Primary tabs
331-340
331
amma vAzi, tOzi! aviz iNark
karug kAl marAattu vaiku cinai vAn pU
aruj curam cellun'ar ozin'tOr uLLa,
iniya kamazum veRpin
5
innAtu enpa, avar cenRa ARE.
talaimakan pirin'tuzi, 'cellum vaziyiTattu malaiyin uLatAkiya n'ARRattAl n'ammai n'inaittu muTiyac cellAr, mILvarO?' enak kETTa talaivikku, 'avar muTiyac cenRAr' enpatu aRin'tu, iragkit tOzi kURiyatu.
332
amma vAzi, tOzi! ennatUum
aRan ila manRa tAmE viRal micaik
kunRu kezu kAnatta paNpu il mAk kaNam,
'koTitE kAtalip pirital;
5
cellal, aiya! ennAtavvE.
pirin'ta talaimakan, 'curattiTaik kaziyac cenRAn' enpatu kETTa talaimakaL agkuLLa mAkkaLai n'on'tu, tOzikkuc colliyatu. 2
333
amma vAzi, tOzi! yAvatum
vallA kollO tAmE avaNa
kalluTai n'al n'ATTup puLLinap perun' tOTu,
'yAam tuNai puNarn'tu uRaitum;
5
yAgkup pirin'tu uRaiti!' ennAtavvE?
puTkaLai n'on'tu colliyatu. 3
334
amma vAzi, tOzi! ciRiyilai
n'elli n'ITiya kal kAy kaTattiTai,
pEtai n'ejcam pin cela, cenROr
kallinum valiyar manRa
5
pal itaz uNkaN azap pirin'tOrE.
pirivu n'ITa ARRALAkiya talaimakaL tOzikkuc colliyatu. 4
335
amma vAzi, tOzi! n'amvayin
n'eyttOr anna ceviya eruvai
kaRpuTai marugkil kaTu muTai pArkkum
kATu n'ani kaTiya enpa
5
n'ITi ivaN varun'ar cenRa ARE.
talaimakan cenRa curattiniTattuk koTumai piRar kURakkETTa talaimakaL ARRAtu tOzikkuc colliyatu. 5
336
amma vAzi, tOzi! n'amvayin
piriyalar pOlap puNarn'tOr manRa
n'inRatu il poruL piNi muRRiya
enRUz n'ITiya curan iRan'tOrE.
pirivataRku munpu tagkaLuTan avan ozukiya tiRam n'inain'tu, talaimakaL tOzikkuc colliyatu. 6
337
amma vAzi, tOzi! n'amvayin
mey uRa virumpiya kai kavar muyakkinum
iniya manRa tAmE
pani irug kunRam cenROrkkup poruLE.
talaimakan poruLvayiR pirin'tuzi, tan muyakkinum avaRkup piRkAlattup poruL ciRan'tatu enat talaivi iragkit tOzikkuc colliyatu. 7
338
amma vAzi, tOzi! cAral
ilai ila malarn'ta Ogku n'ilai ilavam
malai uRu tIyin curamutal tOnRum
pirivu arug kAlaiyum, pirital
5
aritu vallun'ar n'am kAtalOrE.
talaimakan pirin'tuzi. 'ik kAlattE pirin'tAr' enat talaimakaL iragkic colliyatu. 8
339
amma vAzi, tOzi! ciRiyilaik
kuRuj cinai vEmpin n'aRum pazam uNIiya
vAval ukakkum mAlaiyum
inRukol, tOzi! avar cenRa n'ATTE?
talaimakan kuRitta paruva varavinkaN mAlaip pozutu kaNTu, ARRALAkiya talaimakaL tOzikkuc colliyatu. 9
340
amma vAzi, tOzi! kAtalar
uLLArkol? n'Am maruL uRRanamkol?
viTTuc cenRanar n'ammE
taTTait tIyin Ur alar ezavE.
talaimakaL pirin'tuzi, 'kaTitin varuvar' ena ARRiyirun'ta talaivi, avan n'ITTittuzi, ARRAtu tOzikkuc colliyatu. 10