Primary tabs
-
A02123 : இடைச்சொல் வகைகள் பகுதி - II
இந்தப் பாடம் என்ன சொல்கிறது?
தத்தம் பொருளை உணர்த்தி வரும் ஏ, ஓ, என முதலிய இடைச்சொற்கள், இசைநிறை இடைச்சொற்கள், அசைநிலை இடைச்சொற்கள், குறிப்பால் பொருள் உணர்த்தும் இடைச்சொற்கள் ஆகியன குறித்து இப்பாடம் விளக்குகிறது.
இவ்வகை இடைச்சொற்கள் இலக்கியங்களில் பயின்று வந்துள்ளமையை எடுத்துக் காட்டுகளுடன் விளக்கிக் கூறுகிறது.
இந்தப் பாடத்தைப் படிப்பதால் என்ன பயன் பெறலாம்?
•ஏகாரம் ஓகாரம் முதலிய இடைச்சொற்கள் தத்தம்
பொருளை எவ்வாறு உணர்த்துகின்றன என்பதைத்
தெரிந்து கொள்ளலாம்.•இசை நிறைக்க வரும் இடைச்சொற்கள் பற்றி அறிந்து
கொள்ளலாம்.•செய்யுளில் அசைநிலைச் சொற்களின் இடம் என்ன
என்பதை விளங்கிக் கொள்ளலாம்.•ஒலிக் குறிப்புச் சொற்கள் செய்யுளிலும் வழக்கிலும்
பயின்று வரும் முறைகளைத் தெரிந்து கொள்ளலாம்.
E-
3.5 குறிப்பால் பொருள் உணர்த்தும் இடைச்சொற்கள்
பொருளை வெளிப்படையாக உணர்த்தாமல் குறிப்பாக
உணர்த்தும் சில குறிப்புச் சொற்கள் இடைச் சொற்களாகக்
குறிக்கப்படுகின்றன.3.5.1 ஒலிக் குறிப்பாக வரும் இடைச்சொற்கள்அம்மென, இம்மென, கோவென, சோவென, துடுமென,
ஒல்லென, கஃறென, சுஃறென, கடகடவென, கலகலவென,
திடுதிடுவென, நெறுநெறுவென, படபடவென ஆகிய இவை
ஒலிக்குறிப்புச் சொற்கள்.எடுத்துக்காட்டு
கோவெனக் கதறி அழுதான்
சோவென மழை பெய்தது
கலகலவெனச் சிரித்தாள்
நெஞ்சு படபடவென அடித்துக் கொண்டது3.5.2 அச்சக் குறிப்பைத் தரும் இடைச்சொற்கள்துண்ணென, துணுக்கென, திடுக்கென, திக்கென போன்றவை
அச்சக் குறிப்பை வெளிப்படுத்தும் சொற்கள்.எடுத்துக்காட்டு
அவள் துணுக்குற்றாள்
திடுக்கெனத் தூக்கிப் போட்டது
துண்ணெனத் துடித்தது நெஞ்சம்3.5.3 விரைவுக் குறிப்புச் சொற்கள்பொள்ளென, பொருக்கென, கதுமென, சடக்கென, மடக்கென,
திடீர் என - போன்றவை விரைவுப் பொருளில் வரும்.எடுத்துக்காட்டு
பொள்ளெனப் பொழுது விடிந்தது
திடீரென மறைந்து விட்டான்பிற விரைவுக் குறிப்புச் சொற்களையும் இலக்கியங்கள் வழி
அறிந்து கொள்ளலாம்.இன்று வழக்கில் இல்லாத பல ஒலிக்குறிப்புச் சொற்கள்
இலக்கியங்களில் மட்டுமே காணக்கிடக்கின்றன.
இலக்கியங்களைப் படிக்கும் பொழுது அச்சொற்களின்
குறிப்புப் பொருளை அறிந்து கொள்ளலாம்.