“அகம்” என்னும் சொல்லுக்கு “உள்ளம்” எனப் பொருள்படும் என்பதை அறிவீர்கள். ஆதலின், ‘ஒத்த அன்புடைய தலைவன் தலைவியின் உள்ளத்தே தோன்றும் காதல் நிகழ்ச்சியை அகப்பொருள் எனப் பெயரிட்டு வழங்கினர். அகப்பொருள் பற்றி நிகழும் ஒழுக்கத்தை அகத்திணை என்பர். “திணை” என்பதற்கு "ஒழுக்கம்" எனப் பொருள்படும்.

அகத்திணையைக் குறிஞ்சித் திணை, முல்லைத் திணை, மருதத் திணை, நெய்தல் திணை, பாலைத் திணை என ஐந்து வகையாகப் பகுத்துக் கூறுவர். இவற்றையே அன்பின் ஐந்திணை என்பர்.

ஒத்த அன்புடைய தலைவன் ஒருவனும் தலைவி ஒருத்தியும் தாமே ஒருவரை ஒருவர் கண்டு உள்ளம் கலந்து உறவுகொள்ளும் ஒழுக்கமாகும்.

பொருள் தேடுதல் அல்லது நாடு காவலுக்காகத் தலைவியைப் பிரிந்து சென்ற தலைவன் திரும்பி வரும்வரை, அவனது பிரிவை நினைத்துத் தலைவி தன் இல்லத்தில் வருந்தி இருக்கும் நிலையைக் குறிப்பதாகும்.

இல்வாழ்வில் ஈடுபட்ட தலைவன் ஆடல் பாடல்களில் விருப்பம் கொண்டு அவை காரணமாக வெளியிடங்களில் தங்கி மீளும்போது, தலைவி அவன்மீது கொள்ளும் ஊடல் உவகையைக் குறிப்பதாகும்.

பிரிந்து சென்ற தலைவன், குறித்த காலத்தில் வராமல் இருந்தால், அது குறித்துத் தலைவி கொள்ளும் வருத்தத்தைக் குறிக்கும் ஒழுக்கமாகும்.

தலைவன் தலைவியை விட்டுப் பிரியும் ஒழுக்கமாகும்.

இவை ஐந்தினோடு கைக்கிளை, பெருந்திணை ஆகிய இரண்டையும் சேர்த்து அகத்திணை ஒழுக்கம் ஏழு எனக் கூறுவர்.

கைக்கிளை என்பது ஒருதலைக் காதல். பெருந்திணை என்பது பொருந்தாக் காதல். ஆதலின், அவை இரண்டும் சிறப்புடையனவாகா.

அன்பின் ஐந்திணை சிறப்புற நடத்தற் பொருட்டு ஒவ்வொன்றுக்கும் ‘முதற்பொருள், கருப்பொருள், உரிப்பொருள்’ என மூன்று பொருள்கள் வகுத்துள்ளனர்.

குறிஞ்சி, முல்லை, மருதம், நெய்தல், பாலை ஆகிய ஐந்து வகை ஒழுக்கம் நிகழ்தற்குரிய நிலத்தையும் நிகழ்த்துவதற்கு ஏற்ற பொழுதையும் (காலம்) ‘முதற்பொருள்’ என வழங்குவர். (நிலமும் பொழுதும் பாலை எனப்படும்)