Primary tabs
-
A02132 தொகைநிலைத் தொடர்மொழி
இந்தப் பாடம் என்ன சொல்கிறது?
தொகைநிலைத் தொடர் என்றால் என்ன என்பதைப் பற்றியும்
அவற்றின் வகைகளையும் விவரிக்கிறது.
இந்தப் பாடத்தைப் படிப்பதால் என்ன பயன்பெறலாம்?
இதனைப் படித்து முடிக்கும்போது நீங்கள் கீழ்க்காணும்
திறன்களையும் பயன்களையும் பெறுவீர்கள்.
தொகை என்றால் என்ன என்பதை அறியலாம்.
தொகைநிலைத் தொடர்மொழிகளின் வகைகளை அறியலாம்.
தொகைநிலைத் தொடர்மொழிகள் பொருள் சிறக்கும்
இடங்களை அறியலாம்.
தொகைநிலைத் தொடர்மொழிகளை விரித்துக் காணும்
பொழுது இரண்டு முதல் ஏழு பொருள் வரை தருவதை அறியலாம்.
-
2.9 தொகுப்புரை
இப்பாடம் தொகை என்றால் என்ன என்று விளக்குகிறது.
தொகைநிலைத் தொடர்கள் வேற்றுமைத் தொகை, வினைத்
தொகை, பண்புத் தொகை, உவமைத் தொகை, உம்மைத்
தொகை, அன்மொழித் தொகை என ஆறு வகைப்படும்.
இவ்வாறு தொகைநிலைத் தொடர்களின் உட்பிரிவுகளையும்
அவை எப்பொருள்களில் வரும் என்பதையும் இப்பாடம்
விளக்குகிறது.
தொகைநிலைத் தொடர்கள் முன்மொழியில் பொருள்
சிறப்பன, பின்மொழியில் பொருள் சிறப்பன, அனைத்து
மொழிகளிலும் பொருள் சிறப்பன, புறமொழியில் பொருள்
சிறப்பன என நான்கு வகைப்படும். இந்நான்கு வகைகளுக்குரிய
தொகைநிலைத் தொடர்களைப்பற்றியும் இப்பாடம் விளக்குகிறது.
தொகைநிலைத் தொடர்மொழிகளை விரித்துப் பொருள்
கொண்டால் இரண்டு முதல் ஏழு பொருள் வரை தரும்
என்பதையும் இப்பாடம் விளக்குகிறது.