Primary tabs
-
3.0 பாட முன்னுரை
திராவிட மொழிகளுள் பழமை வாய்ந்த மொழியான தமிழ்மொழியில், சொல் அளவிலும் பொருள் அளவிலும் இன்று ஏற்பட்டுள்ள மாற்றங்கள் பலப்பல. இவ்விரு மாற்றங்களையும் தனித்தனியே ஆய்வதைக் காட்டிலும் ஒன்றோடு ஒன்றைத் தொடர்புபடுத்தி ஆய்வது மிகவும் சிறந்ததாகும். இவ்வாறு சொற்கள் திரிந்து மாற்றம் அடைவதுபோல, சொல்லுக்குரிய பெயரும் திரிந்து வேறு ஒரு பொருளாகத் திரிவதையும், நாம் பல சான்றுகள் மூலம் காண முடியும். பேச்சுத் தமிழில் இத்தகைய மாற்றங்கள் பல நிகழ்ந்துள்ளன. சொற்களின் பிறப்பாராய்ச்சியும், சொற்பொருள் மாற்றமும் ஒன்றை விட்டு ஒன்றைப் பிரிக்க இயலாத அளவிற்கு நெருங்கிய தொடர்புடையன. இக்கருத்துக்களைத் தமிழ்மொழி வரலாற்றின் மூலம் நன்கு உணர்ந்துகொள்ள இயலும்.