(2) ஒலிக்கும் அருவிகளோடு மூங்கில் முதிர்ந்து முத்து உதிரும் மலைநாட்டை உடையவனே! மற்றவர்க்குக் கொடுத்தலும், தான் அனுபவித்தலும் இல்லாதவன் பெற்றுள்ள பெருஞ்செல்வம், நாய் பெற்ற தேங்காய் போன்றதாகும்.

(3)  வரிசைப்பட உயர்ந்து எழுந்த மூங்கிலைப் போல் திரண்ட தோள்களையும், வேல் போன்ற கண்களையும் கொண்ட பெண்ணே! வானில் உலவும் சூரியனை கையால் மறைப்பார் இல்லை. அதே போன்று பரந்த அறிவும் ஆற்றலும் உடையவரை பாசியைப் போன்ற அடாத சொல், செயல்களால் அவரது புகழை மறைக்கவும் முடியுமோ? முடியாது.

(4)  நெருக்கமான மடல்களையுடைய அழகிய தாழைகள் மிகுந்த கடல் நாட்டவனே! காட்டில் படர்ந்திருந்த முல்லைக்குத் தேரையும், வாடைக் காற்றால் வாடிய மயிலுக்குப் போர்வையும், முன் நாளில் அளித்தவர்களைக் கேட்டு அறிந்துள்ளோம். எனவே, அறிந்து கொண்டே அறியாத போல நடப்பது சான்றோர்க்கே அழகாகும்.