Primary tabs
-
A02132 தொகைநிலைத் தொடர்மொழி
இந்தப் பாடம் என்ன சொல்கிறது?
தொகைநிலைத் தொடர் என்றால் என்ன என்பதைப் பற்றியும்
அவற்றின் வகைகளையும் விவரிக்கிறது.
இந்தப் பாடத்தைப் படிப்பதால் என்ன பயன்பெறலாம்?
இதனைப் படித்து முடிக்கும்போது நீங்கள் கீழ்க்காணும்
திறன்களையும் பயன்களையும் பெறுவீர்கள்.
தொகை என்றால் என்ன என்பதை அறியலாம்.
தொகைநிலைத் தொடர்மொழிகளின் வகைகளை அறியலாம்.
தொகைநிலைத் தொடர்மொழிகள் பொருள் சிறக்கும்
இடங்களை அறியலாம்.
தொகைநிலைத் தொடர்மொழிகளை விரித்துக் காணும்
பொழுது இரண்டு முதல் ஏழு பொருள் வரை தருவதை அறியலாம்.
-
2.4 உவமைத் தொகை
உவமைத் தொகை என்பது, போல முதலிய உவமைஉருபு
மறைந்து நிற்க, உவமானச் சொல்லோடு உவமேயச் சொல்
தொடர்வதாகும்.
போல என்பதோடு புரைய, ஒப்ப, உறழ, அன்ன, இன்ன
முதலியனவும் உவம உருபுகளாகும்.
இவ்வுவமை வினை, பயன், மெய், உரு என்பன பற்றி
வரும்.
எ-டு :புலி மனிதன்-வினையுவமைத் தொகைமழைக்கை-பயனுவமைத் தொகைதுடியிடை-மெய்யுவமைத் தொகைபவளவாய்-உருவுவமைத் தொகை
இவை விரியும் பொழுது, புலி போலும் மனிதன், மழை
போலும் கை, துடி போலும் இடை, பவளம் போலும் வாய் என விரியும்.
உவம உருபிலது உவமத் தொகையே
(நன்னூல் - 366)