எண்ணக் கோட்பாடும் பிற கோட்பாடுகளும்

எண்ணங்களைச் சுட்டுவதற்கு மொழிக்கூறுகள் பயன்படுத்தப் படுகின்றன. இவ்வாறு சுட்டப்படும் எண்ணங்கள் மொழிக்கூறுகளின் பொருள் ஆகும் என்பதை எண்ணக் கோட்பாடு விளக்குகிறது.

எண்ணக் கோட்பாடானது கீழ்க்காணுமாறு இருவகைப் படுத்தப்படுகிறது:

கண்ணால் காணுகின்ற ஒரு பொருளை (object), பிம்பமாக (image) நிறுத்தும் தன்மை படைத்தது மனித மனம்.

ஒரு பறவை நம் கண்ணில்படுகிறது. இது பறவைப் பிம்பமாக மனத்தில் உருவெடுக்கிறதல்லவா? இவ்வாறே எந்தப் பொருளையும் பிம்பமாக நிலைநிறுத்தும் ஆற்றல் படைத்தது மனம். இந்தப் பிம்பங்கள், மன உருக்கள் (mental images) ஆகும். ஒரு மொழிக்கூறின் பொருள் (meaning) என்பது அந்த மொழிக்கூறோடு தொடர்புபடுத்தப்படும் மனஉரு ஆகும் என்பதே மனஉருக் கோட்பாட்டின் அடிப்படை.

இக்கோட்பாடானது, மொழிக்கூறுகளின் பொருளை மனத்தில் நிலைபெறச் செய்வதால் புறப்பொருட் கோட்பாட்டை (object theory)க் காட்டிலும் மலோனது. மொழிக் கூறுகளுக்கும் பொருள் தருவதில் மனிதனின் பங்கு இன்றியமையாதது என்றும், மொழிக் கூறுகளின் பொருளானது வெளிப்படையானது அல்ல என்றும் இக் கோட்பாடு உணர்த்துகிறது.

இக்கோட்பாட்டிற்கு எதிரான வாதங்கள் வருமாறு:

இச்சொல் ஒருவர் மனத்தில் மல்லிகையின் பிம்பத்தையும் மற்றொருவரின் மனத்தில்     சாமந்தியின்     பிம்பத்தையும் உருவாக்கலாம். இரண்டு மன உருக்களைச் சுட்டுவதால் பூ என்ற சொல்லைப் பலபொருள் ஒருமொழி எனக் கொள்வதில்லை.

இம்மூன்று மொழிக்கூறுகளும் ஒருவர் மனத்தில் ஒரே மன உருவைத் தோற்றுவிக்கலாம். ஆனாலும், அக்கூறுகள் ஒரே பொருளைக் குறிப்பனவாகக் கருதுவதற்கில்லை.

மேற்குறிப்பிட்டவற்றால் பொருளும் மன உருக்களும் வெவ்வேறானவை என்பது புலனாகிறது.

நாம் பல நாய்களைக் காண்கிறோம். நிறம், இனம், உடலமைப்பு முதலாயவற்றில் அவை வேறுபட்டிருக்கலாம். அவற்றின் பிம்பங்கள் நமது மனத்தில் உருப்பெறுகின்றன. இந்தப் பல்வேறு பிம்பங்களிலும் சில ஒற்றுமைகளைக் காண்கிறோம். இத்தகைய ஒற்றுமைக் கூறுகளை இணைத்து ஒரு பொது எண்ணம் உருவாக்கப்படுகிறது.     அது நாய் எனும் சொல்லுடன் இணைக்கப்படுகிறது. பிறகு அதுவே அச் சொல்லின் பொருளாக மாறுகிறது. இதுதான் எண்ணக் கோட்பாட்டின் கருத்தாகும்.

சொற்கள் சுட்டுகின்ற எண்ணங்களில் அவற்றின் பொருள் படிந்து கிடப்பதாகவும், அனுபவத்தின் வாயிலாக எண்ணங்கள் பெறப்படுவதாகவும் தத்துவவியலாளர் கூறுவர்.

அமைப்பு மொழியியலாளர் (Structural Linguists), சொற் பொருளைக் (meaning) கருத்தில் கொள்ளாமல் வாக்கியத்தில் சொற்கள் இடம்பெற்றுள்ள அமைப்பு முறையை மட்டும் கருத்தில் கொண்டு விளக்க முற்பட்டனர். இதன் காரணமாக மொழியிலுள்ள எல்லா வாக்கியங்களையும் அவர்களால் விளக்கிக் கூறமுடியாமல் தோல்வி கண்டனர்.

இந்நிலையில் ஹேரிஸ் (Harris) என்பார், மாற்று முறையினால் (transformation) ஒரு வாக்கிய அமைப்பு மற்றொரு வாக்கிய அமைப்பாக மாறுகிறது என்ற கருத்ைத வெளியிட்டார். இவரது மாணவரான நோம் சாம்ஸ்கி (Noam Chomsky) தொடரியல் அமைப்பு (Syntactic Structure) எனும் நூலை 1957-இல் வெளியிட்டுப் புதியதொரு கோட்பாட்டினை முன்வைத்தார். ஆனால் ஹேரிஸ் போன்றே இவரும் வாக்கியத்தின் புற அமைப்பிற்கு (surface structure) மட்டுமே சிறப்பளித்து, அக அமைப்பு (deep structure) உள்ளடக்கியிருக்கும் பொருள் (பொருண்மை) பற்றி ஏதும் கருதவில்லை என்பது குறையாகவே கருதப்படுகிறது.

நோம் சாம்ஸ்கியின் தொடரியல் கொள்கையைப் பின்பற்றி கட்ஸ் (Katz). போடோர் (Fodor) எனும் இருவரும் இணைந்து ‘சொற்பொருட் கோட்பாட்டின் அமைப்பு’ (The Structure of a Semantic theory) என்பதை 1963-இல் வெளியிட்டனர். வாக்கியத்தின் அக அமைப்பானது தொடரியல் அமைப்பு மற்றும் பொருண்மை பற்றிய செய்திகளை உள்ளடக்கியிருக்கும் என்பது இக்கோட்பாட்டின் சிறப்பாகும்.

தொடரியல் கொள்கைகளில் காணப்பட்ட குறைபாடுகளைக் காணுவதற்காக உருவானது இது. ஜார்ஜ் லேக்காப் (George Lakoff), ஜான் ராபர்ட் ராஸ் (Ross J.R), ஜேம்ஸ் மக்காவ்லே (James E. Mecawley) ஆகியோர் இப்புதிய கோட்பாட்டின் உருவாக்கத்திற்கு முதன்மையானவர்கள் ஆவர்.

ஒரு வாக்கியத்தின் முழுப் பொருளையும் தெளிவுபடுத்த இது முயல்கிறது.

லேக்கப் தரும் எடுத்துக்காட்டுகளைக் காண்போம்.

Do you beat you wife enthusiastically?

You don’t beat your wife enthusiastically.

முதலாவதாகக் காட்டப்பட்ட வினா வாக்கியமும் அடுத்துக் காட்டப்பட்ட எதிர்மறை வாக்கியமும் இதுவரை மனைவியை அடித்து வந்த செயல் நிகழ்ந்தது என்பதை உணர்த்துகின்றன. பொதுக் கோட்பாட்டின்படி (Standard theory) மேற்குறிப்பிட்ட வினாவாக்கியத்தின் அக (புதை) வடிவம் (deep structure) பின்வருமாறு அமைகிறது.

அடுத்து, ஜேகண்டப் (Jackendoff) என்பாரின் கருத்தை நோக்குவோம்.

தொடரியல் கோட்பாட்டின்படி இவ்விரு வாக்கியங்களும் ஒரே அக (புதை) வடிவம் பெறும் எனினும் பொருளில் அவை வேறுபடுகின்றன. இத்தகைய பொருள் வேறுபாட்டினை விளக்க முற்படுவதற்குத் திருத்திய பொதுக் கோட்பாடு (Extended Standard Theory)     என்பது உருப்பெறலாயிற்று. அக வடிவத்தையும் புறவடிவத்தையும் ஒப்பிட்டுப் பார்த்துப் பொருளை எடுத்துரைக்க வேண்டும் என்கிறது இக்கோட்பாடு.

எனும் இவ் வாக்கியங்கள் பொருளில், வேறுபட்டாலும் புறவடிவத்தில் பல எனும் எண்ணடை ((quantifier) பயனிலையாக வருமிடம் வேறுபடவில்லை. எனவே இத்தகைய பொருள் வேறுபாட்டினைத் தொடரியல் அக வடிவத்தால் விளக்க இயலாது என்று சொற்பொருளியலாளர் கருதுகின்றனர்.