Primary tabs
-
1.0 பாட முன்னுரை
புறப்பொருள் வெண்பா மாலையின் ஏழாவது பகுதி தும்பைத் திணை. தும்பையின் துறைகளைத் தொகுத்துக் கூறும் சூத்திரம், தும்பைப் போர் அதன் துறைகள் 23 ஆகியவற்றை விளக்கும் கொளுக்கள், அவற்றுக்கு இலக்கியமான வெண்பாக்கள் என அமைந்தது இப் படலம்.
இப்பாடத்தில் தும்பைத் திணை முதலில் விளக்கப்படுகிறது. தும்பைத் துறைகள் சுட்டிக் காட்டப்படுகின்றன. போர்ச் சூழல், தும்பைப் போரின் தனியியல்பு, போர்க்களத்தில் வீரச் செயல்கள், போர்க்களத்து ஆடல்கள் வீரச் சிறப்பு என்னும் தலைப்புகளில் 23 துறைகள் விளக்கப்படுகின்றன.