Primary tabs
vAgku amai puraiyum
343. pAlai
vAgku amai puraiyum vIgku iRaip paNait tOL,
cil cuNagku aNin'ta, pal pUN, men mulai,
n'al ezil, Akam pullutal n'ayan'tu,
maram kOL umaN makan pErum parutip
5
pun talai citaitta van talai n'aTukal
kaNNi vATiya maNNA marugkul,
kUr uLi kuyinRa kOTu mAy ezuttu, av
ARu cel vampalar vERu payam paTukkum
kaN pori kavalaiya kAnattu AgkaN,
10
n'anan'talai yAattu am taLirp peruj cinai,
il pOl n'Izal cel veyil ozimAr,
n'eTuj cevik kazutaik kuRug kAl ERRaip
puRam n'iRai paNTattup poRai acAak kaLain'ta
peyar paTai koLLArkku uyavut tuNai Aki,
15
uyarn'ta ALvinai purin'tOy; peyarn'tu n'inRu
uLLinai vAzi, en n'ejcE! kaLLin
makizin makizn'ta ari matar mazaik kaN,
cil mozip polin'ta tuvar vAy,
pal mAN pEtaiyin pirin'ta n'IyE.
talaimakan iTaic curattu mILak karutiya n'ejcinaik kazaRip pOyatu. -maturai marutan iLan'AkanAr