Primary tabs
-
ஜம்பை கல்வெட்டு்
அமைவிடம் : விழுப்புரம் மாவட்டம், திருக்கோவிலூர் வட்டத்தில் ஜம்பை உள்ளது. இக்கல்வெட்டு உள்ள இடத்திற்குத் தாசிமடம் என்று பெயர். இது 1981 ல் தொல்பொருள் ஆய்வுக் குழுவினரால் கண்டுபிடிக்கப்பட்டது.
காலம்: பொ.ஆ.1 ஆம் நூற்றாண்டு ( தோராயமானது )
மொழி: தமிழ்
எழுத்து: தமிழி (சங்க காலத்தமிழ் எழுத்து)
கல்வெட்டுப் பாடம்
ஸதிய புதோ அதியன் நெடுமான் அஞ்சி ஈத்த பாளி
செய்தி
ஸத்திய புத்திரன் அதியன் நெடுமான் அஞ்சி என்பவர் தானமாகக் கொடுத்தே பாளி (சமணர் படுக்கை)
சிறப்புகள்
• தகடூரைத் தலைநகராகக் கொண்டு ஆட்சி செய்த சங்க காலச் சிற்றரசர் அதியமானின் கல்வெட்டு.
• கடையெழு வள்ளல்களுள் ஒருவர்
• அவ்வரசனே பாளியைக் கொடுத்துள்ளான்
• இவர் மலையமான் திருமுடிக்காரியுடன் போரிட்டு வெற்றி பெற்றதாக இலக்கியம் கூறுகிறது.
• இலக்கியச் செய்தியை மெய்பிப்பது போன்று திருமுடிக்காரியின் தலைநகரான திருக்கோயிலூர் பகுதியில் உள்ள ஜம்பையில் கிடைத்துள்ளது.
• இக்கல்வெட்டு அவனது வெற்றியின் நினைவாகப் பொறிக்கப் பெற்றிருக்கலாம்.
• அசோகரது கல்வெட்டுக்களில் மூவேந்தருக்கு இணையான அண்டை அரசுகளுள் ஒருவராகக் குறிப்பிடப்பெற்றுள்ளார்.இக்கல்வெட்டு கண்டுபிடிக்கும் வரை இதிலுள்ள "ஸதிய புதோ " என்பதற்கு வாய் மொழி கோசர், சாதவாகனர் எனப் பல வம்சங்களை ஊகித்துள்ளனர்.