தமிழ் இணையக் கல்விக்கழகம் - TAMIL VIRTUAL ACADEMY

மொழிகள்

YAnai (kaLiRu, PiTi, VEzam, PakaTu, KaimA, KaimAn)-yAnai (kaLiRu, PiTi, VEzam, PakaTu, KaimA, KaimAn)

  • yAnai (kaLiRu, piTi, vEzam, pakaTu, kaimA, kaimAn)

    3
    uvavu mati uruvin Ogkal veN kuTai
    n'ilavuk kaTal varaippin maNNakam n'izaRRa,
    Ema muracam izumena muzagka,
    n'Emi uytta n'Ee n'ejcin,
    5
    tavirA Ikai, kavuriyar maruka!
    ceyir tIr kaRpin cEyizai kaNava!
    pon OTaip pukar aNi n'utal,
    tun arun' tiRal, kamaz kaTAattu,
    eyiRu paTaiyAka eyiR katavu iTAa,
    10
    kayiRu piNikkoNTa kaviz maNi marugkin,
    perug kai, yAnai irum piTart talai irun'tu,
    marun'tu il kURRattu arun' tozil cAyAk
    karug kai oL vAT perumpeyar vazuti!
    n'ilam peyarinum, n'in col peyaral;
    15
    polag kazaR kAl, pular cAn'tin
    vilagku akanRa viyal mArpa!
    Ur illa, uyavu ariya,
    n'Ir illa, n'IL iTaiya,
    pArval irukkai, kavi kaN n'Okkin,
    20
    cen' toTai pizaiyA vankaN ATavar
    ampu viTa, vIzn'tOr vampap patukkai,
    tirun'tu ciRai vaLai vAyp parun'tu irun'tu uyavum
    unna maratta tun arug kavalai,
    n'in n'acai vETkaiyin iravalar varuvar atu
    25
    munnam mukattin uNarn'tu, avar
    inmai tIrttal vanmaiyAnE.
    tiNaiyum tuRaiyum avai.
    pANTiyan karug kai oLvAT perumpeyar vazutiyai irumpiTarttalaiyArpATiyatu.

    5
    erumai anna karug kal iTai tORu,
    Anin parakkum yAnaiya, munpin,
    kAnaka n'ATanai! n'IyO, peruma!
    n'I Or Akalin, n'in onRu mozival:
    5
    aruLum anpum n'Ikki, n'IgkA
    n'irayam koLpavaroTu onRAtu, kAval,
    kuzavi koLpavarin, Ompumati!
    aLitO tAnE; atu peRal arug kuraittE.
    tiNai pATANtiNai; tuRai ceviyaRivuRUu; poruNmozik kAjciyum Am.
    cEramAn karuvUr ERiya oL vAT kOp perujcEral irumpoRaiyaik kaNTa jAnRu, n'in uTampu peRuvAyAka!' ena, avanaic cenRu kaNTu, tam uTampu peRRu n'inRa n'ariverUuttalaiyAr pATiyatu.

    6
    vaTAatu pani paTu n'eTu varai vaTakkum,
    tenAatu uru kezu kumariyin teRkum,
    kuNAatu karai poru toTu kaTaR kuNakkum,
    kuTAatu tonRu mutir pauvattin kuTakkum,
    5
    kIzatu mup puNar aTukkiya muRai mutaR kaTTin
    n'Ir n'ilai n'ivappin kIzum, mElatu
    Anilai ulakattAnum, AnAtu,
    uruvum pukazum Aki, viri cIrt
    teri kOl jaman pOla, oru tiRam
    10
    paRRal iliyarO! n'in tiRam ciRakka!
    cey vinaikku etirn'ta tevvar tEettu,
    kaTal paTai kuLippa maNTi, aTar pukarc
    ciRu kaN yAnai cevvitin Evi,
    pAcaval paTappai Ar eyil pala tan'tu,
    15
    av eyil koNTa ceyvuRu n'an kalam
    paricil mAkkaTku varicaiyin n'alki,
    paNiyiyar attai, n'in kuTaiyE munivar
    muk kaT celvar n'akar valam ceyaRkE!
    iRaijcuka, peruma! n'in cenni ciRan'ta
    20
    n'AnmaRai munivar En'tu kai etirE!
    vATuka, iRaiva! n'in kaNNi onnAr
    n'ATu cuTu kamaz pukai eRittalAnE!
    celiyar attai, n'in vekuLi vAl izai
    magkaiyar tunitta vAL mukattu etirE!
    25
    Agka, venRi ellAm venRu akattu aTakkiya
    taNTA Ikait takai mAN kuTumi!
    taN katir matiyam pOlavum, teRu cuTar
    oN katir jAyiRu pOlavum,
    manniya, peruma! n'I n'ilamicaiyAnE!
    tiNaiyum tuRaiyum avai; tuRai vAzttiyalum Am.
    pANTiyan palyAkacAlai mutukuTumip peruvazutiyaik kAri kizAr pATiyatu.

    7
    kaLiRu kaTaiiya tAL,
    kazal urIiya tirun'tu aTi,
    kaNai porutu kavi vaN kaiyAl,
    kaN oLirvarUum kavin cApattu,
    5
    mA maRutta malar mArpin,
    tOl peyariya eRuz munpin,
    ellaiyum iravum eNNAy, pakaivar
    Ur cuTu viLakkattu azu viLik kampalaik
    koLLai mEvalai; Akalin, n'alla
    10
    illa AkupavAl iyal tEr vaLava!
    taN punal paran'ta pUcal maN maRuttu
    mInin ceRukkum yANarp
    payan tikaz vaippin piRar akan talai n'ATE.
    tiNai vajci; tuRai koRRavaLLai; mazapula vajciyum Am.
    cOzan karikAR peruvaLattAnaik karugkuzalAtanAr pATiyatu.

    9
    'Avum, An iyaR pArppana mAkkaLum,
    peNTirum, piNiyuTaiyIrum, pENit
    ten pula vAzn'arkku arug kaTan iRukkum
    pon pOl putalvarp peRAatIrum,
    5
    em ampu kaTi viTutum, n'um araN cErmin' ena,
    aRattu ARu n'uvalum pUTkai, maRattin
    kol kaLiRRu mImicaik koTi vicumpu n'izaRRum
    em kO, vAziya, kuTumi tam kOc
    cen' n'Irp pacum pon vayiriyarkku Itta,
    10
    mun'n'Ir vizavin, n'eTiyOn
    n'al n'Irp paHRuLi maNalinum palavE!
    tiNaiyum tuRaiyum avai.
    pANTiyan palyAkacAlai mutukuTumip peruvazutiyai n'eTTimaiyAr pATiyatu.

    12
    pANar tAmarai malaiyavum, pulavar
    pU n'utal yAnaiyoTu punai tEr paNNavum,
    aRanO maRRu itu viRal mAN kuTumi!
    innA Akap piRar maN koNTu,
    5
    iniya ceyti, n'in Arvalar mukattE?
    tiNai atu; tuRai iyanmozi.
    pANTiyan palyAkacAlai mutukuTumip peruvazutiyai n'eTTimaiyAr pATiyatu.

    13
    'ivan yAr?' enkuvai Ayin, ivanE
    puli n'iRak kavacam pUm poRi citaiya,
    ey kaNai kizitta pakaTTu ezil mArpin,
    maRali anna kaLiRRu micaiyOnE;
    5
    kaLiRE, mun'n'Ir vazagku n'AvAy pOlavum,
    pal mIn n'AppaN tigkaL pOlavum,
    cuRavinattu anna vALOr moyppa,
    marIiyOr aRiyAtu, main'tu paTTanRE;
    n'Oy ilan Akip peyarkatil amma!
    10
    pazana majjai ukutta pIli
    kazani uzavar cUTToTu tokukkum,
    kozu mIn, viLain'ta kaLLin,
    vizu n'Ir vEli n'ATu kizavOnE.
    tiNai pATAN tiNai; tuRai vAzttiyal.
    cOzan muTit talaik kOp perun'aRkiLLi karuvUriTam celvAnaik kaNTu,cEramAn an'tuvaj cEral irumpoRaiyOTu vENmATattu mEl irun'tu,uRaiyUr ENiccEri muTa mOciyAr pATiyatu.

    14
    kaTug kaNNa kol kaLiRRAl
    kAppu uTaiya ezu murukki,
    pon iyal punai tOTTiyAl
    munpu turan'tu, camam tAgkavum;
    5
    pAr uTaitta kuNTu akazi
    n'Ir azuva n'ivappuk kuRittu,
    n'imir pariya mA tAgkavum;
    Avam cErn'ta puRattai tEr micaic
    cApa n'On jAN vaTuk koLa vazagkavum;
    10
    paricilarkku arug kalam n'alkavum; kuricil!
    valiya Akum, n'in tAL tOy taTak kai.
    pulavu n'ARRatta pain' taTi
    pU n'ARRatta pukai koLIi, Un tuvai
    kaRi cORu uNTu varun'tu tozil allatu,
    15
    piRitu tozil aRiyA Akalin, n'anRum
    melliya peruma! tAmE. n'allavarkku
    Ar aNagku Akiya mArpin, porun'arkku
    iru n'ilattu anna n'Onmai,
    ceru miku cEey! n'iR pATun'ar kaiyE.
    tiNai atu; tuRai iyanmozi.
    cEramAn celvak kaTugkO vAziyAtan kapilar kaip paRRi, 'melliyavAmAl n'Umkai' ena, kapilar pATiyatu.

    15
    kaTun' tEr kuzitta jeLLal AgkaN,
    veL vAyk kazutaip pul inam pUTTi,
    pAz ceytanai, avar n'anan' talai n'al eyil;
    puLLinam imizum pukazcAl viLai vayal,
    5
    veL uLaik kali mAn kavi kuLampu ukaLat
    tEr vazagkinai, n'in tevvar tEettu;
    tuLagku iyalAn, paNai eruttin,
    pAvu aTiyAn, ceRal n'Okkin,
    oLiRu maruppin kaLiRu avara
    10
    kAppu uTaiya kayam paTiyinai;
    anna cIRRattu anaiyai; Akalin,
    viLagku pon eRin'ta n'alam kiLar palakaiyoTu
    n'izal paTu n'eTu vEl En'ti, onnAr
    oN paTaik kaTun' tAr munpu talaik koNmAr,
    15
    n'acai tara van'tOr n'acai piRakku oziya,
    vacai paTa vAzn'tOr palarkol? purai il
    n'al panuval, n'Al vEtattu,
    aruj cIrttip perug kaNNuRai
    n'eym mali Avuti pogka, pal mAN
    20
    vIyAc ciRappin vELvi muRRi,
    yUpam n'aTTa viyan kaLam palakol?
    yA palakollO? peruma! vAr uRRu
    vici piNikkoNTa maN kanai muzavin
    pATini pATum vajcikku
    25
    n'ATal cAnRa main'tinOy! n'inakkE.
    tiNaiyum tuRaiyum avai.
    pANTiyan pal yAkacAlai mutukuTumip peruvazutiyai n'eTTimaiyAr pATiyatu.

    16
    vinai mATciya virai puraviyoTu,
    mazai uruvina tOl parappi,
    munai murugkat talaic cenRu, avar
    viLai vayal kavarpUTTi,
    5
    manai maram viRaku Akak
    kaTi tuRai n'Irk kaLiRu paTIi,
    ellup paTa iTTa cuTu tI viLakkam
    cel cuTar jAyiRRuc cekkarin tOnRa,
    pulam keTa iRukkum varampu il tAnai,
    10
    tuNai vENTAc ceru venRi,
    pulavu vAL, pular cAn'tin,
    murukaR cIRRattu, uru kezu kurucil!
    mayagku vaLLai, malar Ampal,
    panip pakanRai, kanip pAkal,
    15
    karumpu allatu kATu aRiyAp
    perun' taN paNai pAz Aka,
    Ema n'al n'ATu oL eri UTTinai,
    n'Ama n'al amar ceyya,
    OrAgku malain'tana, peruma! n'in kaLiRE.
    tiNai vajci; tuRai mazapulavajci.
    cOzan irAcacUyam vETTa perun'aRkiLLiyaip pANTarag kaNNanAr pATiyatu.

    17
    ten kumari, vaTa perugkal,
    kuNa kuTa kaTalA ellai,
    kunRu, malai, kATu, n'ATu,
    onRu paTTu vazimoziya,
    5
    koTitu kaTin'tu, kOl tirutti,
    paTuvatu uNTu, pakal ARRi,
    initu uruNTa cuTar n'Emi
    muzutu ANTOr vazi kAvala!
    kulai iRaijciya kOL tAzai
    10
    akal vayal, malai vEli,
    n'ilavu maNal viyan kAnal,
    teN kazimicait tIp pUvin,
    taN toNTiyOr aTu porun'a!
    mAp payampin poRai pORRAtu,
    15
    n'ITu kuzi akappaTTa
    pITu uTaiya eRuz munpin,
    kOTu muRRiya kol kaLiRu
    n'ilai kalagkak kuzi konRu,
    kiLai pukalat talaikkUTiyAgku
    20
    n'I paTTa aru munpin
    perun' taLarcci, palar uvappa,
    piRitu cenRu, malar tAyattup
    palar n'AppaN mIkkURalin,
    'uNTAkiya uyar maNNum,
    25
    cenRu paTTa vizuk kalanum,
    peRal kUTum, ivan n'ejcu uRap peRin' enavum,
    'En'tu koTi iRaippuricai,
    vIgku ciRai, viyal aruppam,
    izan'tu vaikutum, ini n'Am ivan
    30
    uTanRu n'Okkinan, peritu' enavum,
    vERRu aracu paNi toTagku n'in
    ARRaloTu pukaz Etti,
    kANku van'ticin, peruma! INTiya
    mazai ena maruLum pal tOl, malai enat
    35
    tEn iRai koLLum irum pal yAnai,
    uTalun'ar uTka vIgki, kaTal ena
    vAn n'Irkku Ukkum tAnai, AnAtu
    kaTu oTugku eyiRRa aravut talai panippa,
    iTi ena muzagkum muracin,
    40
    varaiyA Ikaik kuTavar kOvE!
    tiNai vAkai; tuRai araca vAkai; iyanmoziyum Am.
    pANTiyan talaiyAlagkAnattuc ceruvenRa n'eTujceziyanAl piNiyirun'ta yAnaikkaTcEy mAn'tarajcEral irumpoRai valitin pOyk kaTTil eytinAnaik kuRugkOziyUr kizAr pATiyatu.

    19
    imiz kaTal vaLaiiya INTu akan kiTakkai,
    tamiz talaimayagkiya talaiyAlagkAnattu,
    man uyirp panmaiyum, kURRattu orumaiyum,
    n'innoTu tUkkiya ven vEl ceziya!
    5
    'irum puli vETTuvan poRi aRin'tu mATTiya
    perug kal aTArum pOnm' ena virumpi,
    muyagkinEn allanO, yAnE mayagkik
    kunRattu iRutta kurIi inam pOla,
    ampu cenRu iRutta arum puN yAnait
    10
    tUmpuTait taTak kai vAyoTu tumin'tu,
    n'Ajcil oppa, n'ilam micaip puraLa,
    eRin'tu kaLam paTutta En'tu vAL valattar
    en'taiyoTu kiTan'tOr, em pun talaip putalvar;
    'inna viRalum uLakol, n'amakku?' ena,
    15
    mUtil peNTir kacin'tu aza, n'ANi,
    kURRuk kaNNOTiya veruvaru paRan'talai,
    ezuvar n'al valam kaTan'tOy! n'in
    kazUu viLagku Aram kavaiiya mArpE?
    tiNai vAkai; tuRai araca vAkai.
    avanai avar pATiyatu.

    22
    tUgku kaiyAn Ogku n'aTaiya,
    uRaz maNiyAn uyar maruppina,
    piRai n'utalAn ceRal n'Okkina,
    pA aTiyAn paNai eruttina,
    5
    tEn citain'ta varai pOla,
    mijiRu Arkkum kamaz kaTAttu,
    ayaRu cOrum iruj cenniya,
    main'tu malin'ta maza kaLiRu
    kan'tu cErpu n'ilaii vazagka;
    10
    pAal n'inRu katir cOrum
    vAn uRaiyum mati pOlum
    mAlai veN kuTai n'IzalAn,
    vAL marugku ilOr kAppu uRagka;
    alagku cen'n'el katir vEyn'ta
    15
    Ay karumpin koTik kUrai,
    cARu koNTa kaLam pOla,
    vERu vERu polivu tOnRa;
    kuRRu AnA ulakkaiyAn
    kalic cummai viyal AgkaN,
    20
    polan' tOTTup pain' tumpai
    micai alagku uLaiya panaip pOz cerIi,
    cina mAn'tar veRik kuravai
    Ota n'Irin peyarpu pogka;
    vAy kAvAtu paran'tu paTTa
    25
    viyan pAcaRaik kAppALa!
    vEn'tu tan'ta paNi tiRaiyAn
    cErn'tavartam kaTumpu Arttum,
    Ogku kolliyOr, aTu porun'a!
    vEza n'Okkin viRal vej cEey!
    30
    vAziya, peruma! n'in varampu il paTaippE,
    n'iR pATiya vayagku cen' n'Ap
    pin piRar icai n'uvalAmai,
    OmpAtu Iyum ARRal em kO!
    'mAn'tarajcEral irumpoRai Ompiya n'ATE
    35
    puttEL ulakattu aRRu' enak kETTu van'tu,
    initu kaNTicin; peruma! munivu ilai,
    vERu pulattu iRukkum tAnaiyoTu,
    cORu paTa n'aTatti n'I tujcAymARE!
    tiNaiyum tuRaiyum avai; tuRai iyanmoziyum Am.
    cEramAn yAnaikkaTcEy mAn'tarajcEral irumpoRaiyaik kuRug kOziyUr kizAr pATiyatu.

    23
    'veLiRu il n'On kAzp paNai n'ilai munaii,
    kaLiRu paTin'tu uNTena, kalagkiya tuRaiyum;
    kAr n'aRug kaTampin pAcilait teriyal,
    cUr n'avai, murukan cuRRattu anna, n'in
    5
    kUr n'al ampin koTu vil kULiyar
    koLvatu koNTu, koLLA miccil
    koL patam oziya vIciya pulanum;
    vaTi n'avil n'aviyam pAytalin, UrtoRum
    kaTi maram tuLagkiya kAvum; n'eTu n'akar
    10
    vinai punai n'al il vev eri n'aippa,
    kanai eri uraRiya marugkum; n'Okki,
    n'aNNAr n'ANa, n'ALtoRum talaic cenRu,
    innum inna pala ceykuvan, yAvarum
    tunnal pOkiya tuNivinOn' ena,
    15
    jAlam n'eLiya INTiya viyan paTai
    AlagkAnattu amar kaTan'tu aTTa
    kAla munpa! n'in kaNTanen varuval
    aRu maruppu ezil kalai pulippAl paTTena,
    ciRu maRi tazIiya teRin'aTai maTap piNai
    20
    pULai n'ITiya veruvaru paRan'talai
    vELai veN pUk kaRikkum
    AL il attam Akiya kATE.
    tiNaiyum tuRaiyum avai; tuRai n'allicai vajciyum Am.
    pANTiyan talaiyAlagkAnattuc ceruvenRa n'eTujceziyanaik kallATanAr pATiyatu.

    24
    n'el ariyum irun' tozuvar
    cej jAyiRRu veyil munaiyin,
    teN kaTal tirai micaip pAyun'tu;
    tiN timil van paratavar
    5
    veppu uTaiya maTTu uNTu,
    taN kuravaic cIr tUgkun'tu;
    tUval kalitta tEm pAy punnai
    mel iNark kaNNi milain'ta main'tar
    el vaLai makaLirt talaik kai tarUun'tu;
    10
    vaNTu paTa malarn'ta taN n'aRug kAnal
    muNTakak kOtai oN toTi makaLir
    irum panaiyin kurumpai n'Irum,
    pUg karumpin tIm cARum,
    Ogku maNal kuvavut tAzait
    15
    tIm n'IroTu uTan virAay,
    mun' n'Ir uNTu mun'n'Irp pAyum;
    tAgkA uRaiyuL n'al Ur kezIiya
    OmpA Ikai mA vEL evvi
    punal am putavin mizalaiyoTu kazanik
    20
    kayal Ar n'Arai pOrvil cEkkum,
    pon aNi yAnait tol mutir vELir,
    kuppai n'ellin, muttURu tan'ta
    koRRa n'IL kuTai, koTit tErc ceziya!
    n'inRu n'ilaiiyar n'in n'ALmIn; n'illAtu
    25
    paTAac celIiyar, n'in pakaivar mInE
    n'innoTu, tonRu mUtta uyirinum, uyiroTu
    n'inRu mUtta yAkkai anna, n'in
    ATu kuTi mUtta vizut tiNaic ciRan'ta
    vALin vAzn'ar tAL valam vAztta,
    30
    iraval mAkkaL Ikai n'uvala,
    oN toTi makaLir polagkalattu En'tiya
    taN kamaz tERal maTuppa, makiz ciRan'tu,
    Agku initu ozukumati, peruma! 'Agku atu
    vallun'ar vAzn'tOr' enpa tol icai,
    35
    malar talai ulakattut tOnRi,
    palar, celac cellAtu, n'inRu viLin'tOrE.
    tiNai potuviyal; tuRai poruNmozik kAjci.
    avanai mAgkuTi kizAr pATiyatu.

    26
    n'aLi kaTal irug kuTTattu
    vaLi puTaitta kalam pOla,
    kaLiRu cenRu kaLan akaRRavum,
    kaLan akaRRiya viyal AgkaN
    5
    oLiRu ilaiya eHku En'ti,
    araicu paTa amar uzakki,
    urai cela muracu vauvi,
    muTit talai aTuppu Aka,
    punal kuruti ulaik koLIi,
    10
    toTit tOL tuTuppin tuzan'ta valciyin,
    aTukaLam vETTa aTu pOrc ceziya!
    AnRa kELvi, aTagkiya koLkai,
    n'An maRai mutalvar cuRRam Aka,
    mannar Eval ceyya, manniya
    15
    vELvi muRRiya vAy vAL vEn'tE!
    n'ORROr manRa n'in pakaivar, n'innoTu
    mARRAr ennum peyar peRRu,
    ARRAr Ayinum, ANTu vAzvOrE.
    tiNaiyum tuRaiyum avai.
    avanai mAgkuTi kizAr pATiyatu.

    30
    cej jAyiRRuc celavum,
    aj jAyiRRup parippum,
    parippuc cUzn'ta maNTilamum,
    vaLi tiritaru ticaiyum,
    5
    vaRitu n'ilaiiya kAyamum, enRu ivai
    cenRu aLan'tu aRin'tOr pOla, enRum
    inaittu enpOrum uLarE; anaittum
    aRi aRivu AkAc ceRivinai Aki,
    kaLiRu kavuL aTutta eRikal pOla
    10
    oLitta tuppinaiAtalin, veLippaTa
    yAgganam pATuvar, pulavar? kUmpoTu
    mIp pAy kaLaiyAtu micaip param tONTAtu
    pukAarp pukun'ta perug kalam takAar
    iTaip pulap peru vazic coriyum
    15
    kaTal pal tAratta n'ATu kizavOyE!
    tiNai pATAN tiNai; tuRai iyanmozi
    avanai avar pATiyatu.

    31
    ciRappuTai marapin poruLum inpamum
    aRattu vazippaTUum tORRam pOla,
    iru kuTai pinpaTa Ogkiya oru kuTai,
    uru kezu matiyin, n'ivan'tu, cEN viLagka,
    5
    n'al icai vETTam vENTi, vel pOrp
    pAcaRai allatu n'I ollAyE;
    n'utimukam mazugka maNTi, onnAr
    kaTi matil pAyum n'in kaLiRu aTagkalavE;
    'pOr' enin, pukalum punai kazal maRavar,
    10
    'kATu iTaik kiTan'ta n'ATu n'ani cEeya;
    celvEm allEm' ennAr; 'kallen
    vizavuTai AgkaN vERRup pulattu iRuttu,
    kuNa kaTal pinnatu Aka, kuTa kaTal
    veN talaip puNari n'in mAn kuLampu alaippa,
    15
    vala muRai varutalum uNTu' enRu alaman'tu,
    n'ejcu n'aTugku avalam pAya,
    tujcAk kaNNa, vaTa pulattu aracE.
    tiNai vAkai; tuRai araca vAkai; mazapulavajciyum Am.
    avanaik kOvUr kizAr pATiyatu.

    35
    n'aLi iru mun'n'Ir ENi Aka,
    vaLi iTai vazagkA vAnam cUTiya
    maN tiNi kiTakkait taN tamizk kizavar,
    muracu muzagku tAnai mUvaruLLum,
    5
    aracu enappaTuvatu n'inatE, peruma!
    alagkukatirk kanali n'Alvayin tOnRinum,
    ilagkukatir veLLi ten pulam paTarinum,
    am taN kAviri van'tu kavarpu UTTa,
    tOTu koL vElin tORRam pOla,
    10
    ATu kaN karumpin veN pU n'uTagkum
    n'ATu enappaTuvatu n'inatE attai; Agka
    n'ATu kezu celvattup pITu kezu vEn'tE!
    n'inava kURuval; enava kENmati!
    aRam purin'tanna cegkOl n'ATTattu
    15
    muRai vENTu pozutil patan eLiyOr INTu
    uRai vENTu pozutil peyal peRROrE;
    jAyiRu cuman'ta kOTu tiraL koNmU
    mAka vicumpin n'aTuvu n'inRAgku,
    kaN pora viLagku n'in viN poru viyankuTai
    20
    veyil maRaik koNTanRO? anRE; varun'tiya
    kuTi maRaippatuvE; kUrvEl vaLava!
    veLiRRup panan' tuNiyin vIRRuvIRRuk kiTappa,
    kaLiRRuk kaNam poruta kaN akan paRan'talai,
    varupaTai tAgki, peyar puRattu Arttu,
    25
    porupaTai tarUum koRRamum uzupaTai
    UnRu cAl marugkin InRatan payanE;
    mAri poyppinum, vAri kunRinum,
    iyaRkai allana ceyaRkaiyil tOnRinum,
    kAvalarp pazikkum, ik kaN akal jAlam;
    30
    atu n'aRku aRin'tanaiAyin, n'Iyum
    n'otumalALar potumozi koLLAtu,
    pakaTu puRan'tarun'ar pAram Ompi,
    kuTi puRan'tarukuvai Ayin, n'in
    aTi puRan'tarukuvar, aTagkAtOrE.
    tiNai atu; tuRai ceviyaRivuRUu.
    avanai veLLaikkuTi n'AkanAr pATi, pazaj ceykkaTan vITukoNTatu.

    37
    n'ajcuTai vAl eyiRRu, ain' talai cuman'ta,
    vEka ven' tiRal, n'Akam pukkena,
    vicumpu tIp piRappat tiruki, pacug koTip
    peru malai viTarakattu urum eRin'tAgku,
    5
    puL uRu punkaN tIrtta, veL vEl,
    cinam kezu tAnai, cempiyan maruka!
    karAam kalitta kuNTu kaN akazi,
    iTam karug kuTTattu uTan tokku OTi,
    yAmam koLpavar cuTar n'izal katUum
    10
    kaTu muraN mutalaiya n'eTu n'Ir ilajci,
    cempu uRaz puricai, cemmal mUtUr,
    vampu aNi yAnai vEn'tu akattu uNmaiyin,
    'n'alla' ennAtu, citaittal
    vallaiyAl, n'eTun'takai! ceruvattAnE.
    tiNai vAkai; tuRai aracavAkai; mutal vajciyum Am.
    avanai mAROkkattu n'appacalaiyAr pATiyatu.

    38
    varai puraiyum maza kaLiRRin micai,
    vAn tuTaikkum vakaiya pOla,
    viravu uruvina koTi n'uTagkum
    viyan tAnai viRal vEn'tE!
    5
    n'I, uTanRu n'OkkumvAy eri tavaza,
    n'I, n'ayan'tu n'OkkumvAy pon pUppa,
    cej jAyiRRu n'ilavu vENTinum,
    veN tigkaLuL veyil vENTinum,
    vENTiyatu viLaikkum ARRalaiAkalin,
    10
    n'in n'izal piRan'tu, n'in n'izal vaLarn'ta,
    em aLavu evanO maRRE? 'in n'ilaip
    polam pUg kAvin n'al n'ATTOrum
    cey vinai marugkin eytal allatai,
    uTaiyOr Italum illOr irattalum
    15
    kaTavatu anmaiyin, kaiyaRavu uTaittu' ena,
    ANTuc cey n'ukarcci INTum kUTalin,
    n'in n'ATu uLLuvar, paricilar
    onnAr tEettum, n'innuTaittu enavE.
    tiNai pATAN tiNai; tuRai iyanmozi.
    avan, 'em uLLIr? em n'ATTIr?' enRARku AvUr mUlagkizAr pATiyatu.

    39
    puRavin allal colliya, kaRai aTi
    yAnai vAl maruppu eRin'ta veN kaTaik
    kOl n'iRai tulAam pukkOn maruka!
    Ital n'in pukazum anRE; cArtal
    5
    onnAr uTkum tun arug kaTun' tiRal
    tUgku eyil eRin'ta n'in UgkaNOr n'inaippin,
    aTutal n'in pukazum anRE; keTu inRu,
    maRam kezu cOzar uRan'tai avaiyattu,
    aRam n'inRu n'ilaiyiRRu Akalin, atanAl
    10
    muRaimai n'in pukazum anRE; maRam mikku
    ezu camam kaTan'ta ezu uRaz tiNi tOL,
    kaN Ar kaNNi, kali mAn, vaLava!
    yAgkanam mozikO yAnE Ogkiya
    varai aLan'tu aRiyAp pon paTu n'eTug kOTTu
    15
    imayam cUTTiya Ema viRpoRi,
    mAN vinai n'eTun' tEr, vAnavan tolaiya,
    vATA vajci vATTum n'in
    pITu kezu n'On tAL pATugkAlE?
    tiNaiyum tuRaiyum avai.
    avanai mAROkkattu n'appacalaiyAr pATiyatu.

    40
    n'IyE, piRar OmpuRu maRa man eyil
    OmpAtu kaTan'tu aTTu, avar
    muTi punain'ta pacum pon n'in
    aTi poliyak kazal taiiya
    5
    vallALanai; vaya vEn'tE!
    yAmE, n'in, ikaz pATuvOr eruttu aTagka,
    pukaz pATuvOr polivu tOnRa,
    inRu kaNTAgkuk kANkuvam enRum
    incol eN patattai Akumati peruma!
    10
    oru piTi paTiyum cIRiTam
    ezu kaLiRu purakkum n'ATu kizavOyE!
    tiNai atu; tuRai ceviyaRivuRUu.
    avanai AvUr mulagkizAr pATiyatu.

    41
    kAlanum kAlam pArkkum; pArAtu,
    vEl INTu tAnai vizumiyOr tolaiya,
    vENTu iTattu aTUum vel pOr vEn'tE!
    ticai iru n'Ankum uRkam uRkavum,
    5
    peru marattu, ilai il n'eTug kOTu vaRRal paRRavum,
    veg katirk kanali tuRRavum, piRavum,
    ajcuvarat takun'a puLLuk kural iyampavum,
    eyiRu n'ilattu vIzavum, eNNey ATavum,
    kaLiRu mEl koLLavum, kAzakam n'Ippavum,
    10
    veLLi n'On paTai kaTTiloTu kavizavum,
    kanavin ariyana kANA, n'anavil
    ceruc cey munpa! n'in varu tiRan n'Okki,
    maiyal koNTa Emam il irukkaiyar,
    putalvar pUg kaN mutti, manaiyOTku
    15
    evvam karakkum paital mAkkaLoTu
    perug kalakkuRRanRAl tAnE kARROTu
    eri n'ikazn'tanna celavin
    ceru miku vaLava! n'in cinaiiyOr n'ATE.
    tiNai vajci; tuRai koRRavaLLai.
    avanaik kOvUr kizAr pATiyatu.

    42
    AnA Ikai, aTu pOr, aNNal! n'in
    yAnaiyum malaiyin tOnRum; peruma! n'in
    tAnaiyum kaTal ena muzagkum; kUr n'unai
    vElum minnin viLagkum; ulakattu
    5
    araicu talai panikkum ARRalaiAtalin,
    purai tIrn'tanRu; atu putuvatO anRE;
    taN punal pUcal allatu, n'on'tu,
    'kaLaika, vAzi, vaLava!' enRu, n'in
    munaitaru pUcal kanavinum aRiyAtu,
    10
    puli puRagkAkkum kuruLai pOla,
    melivu il cegkOl n'I puRagkAppa,
    peru viRal yANarttu Aki, arin'ar
    kIz maTaik koNTa vALaiyum, uzavar
    paTai miLirn'tiTTa yAmaiyum, aRain'ar
    15
    karumpil koNTa tEnum, perun' tuRai
    n'Ir taru makaLir kuRRa kuvaLaiyum,
    van pulak kELirkku varu virun'tu ayarum
    men pula vaippin n'al n'ATTup porun'a!
    malaiyin izin'tu, mAk kaTal n'Okki,
    20
    n'ila varai izitarum pal yARu pOla,
    pulavar ellAm n'in n'OkkinarE;
    n'IyE, marun'tu il kaNicci varun'ta vaTTittuk
    kURRu vekuNTanna munpoTu,
    mARRu iru vEn'tar maN n'OkkinaiyE.
    tiNai vAkai; tuRai aracavAkai.
    avanai iTaikkATanAr pATiyatu.

    44
    irum piTit tozutiyoTu perug kayam paTiyA,
    n'elluTaik kavaLamoTu n'eym miti peRAa,
    tirun'tu arai n'On veLil varun'ta oRRi,
    n'ilamicaip puraLum kaiya, veytu uyirttu,
    5
    alamaral yAnai urum ena muzagkavum,
    pAl il kuzavi alaRavum, makaLir
    pU il vaRun' talai muTippavum, n'Ir il
    vinai punai n'al il inaikUuk kETpavum,
    innAtu amma, Igku initu iruttal;
    10
    tun arun' tuppin vaya mAn tOnRal!
    aRavai Ayin,' n'inatu' enat tiRattal;
    maRavai Ayin, pOroTu tiRattal;
    aRavaiyum maRavaiyum allaiyAka,
    tiRavAtu aTaitta tiN n'ilaik katavin
    15
    n'IL matil oru ciRai oTugkutal
    n'ANuttakavu uTaittu, itu kANugkAlE.
    tiNaiyum tuRaiyum avai.
    avan AvUr muRRiyirun'ta kAlattu aTaittu irun'ta n'eTugkiLLiyaik kOvUr kizAr pATiyatu.

    46
    n'IyE, puRavin allal anRiyum, piRavum
    iTukkaN palavum viTuttOn marukanai,
    ivarE, pulan uzutu uNmAr punkaN ajci,
    tamatu pakuttu uNNum taN n'izal vAzn'ar;
    5
    kaLiRu kaNTu azUum azAal maRan'ta
    pun talaic ciRAar; manRu maruNTu n'Okki,
    virun'tin punkaN n'OvuTaiyar;
    kETTanaiAyin, n'I vETTatu ceymmE!
    tiNaiyum tuRaiyum avai.
    cOzan kuLamuRRattut tujciya kiLLivaLavan malaiyamAn makkaLai yAnaikku iTuvuzi, kOvUr kizAr pATi, uyyak koNTatu.

    53
    mutir vAr ippi mutta vAr maNal,
    katir viTu maNiyin kaN poru mATattu,
    ilagku vaLai makaLir teRRi ATum
    viLagku cIr viLagkil vizumam konRa
    5
    kaLam koL yAnai, kaTu mAn, poRaiya!
    virippin akalum; tokuppin ejcum;
    mammar n'ejcattu emmanOrkku orutalai
    kaimmuRRala, n'in pukazE, enRum;
    oLiyOr piRan'ta im malar talai ulakattu
    10
    vAzEm enRalum aritE 'tAzAtu
    ceRutta ceyyuL cey cen' n'Avin,
    veRutta kELvi, viLagku pukazk kapilan
    inRu uLan Ayin, n'anRuman' enRa n'in
    ATu koL varicaikku oppa,
    15
    pATuval mannAl, pakaivaraik kaTappE.
    tiNaiyum tuRaiyum avai.
    cEran mAn'taraj cEral irumpoRaiyaip porun'til iLagkIranAr pATiyatu.

    55
    Ogku malaip peru vil pAmpu jAN koLIi,
    oru kaNai koNTu mUeyil uTaRRi,
    peru viRal amararkku venRi tan'ta
    kaRai miTaRRu aNNal kAmar cennip
    5
    piRai n'utal viLagkum oru kaN pOla,
    vEn'tu mEmpaTTa pUn' tAr mARa!
    kaTuj cinatta kol kaLiRum; kataz pariya kali mAvum,
    n'eTug koTiya n'imir tErum, n'ejcu uTaiya pukal maRavarum, ena
    n'AnkuTan mANTatuAyinum, mANTa
    10
    aRa n'eRi mutaRRE, aracin koRRam;
    atanAl, 'n'amar' enak kOl kOTAtu,
    'piRar' enak kuNam kollAtu,
    jAyiRRu anna ven' tiRal ANmaiyum,
    tigkaL anna taN peruj cAyalum,
    15
    vAnattu anna vaNmaiyum, mUnRum,
    uTaiyai Aki, illOr kaiyaRa,
    n'I n'ITu vAziya n'eTun'takai! tAz n'Ir
    veN talaip puNari alaikkum cen'til
    n'eTu vEL n'ilaiiya kAmar viyan tuRai,
    20
    kaTu vaLi tokuppa INTiya
    vaTu Az ekkar maNalinum palavE!
    tiNai pATAN tiNai; tuRai ceviyaRivuRUu.
    pANTiyan ilavan'tikaip paLLit tujciya n'anmARanai maturai marutan iLan'AkanAr pATiyatu.

    57
    vallAr Ayinum, vallun'ar Ayinum,
    pukaztal uRROrkku mAyOn anna,
    uraicAl ciRappin pukazcAl mARa!
    n'in onRu kURuvatu uTaiyEn: en enin,
    5
    n'IyE, piRar n'ATu koLLumkAlai, avar n'ATTu
    iRagku katirk kazani n'in iLaiyarum kavarka;
    n'anan' talaip pEr Ur eriyum n'aikka;
    minnu n'imirn'tanna n'in oLiRu ilagku n'eTu vEl
    onnArc cekuppinum cekukka; ennatUum
    10
    kaTimaram taTital Ompu n'in
    n'eTu n'al yAnaikkuk kan'tu ARRAvE.
    tiNai vajci; tuRai tuNai vajci.
    avanaik kAvirippUm paTTinattuk kArikkaNNanAr pATiyatu.

    63
    enaip pal yAnaiyum ampoTu tuLagki,
    viLaikkum vinai inRip paTai ozin'tanavE;
    viRal pukaz mANTa puravi ellAm
    maRat takai main'taroTu ANTup paTTanavE;
    5
    tEr tara van'ta cAnROr ellAm,
    tOl kaN maRaippa, orugku mAyn'tanarE;
    vicittu vinai mANTa mayirk kaN muracam,
    poRukkun'ar inmaiyin, irun'tu viLin'tanavE;
    cAn'tu amai mArpil n'eTu vEl pAyn'tena,
    10
    vEn'tarum porutu, kaLattu ozin'tanar; iniyE,
    en AvatukoltAnE kazani
    Ampal vaLLit toTik kai makaLir
    pAcaval mukki, taN punal pAyum,
    yANar aRAa vaippin
    15
    kAmar kiTakkai avar akan talai n'ATE?
    tiNaiyum tuRaiyum avai.
    avarai ak kaLattil paraNar pATiyatu.

    64
    n'al yAz, AkuLi, patalaiyoTu curukki,
    cellAmOtil cil vaLai viRali!
    kaLiRRuk kaNam poruta kaN akan paRan'talai,
    vicumpu ATu eruvai pacun' taTi taTuppa,
    5
    pakaip pulam marIiya takaip peruj ciRappin
    kuTumik kOmAR kaNTu,
    n'eTu n'Irp puRkai n'Ittanam varaRkE?
    tiNai pATAN tiNai; tuRai viRaliyARRuppaTai.
    pANTiyan pal yAkacAlai mutukuTumip peruvazutiyai n'eTumpalliyattanAr pATiyatu.

    66
    n'aLi iru mun'n'Ir n'AvAy OTTi,
    vaLi tozil ANTa uravOn maruka!
    kaLi iyal yAnaik karikAlvaLava!
    cenRu, amark kaTan'ta n'in ARRal tOnRa
    5
    venROy! n'inninum n'allan anRE
    kali koL yANar veNNip paRan'talai,
    mikap pukaz ulakam eyti,
    puRap puN n'ANi, vaTakkirun'tOnE?
    tiNai vAkai; tuRai araca vAkai.
    cOzan karikAR peruvaLattAnai veNNik kuyattiyAr pATiyatu.

    68
    uTumpu urittanna enpu ezu marugkin
    kaTumpin kaTum paci kaLaiyun'ark kANAtu,
    cil cevittu Akiya kELvi n'on'tu n'on'tu,
    Igku evan ceytiyO? pANa! 'pUN cuman'tu,
    5
    am pakaTTu eziliya cem poRi Akattu
    menmaiyin makaLirkku vaNagki, vanmaiyin
    ATavarp piNikkum pITu kezu n'eTun' takai,
    puniRu tIr kuzavikku iliRRu mulai pOlac
    curan'ta kAviri maram kol mali n'Ir
    10
    manpatai purakkum n'al n'ATTup porun'an,
    uTpakai oru tiRam paTTena, puT pakaikku
    EvAn Akalin, cAvEm yAm' ena,
    n'IgkA maRavar vIgku tOL puTaippa,
    taNi paRai aRaiyum aNi koL tEr vazi,
    15
    kaTug kaL parukun'ar n'aTugku kai ukutta
    n'aRuj cERu ATiya vaRun' talai yAnai
    n'eTu n'akar varaippil paTu muzA Orkkum
    uRan'taiyOnE kurucil;
    piRan kaTai maRappa, n'alkuvan, celinE.
    tiNai atu; tuRai pANARRuppaTai.
    cOzan n'alagkiLLiyaik kOvUr kizAr pATiyatu.

    69
    kaiyatu, kaTan n'iRai yAzE; meyyatu,
    puravalar inmaiyin paciyE; araiyatu,
    vERRu izai n'uzain'ta vEr n'anai citAar
    Ompi uTutta uyaval pANa!
    5
    pUTkai illOn yAkkai pOlap
    perum pullenRa irum pEr okkalai;
    vaiyakam muzutuTan vaLaii, paiyena
    ennai vinavuti Ayin, mannar
    aTu kaLiRu uyavum koTi koL pAcaRai,
    10
    kurutip parappin kOTTu mA tolaicci,
    pulAk kaLam ceyta kalAat tAnaiyan
    piRagku n'ilai mATattu uRan'taiyOnE;
    porun'arkku Okkiya vElan, oru n'ilaip
    pakaip pulam paTartalum uriyan; takait tAr
    15
    oL eri puraiyum uru kezu pacum pUN
    kiLLi vaLavaR paTarkuvai Ayin,
    n'eTug kaTai n'iRRalum ilaiyE; kaTum pakal
    tEr vIcu irukkai Ara n'Okki,
    n'I avaR kaNTa pinRai, pUvin
    20
    ATu vaNTu imirAt tAmarai
    cUTAyAtal ataninum ilaiyE.
    tiNaiyum tuRaiyum avai.
    cOzan kuLamuRRattut tujciya kiLLivaLavanai AlattUr kizAr pATiyatu.

    72
    'n'akutakkanarE, n'ATu mIkkURun'ar;
    iLaiyan ivan' ena uLaiyak kURi,
    'paTu maNi iraTTum pA aTip paNait tAL
    n'eTu n'al yAnaiyum, tErum, mAvum,
    5
    paTai amai maRavarum, uTaiyam yAm' enRu
    uRu tuppu ajcAtu, uTal cinam cerukki,
    ciRu col colliya cinam kezu vEn'tarai
    aruj camam citaiyat tAkki, muracamoTu
    orugku akappaTEen Ayin porun'tiya
    10
    en n'izal vAzn'ar cel n'izal kANAtu,
    'koTiyan em iRai' enak kaNNIr parappi,
    kuTi pazi tURRum kOlEn Akuka;
    Ogkiya ciRappin uyarn'ta kELvi
    mAgkuTi marutan talaivan Aka,
    15
    ulakamoTu n'ilaiiya palar pukaz ciRappin
    pulavar pATAtu varaika, en n'ilavarai;
    purappOr punkaN kUra,
    irappOrkku IyA inmai yAn uRavE.
    tiNaiyum tuRaiyum avai.
    pANTiyan talaiyAlagkAnattuc ceru venRa n'eTujceziyan pATTu.

    73
    mella van'tu, en n'al aTi porun'ti,
    'I' ena irakkuvar Ayin, cIruTai
    muracu kezu tAyattu aracO tajcam;
    in uyir Ayinum koTukkuven, in' n'ilattu;
    5
    ARRal uTaiyOr ARRal pORRAtu, en
    uLLam eLLiya maTavOn, teLLitin
    tujcu puli iTaRiya citaTan pOla,
    uyn'tanan peyartalO aritE; main'tuTaik
    kazai tin yAnaik kAl akappaTTa
    10
    van tiNi n'IL muLai pOla, cenRu, avaN
    varun'tap porEen Ayin, porun'tiya
    tItu il n'ejcattuk kAtal koLLAp
    pal irug kUn'tal makaLir
    ollA muyakkiTaik kuzaika, en tArE!
    tiNaiyum tuRaiyum avai.
    cOzan n'alagkiLLi pATTu.

    79
    mUtUr vAyil panik kayam maNNi,
    manRa vEmpin oN kuzai malain'tu,
    teN kiNai munnark kaLiRRin iyali,
    vem pOrc ceziyanum van'tanan; etirn'ta
    5
    vampa maLLarO palarE;
    ejcuvar kollO, pakal tavac ciRitE?
    tiNaiyum tuRaiyum avai.
    avanai avar pATiyatu.

    80
    in kaTug kaLLin AmUr AgkaN,
    main'tuTai mallan mata vali murukki,
    oru kAl mArpu otugkinRE; oru kAl
    varu tAr tAgkip pin otugkinRE
    5
    n'alkinum n'alkAn Ayinum, vel pOrp
    poral arun' tittan kANkatil amma
    pacittup paNai muyalum yAnai pOla,
    iru talai ociya eRRi,
    kaLam puku mallaR kaTan'tu aTu n'ilaiyE.
    tiNai tumpai; tuRai erumai maRam.
    cOzan pOrvaikkOp perun'aRkiLLi mukkAvanATTu AmUr mallanaip porutu aTTu n'inRAnaic cAttan'taiyAr pATiyatu.

    81
    Arppu ezu kaTalinum peritu; avan kaLiRE
    kArp peyal urumin muzagkal AnAvE;
    yArkol aLiyartAmE Ar n'Arc
    ceRiyat toTutta kaNNik
    5
    kavi kai maLLan kaippaTTOrE?
    tiNai vAkai; tuRai araca vAkai.
    avanai avar pATiyatu.

    93
    tiN piNi muracam izumena muzagkac
    cenRu, amar kaTattal yAvatu? van'tOr
    tAr tAgkutalum ARRAr, veTipaTTu,
    OTal marIiya pITu il mannar
    5
    n'OyppAl viLin'ta yAkkai tazIi,
    kAtal maRan'tu, avar tItu marugku aRumAr,
    aRam puri koLkai n'AnmaRai mutalvar
    tiRam puri pacum pul parappinar kiTappi,
    'maRam kan'tAka n'al amar vIzn'ta
    10
    n'IL kazal maRavar celvuzic celka!' ena
    vAL pOzn'tu aTakkalum uyn'tanar mAtO
    vari jimiRu Arkkum vAy puku kaTAattu
    aNNal yAnai aTu kaLattu oziya,
    aruj camam tataiya n'URi, n'I,
    15
    perun' takai! vizup puN paTTa mARE.
    tiNai vAkai; tuRai araca vAkai.
    avan porutu puNpaTTu n'inROnai avar pATiyatu.

    94
    Urk kuRumAkkaL veN kOTu kazAalin,
    n'Irt tuRai paTiyum perug kaLiRu pOla
    iniyai, peruma! emakkE; maRRu atan
    tun arug kaTAam pOla
    5
    innAy, peruma! n'in onnAtOrkkE.
    tiNaiyum tuRaiyum avai.
    avanai avar pATiyatu.

    96
    alar pUn' tumpai am pakaTTu mArpin,
    tiraNTu n'ITu taTakkai, ennai iLaiyORku
    iraNTu ezun'tanavAl, pakaiyE: onRE,
    pUp pOl uNkaN pacan'tu, tOL n'uNuki,
    5
    n'Okkiya makaLirp piNittanRu; onRE,
    'vizavinRuAyinum, paTu patam pizaiyAtu,
    mai Un mocitta okkaloTu, tuRai n'Irk
    kaimAn koLLumO?' ena,
    uRaiyuL muniyum, avan cellum UrE.
    tiNai atu; tuRai iyanmozi.
    avan makan pokuTTeziniyai avar pATiyatu.

    97
    pOrkku uraiip pukanRu kazitta vAL,
    uTanRavar kAppuTai matil azittalin,
    Un uRa mUzki, uru izan'tanavE;
    vElE, kuRumpu aTain'ta araN kaTan'tu, avar
    5
    n'aRug kaLLin n'ATu n'aittalin,
    curai tazIiya irug kAzoTu
    maTai kalagki n'ilai tirin'tanavE;
    kaLiRE, ezUut tAgkiya katavam malaittu, avar
    kuzUuk kaLiRRuk kuRumpu uTaittalin,
    10
    parUup piNiya toTi kazin'tanavE;
    mAvE, paran'tu orugku malain'ta maRavar
    polam pain' tAr keTap paritalin,
    kaLan uzan'tu acaiiya maRuk kuLampinavE;
    avan tAnum, n'ilam tiraikkum kaTal tAnaip
    15
    polan' tumpaik kazal pANTil
    kaNai poruta tuLait tOlannE.
    AyiTai, uTanROr uytal yAvatu? 'taTan' tAL,
    piNik katir, n'ellin cemmal mUtUr
    n'umakku urittAkal vENTin, cenRu avaRku
    20
    iRukkal vENTum, tiRaiyE; maRuppin,
    olvAn allan, velpOrAn' enac
    collavum tERIrAyin, mel iyal,
    kazal kani vakutta tuNaic cil Oti,
    kuRun' toTi makaLir tOL viTal
    25
    iRumpUtu anRu; aHtu aRin'tu ATuminE.
    tiNaiyum tuRaiyum avai.
    atiyamAn n'eTumAn ajciyai avar pATiyatu.

    98
    munait tevvar muraN aviyap
    porak kuRukiya n'uti maruppin n'in
    inak kaLiRu celak kaNTavar
    matil katavam ezuc cellavum,
    5
    piNan azugkak kaLan uzakkic
    celavu acaiiya maRuk kuLampin n'in
    ina n'al mAc celak kaNTavar
    kavai muLLin puzai aTaippavum,
    mArpuRac cErn'tu olkAt
    10
    tOl ceRippu il n'in vEl kaNTavar
    tOl kaziyoTu piTi ceRippavum,
    vAL vAytta vaTup paran'ta n'in
    maRa main'tar main'tu kaNTavar
    puN paTu kuruti ampu oTukkavum,
    15
    n'IyE, aiyavi pukaippavum tAgkAtu, oyyena,
    uRumuRai marapin puRam n'inRu uykkum
    kURRattu anaiyai; Akalin, pORRAr
    iragka viLivatukollO varampu aNain'tu
    iRagkukatir alamvaru kazani,
    20
    perum punal paTappai, avar akan talai n'ATE!
    tiNai vAkai; tuRai araca vAkai; tiNai vajciyum, tuRai koRRa vaLLaiyum Am.
    avanai avar pATiyatu.

    100
    kaiyatu vElE; kAlana punai kazal;
    meyyatu viyarE; miTaRRatu pacum puN;
    vaTkar pOkiya vaLar iLam pOn'tai
    uccik koNTa Uci veN tOTTu,
    5
    veTci mA malar, vEgkaiyoTu viraii,
    curi irum pittai poliyac cUTi,
    varivayam poruta vayak kaLiRu pOla,
    innum mARAtu cinanE; annO!
    uyn'tanar allar, ivan uTaRRiyOrE;
    10
    ceRuvar n'Okkiya kaN, tan
    ciRuvanai n'Okkiyum, civappu AnAvE.
    tiNaiyum tuRaiyum avai; tiNai vajciyum, tuRai koRRavaLLaiyum Am.
    atiyamAn tavamakan piRan'tavanaik kaNTAnai avar pATiyatu.

    101
    oru n'AL cellalam; iru n'AL cellalam;
    pala n'AL payinRu, palaroTu cellinum,
    talai n'AL pOnRa viruppinanmAtO
    izai aNi yAnai iyal tEr ajci
    5
    atiyamAn; paricil peRUum kAlam
    n'ITTinum, n'ITTAtuAyinum, kaLiRu tan
    kOTTu iTai vaitta kavaLam pOlak
    kaiyakattatu; atu poy AkAtE;
    arun'ta EmAn'ta n'ejcam!
    10
    varun'ta vENTA; vAzka, avan tALE!
    tiNai pATAN tiNai; tuRai paricil kaTAn'ilai.
    avanai avar pATiyatu.

    103
    oru talaip patalai tUgka, oru talait
    tUmpu akac ciRu muzAt tUgkat tUkki,
    'kavizn'ta maNTai malarkkun'ar yAr?' enac
    curanmutal irun'ta cil vaLai viRali!
    5
    celvaiAyin, cENOn allan;
    munai cuTa ezun'ta magkul mAp pukai
    malai cUz majcin, maza kaLiRu aNiyum
    pakaip pulattOnE, pal vEl ajci;
    pozutu iTaippaTAap pularA maNTai
    10
    mezuku mel aTaiyin kozu n'iNam peruppa,
    alattaR kAlai Ayinum,
    purattal vallan; vAzka, avan tALE!
    tiNai atu; tuRai viRaliyARRuppaTai.
    atiyamAn n'eTumAn ajciyai avar pATiyatu.

    104
    pORRumin, maRavIr! cARRutum, n'ummai:
    Urk kuRumAkkaL ATak kalagkum
    tAL paTu cil n'Irk kaLiRu aTTu vIzkkum
    IrppuTaik karAattu anna ennai
    5
    n'uN pal karumam n'inaiyAtu,
    'iLaiyan' enRu ikazin, peRal aritu, ATE.
    tiNai vAkai; tuRai araca vAkai.
    avanai avar pATiyatu.

    109
    aLitOtAnE, pAriyatu paRampE!
    n'aLi koL muracin mUvirum muRRinum,
    uzavar uzAtana n'Anku payan uTaittE:
    onRE, ciRiyilai vetirin n'el viLaiyummE;
    5
    iraNTE, tIm cuLaip palavin pazam UzkkummE;
    mUnRE, kozug koTi vaLLik kizagku vIzkkummE;
    n'AnkE, aNi n'iRa Ori pAytalin, mItu azin'tu,
    tiNi n'eTug kunRam tEn coriyummE.
    vAn kaN aRRu, avan malaiyE; vAnattu,
    10
    mIn kaN aRRu, atan cunaiyE; Agku,
    maramtoRum piNitta kaLiRRinir Ayinum,
    pulamtoRum parappiya tErinir Ayinum,
    tALin koLLalir; vALin tAralan;
    yAn aRikuven, atu koLLum ARE:
    15
    cukir puri n'arampin cIRiyAz paNNi,
    virai oli kUn'tal n'um viRaliyar pin vara,
    ATinir pATinir celinE,
    n'ATum kunRum orugku IyummE.
    tiNai n'occi; tuRai makaL maRuttal.
    avanai avar pATiyatu.

    114
    INTu n'inROrkkum tOnRum; ciRu varai
    cenRu n'inROrkkum tOnRum, manRa
    kaLiRu menRu iTTa kavaLam pOla,
    n'aRavup pizin'tu iTTa kOtuTaic citaRal
    5
    vAr acumpu ozukum munRil,
    tEr vIcu irukkai, n'eTiyOn kunRE.
    tiNaiyum tuRaiyum avai.
    avan makaLiraik koNTupOm kapilar paRampu n'Okki n'inRu colliyatu.

    115
    oru cAr aruvi Arppa, oru cAr
    pANar maNTai n'iRaiyap peymmAr,
    vAkka ukka tEk kaL tERal
    kal alaittu ozukummannE! pal vEl,
    5
    aNNal yAnai, vEn'tarkku
    innAn Akiya iniyOn kunRE.
    tiNaiyum tuRaiyum avai.
    avanai avar pATiyatu.

    119
    kArp peyal talaiiya kANpu in kAlai,
    kaLiRRu muka variyin teRuz vI pUppa,
    cem puRRu Iyalin in aLaip puLittu;
    men tinai yANarttu; n'an'tum kollO
    5
    n'izal il n'IL iTait tani maram pOla,
    paNai kezu vEn'tarai iRan'tum
    iravalarkku Iyum vaLLiyOn n'ATE!
    tiNaiyum tuRaiyum avai.
    avanai avar pATiyatu.

    125
    paruttip peNTin panuval anna,
    n'eruppuc cinam taNin'ta n'iNam tayagku kozug kuRai,
    parUuk kaL maNTaiyoTu, Uz mARu peyara
    uNkum, en'tai! n'iR kANku van'ticinE,
    5
    n'aLLAtAr miTal cAytta
    vallALa! n'in makiz irukkaiyE.
    uzuta n'On pakaTu azi tinRAgku
    n'al amiztu Aka, n'I n'ayan'tu uNNum n'aRavE;
    kunRattu anna kaLiRu peyara,
    10
    kaTan'tu aTTu venROnum, n'iR kURummE;
    'velIiyOn ivan' ena,
    'kazal aNip polin'ta cEvaTi n'ilam kavarpu
    virain'tu van'tu, camam tAgkiya,
    val vEl malaiyan allan Ayin,
    15
    n'al amar kaTattal eLituman, n'amakku' enat
    tORROntAnum, n'iR kURummE,
    'tolaiiyOn ivan' ena,
    oru n'I Ayinai peruma! peru mazaikku
    irukkai cAnRa uyar malait
    20
    tirut taku cEey! n'iR peRRicinOrkkE.
    tiNai vAkai; tuRai araca vAkai.
    cEramAn mAn'tarajcEral irumpoRaiyum cOzan irAca cUyam vETTa perun'aRkiLLiyum porutavazi, cOzaRkut tuppAkiya tErvaNmalaiyanai vaTama vaNNakkan perujcAttanAr pATiyatu.

    126
    onnAr yAnai OTaip pon koNTu,
    pANar cenni poliyat taii,
    vATAt tAmarai cUTTiya vizuc cIr
    OTAp pUTkai uravOn maruka!
    5
    vallEm allEm Ayinum, vallE
    n'invayin kiLakkuvamAyin, kagkul
    tuyil maTin'tanna tUgku iruL iRumpin,
    paRai icai aruvi, muLLUrp porun'a!
    teRal aru marapin n'in kiLaiyoTum poliya,
    10
    n'ilamicaip paran'ta makkaTku ellAm
    pulan azukku aRRa an'taNALan,
    iran'tu cel mAkkaTku ini iTan inRi,
    paran'tu icai n'iRkap pATinan; ataRkoNTu
    cinam miku tAnai vAnavan kuTa kaTal,
    15
    polam taru n'AvAy OTTiya av vazi,
    piRa kalam celkalAtu anaiyEm attai,
    inmai turappa, icai tara van'tu, n'in
    vaNmaiyin toTuttanam, yAmE muL eyiRRu
    aravu eRi urumin muracu ezun'tu iyampa,
    20
    aNNal yAnaiyoTu vEn'tu kaLattu oziya,
    aruj camam tataiyat tAkki, n'anRum
    n'aNNAt tevvart tAgkum
    peNNai am paTappai n'ATu kizavOyE!
    tiNai pATAN tiNai; tuRai paricil tuRai.
    malaiyamAn tirumuTik kAriyai mAROkkattu n'appacalaiyAr pATiyatu.

    127
    'kaLagkani anna karug kOTTuc cIRiyAzp
    pATu in panuval pANar uyttena,
    kaLiRu ilavAkiya pul arai n'eTu veLil,
    kAna majjai kaNanoTu cEppa,
    5
    Ikai ariya izai aNi makaLiroTu
    cAyinRu' enpa, Aay kOyil;
    cuvaikku initu Akiya kuyyuTai aTicil
    piRarkku Ivu inRit tam vayiRu arutti,
    uraicAl Ogku pukaz orIiya
    10
    muraicu kezu celvar n'akar pOlAtE.
    tiNai atu; tuRai kaTain'ilai.
    Ayai uRaiyUr ENiccEri muTamOciyAr pATiyatu.

    129
    kuRi iRaik kurampaik kuRavar mAkkaL
    vAgku amaip pazuniya tERal makizn'tu,
    vEgkai munRil kuravai ayarum,
    tIm cuLaip palavin, mA malaik kizavan
    5
    Aay aNTiran, aTu pOr aNNal
    iravalarkku Itta yAnaiyin, karavu inRu,
    vAnam mIn pala pUppin, AnAtu
    oru vazik karu vazi inRip
    peru veLLennin, pizaiyAtu mannE.
    tiNai atu; tuRai iyanmozi.
    avanai avar pATiyatu.

    130
    viLagku maNik koTum pUN Aay! n'in n'ATTu
    iLam piTi oru cUl pattu InummO?
    n'innum n'inmalaiyum pATi varun'arkku,
    in mukam karavAtu, uvan'tu n'I aLitta
    5
    aNNal yAnai eNNin, kogkark
    kuTa kaTal OTTiya jAnRait
    talaippeyarttiTTa vElinum palavE!
    tiNaiyum tuRaiyum avai.
    avanai avar pATiyatu.

    131
    mazaik kaNam cEkkum mA malaik kizavan,
    vazaip pUg kaNNi vAy vAL aNTiran,
    kunRam pATinakollO
    kaLiRu mika uTaiya ik kavin peRu kATE?
    tiNaiyum tuRaiyum avai.
    avanai avar pATiyatu.

    135
    koTuvari vazagkum kOTu uyar n'eTu varai,
    aru viTarc ciRu n'eRi ERalin, varun'ti,
    taTavaral koNTa takai mel otukkin,
    vaLaik kai viRali en pinnaL Aka,
    5
    pon vArn'tanna puri aTagku n'arampin
    vari n'avil panuval pulam peyarn'tu icaippa,
    paTumalai n'inRa payam kezu cIRiyAz
    olkal uLLamoTu oru puTait tazIi,
    pukazcAl ciRappin n'in n'al icai uLLi,
    10
    van'tanen en'tai! yAnE: enRum,
    manRu paTu paricilark kANin, kanRoTu
    kaRai aTi yAnai iriyal pOkkum
    malai kezu n'ATan! mA vEL Aay!
    kaLiRum anRE; mAvum anRE;
    15
    oLiRu paTaip puraviya tErum anRE;
    pANar, pATun'ar, paricilar, Agku avar,
    tamatu enat toTukkuvarAyin, 'ematu' enap
    paRRal tERRAp payag kezu tAyamoTu,
    anna Aka, n'in Uzi; n'innaik
    20
    kANTal vENTiya aLavai vENTAr
    uRu muraN kaTan'ta ARRal
    potu mIkkURRattu n'ATu kizavOyE!
    tiNai atu; tuRai paricil tuRai.
    avanai avar pATiyatu.

    137
    iragku muracin, inamcAl yAnai,
    mun'n'Ir ENi viRal kezu mUvarai
    innum Or yAn avA aRiyEnE;
    n'IyE, mun yAn aRiyumOnE tuvanRiya
    5
    kayattu iTTa vittu vaRattin cAvAtu,
    kazaik karumpin olikkun'tu,
    koNTal koNTa n'Ir kOTai kAyinum,
    kaN anna malar pUkkun'tu,
    karug kAl vEgkai malarin, n'ALum
    10
    pon anna vI cuman'tu,
    maNi anna n'Ir kaTal paTarum;
    cev varaip paTappai n'Ajcil porun'a!
    ciRu veL aruvip perug kal n'ATanai!
    n'I vAziyar! n'in tan'tai
    15
    tAy vAziyar, n'iR payan'ticinOrE!
    tiNai atu; tuRai iyanmozi; paricil tuRaiyum Am.
    n'Ajcil vaLLuvanai oru ciRaip periyanAr pATiyatu.

    140
    taTavu n'ilaip palavin n'Ajcil porun'an
    maTavan, manRa; cen' n'Ap pulavIr!
    vaLaik kai viRaliyar paTappaik koyta
    aTakin kaNNuRaiAka yAm cila
    5
    arici vENTinEmAka, tAn piRa
    varicai aRitalin, tannum tUkki,
    irug kaTaRu vaLaiiya kunRattu annatu Or
    perug kaLiRu n'alkiyOnE; annatu Or
    tERRA Ikaiyum uLatukol?
    10
    pORRAr amma, periyOr tam kaTanE?
    tiNai atu; tuRai paricil viTai.
    avanai auvaiyAr pATiyatu.

    141
    'pANan cUTiya pacum pon tAmarai
    mAN izai viRali mAlaiyoTu viLagka,
    kaTum pari n'eTun' tEr pUTTu viTTu acaii,
    UrIr pOlac curattiTai irun'tanir!
    5
    yArIrO?' ena, vinaval AnA,
    kAren okkal, kaTum paci, iravala!
    ven vEl aNNal kANA UgkE,
    n'inninum pulliyEm mannE; iniyE,
    innEm AyinEm mannE; enRum
    10
    uTAa, pOrA Akutal aRin'tum,
    paTAam majjaikku Itta em kO,
    kaTAa yAnaik kali mAn pEkan,
    'et tuNai Ayinum Ittal n'anRu' ena,
    maRumai n'OkkinRO anRE,
    15
    piRar, vaRumai n'OkkinRu, avan kai vaNmaiyE.
    tiNai atu; tuRai pANARRuppaTai; pulavarARRuppaTaiyum Am.
    vaiyAvik kOpperum pEkanaip paraNar pATiyatu.

    142
    aRu kuLattu ukuttum, akal vayal pozin'tum,
    uRum iTattu utavAtu uvar n'ilam UTTiyum,
    varaiyA marapin mAripOla,
    kaTAa yAnaik kazal kAl pEkan
    5
    koTaimaTam paTutal allatu,
    paTaimaTam paTAn, piRar paTai mayakkuRinE.
    tiNai atu; tuRai iyanmozi.
    avanai avar pATiyatu.

    145
    'maTat takai mA mayil panikkum' enRu aruLi,
    paTAam Itta keTAa n'al icai,
    kaTAa yAnaik kali mAn pEka!
    pacittum vArEm; pAramum ilamE;
    5
    kaLagkani anna karug kOTTuc cIRiyAz
    n'ayam purin'tu uRaiyun'ar n'aTugkap paNNi,
    'aRam ceytImO, aruL veyyOy!' ena,
    iHtu yAm iran'ta paricil: aHtu iruLin,
    ina maNi n'eTun' tEr ERi,
    10
    innAtu uRaivi arum paTar kaLaimE!
    tiNaiyum tuRaiyum avai.
    avanai avaL kAraNamAka avar pATiyatu.

    148
    kaRagku micai aruviya piRagku malai n'aLLi! n'in
    acaivu il n'On tAL n'acai vaLan Etti,
    n'ALtoRum n'an kalam kaLiRRoTu koNarn'tu,
    kUTu viLagku viyal n'akar, paricil muRRu aLippa;
    5
    pITu il mannarp pukazcci vENTi,
    ceyyA kURik kiLattal
    eyyAtAkinRu, em ciRu cen' n'AvE.
    tiNai pATAN tiNai; tuRai paricil tuRai.
    kaNTIrak kOp perun'aLLiyai vanparaNar pATiyatu.

    151
    paNTum paNTum pATun'ar uvappa,
    viN tOy cimaiya viRal varaik kavAan,
    kizavan cET pulam paTarin, izai aNin'tu,
    pun talai maTap piTi paricilAka,
    5
    peNTirum tam patam koTukkum vaN pukazk
    kaNTIrakkOn Akalin, n'anRum
    muyagkal AnRicin, yAnE; polan' tEr
    n'annan marukan anRiyum, n'Iyum
    muyagkaRku ottanai mannE; vayagku mozip
    10
    pATun'arkku aTaitta katavin, ATu mazai
    aNagku cAl aTukkam poziyum n'um
    maNam kamaz mAl varai varain'tanar, emarE.
    tiNaiyum tuRaiyum avai.
    iLag kaNTIrakkOvum iLa viccikkOvum orugku irun'tavazi, cenRa perun'talaic cAttanAr iLag kaNTIrakkOvaip pulli, iLa viccikkOvaip pullArAka 'ennai en ceyap pullIrAyinIr?' ena, avar pATiyatu.

    152
    'vEzam vIztta vizut toTaip pakazi
    pEz vAy uzuvaiyaip perumpiRitu uRIi,
    puzal talaip pukark kalai uruTTi, ural talaik
    kEzaR panRi vIza, ayalatu
    5
    Azal puRRattu uTumpil ceRRum,
    val vil vETTam valam paTuttu irun'tOn,
    pukazcAl ciRappin ampu mikat tiLaikkum
    kolaivan yArkolO? kolaivan maRRu ivan
    vilaivan pOlAn; veRukkai n'anku uTaiyan;
    10
    Aram tAzn'ta am pakaTTu mArpin,
    cAral aruvip paya malaik kizavan,
    Ori kolO? allankollO?
    pATuval, viRali! Or vaNNam; n'Irum
    maN muzA amaimin; paN yAz n'iRumin;
    15
    kaN viTu tUmpin kaLiRRu uyir toTumin;
    ellari toTumin; AkuLi toTumin;
    patalai oru kaN paiyena iyakkumin;
    matalai mAk kOl kaivalam tamin' enRu,
    iRaivan Akalin, collupu kuRuki,
    20
    mU Ez tuRaiyum muRaiyuLik kazippi,
    'kO' enap peyariya kAlai, Agku atu
    tan peyar Akalin n'ANi, maRRu, 'yAm
    n'ATTiTan n'ATTiTan varutum; Igku Or
    vETTuvar illai, n'in oppOr' ena,
    25
    vETTatu moziyavum viTAan, vETTattil
    tAn uyir cekutta mAn n'iNap puzukkOTu,
    An urukku anna vEriyai n'alki,
    tan malaip piRan'ta tA il n'an pon,
    pal maNik kuvaiyoTum viraii, 'koNm' ena,
    30
    curattiTai n'alkiyOnE viTarc cimai
    Ogku irug kollip porun'an,
    OmpA Ikai viRal veyyOnE!
    tiNai atu; tuRai paricil viTai.
    val vil Oriyai vanparaNar pATiyatu.

    153
    mazai aNi kunRattuk kizavan, n'ALum,
    izai aNi yAnai irappOrkku Iyum,
    cuTar viTu pacum pUN, cUrppu amai mun kai,
    aTu pOr AnA, Atan Ori
    5
    mAri vaN koTai kANiya, n'anRum
    cenRatuman, em kaNNuLag kaTumpE;
    pani n'Irp pUvA maNi miTai kuvaLai
    vAl n'Art toTutta kaNNiyum, kalanum,
    yAnai inattoTu peRRanar, n'Igki,
    10
    paciyArAkal mARukol vici piNik
    kUTu koL in iyam kaRagka,
    ATalum ollAr, tam pATalum maRan'tE?
    tiNai atu; tuRai iyanmozi.
    avanai avar pATiyatu.

    159
    'vAzum n'ALOTu yANTu pala uNmaiyin,
    tIrtal cellAtu, en uyir' enap pala pulan'tu,
    kOl kAlAkak kuRum pala otugki,
    n'Ul virittanna katuppinaL, kaN tuyinRu,
    5
    munRil pOkA mutirvinaL yAyum;
    pacan'ta mEniyoTu paTar aTa varun'ti,
    marugkil koNTa pal kuRumAkkaL
    picain'tu tina, vATiya mulaiyaL, peritu azin'tu,
    kuppaik kIrai koykaN akaitta
    10
    muRRA iLan' taLir koytukoNTu, uppu inRu,
    n'Ir ulaiAka ERRi, mOr inRu,
    avizp patam maRan'tu, pAcaTaku micain'tu,
    mAcoTu kuRain'ta uTukkaiyaL, aRam paziyA,
    tuvvALAkiya en veyyOLum;
    15
    enRAgku, iruvar n'ejcamum uvappa kAnavar
    kari punam mayakkiya akankaN kollai,
    aivanam vitti, maiyuRak kavini,
    InalcellA EnaRku izumenak
    karuvi vAnam talaii yAgkum,
    20
    Itta n'in pukaz Etti, tokka en,
    paci tinat tiragkiya, okkalum uvappa
    uyarn'tu En'tu maruppin kolkaLiRu peRinum,
    tavirn'tu viTu paricil koLLalen; uvan'tu, n'I
    inpuRa viTutiAyin, ciRitu
    25
    kunRiyum koLval, kUr vEl kumaNa!
    ataRpaTa aruLal vENTuval viRal pukaz
    vacai il vizut tiNaip piRan'ta
    icai mEn' tOnRal! n'iR pATiya yAnE.
    tiNai atu; tuRai paricil kaTA n'ilai.
    avanai avar pATiyatu.

    161
    n'INTu oli azuvam kuRaipaTa mukan'tukoNTu,
    INTu celal koNmU vENTuvayin kuzIi,
    peru malai anna tOnRala, cUl mutirpu,
    urum uraRu karuviyoTu, peyal kaTan iRuttu,
    5
    vaLa mazai mARiya enRUzk kAlai,
    manpatai ellAm cenRu uNa, kagkaik
    karai poru mali n'Ir n'iRain'tu tOnRiyAgku,
    emakkum piRarkkum cemmalaiAkalin,
    'anpu il ATavar konRu, ARu kavara,
    10
    cenRu talaivarun'a alla, anpu inRu,
    van kalai teviTTum, aruj curam iRan'tOrkku,
    iRRai n'ALoTum yANTu talaippeyara' enak
    kaN poRi pOkiya kacivoTu uran azin'tu,
    arun' tuyar uzakkum en perun' tunpuRuvi n'in
    15
    tAL paTu celvam kANtoRum maruLa,
    panai maruL taTak kaiyoTu muttup paTa muRRiya
    uyar maruppu En'tiya varai maruL n'On pakaTu,
    oLi tikaz OTai poliya, marugkil
    paTu maNi iraTTa, ERic cemmAn'tu,
    20
    celal n'acaii uRRanen viRal miku kurucil!
    inmai turappa, icaitara van'tu, n'in
    vaNmaiyin toTutta en n'ayan'tanai kENmati!
    vallinum, vallEn Ayinum, vallE,
    en aLan'tu aRin'tanai n'OkkAtu, ciRan'ta
    25
    n'in aLan'tu aRimati, peruma! enRum
    vEn'tar n'ANap peyarvEn; cAn'tu arun'tip
    pal poRik koNTa En'tu ezil akalam
    mAN izai makaLir pullutoRum pukala,
    n'AL muracu iragkum iTanuTai varaippil n'in
    30
    tAL n'izal vAzn'ar n'an kalam mikuppa,
    vAL amar uzan'ta n'in tAnaiyum,
    cIr miku celvamum, Ettukam palavE.
    tiNai atu; tuRai paricil tuRai.
    avanai avar pATip pakaTu peRRatu.

    162
    iravalar puravalai n'Iyum allai;
    puravalar iravalarkku illaiyum allar;
    iravalar uNmaiyum kAN, ini; iravalarkku
    IvOr uNmaiyum kAN, ini; n'in Urk
    5
    kaTimaram varun'tat tan'tu yAm piNitta
    n'eTu n'al yAnai em paricil;
    kaTumAn tOnRal! celval yAnE.
    tiNai atu; tuRai paricil viTai.
    avar veLimAnuzaic cenRArkku veLimAn tujcuvAn tampiyaip 'paricil koTu' ena, avan ciRitu koTuppak koLLAtu pOy, kumaNanaip pATi,kumaNan pakaTu koTuppak koNarn'tu n'inRu, veLimAn Urk kaTimarattu yAttuc ce

    165
    mannA ulakattu mannutal kuRittOr
    tam pukaz n'iRIit tAm mAyn'tanarE;
    tun aruj ciRappin uyarn'ta celvar,
    inmaiyin irappOrkku IiyAmaiyin,
    5
    tonmai mAkkaLin toTarpu aRiyalarE;
    tAL tAz paTu maNi iraTTum, pU n'utal,
    ATu iyal yAnai pATun'arkku arukAk
    kETu il n'al icai vaya mAn tOnRalaip
    pATi n'inRanenAka, 'konnE
    10
    pATu peRu paricilan vATinan peyartal ena
    n'ATu izan'tataninum n'ani innAtu' ena,
    vAL tan'tananE, talai enakku Iya,
    tannin ciRan'tatu piRitu onRu inmaiyin;
    ATu mali uvakaiyoTu varuval,
    15
    OTAp pUTkai n'in kizamaiyOR kaNTE.
    tiNai atu; tuRai paricil viTai.
    tampiyAl n'ATu koLLappaTTuk kATu paRRiyirun'ta kumaNanaik kaNTu, avan tan vAL koTuppak koNTu van'tu, iLag kumaNaRkuk kATTi, perun'talaic cAttanAr pATiyatu.

    170
    marai pirittu uNTa n'elli vEli,
    paraluTai munRil, am kuTic cIRUr,
    el aTippaTutta kallAk kATci
    vil uzutu uNmAr n'AppaN, ollena,
    5
    izi piRappALan karug kai civappa,
    vali turan'tu cilaikkum van kaN kaTun' tuTi
    puli tujcu n'eTu varaik kuTijaiyOTu iraTTum
    malai kezu n'ATan, kUrvEl piTTan,
    kuRukal Ompumin, tevvir! avanE
    10
    ciRu kaN yAnai veN kOTu payan'ta
    oLi tikaz muttam viRaliyarkku Ittu,
    n'Ar pizik koNTa veg kaL tERal
    paN amai n'al yAzp pAN kaTumpu arutti,
    n'acaivarkku menmai allatu, pakaivarkku
    15
    irumpu payan paTukkum karug kaik kollan
    vicaittu eRi kUTamoTu porUum
    ulaik kal anna, vallALannE.
    tiNai vAkai; tuRai vallAN mullai; tAnaimaRamum Am.
    avanai uRaiyUr maruttuvan tAmOtaranAr pATiyatu.

    171
    inRu celinum tarumE; ciRu varai
    n'inRu celinum tarumE; pinnum,
    'munnE tan'tanen' ennAtu, tunni
    vaikalum celinum, poyyalan Aki,
    5
    yAm vENTiyAgku em vaRug kalam n'iRaippOn;
    tAn vENTiyAgkut tan iRai uvappa
    arun' tozil muTiyarO, tirun'tu vEl koRRan;
    inam mali katac cEk kaLanoTu vENTinum,
    kaLam mali n'ellin kuppai vENTinum,
    10
    arug kalam kaLiRRoTu vENTinum, perun'takai
    piRarkkum anna aRat takaiyannE.
    annan Akalin, en'tai uL aTi
    muLLum n'Ova uRARkatilla!
    IvOr ariya iv ulakattu,
    15
    vAzvOr vAza, avan tAL vAziyavE!
    tiNai pATAN tiNai; tuRai iyanmozi.
    avanaik kAvirippUm paTTinattuk kArik kaNNanAr pATiyatu.

    177
    oLiRu vAL mannar oN cuTar n'eTu n'akar,
    veLiRu kaN pOkap pal n'AL tiragki,
    pATip peRRa pon aNi yAnai,
    tamar enin, yAvarum pukupa; amar enin,
    5
    tigkaLum n'uzaiyA en'tirap paTu puzai,
    kaL mARu n'ITTa n'aNi n'aNi irun'ta
    kuRum pal kuRumpin tatumpa vaiki,
    puLic cuvai vETTa ceg kaN ATavar
    tIm puLik kaLAvoTu tuTari munaiyin,
    10
    maTTu aRal n'al yARRu ekkar ERi,
    karug kani n'Aval irun'tu koytu uNNum,
    perum peyar Ati, piNagkuaril kuTa n'ATTu,
    eyinar tan'ta eym mAn eRi tacaip
    paij jiNam perutta pacu veL amalai,
    15
    varun'arkku varaiyAtu taruvanar coriya,
    irum panag kuTaiyin micaiyum
    perum pular vaikaRaic cIr cAlAtE.
    tiNaiyum tuRaiyum avai.
    mallikizAn kAriyAtiyai AvUr mUlagkizAr pATiyatu.

    178
    kan'tu munin'tu uyirkkum yAnaiyoTu, paNai munin'tu
    kAl iyal puravi Alum AgkaN,
    maNal mali muRRam pukka cAnROr
    uNNAr Ayinum, tannoTu cULuRRu,
    5
    'uNm' ena irakkum perum peyarc cAttan
    INTO in cAyalanE; vENTAr
    eRi paTai mayagkiya veruvaru jATpin,
    kaLLuTaik kalattar uLLUrk kURiya
    n'eTumozi maRan'ta ciRu pErALar
    10
    ajci n'IgkumkAlai,
    EmamAkat tAn mun'tuRumE.
    tiNai vAkai; tuRai vallAN mullai.
    pANTiyan kIrajcAttanai avar pATiyatu.

    181
    manRa viLavin manai vIz veLLil,
    karug kaN eyiRRi kAtal makanoTu,
    kAna irum piTik kanRu talaik koLLum
    perug kuRumpu uTutta van pula irukkai,
    5
    pulAa ampin, pOr arug kaTi miLai,
    valAarOnE, vAy vAL paNNan;
    uNNA vaRug kaTumpu uytal vENTin,
    innE cenmati, n'IyE cenRu, avan
    pakaip pulam paTarAaLavai, n'in
    10
    pacip pakaip paricil kATTinai koLaRkE.
    tiNaiyum tuRaiyum avai.
    vallAr kizAn paNNanaic cONATTu mukaiyalUrc ciRu karun'tumpiyAr pATiyatu.

    184
    kAy n'el aRuttuk kavaLam koLinE,
    mA n'iRaivu illatum, pal n'ATku Akum;
    n'URu ceRu Ayinum, tamittup pukku uNinE,
    vAy pukuvataninum kAl peritu keTukkum;
    5
    aRivuTai vEn'tan n'eRi aRin'tu koLinE,
    kOTi yAttu, n'ATu peritu n'an'tum;
    melliyan kizavan Aki, vaikalum
    varicai aRiyAk kallen cuRRamoTu,
    parivu tapa eTukkum piNTam n'accin,
    10
    yAnai pukka pulam pOla,
    tAnum uNNAn, ulakamum keTumE.
    tiNai pATAN tiNai; tuRai ceviyaRivuRUu.
    pANTiyan aRivuTai n'ampiyuzaic cenRa picirAn'taiyAr pATiyatu.

    190
    viLai patac cIRiTam n'Okki, vaLai katir
    valci koNTu, aLai malka vaikkum
    eli muyanRanaiyar Aki, uLLa tam
    vaLan valiyuRukkum uLam ilALaroTu
    5
    iyain'ta kENmai illAkiyarO!
    kaTug kaN kEzal iTam paTa vIzn'tena,
    anRu avaN uNNAtAki, vazi n'AL,
    peru malai viTarakam pulampa, vETTu ezun'tu,
    irug kaLiRRu oruttal n'al valam paTukkum
    10
    puli pacittanna melivu il uLLattu
    uranuTaiyALar kENmaiyoTu
    iyain'ta vaikal uLa AkiyarO!
    tiNaiyum tuRaiyum avai.
    cOzan n'alluruttiran pATTu.

    197
    vaLi n'aTan'tanna vAc celal ivuLiyoTu
    koTi n'uTagku micaiya tErinar enAa,
    kaTal kaNTanna oN paTait tAnaiyoTu
    malai mARu malaikkum kaLiRRinar enAa,
    5
    urum uraRRanna uTkuvaru muracamoTu
    ceru mEmpaTUum venRiyar enAa,
    maN kezu tAnai, oN pUN, vEn'tar
    veN kuTaic celvam viyattalO ilamE;
    emmAl viyakkappaTUumOrE,
    10
    iTu muL paTappai maRi mEyn'tu ozin'ta
    kuRu n'aRu mujjaik kozug kaN kuRRaTaku,
    pun pula varakin conRiyoTu, peRUum,
    cIRUr mannar Ayinum, em vayin
    pATu aRin'tu ozukum paNpinArE;
    15
    mikap pEr evvam uRinum, enaittum
    uNarcci illOr uTaimai uLLEm;
    n'al aRivu uTaiyOr n'alkuravu
    uLLutum, peruma! yAm, uvan'tu, n'ani peritE.
    tiNaiyum tuRaiyum avai.
    cOzan kurAppaLLit tujciya perun'tirumAvaLavan paricil n'ITTittAnaik kOnATTu eRiccilUr mATalan maturaik kumaranAr pATiyatu.

    200
    pani varai n'ivan'ta pAcilaip palavin
    kani kavarn'tu uNTa karu viral kaTuvan
    cem muka man'tiyoTu ciRan'tu, cEN viLagki,
    mazai micai aRiyA mAl varai aTukkattu,
    5
    kazai micait tujcum kallaka veRpa!
    n'iNam tinRu cerukkiya n'erupput talai n'eTu vEl,
    kaLam koNTu kanalum kaTugkaN yAnai,
    viLagku maNik koTum pUN, viccikkOvE!
    ivarE, pUt talai aRAap punai koTi mullai
    10
    n'At tazumpu iruppap pATAtuAyinum,
    'kaRagku maNi n'eTun' tEr koLka!' enak koTutta
    paran'tu Ogku ciRappin pAri makaLir;
    yAnE, paricilan, mannum an'taNan; n'IyE,
    varicaiyil vaNakkum vAL mEmpaTun'an;
    15
    n'inakku yAn koTuppak koNmati cinap pOr
    aTagkA mannarai aTakkum
    maTagkA viLaiyuL n'ATu kizavOyE!
    tiNai atu; tuRai paricil tuRai.
    pAri makaLirai viccik kOnuzaik koNTu cenRa kapilar pATiyatu.

    201
    'ivar yAr?' enkuvaiAyin, ivarE,
    UruTan iravalarkku aruLi, tEruTan
    mullaikku Itta cellA n'al icai,
    paTu maNi yAnai, paRampin kOmAn
    5
    n'eTu mAp pAri makaLir; yAnE
    tan'tai tOzan; ivar en makaLir;
    an'taNan, pulavan, koNTu van'tananE.
    n'IyE, vaTapAl munivan taTavinuL tOnRi,
    cempu punain'tu iyaRRiya cEN n'eTum puricai,
    10
    uvarA Ikai, tuvarai ANTu,
    n'ARpattonpatu vazimuRai van'ta
    vELiruL vELE! viRal pOr aNNal!
    tAr aNi yAnaic cETTu irug kOvE!
    AN kaTan uTaimaiyin, pAN kaTan ARRiya
    15
    oliyaR kaNNip pulikaTi mAal!
    yAn tara, ivaraik koNmati! vAn kavittu
    irug kaTal uTutta iv vaiyakattu, arun' tiRal
    pon paTu mAl varaik kizava! ven vEl
    uTalun'ar uTkum tAnai,
    20
    keTal arugkuraiya n'ATu kizavOyE!
    tiNaiyum tuRaiyum avai.
    pAri makaLirai irugkOvELuzaik koNTu cenRa kapilar pATiyatu.

    205
    muRRiya tiruvin mUvar Ayinum,
    peTpinRu Ital yAm vENTalamE;
    viRal cinam taNin'ta virai parip puravi
    uRuvar cel cArvu Aki, ceRuvar
    5
    tAL uLam taputta vAL miku tAnai,
    veL vI vElik kOTaip porun'a!
    ciRiyavum periyavum puzai keTa vilagkiya
    mAn kaNam tolaicciya kaTu vicaik kata n'Ay,
    n'On cilai, vETTuva! n'Oy ilaiyAkuka!
    10
    Ar kali yANart tarIiya, kAl vIzttu,
    kaTalvayin kuzIiya aNNal am koNmU
    n'Ir inRu peyarAvAgku, tEroTu
    oLiRu maruppu En'tiya cemmal
    kaLiRu inRu peyarala, paricilar kaTumpE.
    tiNaiyum tuRaiyum avai.
    kaTiya n'eTuvETTuvan paricil n'ITTittAnaip perun'talaic cAttanAr pATiyatu.

    214
    'ceykuvamkollO, n'alvinai?' enavE
    aiyam aRAar, kacaTu INTu kATci
    n'IgkA n'ejcattut tuNivu illOrE;
    yAnai vETTuvan yAnaiyum peRumE;
    5
    kuRumpUz vETTuvan vaRug kaiyum varumE:
    atanAl, uyarn'ta vETTattu uyarn'ticinOrkku,
    ceyvinai marugkin eytal uNTu enin,
    toyyA ulakattu n'ukarcciyum kUTum;
    toyyA ulakattu n'ukarcci il enin,
    10
    mARip piRappin inmaiyum kUTum;
    mARip piRavAr Ayinum, imayattuk
    kOTu uyarn'tanna tam icai n'aTTu,
    tItu il yAkkaiyoTu mAytal tavat talaiyE.
    tiNai potuviyal; tuRai poruNmozik kAjci.
    avan vaTakkirun'tAn coRRatu.

    220
    peruj cORu payan'tu, pal yANTu puran'ta
    perug kaLiRu izan'ta paital pAkan
    atu cErn'tu alkiya azugkal Alai,
    veLil pAzAkak kaNTu kaluzn'tAgku,
    5
    kalagkinen allanO, yAnE polan' tArt
    tEr vaN kiLLi pOkiya
    pEr icai mUtUr manRam kaNTE?
    tiNaiyum tuRaiyum avai.
    avan vaTakkirun'tAnuzaic cenRu mINTu van'tu uRaiyUr kaNTa pottiyAr azutu pATiyatu.

    227
    n'ani pEtaiyE, n'ayan il kURRam!
    viraku inmaiyin vittu aTTu uNTanai;
    innum kANkuvai, n'an vAy Akutal;
    oLiRu vAL maRavarum, kaLiRum, mAvum,
    5
    kuruti am kurUup punal poru kaLattu oziya,
    n'ALum AnAn kaTan'tu aTTu, enRum n'in
    vATu paci aruttiya vacai tIr ARRal
    n'in Or anna pon iyal perum pUN
    vaLavan ennum vaNTu mUcu kaNNi
    10
    inaiyOR koNTanaiAyin,
    ini yAr, maRRu n'in paci tIrppOrE?
    tiNaiyum tuRaiyum avai.
    avanai ATutuRai mAcAttanAr pATiyatu.

    228
    kalam cey kOvE! kalam cey kOvE!
    iruL tiNin'tanna kurUut tiraL parUup pukai
    akal iru vicumpin UnRum cULai,
    n'anan' talai mUtUrk kalam cey kOvE!
    5
    aLiyai n'IyE; yAgku Akuvaikol?
    n'ilavarai cUTTiya n'IL n'eTun' tAnaip
    pulavar pukazn'ta poyyA n'al icai,
    viri katir jAyiRu vicumpu ivarn'tanna
    cEN viLagku ciRappin, cempiyar marukan
    10
    koTi n'uTagku yAnai n'eTumA vaLavan
    tEvar ulakam eytinan Atalin,
    annOR kavikkum kaN akan tAzi
    vanaital vETTanaiAyin, enaiyatUum
    iru n'ilam tikiriyA, peru malai
    15
    maNNA, vanaital ollumO, n'inakkE?
    tiNai atu; tuRai Anan'tappaiyuL.
    avanai aiyUr muTavanAr pATiyatu.

    229
    ATu iyal azal kuTTattu
    Ar iruL arai iravil,
    muTap panaiyattu vEr mutalAk
    kaTaik kuLattuk kayam kAya,
    5
    pagkuni uyar azuvattu,
    talai n'ALmIn n'ilai tiriya,
    n'ilai n'ALmIn atan etir Ertara,
    tol n'ALmIn tuRai paTiya,
    pAcic cellAtu, Ucit tunnAtu,
    10
    aLakkart tiNai viLakkAkak
    kanai eri parappa, kAl etirpu pogki,
    oru mIn vIzn'tanRAl, vicumpinAnE;
    atu kaNTu, yAmum piRarum pal vERu iravalar,
    'paRai icai aruvi n'al n'ATTup porun'an
    15
    n'Oy ilanAyin n'anRuman til' ena
    azin'ta n'ejcam maTiuLam parappa,
    ajcinam; ezu n'AL van'tanRu, inRE;
    main'tuTai yAnai kai vaittu uRagkavum,
    tiN piNi muracam kaN kizin'tu uruLavum,
    20
    kAval veNkuTai kAl parin'tu ulaRavum,
    kAl iyal kali mAk kati ila vaikavum,
    mElOr ulakam eytinan; Akalin,
    oN toTi makaLirkku uRu tuNai Aki,
    tan tuNai Ayam maRan'tanankollO
    25
    pakaivarp piNikkum ARRal, n'acaivarkku
    aLan'tu koTai aRiyA Ikai,
    maNi varai anna mAayOnE?
    tiNaiyum tuRaiyum avai.
    kOc cEramAn yAnaikkaTcEey mAn'tarajcEral irumpoRai inna n'ALil tujcum ena ajci, avan tujciya iTattu, kUTalUr kizAr pATiyatu.

    233
    poyyAkiyarO! poyyAkiyarO!
    pA aTi yAnai paricilarkku arukAc
    cIr kezu n'On tAL akutaikaN tOnRiya
    pon punai tikiriyin poyyAkiyarO!
    5
    'irum pAN okkal talaivan, perum pUN,
    pOr aTu tAnai, evvi mArpin
    eHkuRu vizuppuN pala' ena
    vaikuRu viTiyal, iyampiya kuralE.
    tiNayum tuRaiyum avai.
    vEL evviyai veLLerukkilaiyAr pATiyatu.

    234
    n'OkO yAnE? tEykamA kAlai!
    piTi aTi anna ciRu vazi mezuki,
    tan amar kAtali pul mEl vaitta
    in ciRu piNTam yAgku uNTanankol
    5
    ulaku pukat tiRan'ta vAyil
    palarOTu uNTal marIiyOnE?
    tiNaiyum tuRaiyum avai.
    avanai avar pATiyatu.

    237
    'n'ITu vAzka?' enRu, yAn n'eTug kaTai kuRuki,
    pATi n'inRa paci n'ATkaNNE,
    'kOTaik kAlattuk kozu n'izal Aki,
    poyttal aRiyA uravOn cevimutal
    5
    vittiya panuval viLain'tanRu n'anRu' ena
    n'acci irun'ta n'acai pazutAka,
    aTTa kuzici azal payan'tAagku,
    'aLiyartAmE Arka' ennA
    aRan il kURRam tiRan inRu tuNiya,
    10
    Uzin uruppa erukkiya makaLir
    vAzaip pUvin vaLai muRi citaRa,
    mutu vAy okkal paricilar iragka,
    kaLLi pOkiya kaLariam paRan'talai,
    veL vEl viTalai cenRu mAyn'tananE:
    15
    Agku atu n'Oy inRAka; Ogku varaip
    puli pArttu oRRiya kaLiRRu irai pizaippin,
    eli pArttu oRRAtAkum; mali tiraik
    kaTal maNTu punalin izumenac cenRu,
    n'aniyuTaip paricil tarukam,
    20
    ezumati, n'ejcE! tuNipu mun'tuRuttE.
    tiNaiyum tuRaiyum avai.
    veLimAnuzaic cenRArkku, avan tujca, iLa veLimAn ciRitu koTuppa, koLLAtu, perujcittiranAr pATiyatu.

    239
    toTiyuTaiya tOL maNan'tanan;
    kaTi kAvil pUc cUTinan;
    taN kamazum cAn'tu n'Ivinan;
    ceRROrai vazi taputtanan;
    5
    n'aTTOrai uyarpu kURinan;
    'valiyar' ena, vazimoziyalan;
    'meliyar' ena, mIkkURalan;
    piRarait tAn irappu aRiyalan;
    iran'tOrkku maRuppu aRiyalan;
    10
    vEn'tuTai avaiyattu Ogku pukaz tORRinan;
    varupaTai etir tAgkinan;
    peyarpaTai puRagkaNTanan;
    kaTum pariya mAk kaTavinan;
    n'eTun' teruvil tEr vazagkinan;
    15
    Ogku iyala kaLiRu Urn'tanan;
    tIm ceRi tacumpu tolaiccinan;
    pAN uvappa paci tIrttanan;
    mayakkuTaiya mozi viTuttanan; Agkuc
    ceypa ellAm ceytanan Akalin
    20
    iTuka onRO! cuTuka onRO!
    paTu vazip paTuka, ip pukaz veyyOn talaiyE!
    tiNaiyum tuRaiyum avai.
    n'ampi n'eTujceziyanaip pEreyin muRuvalAr pATiyatu.

    240
    ATu n'aTaip puraviyum, kaLiRum, tErum,
    vATA yANar n'ATum Urum,
    pATun'arkku arukA Aay aNTiran
    kOTu En'tu alkul, kuRun' toTi makaLiroTu,
    5
    kAlan ennum kaNNili uyppa,
    mElOr ulakam eytinan enAa,
    potta aRaiyuL pOz vAyk kUkai,
    'cuTTuk kuvi' enac cettOrp payirum
    kaLLi am paRan'talai oru ciRai alki,
    10
    oL eri n'aippa uTampu mAyn'tatu;
    pullen kaNNar puravalark kANAtu,
    kallen cuRRamoTu kaiyazin'tu, pulavar
    vATiya paciyarAki, piRar
    n'ATu paTu celavinar Ayinar, iniyE.
    tiNaiyum tuRaiyum avai.
    Ayaik kuTTuvan kIranAr pATiyatu.

    247
    yAnai tan'ta muLi mara viRakin
    kAnavar pottiya jeli tI viLakkattu,
    maTa mAn peru n'irai vaiku tuyil eTuppi,
    man'ti cIkkum aNagkuTai munRilil,
    5
    n'Ir vAr kUn'tal irum puRam tAza,
    pEr ajark kaNNaL, perug kATu n'Okki,
    terumarum amma tAnE tan kozun'an
    muzavu kaN tuyilAk kaTiyuTai viyal n'akarc
    ciRu n'ani tamiyaL Ayinum,
    10
    in uyir n'aTugkum tan iLamai puRagkoTuttE!
    tiNaiyum tuRaiyum avai.
    avaL tIp pAyvALaik kaNTu maturaip pErAlavAyAr colliyatu.

    251
    Ovattu anna iTanuTai varaippil,
    pAvai anna kuRun' toTi makaLir
    izai n'ilai n'ekiztta maLLan kaNTikum
    kazaik kaN n'eTu varai aruvi ATi,
    5
    kAna yAnai tan'ta viRakin
    kaTun' teRal cen' tI vETTu,
    puRam tAz puri caTai pularttuvOnE!
    tiNai vAkai; tuRai tApata vAkai.
    ....................mARpittiyAr pATiyatu.

    261
    an'tO! en'tai aTaiyAp pEr il!
    vaNTu paTu n'aRavin taNTA maNTaiyoTu
    varaiyAp peruj cORRu muri vAy muRRam,
    veRRu yARRu ampiyin eRRu? aRRu Akak
    5
    kaNTanen, manRa; cOrka, en kaNNE;
    vaiyam kAvalar vaLam kezu tiru n'akar,
    maiyal yAnai ayAvuyirttanna
    n'ey ulai corin'ta mai Un Ocai
    putukkaN mAkkaL cetukkaN Arap
    10
    payan'tanai, mannAl, munnE! iniyE
    pal A tazIiya kallA val vil
    uzaik kural kUkai azaippa ATTi,
    n'Aku mulai anna n'aRum pUg karan'tai
    viraku aRiyALar marapin cUTTa,
    15
    n'irai ivaN tan'tu, n'aTukal Akiya
    ven vEl viTalai inmaiyin pulampi,
    koym mazit talaiyoTu kaimmaiyuRak kalagkiya
    kazi kala makaTUup pOlap
    pullenRanaiyAl, pal aNi izan'tE.
    tiNaiyum tuRaiyum avai.
    .....................AvUr mUlag kizAr pATiyatu.

    263
    perug kaLiRRu aTiyin tOnRum oru kaN
    irum paRai iravala! cERiAyin,
    tozAtanai kazital Ompumati; vazAtu,
    vaNTu mEmpaTUum, iv vaRan'ilai ARE
    5
    pal At tiraL n'irai peyartarap peyartan'tu,
    kallA iLaiyar n'Igka n'IgkAn,
    vil umiz kaTug kaNai mUzka,
    kol punal ciRaiyin vilagkiyOn kallE.
    tiNai karan'tai; tuRai kaiyaRun'ilai.
    ......................................................................

    265
    Ur n'ani iRan'ta pAr mutir paRan'talai,
    Ogku n'ilai vEgkai oL iNar n'aRu vIp
    pOn'tai am tOTTin punain'tanar toTuttu,
    pal An kOvalar paTalai cUTTa,
    5
    kal AyinaiyE kaTu mAn tOnRal!
    vAn ERu puraiyum n'in tAL n'izal vAzkkaip
    paricilar celvam anRiyum, viri tArk
    kaTum pakaTTu yAnai vEn'tar
    oTugkA venRiyum, n'innoTu celavE.
    tiNaiyum tuRaiyum avai.
    ......................cONATTu mukaiyalUrc ciRu karun' tumpiyAr pATiyatu.

    270
    pal mIn imaikkum mAka vicumpin
    iragku muracin, inamcAl yAnai,
    n'ilam tava uruTTiya n'EmiyOrum
    camagkaN kUTit tAm vETpavvE
    5
    n'aRu virai tuRan'ta n'ARA n'arait talaic
    ciRuvar tAyE! pEril peNTE!
    n'OkO yAnE; n'Okkumati n'IyE;
    maRap paTai n'uvalum arik kural taNNumai
    in icai kETTa tun aru maRavar
    10
    venRi taru vETkaiyar, manRam koNmAr,
    pEr amar uzan'ta veruvaru paRan'talai,
    vizu n'avi pAyn'ta marattin,
    vAL micaik kiTan'ta ANmaiyOn tiRattE.
    tiNai karan'tai; tuRai kaiyaRu n'ilai.
    (kaNTAr tAykkuc colliyatu)
    kazAttalaiyAr pATiyatu.

    274
    n'Ilak kaccai, pU Ar ATai,
    pIlik kaNNip perun'takai maRavan
    mEl varug kaLiRRoTu vEl turan'tu, iniyE,
    tannum turakkuvan pOlum onnalar
    5
    eHkuTai valattar mAvoTu parattara,
    kaiyin vAgki, tazIi,
    moympin Ukki, meyk koNTananE!
    tiNai atu; tuRai erumai maRam.
    ulOccanAr pATiyatu.

    275
    kOTTag kaNNiyum, koTun'tirai ATaiyum,
    vETTatu colli vEn'tanait toTuttalum,
    ottanRu mAtO, ivaRkE; ceRRiya
    tiNi n'ilai alaRak kUvai pOzn'tu, tan
    5
    vaTi mAN eHkam kaTimukattu En'ti,
    'Ompumin, Ompumin, ivaN!' ena, OmpAtu,
    toTar koL yAnaiyin kuTar kAl taTpa,
    kanRu amar kaRavai mAna,
    mun camattu etirn'ta tan tOzaRku varumE.
    tiNaiyum tuRaiyum avai.
    orUuttanAr pATiyatu.

    277
    'mIn uN kokkin tUvi anna
    vAl n'araik kUn'tal mutiyOL ciRuvan
    kaLiRu eRin'tu paTTanan' ennum uvakai
    InRa jAnRinum peritE; kaNNIr
    5
    n'On kazai tuyalvarum vetirattu
    vAn peyat tUgkiya citarinum palavE.
    tiNai atu; tuRai uvakaik kaluzcci.
    pUgkaN uttiraiyAr pATiyatu.

    279
    keTuka cin'tai; kaTitu ivaL tuNivE;
    mUtil makaLir Atal takumE:
    mEln'AL uRRa ceruviRku ivaL tannai,
    yAnai eRin'tu, kaLattu ozin'tananE;
    5
    n'erun'al uRRa ceruviRku ivaL kozun'an,
    peru n'irai vilagki, ANTup paTTananE;
    inRum, cerup paRai kETTu, viruppuRRu, mayagki,
    vEl kaik koTuttu, veLitu virittu uTIi,
    pARu mayirk kuTumi eNNey n'Ivi,
    10
    oru makan allatu illOL,
    'cerumukam n'Okkic celka' ena viTumE!
    tiNai vAkai; tuRai mUtil mullai.
    okkUr mAcAttiyAr pATiyatu.

    287
    tuTi eRiyum pulaiya!
    eRi kOl koLLum izicina!
    kAlam mAriyin ampu taippinum,
    vayal keNTaiyin vEl piRazinum,
    5
    polam punai OTai aNNal yAnai
    ilagku vAl maruppin n'uti maTuttu UnRinum,
    OTal cellAp pITuTaiyALar
    n'eTu n'Irp poykaip piRaziya vALai
    n'elluTai n'eTu n'akark kUTTumutal puraLum,
    10
    taNNaTai peRutal yAvatu? paTinE,
    mAcu il makaLir manRal n'anRum,
    uyar n'ilai ulakattu, n'ukarpa; atanAl
    vampa vEn'tan tAnai
    impar n'inRum kANTirO, varavE!
    tiNai karan'tai; tuRai n'INmozi.
    cAttan'taiyAr pATiyatu.

    290
    ivaRku Ittu uNmati, kaLLE; cinap pOr
    inak kaLiRRu yAnai, iyal tErk kurucil!
    n'un'tai tan'taikku ivan tan'tai tan'tai,
    eTuttu eRi jATpin imaiyAn, taccan
    5
    aTuttu eRi kuRaTTin, n'inRu mAyn'tananE;
    maRap pukaz n'iRain'ta main'tinOn ivanum,
    uRaippuzi Olai pOla,
    maRaikkuvan peruma! n'iR kuRittu varu vElE.
    tiNai karan'tai; tuRai kuTin'ilai uraittal.
    auvaiyAr pATiyatu.

    293
    n'iRap paTaikku olkA yAnai mElOn
    kuRumparkku eRiyum Eval taNNumai
    n'AN uTai mAkkaTku iragkumAyin,
    emminum pEr ezil izan'tu, vinai enap
    5
    piRar manai pukuvaLkollO
    aLiyaL tAnE, pUvilaip peNTE!
    tiNai kAjci; tuRai pUkkOT kAjci.
    n'occi n'iyamag kizAr pATiyatu.

    301
    pal cAnRIrE! pal cAnRIrE!
    kumari makaLir kUn'tal puraiya,
    amarin iTTa aru muL vElik
    kallen pAcaRaip pal cAnRIrE!
    5
    muracu muzagku tAnai n'um aracum Ompumin;
    oLiRu En'tu maruppin n'um kaLiRum pORRumin;
    enai n'AL tagkum n'um pOrE, anai n'AL
    eRiyAr eRital yAvaNatu? eRin'tOr
    etir cenRu eRitalumcellAn; atanAl
    10
    aRin'tOr yAr, avan kaNNiya poruLE?
    'palam' enRu ikaztal Ompumin; utuk kAN
    n'ilan aLappanna n'illAk kuRu n'eRi,
    vaN parip puravip paNpu pArATTi,
    elliTaip paTartan'tOnE; kallena
    15
    vEn'tu Ur yAnaikku allatu,
    En'tuvan pOlAn, tan ilagku ilai vElE.
    tiNaiyum tuRaiyum avai.
    AvUr mUlag kizAr pATiyatu.

    302
    veTi vEy koLvatu pOla OTi,
    tAvupu ukaLum, mAvE; pUvE,
    viLagkuizai makaLir kUn'tal koNTa;
    n'aran'tap pal kAzk kOtai cuRRiya
    5
    aitu amai pANi vaNar kOTTuc cIRiyAzk
    kai vAr n'arampin pANarkku Okkiya,
    n'irampA iyalpin karampaic cIRUr;
    n'Okkinarc cekukkum kALai Ukki,
    vElin aTTa kaLiRu peyarttu eNNin,
    10
    viN ivar vicumpin mInum,
    taN peyal uRaiyum, uRai ARRAvE.
    tiNai atu; tuRai kutirai maRam.
    veRi pATiya kAmakkaNNiyAr pATiyatu.

    303
    n'ilam piRakkiTuvatu pOlak kuLampu kuTaiyUu,
    uLLam azikkum koTpin mAnmEl
    eLLun'arc cekukkum kALai kUrtta
    ven' tiRal eHkam n'ejcu vaTu viLaippa
    5
    ATTik kANiya varumE n'erun'ai,
    uraicAl ciRappin vEn'tar munnar,
    karai poru mun'n'Irt timilin pOzn'tu, avar
    kayan'talai maTap piTi pulampa,
    ilagku maruppu yAnai eRin'ta eRkE.
    tiNaiyum tuRaiyum avai.
    erumai veLiyanAr pATiyatu.

    305
    vayalaik koTiyin vATiya marugkul,
    uyaval Urti, payalaip pArppAn
    elli van'tu n'illAtu pukku,
    colliya collO cilavE; ataRkE
    5
    ENiyum cIppum mARRi,
    mAN vinai yAnaiyum maNi kaLain'tanavE.
    tiNai vAkai; tuRai pArppana vAkai.
    maturai vELAcAn pATiyatu.

    306
    kaLiRu porak kalagku, kazal muL vEli,
    aritu uN kUval, am kuTic cIRUr
    oli men kUn'tal oL n'utal arivai
    n'aTukal kai tozutu paravum, oTiyAtu;
    5
    virun'tu etir peRukatil yAnE; ennaiyum
    o ... ... ... ... ... ... ...vEn'tanoTu
    n'ATutaru vizup pakai eytuka enavE.
    tiNai atu; tuRai mUtil mullai.
    aLLUr n'anmullaiyAr pATiyatu.

    307
    Acu Aku en'tai yANTu uLankollO?
    kunRattu anna kaLiRRoTu paTTOn;
    vampalan pOlat tOnRum; utukkAN;
    vEnal vari aNil vAlattu anna,
    5
    kAna Ukin kazanRu uku mutu vI
    ariyal vAn kuzal curiyal tagka,
    n'Irum pullum IyAtu, umaNar
    yArum il oru ciRai muTattoTu tuRan'ta
    vAzA vAn pakaTu Eyppa, teRuvar
    10
    pEr uyir koLLum mAtO; atu kaNTu,
    vej cina yAnai vEn'tanum, 'ik kaLattu,
    ejcalin ciRan'tatu piRitu onRu il' ena,
    paN koLaRku arumai n'Okki,
    n'ejcu aRa vIzn'ta puraimaiyOnE.
    tiNai tumpai; tuRai kaLiRRuTanilai.
    ........................................................................

    308
    pon vArn'tanna puri aTagku n'arampin,
    min n'Er paccai, mijiRRuk kural cIRiyAz
    n'anmai n'iRain'ta n'aya varu pANa!
    cIRUr mannan ciRiyilai eHkam
    5
    vEn'tu Ur yAnai En'tu mukattatuvE;
    vEn'tu uTanRu eRin'ta vElE, ennai
    cAn'tu Ar akalam uLam kazin'tanRE;
    uLam kazi cuTarp paTai En'ti, n'am peruviRal
    Occinan turan'ta kAlai, maRRavan
    10
    pun talai maTap piTi n'ANa,
    kujcaram ellAm puRakkoTuttanavE.
    tiNai vAkai; tuRai mUtil mullai.
    kOvUr kizAr pATiyatu.

    310
    pAl koNTu maTuppavum uNNAn Akalin,
    ceRAatu Occiya ciRu kOl ajciyoTu,
    uyavoTu varun'tum mannE! iniyE
    pukar n'iRam koNTa kaLiRu aTTu AnAn,
    5
    munn'AL vIzn'ta uravOr makanE,
    unnilan ennum, puN onRu ampu
    mAn uLai anna kuTumit
    tOl micaik kiTan'ta pul aNalOnE.
    tiNaiyum tuRaiyum avai.
    ponmuTiyAr pATiyatu.

    312
    InRu puRan'tarutal en talaik kaTanE;
    cAnROn Akkutal tan'taikkuk kaTanE;
    vEl vaTittuk koTuttal kollaRkuk kaTanE;
    n'annaTai n'alkal vEn'taRkuk kaTanE,
    5
    oLiRu vAL aruj camam murukki,
    kaLiRu eRin'tu peyartal kALaikkuk kaTanE.
    tiNai vAkai; tuRai mUtilmullai.
    ponmuTiyAr pATiyatu.

    313
    attam n'aNNiya n'ATu kezu peruviRal
    kaip poruL yAtonRum ilanE; n'accik
    kANiya cenRa iraval mAkkaL
    kaLiRoTu n'eTun' tEr vENTinum, kaTava;
    5
    uppu oy cAkATTu umaNar kATTa
    kazi muri kunRattu aRRE,
    eL amaivu inRu, avan uLLiya poruLE.
    tiNai atu; tuRai vallAN mullai.
    mAgkuTi kizAr pATiyatu.

    316
    kaLLin vAztti, kaLLin vAztti,
    kATToTu miTain'ta cIyA munRil,
    n'AT cerukku anan'tart tujcuvOnE.
    avan em iRaivan; yAm avan pANar;
    5
    n'erun'ai van'ta virun'tiRku maRRut tan
    irum puTaip paza vAL vaittanan; inRu ik
    karug kOTTuc cIRiyAz paNaiyam; itu koNTu
    IvatilALan ennAtu, n'Iyum,
    vaLLi marugkul vayagku izai aNiya,
    10
    kaLLuTaik kalattEm yAm makiz tUgka,
    cenRu vAy civan'tu mEl varuka
    ciRu kaN yAnai vEn'tu vizumuRavE.
    tiNaiyum tuRaiyum avai.
    maturaik kaLLiR kaTaiyattan veNNAkanAr pATiyatu.

    320
    munRil mujjaiyoTu mucuNTai pampi,
    pan'tar vENTAp palA tUgku n'Izal,
    kaimmAn vETTuvan kanai tuyil maTin'tena,
    pArvai maTap piNai tazIi, piRitu Or
    5
    tIr tozil tanik kalai tiLaittu viLaiyATa,
    inpuRu puNarn'ilai kaNTa manaiyOL
    kaNavan ezutalum ajci, kalaiyE
    piNaivayin tIrtalum ajci, yAvatum,
    il vazagkAmaiyin, kallena olittu,
    10
    mAn ataL peyta uNagku tinai valci
    kAnak kOziyOTu ital kavarn'tu uNTena,
    Ara n'eruppin, Aral n'ARa,
    taTivu Arn'tiTTa muzu vaLLUram
    irum pEr okkaloTu orugku initu arun'ti,
    15
    tagkinai cenmO, pANa! tagkAtu,
    vEn'tu taru vizuk kUz paricilarkku enRum
    arukAtu Iyum vaNmai
    uraicAl n'eTun' takai Ompum UrE.
    tiNaiyum tuRaiyum avai.
    vIrai veLiyanAr pATiyatu.

    323
    pulippAR paTTa AmAn kuzavikkuc
    cinam kazi mUtAk kanRu maTuttu UTTum
    kA ... ... ... ... ..... ..... ...... ...... ..... kku
    uLLiyatu curakkum OmpA Ikai,
    5
    veL vEl Avam Ayin, oL vAL
    kaRaiyaTi yAnaikku allatu
    uRai kazippu aRiyA, vElOn UrE.
    ........................................................
    ................TAr kizAr pATiyatu.

    325
    kaLiRu n'IRu ATiya viTu n'ila marugkin,
    vampap perum peyal varain'tu corin'tu iRan'tena,
    kuzi koL cil n'Ir kurAal uNTalin,
    cERu kiLaittiTTa kaluz kaN URal
    5
    muRaiyin uNNum n'iRaiyA vAzkkai,
    muLavu mAt tolaicciya muzuccol ATavar
    uTumpu izutu aRutta oTug kAzp paTalaic
    cIRil munRil kURuceytiTumAr,
    koLLi vaitta kozu n'iNa n'ARRam
    10
    maRukuTan kamazum matukai manRattu,
    alan'talai iratti alagkupaTu n'Izal,
    kayan' talaic ciRAar kaNai viLaiyATum
    aru miLai irukkaiyatuvE ven vEl
    vEn'tu talaivarinum tAgkum,
    15
    tAgkA Ikai, n'eTun'takai UrE.
    tiNaiyum tuRaiyum avai.
    uRaiyUr mutukaNNan cAttanAr pATiyatu.

    326
    Ur mutu vElip pAr n'aTai verukin
    iruL pakai verIiya n'Aku iLam pETai
    uyir n'aTukkuRRup pulA viTTu araRRa,
    ciRaiyum ceRRaiyum puTaiyun'aL ezun'ta
    5
    paruttip peNTin ciRu tI viLakkattu,
    kavirp pU n'eRRic cEvalin taNiyum
    aru miLai irukkaiyatuvE manaiviyum,
    vETTac ciRAar cEN pulam paTarAtu,
    paTappaik koNTa kuRun' tAL uTumpin
    10
    vizukku n'iNam peyta tayirk kaN vitavai,
    yANar n'allavai pANaroTu, orAgku
    varu virun'tu ayarum viruppinaL; kizavanum,
    aruj camam tataiyat tAkki, peruj camattu
    aNNal yAnai aNin'ta
    15
    pon cey OTaip perum paricilanE.
    tiNai vAkai; tuRai mUtil mullai.
    tagkAl poRkollanAr pATiyatu.

    332
    piRar vEl pOlAtAki, iv Ur
    maRavan vElO perun' takai uTaittE;
    irum puRam n'IRum ATi, kalan'tu iTaik
    kurampaik kUraik kiTakkinum kiTakkum;
    5
    magkala makaLiroTu mAlai cUTTi,
    in kural irum pai yAzoTu tatumpa,
    teN n'Irp paTuvinum teruvinum tirin'tu,
    maN muzutu azugkac cellinum cellum; Agku,
    irug kaTal tAnai vEn'tar
    10
    perug kaLiRRu mukattinum celavu AnAtE.
    tiNaiyum tuRaiyum avai.
    viriyUr n'akkanAr pATiyatu.

    334
    kAmaru pazanak kaNpin anna
    tU mayirk kuRun' tAL n'eTuj cevik kuRu muyal,
    pun talaic ciRAar manRattu Arppin,
    paTappu oTugkummE ........... pinpu
    5
    ..................... n UrE manaiyOL
    pANar Arttavum, paricilar Ompavum,
    UN oli aravamoTu kaitUvALE;
    uyar maruppu yAnaip pukar mukattu aNin'ta
    polam .............................. p
    10
    paricil paricilarkku Iya,
    uravu vEl kALaiyum kai tUvAnE.
    tiNaiyum tuRaiyum avai.
    maturait tamizak kUttanAr pATiyatu.

    335
    aTal arun' tuppin....................
    ...................kurun'tE mullai enRu
    in' n'Anku allatu pUvum illai;
    karug kAl varakE, irug katirt tinaiyE,
    5
    ciRu koTik koLLE, poRi kiLar avaraiyoTu,
    in' n'Anku allatu uNAvum illai;
    tuTiyan, pANan, paRaiyan, kaTampan, enRu
    in' n'Anku allatu kuTiyum illai;
    onnAt tevvar mun n'inRu vilagki,
    10
    oLiRu En'tu maruppin kaLiRu eRin'tu vIzn'tena,
    kallE paravin allatu,
    n'el ukuttup paravum kaTavuLum ilavE.
    tiNaiyum tuRaiyum avai.
    mAgkuTi kizAr pATiyatu.

    336
    vETTa vEn'tanum vej cinattinanE;
    kaTavana kazippu ivaL tan'taiyum ceyyAn;
    oLiRu mukattu En'tiya vIgku toTi maruppin
    kaLiRum kaTimaram cErA; cErn'ta
    5
    oLiRu vEl maRavarum vAy mUzttanarE;
    iyavarum aRiyAp pal iyam kaRagka,
    annO, perum pEtuRRanRu, iv arug kaTi mUtUr;
    aRan ilaL manRa tAnE viRal malai
    vEgkai veRpin virin'ta kOgkin
    10
    mukai vanappu En'tiya muRRA iLamulait
    takai vaLarttu eTutta n'akaiyoTu,
    pakai vaLarttirun'ta ip paNpu il tAyE.
    tiNai kAjci; tuRai makaTpAR kAjci.
    paraNar pATiyatu.

    337
    Arkali yinanE, cONATTu aNNal;
    kavi kai maN AL celvar Ayinum,
    vAL valattu oziyap pATic cenRAar,
    varaltORu akam malara,
    5
    Ital AnA vilagku toTit taTak kaip
    pAri paRampin panic cunai pOla,
    kANTaRku ariyaL Aki, mANTa
    peNmai n'iRain'ta polivoTu, maNNiya
    tukil viri kaTuppa n'uTagki, taNNena
    10
    akil Ar n'aRum pukai aitu cenRu aTagkiya
    kapila n'eTu n'akark kamazum n'ARRamoTu,
    manaic ceRin'tanaLE, vANutal; iniyE,
    aRRanRuAkalin, teRRenap pORRi,
    kAy n'el kavaLam tIRRi, kAvutoRum
    15
    kaTugkaN yAnai kAppanar anRi,
    varutal AnAr vEn'tar; tannaiyar
    poru camam kaTan'ta uru kezu n'eTu vEl
    kuruti paRRiya veruvaru talaiyar;
    maRRu ivar maRanum iRRAl; teRRena
    20
    yAr Akuvarkol tAmE n'Erizai
    urutta pala cuNagku aNin'ta
    maruppu iLa vana mulai jemukkuvOrE?
    tiNaiyum tuRaiyum avai.
    kapilar pATiyatu.

    339
    viyan pulam paTarn'ta pal A n'eTu ERu
    maTalai mAN n'izal acaiviTa, kOvalar
    vI tatai mullaip pUp paRikkun'tu;
    kuRug kOl eRin'ta n'eTuj cevik kuRu muyal
    5
    n'eTu n'Irp parappin vALaiyoTu ukaLun'tu;
    toTalai alkul toTit tOL makaLir
    kaTal ATik kayam pAyn'tu,
    kazi n'eytal pUkkuRUun'tu;
    pain' tazai tuyalvarum ceRu viRaRa..............
    10
    ............................................................................latti
    vaLara vENTum, avaLE, enRum
    Ar amar uzappatum amariyaLAki,
    muRam cevi yAnai vEn'tar
    maRam kezu n'ejcam koNTu oLittOLE.
    tiNaiyum tuRaiyum avai.
    ..............................................................

    340
    aNit tazai n'uTagka OTi, maNip poRik
    kural am kunRi koLLum iLaiyOL,
    mA makaL
    ....................... l ena vinavuti, kEL, n'I:
    5
    eTuppave...,..................................................
    ..........................main'tar tan'tai
    irum panai anna perug kai yAnai
    karan'tai am ceRuvin peyarkkum
    perun' takai mannarkku varain'tirun'tananE.
    tiNaiyum tuRaiyum avai.
    a............................... pATiyatu.

    341
    vEn'tu kuRaiyuRavum koTAan, En'tu kOTTu
    am pUn' toTalai aNit tazai alkul,
    cem poRic cilampin iLaiyOL tan'tai,
    ezu viTTu amaitta tiN n'ilaik katavin
    5
    arai maN ijci n'AT koTi n'uTagkum
    ..........................................................................................................
    pulik kaNattu anna kaTug kaN cuRRamoTu,
    mARRam mARAn, maRaliya cinattan,
    'pUk kOL' ena Eey, kayam pukkananE;
    10
    viLagkuizaip polin'ta vELA mel iyal,
    cuNagku aNi vana mulai, avaLoTu n'ALai
    maNam puku vaikal Akutal onRO
    Ar amar uzakkiya maRam kiLar munpin,
    n'IL ilai eHkam maRutta uTampoTu
    15
    vArA ulakam pukutal onRu enap
    paTai toTTananE, kurucil; AyiTaik
    kaLiRu porak kalagkiya taN kayam pOla,
    perug kavin izappatu kollO,
    men punal vaippin it taN paNai UrE!
    tiNaiyum tuRaiyum avai.
    paraNar pATiyatu.

    342
    'kAnak kAkkaik kalic ciRaku Eykkum
    mayilaik kaNNi, perun' tOL kuRumakaL,
    EnOr makaLkol ivaL?' ena vituppuRRu,
    ennoTu vinavum ven vEl n'eTun'takai!
    5
    tiru n'ayattakka paNpin ivaL n'alanE
    porun'arkku allatu, piRarkku AkAtE;
    paig kAl kokkin paku vAyp piLLai
    men cERRu aTaikarai mEyn'tu uNTataRpin,
    Aral InRa aiyavi muTTai,
    10
    kUr n'al iRavin piLLaiyoTu peRUum,
    taN paNaik kizavan ivaL tan'taiyum; vEn'tarum
    peRAamaiyin pEr amar ceytalin,
    kazi piNam piRagku pOrpu azi kaLiRu erutA,
    vAL taka vaikalum uzakkum
    15
    mATciyavar, ivaL tannaimArE.
    tiNaiyum tuRaiyum avai.
    aricil kizAr pATiyatu.

    345
    kaLiRu aNaippak kalagkina, kAa,
    tEr OTat tukaL kezumina, teruvu;
    mA maRukalin mayakkuRRana, vazi;
    kalam kazAalin, tuRai kalakkuRRana;
    5
    teRal maRavar iRai kUrtalin,
    poRai malin'tu n'ilan n'eLiya,
    van'tOr palarE, vampa vEn'tar,
    piTi uyirppu anna kai kavar irumpin
    Ovu uRaz irum puRam kAval kaNNi,
    10
    karug kaN koNTa n'erugkal vem mulai,
    maiyal n'Okkin, taiyalai n'ayan'tOr
    aLiyar tAmE; ivaL tannaimArE
    celvam vENTAr, cerup pukal vENTi,
    'n'iral allOrkkut taralO il' ena;
    15
    kazip piNip palakaiyar, katuvAy vALar,
    kuzAam koNTa kurutiam pulavoTu
    kazAat talaiyar, karug kaTai n'eTu vEl
    inna maRavarttuAyinum annO!
    en Avatu koltAnE
    20
    pannal vEli ip paNai n'al UrE!
    tiNaiyum tuRaiyum avai.
    avanai avar pATiyatu.

    347
    uNpOn tAn n'aRug kaLLin iTac cila
    n'A iTaip pal tEr kOlac civan'ta
    oLiRu oL vATak kuzain'ta pain' tumpai,
    eRin'tu ilai muRin'ta katuvAy vElin,
    5
    maNam n'ARu mArpin, maRap pOr akutai,
    kuNTu n'Ir varaippin, kUTal anna
    kuvai irugkUn'tal varu mulai cEppa,
    ...........................................................................................................
    en Avatukol tAnE?.....................................
    10
    viLagkuRu parAraiya Ayinum, vEn'tar
    vinai n'avil yAnai piNippa,
    vEr tuLagkina, n'am UruL maranE.
    tiNaiyum tuRaiyum avai.
    kapilar pATiyatu.

    348
    veNNel arijar taNNumai verIi,
    kaN maTal koNTa tIm tEn iriya,
    kaL arikkum kuyam, ciRu cil
    mIn cIvum pAN cEri,
    5
    vAymozit tazumpan UNUr anna,
    kuvaLai uNkaN ivaLai, tAyE
    InALAyinaL Ayin, AnAtu
    n'izaltoRum n'eTun' tEr n'iRpa, vayintoRum,
    cen' n'utal yAnai piNippa,
    10
    varun'talaman em perun' tuRai maranE!
    tiNaiyum tuRaiyum avai.
    paraNar pATiyatu.

    351
    paTu maNi marugkina paNait tAL yAnaiyum,
    koTi n'uTagku micaiya tErum, mAvum,
    paTai amai maRavaroTu, tuvanRik kallena,
    kaTal kaNTanna kaN akan tAnai
    5
    venRu eRi muracin vEn'tar, enRum,
    vaN kai eyinan vAkai anna
    ivaL n'alam tArAtu amaikuvar allar;
    en Avatukol tAnE teN n'Irp
    poykai mEyn'ta cev vari n'Arai
    10
    tEg koL marutin pUj cinai munaiyin,
    kAmaru kAjcit tujcum
    EmamcAl ciRappin, ip paNai n'al UrE?
    tiNaiyum tuRaiyum avai.
    maturaip paTaimagka manniyAr pATiyatu.

    359
    pARupaTap paRain'ta pal mARu marugkin,
    vERu paTu kurala vev vAyk kUkaiyoTu,
    piNam tin kuRu n'ari n'iNam tikaz palla,
    pEey makaLir piNam tazUup paRRi,
    5
    viLar Un tinRa vem pulAl meyyar,
    kaLari marugkin kAl peyarttu ATi,
    Ima viLakkin veruvarap pErum
    kATu munninarE, n'ATu koNTOrum;
    n'inakkum varutal vaikal aRRE;
    10
    vacaiyum n'iRkum; icaiyum n'iRkum;
    atanAl, vacai n'Ikki icai vENTiyum,
    n'acai vENTAtu n'anRu mozin'tum,
    n'ilavuk kOTTup pala kaLiRRoTu,
    polam paTaiya mA mayagkiTa,
    15
    izai kiLar n'eTun' tEr iravalarkku arukAtu,
    'koL' ena viTuvai Ayin, veLLena,
    ANTu n'I peyarn'ta pinnum,
    INTu n'ITu viLagkum, n'I eytiya pukazE.
    tiNai atu; tuRai perugkAjci.
    an'tuvan kIranaik kAvaTTanAr pATiyatu.

    361
    kAr etir urumin uraRi, kallena,
    Ar uyirkku alamarum ArAk kURRam!
    n'in varavu ajcalan mAtO; n'an pala
    kELvi muRRiya vELvi an'taNarkku,
    5
    arug kalam n'IroTu citaRi, perun'takait
    tAyin n'anRu palarkku Ittu,
    teruL n'aTai mA kaLiRoTu tan
    aruL pATun'arkku n'anku aruLiyum,
    uruL n'aTai ........................ nRatan
    10
    tAL cErun'arkku initu Ittum,
    puri mAlaiyar pATinikkup
    polan' tAmaraip pUm pANaroTu
    kalan'tu aLaiiya n'IL irukkaiyAl
    poRaiyo............ mAn n'Okkin,
    15
    vil ena vilagkiya puruvattu, vallena
    n'alkin n'A ajcum muL eyiRRu, makaLir
    alkul tAgkA acaii, mellena
    ............................................polagkalattu En'ti,
    amiztu ena maTuppa mAn'ti, ikazvilan,
    20
    n'illA ulakattu............... mai n'I
    colla vENTA................. mun'taRin'ta
    ....................................................................................
    ...............................................nAr pATiyatu.

    368
    kaLiRu mukan'tu peyarkuvam eninE,
    oLiRu mazai tavirkkum kunRam pOla,
    kaimmA ellAm kaNai iTat tolain'tana;
    koTujci n'eTun' tEr mukakkuvam eninE;
    5
    kaTum pari n'al mAn vAgkuvayin olki,
    n'eTum pITu azin'tu, n'ilam cErn'tanavE;
    koy cuval puravi mukakkuvam eninE,
    mey n'iRain'ta vazuvoTu perumpiRitAki,
    vaLi vazakku aRutta vagkam pOla,
    10
    kuruti am perum punal kUrn'tanavE; Agka
    mukavai inmaiyin ukavai inRi,
    irappOr iragkum innA viyan kaLattu,
    AL azippaTutta vAL Er uzava!
    kaTAa yAnaik kAlvazi anna en
    15
    teTArit teN kaN teLirppa oRRi,
    pATi van'tatu ellAm, kOTiyar
    muzavu maruL tiru maNi miTain'ta n'in
    aravu uRaz Aram mukakkuvam enavE.
    tiNai vAkai; tuRai maRakkaLavazi.
    cEramAn kuTakkO n'eTuj cEralAtan cOzan vER pal taTak kaip peru n'aRkiLLiyoTu pOrp puRattup porutu vIzn'tu, Aram kazuttannatAka uyir pOkAtu kiTan'tAnaik kazAttalaiyAr pATiyatu.

    369
    iruppu mukaj ceRitta En'tu ezil maruppin,
    karug kai yAnai koNmU Aka,
    n'ILmozi maRavar eRivanar uyartta
    vAL min Aka, vayagku kaTippu amain'ta
    5
    kurutip paliya muracu muzakku Aka,
    aracu arAp panikkum aNagku uRu pozutin,
    vev vicaip puravi vIcu vaLi Aka,
    vicaippuRu val vil vIgku n'AN ukaitta
    kaNait tuLi pozin'ta kaN akan kiTakkai.
    10
    Irac ceRuvayin tEr Er Aka,
    viTiyal pukku, n'eTiya n'ITTi, n'in
    cerup paTai miLirn'ta tiruttuRu paij cAl,
    piTittu eRi veL vEl kaNaiyamoTu vitti,
    vizut talai cAytta veruvaru paig kUz,
    15
    pEymakaL paRRiya piNam piRagku pal pOrpu,
    kaNa n'ariyOTu kazutu kaLam paTuppa,
    pUtam kAppa, polikaLam tazIi,
    pATun'arkku irun'ta pITuTaiyALa!
    tEyvai veN kAz puraiyum vici piNi
    20
    vEyvai kANA virun'tin pOrvai
    arik kural taTAri uruppa oRRi,
    pATi van'ticin; peruma! pATu AnRu
    ezili tOyum imiz icai aruvi,
    ponnuTai n'eTug kOTTu, imaiyattu anna
    25
    OTai n'utala, olkutal aRiyA,
    tuTi aTik kuzaviya piTi iTai miTain'ta
    vEza mukavai n'alkumati
    tAzA Ikait takai veyyOyE!
    tiNaiyum tuRaiyum avai; tuRai ErkkaLa uruvakamum Am.
    cEramAn kaTal OTTiya vel kezu kuTTuvanaip paraNar pATiyatu.

    370
    ...............................................................................................................Li,
    n'Arum pOzum ceytu uNTu, orAgkup
    paci tinat tiragkiya iru pEr okkaRku
    Ar patam kaNNena mAtiram tuzaii,
    5
    vEr uzan'tu ulaRi, marugku cettu oziya van'tu,
    attak kuTijait tuTi maruL tIm kural,
    uzujcil am kavaTTiTai irun'ta parun'tin
    peTai payir kuralOTu, icaikkum AgkaN,
    kazai kAyn'tu ulaRiya vaRam kUr n'IL iTai,
    10
    vari maral tiragkiya kAnam piRpaTa,
    pazumaram uLLiya paRavai pOla,
    oN paTai mAri vIz kani peytena,
    tuvaittu ezu kuruti n'ilamicaip parappa,
    viLain'ta cezug kural arin'tu, kAl kuvittu,
    15
    paTu piNap pal pOrpu aziya vAgki,
    erutu kaLiRu Aka, vAL maTal Occi,
    atari tiritta AL uku kaTAvin,
    akan kaN taTAri teLirppa oRRi,
    'ven' tiRal viyan kaLam polika!' enRu Etti,
    20
    iruppu mukam ceRitta En'tu maruppin
    varai maruL mukavaikku van'tanen; peruma!
    vaTi n'avil eHkam pAyn'tena, kiTan'ta
    toTiyuTait taTak kai Occi, veruvAr
    inat taTi virAya varik kuTar aTaicci,
    25
    azu kural pEymakaL ayara, kazukoTu
    cej cevi eruvai tiritarum,
    ajcuvaru kiTakkaiya kaLam kizavOyE!
    tiNaiyum tuRaiyum avai.
    cOzan ceruppAzi eRin'ta iLan'cETcenniyai Unpoti pacugkuTaiyAr pATiyatu.

    371
    akan talai vaiyattup puravalark kANAtu,
    maran'talaic cErn'tu, paTTini vaiki,
    pOtu aviz alari n'Arin toTuttu,
    tayagku irum pittai poliyac cUTi,
    5
    paRaiyoTu takaitta kalap paiyen, muravu vAy
    ATuRu kuzici pATu inRu tUkki,
    manRa vEmpin oN pU uRaippa,
    kuRai ceyal vENTA n'acaiya irukkaiyEn,
    arici inmaiyin Ar iTai n'In'ti,
    10
    kUr vAy irum paTai n'Irin miLirppa,
    varu kaNai vALi....... anpu inRu talaii,
    iraimuracu Arkkum uraicAl pAcaRai,
    vil Er uzavin n'in n'al icai uLLi,
    kuRait talaip paTu piNan etira, pOrpu azittu,
    15
    yAnai eruttin vAL maTal Occi
    atari tiritta AL uku kaTAvin,
    matiyattu anna en vici uRu taTAri
    akan kaN atira, AkuLi toTAlin,
    paNai maruL n'eTun' tAL, pal piNart taTak kai,
    20
    pukarmuka mukavaikku van'ticin peruma!
    kaLiRRuk kOTTanna vAl eyiRu azutti,
    vizukkoTu viraiiya veN n'iNac cuvaiyinaL,
    kuTart talai mAlai cUTi, 'uNat tina
    AnAp peru vaLam ceytOn vAnattu
    25
    vayagku pal mIninum vAziyar, pala' ena,
    uru kezu pEymakaL ayara,
    kurutit tukaL ATiya kaLam kizavOyE!
    tiNaiyum tuRaiyum avai.
    talaiyAlagkAnattuc ceru venRa n'eTujceziyanaik kallATanAr pATiyatu.

    373
    urumicai muzakku ena muracam icaippa,
    ceru n'avil vEzam koNmU Aka,
    tEr mA azi tuLi talaii, n'Am uRak
    kaNaik kARRu eTutta kaN akan pAcaRai,
    5
    izitaru kurutiyoTu En'tiya oL vAL
    pizivatu pOlap piTTai URu uvappa,
    main'tar ATiya mayagku perun' tAnai,
    kogku puRampeRRa koRRa vEn'tE!
    ................................................taNTa mAp poRi.
    10
    maTak kaN mayil iyal maRaliyAgku,
    n'eTuj cuvar n'al il pulampa, kaTai kazin'tu,
    men tOL makaLir manRam pENAr,
    puNNuva
    ..........................aNiyap puravi vAzka ena,
    15
    col n'izal inmaiyin n'al n'izal cEra,
    n'uN pUN mArpin pun talaic ciRAar
    ampu azi pozutil tamar mukam kANA,
    ........................................................R RokkAna
    vEn'tu puRagkoTutta vIyn'tu uku paRan'talai,
    20
    mATam mayagku eri maNTi, kOTu iRupu,
    urum eRi malaiyin, iru n'ilam cEra,
    cenROn manRa, co...
    ........................ NNaRin'ar kaNTu kaN alaippa,
    vajci muRRam vayak kaLan Aka,
    25
    ajcA maRavar AT pOrpu azittuk
    koNTanai, peruma! kuTa pulattu atari;
    polika attai, n'in paNaitanaRa............Lam!
    viLagku tiNai vEn'tar kaLamtoRum cenRu,
    ''pukarmuka mukavai polika!'' enRu Etti,
    30
    koNTanar' enpa, periyOr; yAnum
    am kaN mAk kiNai atira oRRa,
    ............... len Ayinum, kAtalin Etti,
    n'innOr annOr piRar ivaN inmaiyin,
    man eyil mukavaikku van'ticin, peruma!
    35
    pakaivar pukazn'ta ANmai, n'akaivarkkut
    tA inRu utavum paNpin, pEyoTu
    kaNa n'ari tiritarUum AgkaN, n'iNan arun'tu
    cej cevi eruvai kuzIi,
    ajcuvaru kiTakkaiya kaLam kizavOyE!
    40
    tiNai atu; tuRai maRakkaLavazi; ErkkaLa uruvakamum Am.
    cOzan kurAppaLLit tujciya kiLLivaLavan karuvUr eRin'tAnaik kOvUr
    kizAr pATiyatu.

    373
    urumicai muzakku ena muracam icaippa,
    ceru n'avil vEzam koNmU Aka,
    tEr mA azi tuLi talaii, n'Am uRak
    kaNaik kARRu eTutta kaN akan pAcaRai,
    5
    izitaru kurutiyoTu En'tiya oL vAL
    pizivatu pOlap piTTai URu uvappa,
    main'tar ATiya mayagku perun' tAnai,
    kogku puRampeRRa koRRa vEn'tE!
    ................................................taNTa mAp poRi.
    10
    maTak kaN mayil iyal maRaliyAgku,
    n'eTuj cuvar n'al il pulampa, kaTai kazin'tu,
    men tOL makaLir manRam pENAr,
    puNNuva
    ..........................aNiyap puravi vAzka ena,
    15
    col n'izal inmaiyin n'al n'izal cEra,
    n'uN pUN mArpin pun talaic ciRAar
    ampu azi pozutil tamar mukam kANA,
    ........................................................R RokkAna
    vEn'tu puRagkoTutta vIyn'tu uku paRan'talai,
    20
    mATam mayagku eri maNTi, kOTu iRupu,
    urum eRi malaiyin, iru n'ilam cEra,
    cenROn manRa, co...
    ........................ NNaRin'ar kaNTu kaN alaippa,
    vajci muRRam vayak kaLan Aka,
    25
    ajcA maRavar AT pOrpu azittuk
    koNTanai, peruma! kuTa pulattu atari;
    polika attai, n'in paNaitanaRa............Lam!
    viLagku tiNai vEn'tar kaLamtoRum cenRu,
    ''pukarmuka mukavai polika!'' enRu Etti,
    30
    koNTanar' enpa, periyOr; yAnum
    am kaN mAk kiNai atira oRRa,
    ............... len Ayinum, kAtalin Etti,
    n'innOr annOr piRar ivaN inmaiyin,
    man eyil mukavaikku van'ticin, peruma!
    35
    pakaivar pukazn'ta ANmai, n'akaivarkkut
    tA inRu utavum paNpin, pEyoTu
    kaNa n'ari tiritarUum AgkaN, n'iNan arun'tu
    cej cevi eruvai kuzIi,
    ajcuvaru kiTakkaiya kaLam kizavOyE!
    40
    tiNai atu; tuRai maRakkaLavazi; ErkkaLa uruvakamum Am.
    cOzan kurAppaLLit tujciya kiLLivaLavan karuvUr eRin'tAnaik kOvUr
    kizAr pATiyatu.

    374
    kAnal mEyn'tu viyan pulattu alkum
    pulvAy iralai n'eRRi anna,
    polam ilagku cenniya pARu mayir aviyat
    taN pani uRaikkum pularA jAgkar,
    5
    manRap palavin mAl varai porun'ti, en
    teN kaN mAk kiNai teLirppa oRRi,
    irug kalai Orppa icaii, kANvara,
    karug kOl kuRijci aTukkam pATa,
    pulip pal tAlip pun talaic ciRAar
    10
    mAn kaN makaLir, kAn tEr akanRu uvA
    cilaippAR paTTa muLavumAn kozug kuRai,
    viTar mukai aTukkattuc cinai mutir cAn'tam,
    pukar muka vEzattu maruppoTu, mUnRum,
    irug kEz vayap puli vari ataL kuvaii,
    15
    virun'tu iRai n'alkum n'ATan, em kOn,
    kazal toTi Aay aNTiran pOla,
    vaNmaiyum uTaiyaiyO? jAyiRu!
    kon viLagkutiyAl vicumpinAnE!
    tiNai pATAN tiNai; tuRai pUvai n'ilai.
    Ay aNTiranai uRaiyUr ENiccEri muTamOciyAr pATiyatu.

    377
    pani pazun'iya pal yAmattup
    pARu talai mayir n'anaiya,
    initu tujcum tiru n'akar varaippin,
    inaiyal akaRRa, en kiNai toTAk kuRuki,
    5
    'avi uNavinOr puRagkAppa,
    aRa n'ejcattOn vAza, n'AL' enRu,
    ataR koNTu varal Etti,
    '''karavu illAk kavi vaN kaiyAn,
    vAzka!'' enap peyar peRROr
    10
    piRarkku uvamam tAn allatu,
    tanakku uvamam piRar il' ena,
    atu n'inain'tu, mati mazuki,
    Agku n'inRa eR kANUuc
    'cEy n'ATTuc cel kiNaijanai!
    15
    n'I puravalai, emakku' enna,
    malai payan'ta maNiyum, kaTaRu payan'ta ponnum,
    kaTal payan'ta katir muttamum,
    vERu paTTa uTaiyum, cERupaTTa tacumpum,
    kanavil kaNTAgku, varun'tAtu n'iRpa,
    20
    n'anavin n'alkiyOn, n'acaicAl tOnRal;
    n'ATu ena mozivOr, 'avan n'ATu' ena mozivOr;
    vEn'tu ena mozivOr, 'avan vEn'tu' ena mozivOr;
    .........................poR kOTTu yAnaiyar,
    kavar parik kaccai n'al mAn,
    25
    vaTi maNi, vAgku uruLa,
    .....................,..........n'al tErk kuzuvinar,
    kataz icai vankaNinar,
    vALin vAzn'ar, ArvamoTu INTi,
    kaTal oli koNTa tAnai
    30
    aTal veg kurucil! manniya n'eTitE!
    tiNai atu; tuRai vAzttiyal.
    cOzan irAcacUyam vETTa peru n'aRkiLLiyai ulOccanAr pATiyatu.

    387
    vaL ukira vayal Amai
    veL akaTu kaNTanna,
    vIgku vicip putup pOrvait
    teN kaN mAk kiNai iyakki, 'enRum
    5
    mARu koNTOr matil iTaRi,
    n'IRu ATiya n'aRug kavuLa,
    pUm poRip paNai eruttina,
    vERu vERu paran'tu iyagki,
    vEn'tuTai miLai ayal parakkum
    10
    En'tu kOTTu irum piNart taTak kai,
    tirun'tu tozil pala pakaTu
    pakaip pula mannar paNitiRai tan'tu, n'in
    n'akaip pulavANar n'alkuravu akaRRi,
    mikap poliyar, tan cEvaTi attai!' enRu,
    15
    yAn icaippin, n'ani n'anRu enA,
    pala piRa vAztta irun'tOr enkO?.........
    maruva in n'akar akan.................................
    tirun'tu kazal cEvaTi kuRukal vENTi,
    venRu iragkum viRal muracinOn,
    20
    en ciRumaiyin, izittu n'OkkAn,
    tan perumaiyin takavu n'Okki,
    kunRu uRazn'ta kaLiRu enkO?
    koy uLaiya mA enkO?
    manRu n'iRaiyum n'irai enkO?
    25
    manaik kaLamaroTu kaLam enkO?
    Agku avai, kanavu ena maruLa, vallE, n'anavin
    n'alkiyOnE, n'acaicAl tOnRal,
    Uzi vAzi, pUziyar peru makan!
    piNar maruppu yAnaic ceru miku n'On tAL
    30
    celvak kaTugkO vAziyAtan
    onnAt tevvar uyarkuTai paNittu, ivaN
    viTuvar mAtO n'eTitE n'i
    pul ilai vajcip puRa matil alaikkum
    kallen porun'ai maNalinum, AgkaN
    35
    pal Ur cuRRiya kazani
    ellAm viLaiyum n'ellinum palavE.
    tiNaiyum tuRaiyum avai.
    cEramAn cikkaRpaLLit tujciya celvakkaTugkO vAziyAtanaik kuNTukaT pAliyAtan pATiyatu.

    388
    veLLi ten pulattu uRaiya, viLai vayal,
    paLLam, vATiya payan il kAlai,
    irum paRaik kiNaimakan cenRavan, perum peyar
    ................................................................................porun'ti,
    5
    tan n'ilai aRiyun'anAka, an' n'ilai,
    iTukkaN iriyal pOka, uTaiya
    koTuttOn en'tai, koTai mEn' tOnRal,
    .......................................................................nAmaruppAka,
    vellum vAymozip pulluTai vi
    10
    peyarkkum paNNaR kETTirO, makakirena,
    vinaip pakaTu ERRa mEzi kiNait toTA,
    n'ALtoRum pATEn Ayin, AnA
    maNi kiLar munRil tennavan marukan,
    piNi muracu iragkum pITu kezu tAnai
    15
    aNNal yAnai vazuti,
    kaNmARiliyar en perug kiLaip puravE!
    tiNai atu; tuRai iyanmozi.
    ciRukuTi kizAn paNNanai maturai aLakkar jAzAr makanAr maLLanAr pATiyatu.

    389
    'n'Ir n'ugkin kaN valippa,
    kAna vEmpin kAy tiragka,
    kayam kaLiyum kOTai Ayinum,
    ElA veNpon pOruRu kAlai,
    5
    emmum uLLumO piLLaiam porun'an!'
    enRu IttananE, icaicAl n'eTun'takai;
    inRu cenRu eytum vaziyanum allan;
    celinE, kANA vaziyanum allan;
    pun talai maTap piTi inaiya, kanRu tan'tu,
    10
    kunRaka n'al Ur manRattup piNikkum
    kal izi aruvi vEgkaTam kizavOn,
    celvuzi ezAa n'al Er mutiyan!
    Atanugkan pOla, n'Iyum
    pacitta okkal pazagkaN vITa,
    15
    vIRucAl n'an kalam n'alkumati, peruma!
    aitu akal alkul makaLir
    n'eytal kELanmAr, n'eTug kaTaiyAnE!
    tiNaiyum tuRaiyum avai.
    Atanugkanaik kaLLil AttiraiyanAr pATiyatu.

    390
    aRavai n'ejcattu Ayar, vaLarum
    maRavai n'ejcattu AyivALar,
    arumpu alar cerun'ti n'eTug kAl malar kamaz,
    .........................................................manna muRRattu,
    5
    Arvalar kuRukin allatu, kAvalar
    kanavinum kuRukAk kaTiyuTai viyal n'akar,
    malaik kaNattu anna mATam cilampa, en
    arik kural taTAri iriya oRRip
    pATi n'inRa pal n'AL anRiyum,
    10
    cenRa jAnRaic cenRu paTar iravin
    van'tataR koNTu, 'n'eTug kaTai n'inRa
    pun talaip porun'an aLiyantAn' ena,
    tannuzaik kuRukal vENTi, en arai
    mutu n'Irp pAci anna uTai kaLain'tu,
    15
    tiru malar anna putu maTik koLIi,
    makiz taral marapin maTTE anRiyum,
    amiztu ana marapin Un tuvai aTicil
    veLLi veN kalattu UTTal anRi,
    mun Urp potiyil cErn'ta men n'aTai
    20
    irum pEr okkal perum pulampu akaRRa,
    akaTu n'anai vEgkai vI kaNTanna
    pakaTu taru cen'n'el pOroTu n'alki,
    'koNTi peRuka!' enROnE uN tuRai
    malai alar aNiyum talai n'Ir n'ATan;
    25
    kaNTAR koNTum avan tirun'tu aTi vAztti,
    .............................................................................................................................
    vAn aRiyala en pATu paci pOkkal;
    aNNal yAnai vEn'tar
    uNmaiyO, aRiyal? kANpu aRiyalarE!
    tiNaiyum tuRaiyum avai.
    atiyamAn n'eTumAn ajciyai auvaiyAr pATiyatu.

    392
    mati Er veN kuTai atiyar kOmAn,
    koTum pUN ezini, n'eTug kaTai n'inRu, yAn
    pacalai n'ilavin pani paTu viTiyal,
    poru kaLiRRu aTi vazi anna, en kai
    5
    oru kaN mAk kiNai oRRupu koTAa,
    'uru kezu mannar Ar eyil kaTan'tu,
    n'iNam paTu kurutip perum pATTu Irattu
    aNagkuTai marapin irug kaLan'tORum,
    veL vAyk kazutaip pul inam pUTTi,
    10
    veLLai varakum koLLum vittum
    vaikal uzava! vAziya peritu!' enac
    cenRu yAn n'inRanenAka, anRE,
    Ur uN kENip pakaTTu ilaip pAci
    vEr purai citAar n'Ikki, n'Er karai
    15
    n'uN n'Ul kaligkam uTIi, 'uN' enat
    tEL kaTuppu anna n'ATpaTu tERal
    kOLmIn anna polag kalattu aLaii,
    UN muRai Ittal anRiyum, kOL muRai
    virun'tu iRai n'alkiyOnE an'tarattu
    20
    arum peRal amiztam anna
    karumpu ivaN tan'tOn perum piRagkaTaiyE.
    tiNaiyum tuRaiyum avai.
    atiyamAn n'eTumAn ajci makan pokuTTeziniyai auvaiyAr pATiyatu.

    394
    cilai ulAy n'imirn'ta cAn'tu paTu mArpin,
    oli katirk kazani veNkuTaik kizavOn,
    vali tujcu taTak kai vAy vAL kuTTuvan,
    vaLLiyan Atal vaiyakam pukazinum,
    5
    uLLal Ompumin, uyar mozip pulavIr!
    yAnum iruL n'ilAk kazin'ta pakal cey vaikaRai,
    oru kaN mAk kiNai teLirppa oRRi,
    pATu imiz muracin iyal tErt tan'tai
    vATA vajci pATinEnAka,
    10
    akam mali uvakaiyoTu aNukal vENTi,
    konRu cinam taNiyAp pulavu n'ARu maruppin
    vej cina vEzam n'alkinan; ajci
    yAn atu peyarttanenAka, tAn atu
    ciRitu ena uNarn'tamai n'ANi, piRitum Or
    15
    perug kaLiRu n'alkiyOnE; ataRkoNTu,
    irum pEr okkal perum pulampuRinum,
    'tun arum paricil tarum' ena,
    enRum cellEn, avan kunRu kezu n'ATTE.
    tiNaiyum tuRaiyum avai.
    kaTain'ilai Ayina ellAm pATAN tiNai.
    cOziya EnAti tirukkuTTuvanaik kOnATTu eRiccilUr mATalan maturaik kumaranAr pATiyatu.

    395
    men pulattu vayal uzavar
    van pulattup pakaTu viTTu,
    kuRu muyalin kuzaic cUTToTu
    n'eTu vALaip pal uviyal,
    5
    pazaj cORRup pukavu arun'ti,
    putal taLavin pUc cUTi,
    ................................................................
    ...........................ariyalArun'tu;
    manaik kOzip paim payirinnE,
    10
    kAnak kOzik kavar kuraloTu
    n'Irk kOzik kUyp peyarkkun'tu;
    vEy anna men tOLAl,
    mayil anna men cAyalAr,
    kiLi kaTiyinnE,
    15
    akal aLLal puL irIiyun'tu;
    Agku ap pala n'alla pulan aNiyum
    cIr cAnRa vizuc ciRappin,
    ciRu kaN yAnaip peRal arun' tittan
    cellA n'al icai uRan'taik kuNAtu,
    20
    n'eTug kai vENmAn arug kaTip piTavUr
    aRap peyarc cAttan kiLaiyEm, peruma!
    mun n'AL n'aNpakal curan uzan'tu varun'ti,
    katir n'ani ce ...................................... mAlai,
    tan kaTait tOnRi, en uRavu icaittalin,
    25
    tIm kural......... kin arik kural taTAriyoTu,
    Agku n'inRa eRkaNTu,
    ciRitum n'illAn, peritum kURAn,
    arug kalam varavE aruLinan vENTi,
    ...........yena uraittanRi n'alki, tan manaip
    30
    pon pOl maTan'taiyaik kATTi, 'ivanai
    en pOl pORRu' enROnE; ataRkoNTu,
    avan maRavalEnE; piRar uLLalEnE;
    akan jAlam peritu vempinum,
    mika vAnuL eri tOnRinum,
    35
    kuLa mInoTum tAL pukaiyinum,
    peruj cey n'ellin kokku ukir n'imiral
    pacug kaN karunaic cUTToTu mAn'ti,
    'viLaivu onRO veLLam koLka!' ena,
    uLLatum illatum aRiyAtu,
    40
    Agku amain'tanRAl; vAzka, avan tALE!
    tiNaiyum tuRaiyum avai.
    cOzan'ATTup piTavUr kizAr makan perujcAttanai maturai n'akkIrar pATiyatu.

புதுப்பிக்கபட்ட நாள் : 07-09-2016 05:36:59(இந்திய நேரம்)