Primary tabs
-
kAval mullai
89. mannavanatu n'ATu kAval ciRappuk kURi, vAzttutal
vAnam pozutoTu curappa, kAnamtOTu uRu maTa mAn ERu puNarn'tu iyala,
puLLum mijiRum mAc cinai Arppa,
pazanum kizagkum micaiyaRavu aRiyAtu,
pal An n'al n'irai pul arun'tu ukaLa,
5payam kaTai aRiyA vaLam kezu ciRappin
perum pal yANark kUlam kezuma,
n'an pal Uzi n'aTuvu n'inRu ozuka
pal vEl irum poRai! n'in kOl cemmaiyin,
n'ALin n'ALin n'ATu tozutu Etta,
10uyarn'ilai ulakattu uyarn'tOr parava,
araciyal pizaiyAtu, ceru mEn'tOnRi,
n'Oy ilaiAkiyar, n'IyE n'inmATTu
aTagkiya n'ejcam pukarpaTupu aRiyAtu,
kanavinum piriyA uRaiyuLoTu, taNNenat
15takaram n'Iviya tuvarAk kUn'tal,
vatuvai makaLir n'Okkinar, peyarn'tu
vAz n'AL aRiyum vayagku cuTar n'Okkattu,
mInoTu puraiyum kaRpin,
vAL n'utal arivaiyoTu kANvarap polin'tE!
20
tuRai: kAval mullaivaNNamum tUkkum: atu
peyar: tuvarAk kUn'tal (9)