Primary tabs
-
P20223 - முதல் மூவரும் திருமழிசை ஆழ்வாரும்
இந்தப் பாடம் என்ன சொல்கிறது?- பொய்கையாழ்வார், பூதத்தாழ்வார், பேயாழ்வார் ஆகிய மூவரையும்
முதலாழ்வார்கள் எனக் குறிப்பிடுவது
வைணவ மரபு. இம்மூவரும் திருமாலின் மீது கொண்ட
தீராக் காதலால் திருமாலின் அவதாரங்களையும் பல்வேறு
அவதாரப் பெருமையையும் விளக்கி இன்பங்
காண்கின்றனர். - திருமழிசை ஆழ்வார் திருமாலிடம் கொண்ட அளப்பரிய காதலால் யாதுமாகி நின்ற திருமாலை மீண்டும் மீண்டும் கவிப்பொருளாக்கி மகிழ்கிறார்.
இவர்களின் பக்தியுணர்வால் பாசுரங்கள் தோன்றித் தமிழ்
மேலும் வளம் பெற்றதை விளக்குகிறது இப்பாடம்.
இந்தப் பாடத்தைப் படிப்பதால்என்ன பயன் பெறலாம்?- முதல் மூவர் என்று அழைக்கப்படும் ஆழ்வார்களை அடையாளங்
காணலாம்.
- முதல் மூவர் அருளிய அந்தாதித் தொடையில் அமைந்த
திவ்யப் பிரபந்தங்களின் வழி அவர்கள் காட்டும் பக்திச் செழுமையைச் சுட்டிக் காட்டலாம். - திருமழிசை ஆழ்வார் அருளியவற்றுள் அகப் பொருள்
துறையில் அமைந்த பாசுரம் இருப்பதைத் தொகுத்துக் கொள்ளலாம். - இந்த நான்கு ஆழ்வார்களின் அருளிச் செயல்களைப்
பட்டியலிடலாம். - சாதாரண மனிதர்கள் பயன்படுத்தும் சொற்களின் பொருள் அல்லது அகராதி காட்டும்
பொருள,் பக்தி இலக்கியத்துள் பல்வேறுபட்ட பொருள்களைத் தருவதைப்
பகுத்துத்
தொகுத்துக் கொள்ளலாம்.
- பொய்கையாழ்வார், பூதத்தாழ்வார், பேயாழ்வார் ஆகிய மூவரையும்
முதலாழ்வார்கள் எனக் குறிப்பிடுவது
E-
3.1 முதல் ஆழ்வார்கள்
பொய்கையாழ்வார், பூதத்தாழ்வார், பேயாழ்வார் ஆகிய
மூவரும் முதல் ஆழ்வார்கள் என்று அழைக்கப்படுகின்றனர்.
காலத்தால் முந்தியவர்கள் என்பதால் "முதல் மூவர்" என்று
அழைக்கப்பட்டனர்.• பொய்கை ஆழ்வார்
இவர் காஞ்சிபுரத்தில் (கச்சி) திருவெஃகாவில்
ஐப்பசி மாதத்தில் திருவோண நட்சத்திரத்தில்
தோன்றினார். இவர் அருளியன 100
பாசுரங்கள் கொண்ட முதல் திருவந்தாதி
ஆகும். (திருவெஃகா என்பது
சொன்னவண்ணம் செய்த பெருமாள் கோயில்
ஆகும்.)
• பூதத்தாழ்வார்
இவர் திருக்கடல் மல்லையில் (மாமல்லபுரம்)
ஐப்பசி மாதத்தில் அவிட்ட நட்சத்திரத்தில்
அவதரித்தவர். இவர் அருளியன 100
பாசுரங்கள் கொண்ட இரண்டாம் திருவந்தாதி
என்று அழைக்கப்படுகின்றது.
• பேயாழ்வார்
இவர் திருமயிலையில் (மயிலாப்பூர்) ஐப்பசி
மாதத்தில் சதய நட்சத்திரத்தில் தோன்றினார்.
இவர் அருளிச் செய்தன 100 பாசுரங்கள்
கொண்ட மூன்றாம் திருவந்தாதி ஆகும்.
ஆழ்வார்களில், காலத்தால் முன்னே தோன்றிய பொய்கையார்,
பூதத்தார், பேயார் ஆகிய மூன்று ஆழ்வார்களும் முதல்
ஆழ்வார்கள் என்னும் பெருமைக்குரியவர்கள். இவர்களின்
பாசுரங்கள், பாமரர் முதல் பாராண்ட மன்னர் வரை பண்டைத்
தமிழகம் முழுவதும் பெரும் மாற்றத்தை ஏற்படுத்தின;
கோயில்கள் பெருகின; பக்தி, இயக்கமாக மாறத் தொடங்கி
எங்கும் பரவ வித்திட்டன.