vinAviyatu. 6
177
tavaRu ilarAyinum, panippa manRa
ivaRu tirai tiLaikkum iTu maNal n'eTug kOTTu
muNTaka n'aRu malar kamazum
toNTi annOL tOL uRROrE.
talaimakaLum tOziyum orugku n'inRuzi, 'ivaL ennai varuttutaRkuc ceyta tavaRu en?' enRu vinAya talaimakaRkut tOzi n'akaiyATic colliyatu. 7
178
tOLum kUn'talum pala pArATTi,
vAztal ollumO maRRE cegkOl
kuTTuvan toNTi anna
eR kaNTu n'ayan'tu n'I n'alkAkkAlE?
talaimakan tOziyai iran'tu kuRaiyuRuvAn colliyatu. 8
179
n'alkumati, vAziyO! n'aLi n'Irc cErppa!
alavan tAkkat tuRai iRAp piRazum
in olit toNTi aRRE,
n'in alatu illA ivaL ciRu n'utalE.
kuRiyiTattu van'tu puNarn'tu n'Igkum talaimakanait tOzi etirppaTTu varaivu kaTAyatu.
180
ciRu n'aNi varain'tanai koNmO perun'Ir
valaivar tan'ta kozumIn valcip
paRai tapu mutu kuruku irukkum
tuRai kezu toNTi anna ivaL n'alanE.
tAzttu varaiyak karutiya talaimakanait tOzi n'erugki, 'kaTitin varaiya vENTum' enac colliyatu. 10