Primary tabs
-
P20223 - முதல் மூவரும் திருமழிசை ஆழ்வாரும்
இந்தப் பாடம் என்ன சொல்கிறது?- பொய்கையாழ்வார், பூதத்தாழ்வார், பேயாழ்வார் ஆகிய மூவரையும்
முதலாழ்வார்கள் எனக் குறிப்பிடுவது
வைணவ மரபு. இம்மூவரும் திருமாலின் மீது கொண்ட
தீராக் காதலால் திருமாலின் அவதாரங்களையும் பல்வேறு
அவதாரப் பெருமையையும் விளக்கி இன்பங்
காண்கின்றனர். - திருமழிசை ஆழ்வார் திருமாலிடம் கொண்ட அளப்பரிய காதலால் யாதுமாகி நின்ற திருமாலை மீண்டும் மீண்டும் கவிப்பொருளாக்கி மகிழ்கிறார்.
இவர்களின் பக்தியுணர்வால் பாசுரங்கள் தோன்றித் தமிழ்
மேலும் வளம் பெற்றதை விளக்குகிறது இப்பாடம்.
இந்தப் பாடத்தைப் படிப்பதால்என்ன பயன் பெறலாம்?- முதல் மூவர் என்று அழைக்கப்படும் ஆழ்வார்களை அடையாளங்
காணலாம்.
- முதல் மூவர் அருளிய அந்தாதித் தொடையில் அமைந்த
திவ்யப் பிரபந்தங்களின் வழி அவர்கள் காட்டும் பக்திச் செழுமையைச் சுட்டிக் காட்டலாம். - திருமழிசை ஆழ்வார் அருளியவற்றுள் அகப் பொருள்
துறையில் அமைந்த பாசுரம் இருப்பதைத் தொகுத்துக் கொள்ளலாம். - இந்த நான்கு ஆழ்வார்களின் அருளிச் செயல்களைப்
பட்டியலிடலாம். - சாதாரண மனிதர்கள் பயன்படுத்தும் சொற்களின் பொருள் அல்லது அகராதி காட்டும்
பொருள,் பக்தி இலக்கியத்துள் பல்வேறுபட்ட பொருள்களைத் தருவதைப்
பகுத்துத்
தொகுத்துக் கொள்ளலாம்.
- பொய்கையாழ்வார், பூதத்தாழ்வார், பேயாழ்வார் ஆகிய மூவரையும்
முதலாழ்வார்கள் எனக் குறிப்பிடுவது
E-
3.0 பாட முன்னுரை
சங்க இலக்கியத்துள் வைதிக சமயம் பற்றிய பதிவுகள்
ஏராளமாக உள்ளன. சங்க காலத்திற்குப் பின் தோன்றிய நீதி
நூல்கள் சில திருமால் வழிபாடு பற்றிய குறிப்புகளைக்
கொண்டுள்ளன. களப்பிரர்கள் தமிழ்மொழி, தமிழ்க்கலை,
தமிழர் நாகரிகம் ஆகியவற்றைப் போற்றவில்லை. கி.பி. 6 ஆம்
நூற்றாண்டில் சமண பௌத்த மதங்களுக்கு எதிர்ப்பாகத்
தமிழகத்தில் சைவ வைணவ மதங்கள் மக்களிடம் செல்வாக்குப்
பெற்றன. சைவத்தைப் போற்றிய நாயன்மார்களும்,
வைணவத்தைப் போற்றிய ஆழ்வார்களும் திருத்தலங்களுக்குச்
சென்று இறைவன் மீது பக்திப் பாடல்களைப் பாடி
வழிபட்டனர். பக்தி இயக்கம் நாட்டை ஆண்ட
மன்னர்களையும் சாதாரணக் குடிமக்களையும் பக்தி
வெள்ளத்தின் இசை இனிமையில் ஈடுபடுத்தியது.பக்தியால் தமிழும் தமிழால் பக்தியும் வளர்ந்தன; வளம்
பெற்றன. தமிழ், பக்தி மொழியாகியது. பக்திக்கு ஓó¢ ஊடகம்
ஆகியதால் தமிழ் மொழியில் பல புதிய இலக்கிய வகைகள்
(Genre) தோன்றின.மானுடனைப் பாடிப் பரிசில் பெற்ற கவிஞர்கள் மானுடக்
காதலைப் பதிவு செய்த புலவர்கள் தெய்வத்தை - தெய்வக்
காதலைப் பாடி, பாடுபொருள், பாடும் முறை ஆகியவற்றில்
மாற்றம் செய்தனர். அம்மாற்றங்கள் இலக்கியங்களில் பதிவு
செய்யப்பட்டன. இவற்றை முதலில், முதல் மூவரும் திருமழிசை
ஆழ்வாரும் அருளிய பாசுரங்கள் வழிக் காண்போம்.