Primary tabs
-
4.2 செய்திப் படங்கள்
செய்திகளுக்கு ஏற்ற படங்கள் தரும்போது செய்திகளின் நம்பகத் தன்மை இன்னும் கூடுகிறது. செய்திகளைப் பார்க்கும்ல ஆர்வத்தையும் இது கூட்டுகிறது. அத்துடன் இதழ்களின்செயலாற்றல் திறனால் அவற்றின் மீது மதிப்பும் கூடுகிறது.
பொதுவாக அரசியல் செய்திகள், வெளிநாட்டுத் தலைவர் வருகை, வித்தியாசமான செய்திகள், முக்கியமான செய்திகள், விபத்துகள், விளையாட்டுச் செய்திகள், முக்கியமான தலைவர்களின் மரணச் செய்திகள், விருதுகள் வழங்கல் ஆகியவற்றுடன் நிழற்படங்கள் தவறாமல் இடம்பெறுகின்றன.
செய்திப் படங்கள் அமையும் இடங்கள்
செய்திப் படங்கள் நாளேடுகளில் அனைத்துப் பக்கங்களிலும் இடம் பெறுகின்றன. முதல் பக்கத்தில் தவறாமல் இடம் பெறுகின்றன. படங்கள் பல அளவுகளிலும் வருகின்றன. மிகமிகப் பெரிய படங்களும், சிறிய அளவுப் படங்களும் இடம் பெறுகின்றன. தினமணியில், முதல் பக்கத்தில் நாளேட்டின் பெயருக்குக் கீழேயே மூன்று அல்லது நான்கு சிறிய படங்கள் வரிசையாகக் குறிப்புகளோடு இடம் பெறுகின்றன. முன்பு இல்லாத ஒரு தன்மையாக இதனை இவ்விதழில் காணலாம்.