மேன்மை

கல்லைப்போல் கொள்கையிலே உறுதி வேண்டும்

காவியம்போல் இதயத்தில் விரிவு வேண்டும்

சொல்லைப்போல் செயலிருக்க வேண்டு மென்று

சொன்னவர்கள் நினைவொன்றே நெஞ்சில் வேண்டும்

புல்லைப்போல் துவள்கின்ற போக்கை மாற்றிப்

புலியைப்போல் அனைத்துயிரும் திமிர வேண்டும்

சொல்லைப்போல் இருந்துகொண்டே இந்த மேன்மைச்

சுடரொளிகள் பரப்புவதே தமிழின் மேன்மை!

- சாலை இளந்திரையன்