இனி, இதன் அச்சின் நிலை வேறு; இப்போது 2500 பாட்டுக்கள் வரை
அச்சேறியுள்ளன. இனியும் 1780 பாட்டுக்கள் உரை அச்சேற உள்ளன. அவை 26
சஞ்சிகைகள் வரை ஆகும். அச்சுவேலைக்கு உள்ள முட்டுப்பாடுகள் பல;
காகிதமின்மை பெருந்தொல்லை; அச்சுக்கும் பிற சாதனங்களுக்குமாக உள்ள
நிதியின்மை முதலிய சங்கடங்களும் உண்டு. முன் இருந்த அளவுக்கு 4 மடங்கு
தொகை இப்பொழுது நிலவரப்படி வேண்டியிருக்கின்றது. அடியேனது
எழுத்துப்பணியுடன் எனது கடமையினை ஒருவாறு நிறைவேற்றியுள்ளேன். இதுவரை
அச்சுவேலைகளில் உதவியும், காகிதம், புரூப்கள் திருத்தியும், மற்றும் பற்பல உதவி
வாங்கி உதவியும், செய்தும் உதவிய பெருமக்கள் எல்லாருக்கும் அடியேன்
கடப்பாடுடைய நன்றி செலுத்துகிறேன். இவ்வுரை எழுத்துப்படி சைவவுலகத்துக்
குரித்தாகும். இனி இப் புராண உரை அச்சுவேலை நிறைவேறிச் சைவத்தமிழ் உலகிற்
பரவிப் பயன்படும் நிலை சைவவுலகத்தைச் சார்ந்தது.