Primary tabs
321-330
321
ulaRu talaip parun'tin uLi vAyp pETai
alaRu talai Omai am kavaTTu ERip
pulampu koLa viLikkum n'ilam kAy kAnattu,
mozipeyar pal malai iRappinum,
5
ozital cellAtu oNToTi kuNanE.
pirin'tu pOkAn'inRa talaimakan iTaiccurattut talaimakaL kuNam n'inain'tu iragkic colliyatu. 1
322
n'eTug kazai muLiya vEnil n'ITi,
kaTug katir jAyiRu kal pakat teRutalin,
veyya Ayina, munnE; iniyE,
oL n'utal arivaiyai uLLutoRum
5
taNNiya Ayina, curattiTai ARE!
iTaic curattukkaN talaimakan talaimakaL kuNam n'inaittalil tanakku uRRa vemmai n'Igkiyatu kaNTu colliyatu. 2
323
vaL eyiRRuc cen'n'Ay vayavu uRu piNaviRkuk
kaLLiam kaTattiTaik kEzal pArkkum
vej curak kavalai n'In'ti,
van'ta n'ejcam! n'I n'ayan'tOL paNpE.
iTaic curattut talaimakaL kuNam n'inain'ta talaimakan, 'avaL paNpu van'tana' ena uvan'tu, tan n'ejciRkuc colliyatu. 3
324
eri kavarn'tu uNTa enRUz n'IL iTaic
ciRitu kaNpaTuppinum, kANkuven manRa
n'aLLen kagkul, n'aLi manai n'eTu n'akar,
vEgkai venRa cuNagkin
5
tEm pAy kUn'tal mAayOLE.
pirin'tu van'ta talaimakan talaimakaLai n'alam pArATTak kaNTa tOzi, 'ivaL kuNattinai maRan'tu amain'tavARu yAtu?' ena vinAvinATku avan colliyatu. 4
325
vEnil araiyattu ilai oli verIi,
pOkil pukA uNNAtu, piRitu pulam paTarum
vempu alai aruj curam n'aliyAtu
em veg kAtali paNpu tuNaip peRRE.
pirin'tuvan'ta talaimakan, 'curattin vemmai egganam ARRinIr?' enRa tOzikkuc colliyatu. 5
326
azal avir n'anan' talai n'izal iTam peRAtu,
maTa mAn am piNai maRiyoTu tiragka,
n'Ir marugku aRutta n'irampA iyavin
innA manRa, curamE;
5
iniya manRa, yAn ozin'tOL paNpE!
iTaiccurattu vemmai ARRAnAkiya talaimakan talaimakaL kuNam n'inain'tu, n'on'tu colliyatu. 6
327
poRi varit taTak kai vEtal ajci,
ciRu kaN yAnai n'ilam toTal cellA;
veyil muLi cOlaiya, vEy uyar curanE;
anna Ar iTaiyAnum,
5
taNmai ceyta, it takaiyOL paNpE!
pirin'ta talaimakan iTaiccurattinkaN talaimakaL kuNam n'inain'tu, iragkic colliyatu. 7
328
n'uN mazai taLittena n'aRu malar tAayt
taNNiya Ayinum, veyya manRa
maTavaral in tuNai oziyak
kaTam mutir cOlaiya kATu iRan'tERkE.
'mazai vIztalAl curam taNNenRatu; ini varuttam inRip pOkalAm' enRa uzaiyarkkut talaimakan colliyatu. 8
329
AL vazakku aRRa pAzpaTu n'anan' talai
vem munai aruj curam n'In'ti, n'ammoTu
maRutaruvatukol tAnE ceRitoTi
kazin'tu uku n'ilaiya Aka
5
ozin'tOL koNTa, en uram kezu, n'ejcE?
iTaiccurattinkaN mILaluRum n'ejcinai n'on'tu, talaimakan uzaiyarkkuc colliyatu. 9
330
ven' tukaL Akiya veyil kaTam n'In'ti,
van'tanam Ayinum, ozika inic celavE!
azuta kaNNaL Ayn'alam citaiyak
katir teRu vej curam n'inaikkum,
5
avir kOl AytoTi uLLattup paTarE.
pirin'ta talaimakan iTaiccurattinkaN tan n'ejciRkuc colliyatu. 10