Primary tabs
-
Aciriyan n'allan'tuvanAr
6. vaiyai
vaiyaiyil peruveLLam
n'iRai kaTal mukan'tu urAy, n'iRain'tu, n'Ir tuLumpum tam
poRai tavirpu acaiviTap pozin'tanRu, vAnam;
n'ilam maRaivatu pOl malir punal talait talaii,
malaiya inam kalagka, malaiya mayil akava,
5
malai mAcu kaziyak katazum aruvi iziyum
mali n'Ir atar pala kezuvu tAz varai,
mAcu il panuvaR pulavar pukaz pula
n'Avin punain'ta n'an kavitai mARAmai,
mEvip paran'tu virain'tu, vinai n'an'tat
10
tAyiRRE taN am punal.
putup punalATa muRpaTum makaLiratu ceyal
pukai, pU, avi ArAtanai, azal, pala En'ti,
n'akai amar kAtalarai n'ALaNik kUTTum
vakaicAlum, vaiyai varavu.
vaiyaiyin karai uTaitalum, UrAr kiLarn'tu ezutalum
toTi tOL ceRippa, tOLvaLai iyagka,
15
koTi cErA, tiruk kOvai kAz koLa,
toku katir muttut toTai kalizpu mazuka,
ukirum koTiRum uNTa cem pajciyum,
n'akil aNi aLaRu n'ani vaNTal maNTa,
ilaiyum mayirum Irj cAn'tu n'izatta,
20
mulaiyum mArpum muyagku aNi mayagka,
viruppu onRupaTTavar uLam n'iRai uTaittena,
varaic ciRai uTaittatai vaiyai: 'vaiyait
tiraic ciRai uTaittanRu karaicciRai; aRaika' enum
uraic ciRaip paRai eza, Ur olittanRu.
main'tarum makaLirum n'IrATac cellal
25
anRu, pOr aNi aNiyin pukarmukam ciRan'tena,
n'Ir aNi aNiyin n'irain'irai piTi cela;
Er aNi aNiyin iLaiyarum iniyarum
IraNi aNiyin, ikal mika n'avinRu,
taNi punal ATum takai miku pOrkkaN
30
tuNi punal Aka, tuRai vENTum main'tin
aNiaNi Akiya tArar, karuviyar,
aTu punalatu cela avaRRai izivar:
kaimmAn eruttar, kali maTa mAvinar,
n'eym mAN civiRiyar, n'Ir maNak kOTTinar,
35
veN kiTai mitavaiyar, n'an kiTait tErinar,
cArikai maRuttut taNTA uNTikai
Or iyavu uRuttara UrUrpu iTam tirIi,
ARRinatu n'IrOTTam
cEri iLaiyar cela aru n'ilaiyar,
valiyar allOr tuRaituRai ayara,
40
meliyar allOr virun'tu punal ayara,
cARum cERum n'eyyum malarum
n'ARupu n'ikazum, yARu varalARu.
an'taNarkaL koNTa kalakkam
n'ARupu n'ikazum yARu kaNTu, azin'tu,
vERupaTu punal ena, virai maNNuk kalizai,
45
pulam puri an'taNar kalagkinar, maruNTu.
piRarum cERu kalan'ta punal kaNTu n'Igkutal
mARu men malarum, tArum kOtaiyum,
vErum tUrum, kAyum kizagkum,
pUriya mAkkaL uNpatu maNTi
n'Ar ari n'aRavam ukuppa, 'n'alan azin'tu,
50
vERAkinRu iv viri punal varavu' ena,
cERu ATu punalatu celavu.
varai azi vAl aruvi vAtAlATTa,
karai azi vAl aruvi kAl pArATTa,
'iravil puNarn'tOr iTaimulai alkal
55
puraivatu pUn' tArAn kunRu' enak kUTArkku
uraiyOTu izin'tu urAy, UriTai OTi,
calap paTaiyAn iravil tAkkiyatu ellAm
pulappaTap pun am pulariyin n'ilappaTat
tAn malarn'tanRE,
60
tamiz vaiyait taNNam punal.
iRparattaiyuTan n'IrATiya talaimakan kAtaRparattaikku vaiyai n'Ir vizavu kURiyatu
kAtaRparattaiyin vinAvum talaimakan maRumoziyum
'viLiyA virun'tu vizuvArkkuk koytOy.'
'taLir aRin'tAy, tAm ivai.'
kaLavu veLippaTTatu enak kAtaRparattai uraittal
'paNipu oci paNpa! paNTellAm n'ani uruvattu;
ennO tuvaL kaNTI?
65
eytum kaLavu ini: n'in mArpin tAr vATak
koytatum vAyALO? koy tazai kai paRRic
ceytatum vAyALO? ceppu.'
taLirin tuvaTcikku vaiyaip perukkuk kAraNam ena
'punai puNai ERat tAzttatai; taLir ivai
n'Irin tuvaNTa; cEey kunRam; kAmar
70
perukku anRO, vaiyai varavu?'
talaivan uraiyai 'uNmai anRu' ena, avaL maRuttu uraittal
'Am Am; atu okkum; kAtal am kAmam
orukka orutanmai n'iRkumO? ollaic
curukkamum Akkamum cUL uRal! vaiyaip
perukku anRO? peRRAy pizai.
75
aruku patiyAka ampiyin tAzppikkum,
kuruku irai tErak kiTakkum pozi kAril,
in iLavEnil, itu anRO vaiyai? n'in
vaiyai vayamAka vai.
cel yARRut tIm punalil cel maram pOla,
80
vavvu vallAr puNai Akiya mArpinai;
ennum paniyAy iravellAm vaikinai;
vaiyai uTain'ta maTai aTaittakkaNNum
pinnum malirum picir pOla, innum
anaRRinai tunpu aviya, n'I aTain'takkaNNum,
85
panittup pani vArum kaNNavar n'ejcam
kanaRRupu kAtti, varavu!'
talaimakan mElum kURutal
'n'allAL karai n'iRpa, n'An kuLitta pain' taTattu,
n'illAL tirai mUzki n'Igki ezun'tu, enmEl
allA vizun'tAnai eyti, ezun'tu ERRu yAn
90
koLLA aLavai, ezum tERRAL: kOtaiyin
uL azuttiyAL evaLO? tOyn'tatu yAtu? ena
kAtaR parattai kURRu
tERit teriya uNar n'I: piRitum Or
yARu uNTO? iv vaiyai yARu.
talaimakan pinnum cULuRRu uraittamai
'iv vaiyai yARu enRa mARu ennai? kaiyAl
95
talai toTTEn, taN paragkunRu!'
viRalikkut talaimakaL kURutal
'cinaval; n'in uNkaN civappu ajcuvARkut
tuni n'Igki, ATal toTagku; tuni n'ani
kanRiTin kAmam keTUum; makaL; ivan
allA n'ejcam uRap pUTTak kAyn'tE
100
val iruL n'Iyal; atu pizaiyAkum' ena,
illavar ATa, iran'tu paran'tu uzan'tu,
vallavar UTal, uNarttara, n'allAy!
kaLippar; kuLippar; kAmam koTi viTa,
aLippa, tunippa, AgkAgku ATupa;
105
ATuvAr n'ejcattu alarn'tu amain'ta kAmam
vATaRka, vaiyai! n'inakku.
'vaiyai n'Ir vizavaNiyil kAtaRparattai, & iRparattaiyuTan n'IrATinAn talaimakan' enak kETTup pulan'tALaip pulavi n'Ikkip puNarn'tAn' enak kETTa talaimakaL, vAyilAkap pukka viRalikku, av vaiyai n'Ir vizavaNiyum, Agkup paTTa ceytiyum kURi, vAyil maRuttatu. Aciriyan n'allan'tuvanAr pATTu
maruttuvan n'allaccutanAr icai
paNNup pAlaiyAz
8. cevvEL
tirupparagkunRattin amaippum ciRappum
maNmicai aviztuzAy malartaru celvattup
puLmicaik koTiyOnum, pugkavam UrvOnum,
malarmicai mutalvanum, maRRu avaniTait tOnRi
ulaku iruL akaRRiya patinmarum, iruvarum,
5
marun'tu urai iruvarum, tirun'tu n'Ul eNmarum,
Atirai mutalvanin kiLan'ta
n'Atar pannoruvarum, n'an ticai kAppOrum,
yAvarum, piRarum, amararum, avuNarum,
mEaru mutumozi vizut tava mutalvarum
10
paRRAkinRu, n'in kAraNamAka;
paragkunRu imayak kunRam n'ikarkkum.
imayak kunRinil ciRan'tu
n'in InRa n'irai itazt tAmarai
min InRa viLagku iNar UzA
15
orun'ilaip poykaiyOTu okkum n'in kunRin
aruvi tAz mAlaic cunai.
mutalva! n'in yAnai muzakkam kETTa
katiyiRRE kArin kural.
kural kETTa kOzi kunRu atirak kUva,
20
mata n'ani vAraNam mARumARu atirppa,
etirkutir AkinRu atirppu, malai muzai.
kunRattiRkum kUTalukkum iTaiyiluLLa vazi
Ez puzai aim puzai yAz icai kEzttu anna, inam
vIz tumpi vaNToTu mijiRu Arppa, cunai malara,
konRai koTi iNar Uzppa, koTi malar
25
manRala malara, malar kAn'taL vAy n'ARa,
n'anRu aviz pal malar n'ARa, n'aRai panippa,
tenRal acaivarUum cemmaRRE amma! n'in
kunRattAn kUTal varavu.
kunRattin muzakkam
kunRam uTaitta oLir vElOy! kUTal
30
manRal kalan'ta maNi muracin Arppu eza,
kAloTu mayagkiya kaliz kaTalena,
mAl kaTal kuTikkum mazai kuralena,
ERu atirkkum in'tiran irum urumena,
manRal atiratira mARumARu atirkkum n'in
35
kunRam kumuRiya urai.
talaimakan talaimakaTkuk kunRattin ciRappu kURutal
'tUtu Eya vaNTin tozuti muralvu avar
kAtal mUtUr matil kampalaittanRu;
vaTu vakir venRa kaN, mAn' taLir mEni,
n'eTu men paNait tOL, kuRun' toTi, makaLir
40
ArAk kAmam, Ar poziR pAyal,
varaiyakattu, iyaikkum varaiyA n'ukarcci;
muTiyA n'ukarcci muRRAk kAtal,
aTiyOr main'tar akalattu akalA
alar jemal makanRil n'annarp puNarcci,
45
pularA makiz; maRappu aRiyAtu n'alkum
ciRappiRRE taN paragkunRu.'
talaimakaL pulan'tu uraittal
'ini, mannum Etilar n'ARuti; ANTup
pani malark kaNNArOTu ATa n'akai malar
mAlaikku mAlai varUum; varai cUL n'il
50
kAlai pOy mAlai varavu.'
talaimakan cULum talaivi vilakkalum
'ini maNal vaiyai irum pozilum, kunRap
pani pozi cAralum pArppArum;...
tuniyal, malaruNkaN! col vERu; n'ARRam
kaniyin malarin malir kAl cIppu innatu;
55
tuniyal n'ani' 'n'I n'in cUL.'
tOzi talaimakanaic cUL vilakkik kURutal
'en pANi n'il n'il elAa! pANi n'I, n'in cUL:
cAnRALar InRa takAat takAa makAan!
InRATku oru peN, ivaL.
">iruL mai Ir uN kaN ilagku izai InRATku
60
ariyaLO? Avatu aRin'tilEn; ItA;
varu punal vaiyai maNal toTTEn; taru maNa vEL
taN paragkunRattu aTi toTTEn&
enpAy; kELir maNalin kezuvum ituvO?
Ez ulakum ALi tiru varaimEl anpu aLitO?
65
ennai aruLi aruL muruku cUL cULin,
n'innai aruL il aNagkAn mey vEl tinnum:
viRal veyyOn Ur mayil, vEl n'izal, n'Okki;
aRavar aTi toTinum, Agku avai cULEl:
kuRavan makaL ANai kURu ElA! kUREl;
70
aiya! cULin, aTi toTu kunRoTu
vaiyaikkut takka maNal cIr cUL kURal!'
talaimakanatu urai
yAr piriya, yAr vara, yAr vinava, yAr ceppu?
'n'Ir uraicey n'Irmai il cUL enRi,' n'ErizAy!
kaya vAya n'eytal alar, kamazmukai maNa n'akai
75
n'ayavaru n'aRavu itaz, matar uNkaN; vAL n'utal;
mukai mullai venRu, ezil muttu Eykkum veN
pal n'akai cAnRa kanavu anRu; n'anavu anRu n'avinRatai:
iTu tuni kai ARA en, tuyar kUrac
cuTum, iRai; ARRicin, aTi cErn'tu! cARRumin
80
mika ERRutum malar, UTTutum avi,
kETTutum pANi; ezutum kiNai murukan
tAL tozu taN paragkunRu!
tOzi talaimakaLin kaRpuTaimai kURutal
'teri izAy celka!' enRAy; ellA! yAm peRREm,
oruvarkkum poyyA n'in vAy il cUL vauval;
85
paruvattup pal mAN n'I cERalin kANTai
erumai irun' tOTTi eLLIyum kALai
ceruvam ceyaRku ennai munnai, tan cenni,
aruLvayinAn, tUgku maNi kaiyAl tAkki,
n'iraivaLai ARRu, iruj cUL.
talaimakaLiratu ceyti
90
vaLi poru cEN cimai varaiyakattAl
taLi perukum taN cinaiya
pozil koLak kuRaiyA malara,
kuLir poykai aLaRu n'iRaiya,
marutam n'aLi maNal jemarn'ta
95
n'ani malarp peru vazi,
cIRaTiyavar cARu koLa ezun'tu;
vERupaTu cAn'tamum, vIRupaTu pukaiyum,
ARu cel vaLiyin aviyA viLakkamum,
n'ARu kamaz vIyum, kURum icai muzavamum,
100
maNiyum, kayiRum, mayilum, kuTAriyum,
piNimukam, uLappaTap piRavum, En'ti;
aru varaic cErAt tozun'ar,
'kanavin toTTatu kai pizaiyAkAtu
n'anavin cEeppa n'in n'aLi punal vaiyai
105
varu punal aNika' ena varam koLvOrum,
'karu vayiRu uRuka' enak kaTampaTuvOrum,
'cey poruL vAykka' enac cevi cArttuvOrum,
'ai amar aTuka' ena aruccippOrum,
pATuvAr pANic cIrum, ATuvAr aragkat tALamum,
110
majcu ATu malai muzakkum,
tujcAk kampalai
paij cunaip pAay ezu pAvaiyar
Ay itaz uNkaN alar mukat tAmarai,
tAT tAmarai, tOT tamaniyak kaya malar,
115
em kaip patumam, kogkaik kaya mukai,
cev vAy Ampal cel n'Irt tAmarai,
punaR tAmaraiyoTu, pulam vERupATuRAk
kUr eyiRRAr kuvimulaip pUNoTu,
mAran oppAr mArpu aNi kalavi;
120
arivaiyar amirta pAnam
urimai mAkkaL uvakai amirtu uyppa;
main'tar mArvam vazi van'ta,
cen' taLir mEniyAr, cellal tIrppa;
paragkunRai vAzttal
ena Agku,
125
uTam puNar kAtalarum allArum kUTi,
kaTampu amar celvan kaTi n'akar pENa
maRu miTaRRu aNNaRku mAcilOL tan'ta
n'eRi n'Ir aruvi acumpu uRu celvam,
maN pariya vAnam vaRappinum, mannukamA,
130
taN paragkunRam! n'inakku.
kaTavuL vAzttu
Aciriyan n'allan'tuvanAr pATTu
maruttuvan n'allaccutanAr icai
paNNup pAlaiyAz
11. vaiyai
mazai poziya vaiyaiyin n'Ir peruki OTutal
'viri katir matiyamoTu, viyal vicumpu, puNarppa,
eri, caTai, ezil vEzam, talaiyenak kIz irun'tu,
teru iTaippaTutta mUnRu onpatiRRu irukkaiyuL
urukezu veLLi van'tu ERRiyal cEra,
5
varuTaiyaip paTimakan vAyppa, poruL teri
pun'ti mitunam porun'ta, pular viTiyal
agki uyar n'iRpa, an'taNan pagkuvin
illat tuNaikku uppAl eyta, iRai yaman
villin kaTai makaram mEva, pAmpu ollai
10
matiyam maRaiya, varu n'ALil vAyn'ta
potiyil munivan purai varaik kIRi
mitunam aTaiya, viri katir vEnil
etir varavu mAri iyaika' ena iv ARRAl
purai kezu caiyam pozi mazai tAza,
15
n'eritarUum vaiyaip punal.
tOzi tirumarutat tuRaiyin ciRappuk kURutal
'varaiyana punnAkamum,
karaiyana curapunnaiyum,
vaNTu aRaiiya caNpaka n'irai, taN patam
manaimAmaram vALvIram,
20
cinai vaLar vEgkai, kaNaviri kAn'taL,
tAya tOnRi tIyena malarA,
Utai aviztta uTai itaz oL n'Ilam,
vEy payil cOlai aruvi tUrttarap
pAy tirai un'tit tarutalAn Ay kOl
25
vayavar ari malart tuRai enkO?
ari malar mIp pOrvai, Aram tAz mArpin,
tirai n'urai men pokuTTut tEm maNac cAn'tin
arivaiyatu tAnai enkO? kaL uNNUup
paruku paTi miTaRu enkO? periya
30
tirumaruta n'Irp pUn' tuRai.'
kaNTAr kURRu
'Am n'AL n'iRai mati alartaru pakkam pOl,
n'ALin, n'ALin, n'aLi varaic cilampu toTTu,
n'ilavup paran'tAgku, n'Ir n'ilam parappi,
ulaku payam pakara; Ompu perum pakkam
35
vaziyatu pakkattu amarar uNTi
mati n'iRaivu azivatin, varavu curugka;
eN mati n'iRai, uvA iruL mati pOla
n'AL kuRaipaTutal kANun'ar yArE?
cEN ikan'tu kal Urn'ta mAN izai vaiyai!
40
vayat taNin'tu Eku, n'in yANar iru n'AL peRa!
mA mayil annAr, maRaiyil puNar main'tar,
kAmam kaLa viTTu, kaikoL kaRpu uRRena,
mallal punal vaiyai! mA malai viTTu, iruttal
illattu n'I tanic cERal iLivaral:'
45
ena Agku
kaTai aziya n'INTu akanRa kaNNALaik kALai
paTaiyoTum koNTu peyarvAnaic cuRRam
iTai n'eRit tAkkuRRatu Eyppa, aTal maturai
ATaRku n'Ir amain'tatu, yARu.
vaiyai pOrkkaLattai ottal
50
ARRu aNi, veL vAL vitirppOr, miLir
kun'tam En'tuvOr, koLvAr kOl koLLak
koTit tiN tEr ERuvOr,puL Er puravi polam
paTaik kaimmAvai veLLa n'Ir n'IttattuL Urpu
Urpu uzakkun'arum, kaN Arum cAyaR kazit
55
turappOrai vaNNa n'Ir karan'ta vaTTu viTTu eRivOrum,
maNam varu mAlaiyin vaTTippOrait
tuNi piNar maruppin n'Ir ekkuvOrum,
teri kOtai n'allAr tam kELirt tiLaikkum
urukezu tORRam uraikkugkAl, n'ALum
60
poru kaLam pOlum takaittE pari kavarum
pAy tErAn vaiyai akam.
iLavEniR kAlattu ATal
n'Ir aNi veRi ceRi malar uRu kamaz taN
tAr varai akalattu, av Er aNi n'Er izai
oLi tikaz takai vakai ceRi poRi
65
punai vinaip polag kOtaiyavaroTu,
pAkar iRai vazai matu n'ukarpu, kaLi paran'tu,
n'Akarin n'al vaLa vinai vayavu ERa n'aLi puNarmAr,
kArikai matu oruvarin oruvar kaNNin kavarpuRa,
cIr amai pATaR payattAl kiLar cevi tevi,
70
umpar uRaiyum oLi kiLar vAn Urpu ATum
ampi karavA vazakkiRRE, Agku atai.
kAr ovvA vEnil kalagkit teLivaral,
n'Ir ovvA vaiyai! n'inakku.
tain' n'IrATal
kanaikkum atirkural kAr vAnam n'Igka,
75
panip paTu paital vitalaip paruvattu,
jAyiRu kAyA n'aLi mArip pin kuLattu,
mA irun' tigkaL maRu n'iRai Atirai
virin'Ul an'taNar vizavu toTagka,
puri n'Ul an'taNar polam kalam ERpa,
80
'vempAtAka, viyal n'ila varaippu!' ena
ampA ATalin Ay toTik kanniyar,
munit tuRai mutalviyar muRaimai kATTa,
panip pularpu ATi, paru maNal aruviyin
Utai Urtara, uRai ciRai vEtiyar
85
n'eRi n'imir n'uTagku azal pENiya ciRappin,
taiyal makaLir Ir aNi pularttara,
vaiyai! n'inakku maTai vAyttanRu.
maiyATal ATal maza pulavar mARu ezun'tu,
poy ATal ATum puNarppin avar, avar
90
tI erip pAlum ceRi tavam mun paRRiyO,
tAy arukA n'inRu tavat tain' n'IrATutal?
n'I uraitti, vaiyai n'ati!
makaLir ceyalkaL
AyiTai, mA itaz koNTu, Or maTa mAtar n'OkkinAL,
vEy ezil venRu veRutta tOL; n'Okki,
95
cAy izai piNTit taLir kAtil, taiyinAL;
pAy kuzai n'Ilam pakalAkat taiyinAL;
'kuvaLaik kuzaikkAtin kOlac ceviyin
ivaL cerIi, n'Anku vizi paTaittAL' enRu
n'eRRi viziyA n'iRai tilakam iTTALE,
100
koRRavai kOlam koNTu, Or peN.
pavaLa vaLai ceRittAT kaNTu, aNin'tAL, paccaik
kuvaLaip pacun' taNTu koNTu.
kallakArap pUvAl kaNNi toTuttALai,
'n'illikA!' enpALpOl, n'eytal toTuttALE
105
mallikA mAlai vaLAy.
makaLir karuttum, vENTikkOTalum
taNTu tazuvA, tAvu n'Ir vaiyaiyuL,
kaNTa pozutil, kaTum punal kai vAgka,
n'ejcam avaL vAgka, n'ITu puNai vAgka,
n'Erizai n'inRuzik kaN n'iRpa, n'Ir avan
110
tAzvuzi uyyAtu tAn vENTum ARu uyppa;
AyattuTan n'illAL Agku avan pin toTarUu,
tAy at tiRam aRiyAL, tAgki, 'tanic cERal;
Ayattil kUTu' enRu araRReTuppat tAkkiRRE
cEy uRRa kAr n'Ir varavu.
115
'n'I takkAy, tain' n'Ir! n'iRam teLin'tAy' enmArum,
'">kazuttu amai kai vAgkAk kAtalarp pulla,
vizut takai peRuka!&
ena vENTutum' enmArum, 'pU vIz ariyin pulampap pOkAtu,
yAm vIzvAr, Emam eytuka!' enmArum,
120
'">kizavar kizaviyar&
ennAtu, EzkARum, maza InRu mallaR kEL mannuka!' enmArum
oruvan uvan'tavai kATTutal
'kaNTArkkut tAkku aNagku, ik kArikai; kANmin:
paNTAram, kAman paTai, uvaL kaN; kANmin:
n'Il n'ey tAz kOtaiyavar vilakka n'illAtu,
125
pU Utu vaNTinam yAz koNTa koLai kENmin:
koLaip poruL teritarak koLuttAmal, kural koNTa
kiLaikku uRRa uzaic curumpin kEz kezu pAlai icai
Ormin: paN kaNTu tiRan eytAp paN tALam peRap
pATi, koNTa in icait tALam koLai cIrkkum
130
virittu ATum taN tumpiyinam kANmin: tAn vIz pU
n'erittALai munai kezu cina n'ejcin mun eRin'tu,
pinnum,kanai varal oru tumpi kAy cinattu iyal kANmin
ena Agku
talaimakan kETpa, tOzi vaiyaiyai n'Okkik kURutal
inna paNpin n'in tain' n'IrATal
135
min izai n'aRu n'utal makaL mEmpaTTa
kannimai kaniyAk kaikkiLaik kAma
in iyal mAN tErcci icai paripATal
mun muRai cey tavattin im muRai iyain'tEm;
maRu muRai amaiyattum iyaika!
140
n'aRu n'Ir vaiyai n'ayat taku n'iRaiyE!
varaivu malin'ta tOzi, 'kannip paruvattut tain' n'IrATat tavam talaippaT TEm' ena vaiyaiyai n'Okki, talaimakan kETpa, colliyatu.
Aciriyan n'allan'tuvanAr pATTu
n'AkanAr icai
paNNup pAlaiyAz
20. vaiyai
putup punalaiyum pala vakai maNagkaLaiyum uTankoNTu vaiyai varutal
kaTal kuRaipaTutta n'Ir kal kuRaipaTa eRin'tu,
uTal ERu uruminam Arppa, malai mAlai
muRRupu muRRupu, peytu cUl mutir mukil
porutu ikal puli pOzn'ta pU n'utal ezil yAnaik
5
kurutik kOTTu azi kaRai teLi peRak kazIiyinRu.
kAlaik kaTal paTin'tu, kAy katirOn pOya vazi
mAlai malai maNan'tu, maN tuyinRa kagkulAn
vAn ARRum mazai talaii; maran ARRum malar n'ARRam
tEn ARRum malar n'ARRam, ceRu veyil uRu kAla
10
kAn ARRum kAr n'ARRam,kompu utirtta kani n'ARRam;
tAn, n'ARRam kalan'tu uTan tazIi van'tu, tarUum, vaiyai.
putup punalATa vaikaRaiyil main'tarum makaLirum cenRa vakai
tan n'ARRam mItu, taTam pozil tAn, yARRu
ven' n'ARRu vEcanai n'ARRam kutukutuppa,
Ur Ur paRai oli koNTanRu: uyar matilil
15
n'Ir Ur aravattAl tuyil uNarpu ezIi,
tiN tErp puravi vagkam pUTTavum,
vagkap pANTiyil tiN tEr Uravum,
vayamAp paNNun'a matamAp paNNavum,
kayamAp pENik kalavAtu Uravum,
20
makaLir kOtai main'tar punaiyavum,
main'tar taN tAr makaLir peyyavum,
mun'tuRal viruppoTu muRai maRan'tu aNin'tavar,
ATuvAr poytal aNi vaNTu imir maNal
kOTu ERu eruttattu irum punalil kuRuki,
25
mATa maRukin maruvi maRukuRa,
kUTal vizaiyum takaittu takai vaiyai.
talaimakanatu kAtaRparattaiyait tOziyar kaNTa kAlattu n'Ern'ta n'ikazcci
pukai vakai taiiyinAr pUg kOtai n'allAr,
takai vakai taiiyinAr tAr;
vakaivakai taiiyinAr mAlai, mikamikac
30
cUTTum kaNNiyum mOTTu valaiyamum
iyal aNi, aNi n'iRpa ERi; amar parappin
ayal ayal aNi n'Okki Agku Agku varupavar
iTu vaLai AramOTu IttAn uTanAka,
keTu vaLai pUNTavaL mEniyil kaNTu,
35
n'on'tu, 'avaL mARRAL ivaL' ena n'Okka,
talaimakanatu mukamARRamum, kUTTattuL parattai maRaitalum
tan'ta kaLvan camazppu mukam kANmin;
ceruc ceyta vALi cIRRattavai anna
n'Er itaz uNkaNAr n'irai kATAka,
OTi oLittu, oyyap pOvAL n'ilai kANmin.
tannait toTarn'ta AyattArOTu parattai uraittal
40
ena Agku,
oyyap pOvALai, 'uRazn'tOL iv vANutal'
vaiyai maTuttAl kaTal enat teyya
n'eRi maNal n'ETinar cella, col ERRu,
'ceRi n'iraip peN' val uRazpu 'yAtu toTarpu?' enna
45
maRalinAL, mARRAL makaL.
talaimakaLin tikaippu
vAy vALA n'inRAL,
ceRin'akai cittam tikaittu.
AyattAr parattaiyai n'Okki vaitu uraittal
Ayattu orutti, avaLai, 'amar kAmam
mAyap poy kUTTi mayakkum vilaik kaNikai!
50
peNmaip potumaip piNaiyili! aim pulattait
tuRRuva tuRRum tuNai itaz vAyt toTTi!
muRRA n'aRu n'aRA moy punal aTTi,
kArikai n'Ir Er vayal, kAmak kaLi n'Ajcil,
mUri tavira muTukku mutu cATi!
55
maTa matar uNkaN kayiRAka vaittut
taTa men tOL toTTu, takaittu maTa viralAl
iTTArkku yAz Arttum pANiyil, em izaiyait
toTTu, Arttum inpat tuRaip potuvi! keTTataip
poytal makaLir kaN kANa ikuttan'tu, iv
60
vaiyait tozuvattut tan'tu, vaTittu, iTittu,
mattikai mAlaiyA mOti, avaiyattut
toTarn'tEm erutu tozil ceyyAtu OTa
viTum kaTan vELALarkku inRu paTarn'tu, yAm.
tan mArpam taNTam tarum ArattAL mArpum,
65
n'in mArpum, Or otta n'Irmaiya kol?' ennAmun
parattai Ecutalaik kaNTa mutumakaLir kURRu
tETinAL Eca, cila makaLir maRRu ataRku
UTinAr, vaiyaiyakattu.
'cin'tikkat tIrum piNiyAT ceRERka;
main'tu uRRAy, vej col; maTa mayiR cAyalai
70
van'tikka vAr' ena
parattaiyin patil urai
'manat takka n'Oy itu;
vERRArai vERRAr tozutal iLivaravu;
pORRAy kAN, annai! puraiyOy! purai inRu,
mARRALai mARRAL varavu.'
talaivi kURRu
75
'a...col n'allavai n'ANAmal
tan'tu muzavin varuvAy! n'I vAyvALA;
en'tai enakku Itta iTu vaLai, Arap pUN
van'ta vazi n'inpAl mAyak kaLavu anREl,
tan'tAnait tan'tE, tarukku.'
parattaiyin maRumozi
80
mAlai aNiya vilai tan'tAn; mAtar n'in
kAla cilampum kazaRRuvAn; cAla,
atiral am kaNNi! n'I anpan eRku anpan;
katuvAy; avan kaLvan; kaLvi n'An allEn.'
ena Agku
kaNTAr cilaruTaiya kURRu
parattaiyai n'Okki uraittal
85
vacciya mAnE! maRalinai mARRu; umakku
n'accinAr Ipavai n'ATu aRiya n'ummavE.
talaimakaLukku munivu n'Igka uraittal
cEkkai iniyArpAl celvAn manaiyALAl
kAkkai kaTin'tu ozukal kUTumO? kUTA;
takavuTai magkaiyar cAnRANmai cAnRAr
90
ikazinum, kELvarai Etti iRaijcuvAr;
n'ikazvatu aRiyAtu n'illu n'I, n'allAy!
'makaLirai main'tuRRu amarpu uRRa main'tar
akalam kaTikuvEm; enpavai yArkkAnum
muTi poruL anRu muniyal muniyal!
95
kaTa varai n'iRkumO kAmam? koTi iyalAy!'
vaiyai n'Ir malarkaLuTan van'tu kUTal matilin curugkai vaziyE pAyum kATci
ena Agku
inna tuniyum pulaviyum ERpikkum,
tennavan vaiyaic ciRappu.
koTi iyalAr kaipOl kuvin'ta mukai,
100
aravu uTanRavaipOl virin'ta kulai,
kuTai virin'tavai pOlak kOlum malar,
cunai kazin'tu tUgkuvana n'Irin malar,
cinai virin'tu utirn'ta vI, putal viri pOtoTum,
aruvi corin'ta tiraiyin turan'tu;
105
n'eTu mAl curugkai n'aTu vazip pOn'tu
kaTu mA kaLiRu aNattuk kai viTu n'Ir pOlum
n'eTu n'Ir mali punal, n'IL mATak kUTal
kaTi matil peyyum pozutu.
pirin'tAraik kUTTuvittal vaiyaikku iyalpu
n'Am amar UTalum n'aTpum, taNappum,
110
kAmamum kaLLum kalan'tu uTan pArATTa,
tAm amar kAtalaroTu ATap puNarvittal
pU mali vaiyaikku iyalpu.
paruva varavinkaN talaimakaLatu ARRAmai kaNTu, tUtu viTac cenRa pANan talaimakaRkuk kArp paruvamum vaiyai n'Ir vizavaNiyum kURiyatu.
Aciriyan n'allan'tuvanAr pATTu
n'allaccutanAr icai
paN kAn'tAram