வடமொழி எழுத்து : வடமொழி எழுத்தொலியைத் தமிழ் எழுத்தொலிக்கு ஏற்ப மாற்றியெழுதுதலே மரபாகும். அவை வருமாறு :

1. அபூர்வம் – அபூருவம் ; ஆத்மா – ஆத்துமா ; பத்னி – பத்தினி ; சொர்ணம் – சொருணம் ; பத்மினி – பதுமினி ; கர்ணன் – கன்னன் ; அதிருஷ்டம் – அதிட்டம்
2. ஆகாரத்தில் முடிபவை ; தமிழில் ஐகாரத்தில் முடியும் ; கலா – கலை ; பாடசாலா – பாடசாலை ; மேகலா – மேகலை
3. வடமொழி இணை எழுத்து இகரச்சாரியை ஏற்றும், உகரச் சாரியை ஏற்றும் வரும். பாக்யம் – பாக்கியம் ; காப்யம் – காப்பியம் ; அக்ரமம் – அக்கிரமம் ; சுப்ரமண்யன் – சுப்பிரமணியன் ; சத்யவதி – சத்தியவதி (இகரம்) ; பத்மம் – பதுமம் ; அர்த்தம் – அருத்தம் ; நிர்வாகி – நிருவாகி (உகரம்)
4. கெட்டும் திரிந்தும் வரும். ஸ்தலம் – தலம் ; அஸ்தம் – அத்தம் ; ஸ்தூபி – தூபி
5. தமிழுக்கும் வடமொழிக்கும் பொதுவாக வரும் பொதுவெழுத்துத் தமிழில் வழங்குங்கால், சிறப்பெழுத்தாகவே வரும். அநுமன் – அனுமன் ; ஆநந்தன் – ஆனந்தன்.
6. பிறமொழி ; வடமொழியைப் போலவே, காலப்போக்கில் வேறு அயல் மொழியும் தமிழில் வந்து வழங்குகின்றன. அவற்றையும் தமிழ் ஒலிக்கியைய அமைத்து எழுதவும். அவை : ஆங்கிலம் : COFFEE – காஃபி ; SOCIETY – சொசைட்டி ; SWIS – சுவிசு ; ஸ்காட்லாண்ட் – காட்டுலாந்து; FORD – போர்டு ; ஸ்டாலின் – இசுடாலின், தாலின் ; லெனின் - இலெனின்

குறிப்பு : பிறமொழியைத் தமிழில் எழுதுங்கால் அம்மொழிக்கு நேரான பொருள் தரும் சொல் தமிழில் இருந்தால் அச்சொல்லையே வழங்க வேண்டும். எ.கா. (புட்பம் – மலர், பூ) கவர்னர் – ஆளுநர் ; போர்டு – கரும்பலகை, விளம்பரப் பலகை.