Primary tabs
இவ்வே, பீலி அணிந்து
95
இவ்வே, பீலி அணிந்து, மாலை சூட்டி,
கண் திரள் நோன் காழ் திருத்தி, நெய் அணிந்து,
கடியுடை வியல் நகரவ்வே; அவ்வே,
பகைவர்க் குத்தி, கோடு, நுதி, சிதைந்து,
5
கொல் துறைக் குற்றில மாதோ என்றும்
உண்டாயின் பதம் கொடுத்து,
இல்லாயின் உடன் உண்ணும்,
இல்லோர் ஒக்கல் தலைவன்,
அண்ணல் எம் கோமான், வைந் நுதி வேலே.
திணை பாடாண் திணை; துறை வாள்
மங்கலம்.
அவன் தூதுவிட, தொண்டைமானுழைச்
சென்ற ஒளவைக்கு அவன் படைக்கலக் கொட்டில் காட்ட, அவர்
பாடியது.