Primary tabs
நஞ்சு கலந்த லட்டுக்களை கணவனுக்கும் மாமியாருக்குங் கொடுத்துவிட்டு, நஞ்சில்லாவற்றைப் பிறருடன் உட்கொண்டா ளென்க.
தேனின் - தேனைக்காட்டிலும் என்று உறழ்பொருளில்வந்தது. லட்டுகம் -‘லட்டு'; என வழங்குகிறது. படாத, பலவின்பால் வினையலணையும் பெயர். (74)
மன்னனும் தாயும் விஷத்தால் மடிந்து விலங்கிற் பிறத்தல்
(இ-ள்.) (அவ்விருவரும்), நஞ்சு அது பரந்த போழ்தின் - விஷம் உடற்குள் பரவிய காலத்தில், நடுங்கினர் மயங்கி - நடு நடுங்கி அறிவு முதலியன கலங்கி, வீழ்ந்தார் - --, (விழுந்து), மரணம் அஞ்சினர் - (தமக்கு) நேரிட விருக்கும் மரணத்திற்கு அஞ்சினார்கள்; ஆங்கண் - அப்பொழுது, முதலது சிந்தை அடைந்தது - முதலாவதாகிய ஆர்த்தத் தியானம் அவ்விருவர் மனத்திலும் சேர்ந்தது. (அதனால்) புஞ்சிய தீய வினைகள் - மிக்க தீவினைகள், புகுந்தன - உயிரிடம் சேர்ந்தன; (பின்பு), பொறிகள் பொன்றிதுஞ்சினர் - ஐம்பொறிகளின் புலனுணர்வும் கெட்டு இறந்து, துயரம் துஞ்சா விலங்கிடை - துன்பம் குறைதலில்லாத விலங்குகதியில், துன்னினார் - சேர்ந்தார். (எ-று.)
விஷத்தால் மடிந்த இருவரும் விலங்கில் பிறந்தனரென்க.
அவர்கள் அவ்வாறு நடுங்கிய காரணத்தால் அவர்களுக்கு ஆர்த்தத் தியானம் வந்துற்றது. சிந்தை - தியானம். அது, பொதுவகையால் நான்கு விதமும், விசேஷவகையால் பலவகையு மாகும். விலங்குகதிக்குக் காரண