திருவாலீஸ்வரம்

அம்பாசமுத்திரம்

சைவம்-சிவபெருமான்

இந்திய தொல்பொருள் ஆய்வுத்துறையின் கீழ் மரபுச் சின்னமாக விளங்குகிறது.

திருவாலீஸ்வரம் கோயில் திருநெல்வேலி மாவட்டத்தில் திருவாலீஸ்வரத்தில் அமைந்துள்ளது. இக்கோயில் முதலாம் இராஜராஜ சோழனால் கட்டப்பட்ட கற்றளியாகும். இக்கோயில் சிவபெருமானுக்காக எடுப்பிக்கப்பட்டதாகும். முழுவதும் கற்றளியாக அமைந்த இக்கோயில் இந்தியத் தொல்லியல் துறையின் பராமரிப்பின் கீழ் தற்போது இருந்து வருகிறது. கோயில் தற்காலத்தில் இந்தியத் தொல்லியல் துறையினரால் புனரமைக்கப்பட்டுள்ளது. கருவறை விமானத் தளங்களில் இறைவனின் பல்வேறு வடிவங்கள் சிற்பங்களாக வடிக்கப்பட்டுள்ளன. இக்கோயிலின் தள வரிசை சிற்பங்களை நோக்குங்கால் முதலாம் பராந்த சோழனது புள்ளமங்கை கோயில் நினைவுக்கு வருகிறது. இக்கோயிலில் அதிக அளவிலான தமிழ் கல்வெட்டுகள் மண்டபத்தின் வெளிப்புறச் சுவர் முழுவதும் அமைந்துள்ளன. பாண்டிய நாட்டுக்கே உரிய வட்டெழுத்துக் கல்வெட்டுகளும் இங்கு காணப்படுகின்றன. கங்காதரர், காலாந்தகமூர்த்தி, கஜசம்ஹார மூர்த்தி, ஆடல்வல்லான், திரிபுராந்தகர், முருகன், பிட்சாடனர், உமையொருபாகர், தென்முகக்கடவுள், இடபாரூடர் போன்ற அரிய சிற்பங்கள் இங்கு அமைக்கப்பட்டுள்ளன. பாய்ந்த நிலையில் வரிசையாக காட்டப்பட்டுள்ள யாளி சிற்பங்களும், பூதகணங்களும் எழில் வாய்ந்தவை. உபானம், ஜகதி, முப்பட்டைக்குமுதம் என்ற தாங்குதள உறுப்புகளைப் பெற்றும், இத்தாங்குதள உறுப்புகளில் கல்வெட்டுகளைப் பெற்றும் விளங்குகிறது கருவறை விமானம். முகமண்டபத்தில் சோழர் உருளைத் தூண்கள் வெட்டுப்போதிகை பெற்று விளங்குகிறது. இக்கோயில் செம்புரான் கல்லினால் கட்டப்பட்டுள்ளது. திராவிடப்பாணியில் அமைந்துள்ளது. கருவறை விமான தேவக்கோட்டங்கள் வெற்றிடமாக உள்ளன. அவ்விடங்களில் கல்வெட்டுகள் காணப்படுகின்றன. தேவக்கோட்டங்களில் சிற்பங்கள் இல்லாதிருப்பது பாண்டியநாட்டு கலைப்பாணியாகும்.

கி.பி.10-ஆம் நூற்றாண்டு / முதலாம் இராஜராஜ சோழன்

இல்லை

கிழக்கு நோக்கிய வாயிலைக் கொண்டது. இருதளங்களைக் கொண்டுள்ளது. கற்றளியாக விளங்குகின்றது. இடைநாழிகை, அர்த்தமண்டபம், முகமண்டபம் பெற்று விளங்குகின்றது. அர்த்தமண்டபம் சோழர்கால உருளைத்தூண்களைப் பெற்றுள்ளது. கருவறை தேவகோட்டங்களில் சிற்பங்கள் இடம்பெறவில்லை. திராவிடபாணியில் அமைந்த இக்கோயில் திருச்சுற்று மாளிகை பெற்றுள்ளது.

திருவாலீஸ்வரம், காக்கநல்லூர், திருநெல்வேலி-642961

காலை 8.00 முதல் மாலை 5.00 வரை

திருவாலீஸ்வரம்

மதுரை

திருவாலீஸ்வரம்