Primary tabs
சேரமான் கணைக்கால் இரும்பொறை
74
குழவி இறப்பினும், ஊன்தடி பிறப்பினும்,
'ஆள் அன்று' என்று வாளின் தப்பார்;
தொடர்ப் படு ஞமலியின் இடர்ப்படுத்து இரீஇய
கேள் அல் கேளிர் வேளாண் சிறு பதம்,
5
மதுகை இன்றி, வயிற்றுத் தீத் தணிய,
தாம் இரந்து உண்ணும் அளவை
ஈன்மரோ, இவ் உலகத்தானே?
திணை பொதுவியல்; துறை முதுமொழிக் காஞ்சி.
சேரமான் கணைக்கால் இரும்பொறை சோழன்
செங்கணானோடு திருப்போர்ப் புறத்துப் பொருது, பற்றுக்
கோட்பட்டு, குடவாயில் கோட்டத்துச் சிறையில் கிடந்து,
'தண்ணீர் தா' என்று பெறாது, பெயர்த்துப் பெற்று, கைக்
கொண்டிருந்து
உண்ணான் சொல்லித் துஞ்சிய
பாட்டு.