Primary tabs
-
6.0 பாட முன்னுரை
ஒரு மொழியானது ஒலியமைப்பு, இலக்கண அமைப்புப் போன்ற பல்வேறு காரணங்களால் பல கிளைமொழிகளாக (dialects) மாறுகிறது. கிளைமொழி என்றால் என்ன என்பது பற்றிய விளக்கத்தைச் சான்றுகளுடன் காணவேண்டும். கிளைமொழி பற்றிய தொல்காப்பியர் கருத்தையும், பழங்காலத்திலும் இடைக்காலத்திலும் எத்தனை வட்டாரங்களில் கிளைமொழிகள் இருந்தன என்பதையும், அவ்வட்டாரங்கள் யாவை என்பதையும் காணவேண்டும்.
இடைக்காலத்தில் வழங்கிய கிளைமொழிகளின் ஒலியமைப்பில் ஏற்பட்டுள்ள மாற்றங்களை வீரசோழிய உரை கொண்டும், கல்வெட்டுகள் கொண்டும் அறிய விருக்கிறோம்.
தற்காலத்தில் வட்டாரம், சமூகம், தொழில் ஆகியவற்றின் அடிப்படையில் மொழியியலார் கிளைமொழிகளைப் பலவாறு பாகுபடுத்தி விளக்குகிறார்கள். தற்காலத் தமிழில் வழங்கும் பல்வேறு வகைக் கிளைமொழிகளில் நிகழும் ஒலி மாற்றங்களைத் தக்க சான்றுகளுடன் காணவிருக்கிறோம்.