பழிபாவங்களுக்கு அஞ்சாதிருக்கும் தன்மைக்கு அஞ்சுவாய்! தன்னால் முடிந்த அளவிற்குப் பிறருக்கு உதவி செய்யும் நல்ல குணத்தைக் குறைத்துக் கொள்ள வேண்டா. மனமறிய நேர்மை தவறி ஒரு பக்கம் சாயாமையாகிய ஒழுக்கத்தைக் கொள்வாய். பெருஞ்செல்வத்தைப் பெறுவதாயினும், நண்பரிடம் ஒப்படைத்த செயலை ஆராயாமல் இருப்பாயாக

செல்வத்தைப் போல ஒருவனுக்கு வலிமையுடையது வேறு இல்லை. கற்ற அறிவைப் போல் உற்ற நேரத்துக்கு உதவுவது வேறு இல்லை. வறுமையைப் போல் துன்பம் உடையது வேறு இல்லை. இரப்பவர்க்கு இல்லை என்னாத மன உறுதியைப் போல வேறு இல்லை.