17-18

tEm paTu malar, kuzai, pUn' tukil, vaTi maNi,

En'tu ilai cuman'tu; cAn'tam viraii,

viTai arai acaitta, vElan, kaTimaram

paravinar uraiyoTu paNNiya icaiyinar,

5

virimalar matuvin maram n'anai kunRattu

kOl eri, koLai, n'aRai, pukai, koTi, orugku eza

mAlai mAlai, aTi uRai, iyain'ar,

mElOr uRaiyuLum vENTun'ar yAar?

orutiRam, pANar yAzin tIg kural eza,

10

orutiRam, yANar vaNTin imir icai eza,

orutiRam, kaN Ar kuzalin karaipu eza,

orutiRam, paN Ar tumpi paran'tu icai Uta,

orutiRam, maN Ar muzavin icai eza,

orutiRam, aNNal n'eTu varai aruvi n'Ir tatumpa,

15

orutiRam, pATal n'al viRaliyar olkupu n'uTagka,

orutiRam, vATai uLarvayin pUg koTi n'uTagka,

orutiRam, pATini muralum pAlai am kuralin

n'ITukiLar kizamai n'iRai kuRai tOnRa,

orutiRam, ATu cIr majjai ari kural tOnRa,

20

mARumARu uRRana pOl mARu etir kOTal

mARu aTTAn kunRam uTaittu.

pATal cAnRu pal pukaz muRRiya

kUTaloTu paragkunRin iTai,

kamaz n'aRuj cAn'tin avaravar tiLaippa,

25

n'aNin'aNittu Ayinum, cEeyc cEyttu;

makiz miku tEem kOtaiyar kUn'tal kujciyin

cOrn'tu aviz itazin iyagkum ARu inRu.

vacai n'Igkiya vAymaiyAl, vELviyAl,

ticai n'ARiya kunRu amarn'tu, ANTuANTu

30

Avi uNNum akil kezu kamaz pukai

vAyvAy mI pOy, umpar imaipu iRappa;

tEyA maNTilam kANumARu inRu.

vaLai mun kai vaNagku iRaiyAr,

aNai men tOL acaipu ottAr

35

tAr mArpin takai iyalAr,

Ira mAlai iyal aNiyAr,

manam makiz tUgkun'ar pAypu uTan ATa,

cunai malart tAtu Utum vaNTu Utal eytA:

anaiya, paragkunRin aNi.

40

kIzOr vayal parakkum, vAr veL aruvi paran'tu AnAtu

arO;mElOr iyagkutalAl, vIz maNi n'Ilam ceRu

uzakkum arO;teyva vizavum, tirun'tu virun'tu ayarvum,

av veL aruvi aNi parag kunRiRkum,

toyyA vizuc cIr vaLam kezu vaiyaikkum,

45

koy uLai mAn tErk koTit tErAn kUTaRkum,

kai Uz taTumARRam n'anRu.

ena Agku,

maNi n'iRa majjai Ogkiya puT koTi,

piNimukam Urn'ta vel pOr, iRaiva!

50

paNi orIi, n'in pukaz Etti,

aNi n'eTug kunRam pATutum; tozutum;

avai yAmum em cuRRamum paravutum

Ema vaikal peRuka, yAm enavE.

pOr etirn'tu ERRAr matukai matam tapa,

kAr etirn'tu ERRa kamaj cUl ezilipOl,

n'Ir n'iran'tu ERRa n'ilam tAgku azuvattu,

cUr, n'iran'tu cuRRiya, mA taputta vElOy! n'in

5

cIr n'iran'tu En'tiya kunRoTu n'Er n'iran'tu,

ERumARu ERkum ik kunRu.

oL oLi maNip poRi Al majjai n'Okkit tan

uLLattu n'inaippAnaik kaNTanaL, tiru n'utalum:

'uLLiyatu uNarn'tEn; aHtu urai; ini, n'I emmai

10

eLLutal maRaittal Ompu' enpALaip peyarttu,

avan 'kAtalAy! n'in iyal kaLavu eNNik kaLi makiz

pEtuRRa itanaik kaNTu, yAn n'Okka, n'I emmai

EtilA n'Okkuti' enRu, Agku uNarppittal

Ay tErAn kunRa iyalpu.

15

ai vaLam pUtta aNi tikaz kunRinmEl,

mai vaLam pUtta malar Er mazaik kaNNAr,

kai vaLam pUtta vaTuvoTu, kANAy n'I?

moy vaLam pUtta muyakkam, yAm kaippaTuttEm:

mey vaLam pUtta vizai taku pon aNi

20

n'ai vaLam pUtta n'arampu iyai cIrp poy vaLama

pUttana pANA! n'in pATTu.

taN taLir tarup paTuttu, eTuttu uraii,

magkul mazai muzagkiya viRal varaiyAl,

kaN porupu cuTarn'tu, aTarn'tu, iTan'tu,

25

iruL pOzum koTi minnAl

veN cuTar vEl vEL! virai mayil mEl jAyiRu! n'in

oN cuTar OTaik kaLiRu Eykkum n'in kunRattu,

ezutu ezil ampalam kAmavEL ampin

tozil vIRRirun'ta n'akar.

30

Ar tatumpum ayil ampu n'iRai n'Azi

cUr tatumpu varaiya kAvAl,

kAr tatumpu n'Ir tatumpuvana cunai,

Er tatumpuvana pU aNi ceRivu.

pOr tORRuk kaTTuNTAr kai pOlva kAr tORRum

35

kAn'taL, ceRin'ta kavin,

kavin mukai, kaTTu avizppa, tumpi; kaTTu yAzin

puri n'ekizppAr pOnRana kai.

accirakkAl Arttu aNi mazai kOlinRE,

vaccirattAn vAna villu.

40

villuc cori pakaziyin men malar tAyina

vallup pOr vallAy! malaimEl maram.

vaTTu uruTTu vallAy! malaiya n'eTTuruTTuc

cIr tatumpum aravamuTan ciRan'tu,

pOr tatumpum aravam pOla,

45

karuvi Arppa, karuvi n'inRana kunRam.

aruvi Arppa, muttu aNin'tana, varai;

kuruvi Arppa, kural kuvin'tana, tinai;

eruvai kOppa, ezil aNi tiruvil

vAnil aNitta, vari Utum pal malarAl,

50

kUni vaLaitta cunai.

puri uRu n'arampum iyalum puNarn'tu,

curutiyum pUvum cuTarum kUTi,

eri uruku akilOTu Aramum kamazum,

ceru vER tAnaic celva! n'in aTi uRai,

55

uritinin uRai patic cErn'tAgku,

piriyAtu irukka em cuRRamOTu uTanE!