தமிழ் இணையக் கல்விக்கழகம் - TAMIL VIRTUAL ACADEMY

மொழிகள்

MaNi MiTai PavaLam-maNi MiTai PavaLam

  • maNi miTai pavaLam

    121. pAlai
    n'Am n'akai uTaiyam n'ejcE! kaTun' teRal
    vEnil n'ITiya vAn uyar vazin'AL,
    vaRumai kUriya maN n'Irc ciRu kuLat
    toTukuzi marugkil tuvvAk kalagkal
    5
    kanRuTai maTap piTik kayan'talai maNNi,
    cERu koNTu ATiya vERupaTu vayak kaLiRu
    ceg kOl vAl iNar tayagkat tINTi,
    cori puRam urijiya n'eRi ayal marA attu
    alkuRu vari n'izal acaii, n'ammoTu
    10
    tAn varum enpa, taTa men tOLi
    uRukaN mazavar uruL kINTiTTa
    ARu cel mAkkaL cORu poti veN kuTai
    kanai vicaik kaTu vaLi eTuttalin, tuNai cettu
    veruL ERu payirum AgkaN,
    15
    karu muka mucuvin kAnattAnE.
    tOziyAl talaimakaLai uTanvarum enak kETTa talaimakan n'ejciRkuc colliyatu. - maturai marutan iLan'Akan

    122. kuRijci
    irum pizi makAar iv azugkal mUtUr
    vizavu inRuAyinum tujcAtu Akum;
    mallal AvaNa maRuku uTan maTiyin,
    val uraik kaTuj col annai tujcAL;
    5
    piNi kOL aruj ciRai annai tujcin,
    tujcAk kaNNar kAvalar kaTukuvar;
    ilagkuvEl iLaiyar tujcin, vai eyiRRu
    valam curit tOkai jALi makizum;
    ara vAy jamali makizAtu maTiyin,
    10
    pakal uru uRaza n'ilavuk kAnRu vicumpin
    akalvAy maNTilam n'inRu viriyummE;
    tigkaL kal cErpu kanai iruL maTiyin,
    il eli valci val vAyk kUkai
    kazutu vazagku yAmattu azitakak kuzaRum;
    15
    vaLaikkaN cEval vALAtu maTiyin,
    manaic ceRi kOzi mAN kural iyampum;
    ellAm maTin'takAlai, oru n'AL
    n'illA n'ejcattu avar vAralarE; atanAl,
    ari pey puTTil Arppap pari ciRan'tu,
    20
    Ati pOkiya pAypari n'an mA
    n'occi vElit tittan uRan'taik
    kal mutir puRagkATTu anna
    pal muTTinRAl tOzi! n'am kaLavE.
    talaimakan ciRaippuRattAnAka, tOzikkuc colluvALAy, talaimakan coRRatu; tOzi col eTuppa, talaimakaL colliyatUum Am. - paraNar

    123. pAlai
    uNNAmaiyin uyagkiya marugkin
    ATAp paTivattu AnROr pOla,
    varai ceRi ciRu n'eRi n'iraipuTan cellum
    kAna yAnai kavin azi kunRam
    5
    iRan'tu, poruL tarutalum ARRAy; ciRan'ta
    cil aig kUn'tal n'al akam porun'ti
    oziyin, vaRumai ajcuti; azitakavu
    uTaimati vAziya, n'ejcE! n'ilavu ena
    n'ey kani n'eTu vEl eHkin imaikkum
    10
    mazai maruL pal tOl mA vaN cOzar
    kazai mAy kAvirik kaTal maNTu perun' tuRai,
    iRavoTu van'tu kOtaiyoTu peyarum
    perug kaTal Otam pOla,
    onRil koLLAy, cenRu taru poruTkE.
    talaimakan iTaic curattut tan n'ejciRkuc colliyatu. - kAvirippUmpaTTinat tuk kArik kaNNanAr

    124. mullai
    'n'an kalam kaLiRRoTu n'aNNAr En'ti,
    van'tu tiRai koTuttu, vaNagkinar, vazimozin'tu
    cenRIka' enpaAyin, vEn'tanum
    n'ilam vakun'tuRAa INTiya tAnaiyoTu
    5
    inRE pukutal vAyvatu; n'anRE.
    mATa mAN n'akarp pATu amai cEkkait
    tuni tIr koLkai n'am kAtali inituRa,
    pAcaRai varuttam vITa, n'Iyum
    minnu n'imirn'tanna pon iyaR punai paTai,
    10
    koycuval, puravi, kai kavar vayagku pari,
    vaN peyaRku avizn'ta paig koTi mullai
    vI kamaz n'eTu vazi UtuvaNTu iriya,
    kAlai eyta, kaTavumati mAlai
    an'tik kOvalar am paNai imiz icai
    15
    aramiya viyalakattu iyampum
    n'irai n'ilai jAyil n'eTu matil UrE.
    talaimakan tErppAkaRku uraittatu. - maturai aRuvai vANikan iLavETTanAr

    125. pAlai
    aram pOz av vaLai tOL n'ilai n'ekiza,
    n'irampA vAzkkai n'Ertal vENTi
    irag kAz anna arumpu mutir Igkai
    Ali anna vAl vI tAay,
    5
    vai vAl Oti maiaNal Eyppat
    tAtu uRu kuvaLaippOtu piNi aviza,
    paTAap paig kaN pA aTik kaya vAyk
    kaTAam mARiya yAnai pOla,
    peytu vaRitu Akiya pogku celaR koNmU
    10
    mai tOy vicumpin mAtirattu uzitara,
    pani aTUu n'inRa pAnAT kagkul
    taniyOr matukai tUkkAy, taNNena,
    muniya alaitti, muraN il kAlai;
    kaitozu marapin kaTavuL cAnRa
    15
    ceyvinai marugkin cenROr val varin
    viriuLaip polin'ta pariyuTai n'al mAn
    veruvaru tAnaiyoTu vENTu pulattu iRutta
    peru vaLak karikAl munnilaic cellAr,
    cUTA vAkaip paRan'talai, ATu peRa
    20
    onpatu kuTaiyum n'an pakal ozitta
    pITu il mannar pOla,
    OTuvai mannAl vATai! n'I emakkE.
    talaimakan vinai muRRi mINTamai uNarn'ta tOzi talaimakaTkuc colliyatu. -paraNar

    126. marutam
    n'in vAy cettu n'I pala uLLi,
    perum pun paitalai varun'tal anRiyum,
    malaimicait toTutta malin'tu celal n'Ittam
    talai n'AL mA malar taN tuRait tayagkak
    5
    kaTaRkarai melikkum kAvirip pEriyARRu
    aRal vAr n'eTug kayattu aru n'ilai kalagka,
    mAl iruL n'aTun'AT pOki, tan aiyar
    kAlait tan'ta kaNaik kOTTu vALaikku,
    av vAgku un'ti, am col, pANmakaL,
    10
    n'eTug koTi n'uTagkum n'aRavu mali maRukil
    pazaj cen' n'ellin mukavai koLLAL,
    kazagku uRaz muttamoTu n'ankalam peRUum
    payam kezu vaippiR pal vEl evvi
    n'ayam puri n'an mozi aTakkavum aTagkAn,
    15
    pon iNar n'aRu malarp punnai veHki,
    titiyanoTu poruta anni pOla
    viLikuvaikollO, n'IyE kiLi enac
    ciRiya mizaRRum cev vAy, periya
    kayal ena amartta uNkaN, puyal enap
    20
    puRam tAzpu iruLiya piRagku kural aimpAl,
    min n'Er marugkul, kuRumakaL
    pinnilai viTAa maTam kezu n'ejcE?
    uNarppuvayin vArA UTaRkaN, talaimakan tan n'ejciRkuc colliyatu; alla kuRippiTTu azin'tatUum Am; tOziyaip pinninRa talaimakan tan n'ejciRkuca colliyatUum Am. - n'akkIrar

    127. pAlai
    ilagku vaLai n'ekizac cAay, alkalum,
    kalagkuajar uzan'tu, n'Am ivaN oziya
    valam paTu muraciR cEralAtan
    mun'n'Ir OTTik kaTampu aRuttu, imayattu
    5
    munnOr maruLa vaNagkuvil poRittu,
    n'al n'akar maran'tai muRRattu onnAr
    paNi tiRai tan'ta pATucAl n'ankalam
    poncey pAvai vayiramoTu Ampal
    onRu vAy n'iRaiyak kuvaii, anRu avaN
    10
    n'ilam tinat tuRan'ta n'itiyattu anna
    oru n'AL oru pakaR peRinum, vazin'AL
    tagkalar vAzi, tOzi! ceg kOR
    karug kAl marAttu vAal mel iNar
    curin'tu vaNar pittai poliyac cUTi,
    15
    kallA mazavar vil iTam tazIi,
    varun'arp pArkkum veruvaru kavalai
    mozi peyar tEettar Ayinum,
    pazi tIr kAtalar cenRa n'ATTE.
    piriviTai ARRALAkiya talaimakaLait tOzi vaRpuRuttiyatu. - mAmUlanAr

    128. kuRijci
    manRu pATu avin'tu manai maTin'tanRE;
    konROranna koTumaiyOTu inRE
    yAmam koLa varin kanaii, kAmam
    kaTalinum uraii, karai poziyummE.
    5
    evankol vAzi, tOzi! mayagki
    innam Akavum, n'annar n'ejcam
    ennoTum n'innoTum cUzAtu, kaimmikku,
    iRumpu paTTu iruLiya iTTu aruj cilampil
    kuRuj cunaik kuvaLai vaNTu paTac cUTi,
    10
    kAna n'ATan varUum, yAnaik
    kayiRRup puRattanna, kalmicaic ciRu n'eRi,
    mAri vAnam talaii n'Ir vArpu,
    iTTu arug kaNNa paTukuzi iyavin,
    iruLiTai mitippuzi n'Okki, avar
    15
    taLar aTi tAgkiya cenRatu, inRE?
    iravukkuRi van'ta talaimakan ciRaippuRattAnAka, talaimakaL tOzikkuc colluvALAyc colliyatu. - kapilar

    129. pAlai
    'uLLal vENTum ozin'ta pin' ena
    n'aLLen kagkul n'aTugku tuNai Ayavar
    n'in maRan'tu uRaital yAvatu? 'pul maRain'tu
    alagkal vAn kazai utirn'el n'Okki,
    5
    kalai piNai viLikkum kAnattu AgkaN,
    kal cErpu irun'ta katuvAyk kurampait
    tAzimutaR kalitta kOzilaip paruttip
    poti vayiRRu iLag kAy pETai UTTi,
    pOkil piLan'tiTTa pogkal veN kAz
    10
    n'alkUr peNTir alkaR kUTTum
    kalagkumunaic cIRUr kai talaivaippa,
    kozuppu A tinRa kUrm paTai mazavar,
    ceruppuTai aTiyar, teN cunai maNTum
    aruj curam ariyaalla; vAr kOl
    15
    tirun'tu izaip paNait tOL, tEn n'ARu katuppin,
    kuvaLai uNkaN, ivaLoTu celaRku' ena
    n'ejcu vAy avizn'tanar kAtalar
    am cil Oti Ayizai! n'amakkE.
    piriviTai vERupaTTa talaimakaTkut tOzi colliyatu. - kuTavAyil kIrattanAr

    130. n'eytal
    amma vAzi, kELir! mun n'inRu
    kaNTanir Ayin, kazaRalirmannO
    n'uN tAtu potin'ta ceg kAR kozu mukai
    muNTakam kezIiya mOTTu maNal aTaikarai,
    5
    pEeyt talaiya piNar arait tAzai
    eyiRuTai n'eTun' tOTu kAppa, pala uTan
    vayiRuTaip pOtu vAlitin virIi,
    pulavup porutu azitta pU n'ARu parappin
    ivar tirai tan'ta Irg katir muttam
    10
    kavar n'aTaip puravi kAl vaTut tapukkum
    n'al tEr vazuti koRkai mun tuRai
    vaNTu vAy tiRan'ta vAgkukazi n'eytaR
    pOtu puRagkoTutta uNkaN
    mAtar vAL mukam mataiiya n'OkkE.
    kazaRiya pAgkaRkut talaimakan kazaRRetir maRuttatu. - veNkaNNanAr

    131. pAlai
    'vicumpu uRa n'ivan'ta mAt tAL ikaNaip
    pacug kEz mel ilai aruku n'eRittanna,
    vaNTu paTupu iruLiya, tAz irug kUn'tal
    curumpu uNa virin'ta perun' taN kOtai
    5
    ivaLinum ciRan'tanRu, Ital n'amakku' ena
    vILai ampin vizut toTai mazavar
    n'AL A uytta n'Ama vej curattu
    n'aTai melin'tu ozin'ta cEN paTar kanRin
    kaTaimaNi ukun'Ir tuTaitta ATavar
    10
    peyarum pITum ezuti, atartoRum
    pIli cUTTiya piRagkun'ilai n'aTukal
    vEl UnRu palakai vERRu munai kaTukkum
    veruvaru takun'a kAnam, 'n'ammoTu
    varuka' ennutiAyin,
    15
    vArEn; n'ejcam! vAykka n'in vinaiyE.
    poruL kaTaikkUTTiya n'ejciRkut talaimakan colliyatu. maturai marutan iLan'AkanAr

    132. kuRijci
    Enalum iRagku kural iRuttana; n'Oy malin'tu,
    Aykavin tolain'ta, ivaL n'utalum; n'Okki
    Etila moziyum, iv Urum; Akalin,
    kaLiRRu mukam tiRan'ta kavuLuTaip pakazi,
    5
    vAl n'iNap pukavin, kAnavar tagkai
    am paNai men tOL Ay itaz mazaik kaN
    olku iyaR koTicciyai n'alkinaiAyin,
    koNTanai cenmO n'uN pUN mArpa!
    tuLitalait talaiiya cAral n'aLi cunaik
    10
    kUmpu mukai aviztta kuRuj ciRaip paRavai
    vEgkai viri iNar Uti, kAn'taL
    tEnuTaik kuvikulait tujci, yAnai
    irug kavuT kaTAam kanavum,
    perug kal vEli, n'um uRaivu in UrkkE.
    tOzi talaimakaLai iTattu uyttu van'tu, talaimakanai etirppaTTu n'inRu,varaivu kaTAyatu. - tAyagkaNNanAr

    133. pAlai
    'kunRi anna kaNNa, kurUu mayir,
    pun tAL, veLLeli mOvAy ERRai
    cem paral murampil citarn'ta pUzi,
    n'al n'AL vEgkai vI n'ankanam varippa,
    5
    kAr talaimaNan'ta paim putaR puRavin,
    vil eRi pajciyin veN mazai tavazum
    kollai itaiya kuRum poRai marugkil,
    kari paran'tanna kAyAj cemmaloTu
    eri paran'tanna ilamalar viraii,
    10
    pUg kaluz cuman'ta tIm punaR kAn yARRu
    vAn koL tUval vaLi tara uNkum;
    emmoTu varutal vallaiyO maRRu?' enak
    kon onRu vinavinarmannE tOzi!
    ital muL oppin mukai mutir veTci
    15
    kol punak kurun'toTu kal aRait tAam
    miLai n'ATTu attattu Irj cuvaR kalitta
    vari maraR kaRikkum maTap piNait
    tirimaruppu iralaiya kATu iRan'tOrE.
    'piriviTai ARRALAyinAL' enak kavanRa tOzikku, talaimakaL, 'ARRuval' enpatu paTa, colliyatu. - uRaiyUr maruttuvan tAmOtaranAr

    134. mullai
    vAnam vAyppak kavini, kAnam
    kamaj cUl mA mazai kAr payan'tu iRuttena,
    maNi maruL pUvai aNi malar iTaiiTai,
    cem puRa mUtAy parattalin, n'an pala
    5
    mullai vI kazal tAay, vallOn
    ceykai anna cen' n'ilap puRavin;
    vAap pANi vayagku toziR kalimAt
    tAat tAL iNai mella otugka,
    iTi maRan'tu, Emati valava! kuvimukai
    10
    vAzai vAn pU UzuRupu utirn'ta
    ozikulai anna tirimaruppu ERRoTu
    kaNaik kAl am piNaik kAmar puNar n'ilai
    kaTumAn tEr oli kETpin,
    n'aTun'AT kUTTam Akalum uNTE.
    vinai muRRi mINTa talaimakan pAkaRku uraittatu. - cIttalaic cAttanAr

    135. pAlai
    titalai mAmai taLir vanappu azugka,
    putal ivar pIrin etir malar kaTuppap
    pacalai pAyn'ta n'utalEn Aki,
    ezutu ezil mazaik kaN kaluza, n'Oy kUrn'tu,
    5
    Atiman'tiyin aRivu piRituAki,
    pEtuRRicinE kAtal am tOzi!
    kAykatir tirukalin kanain'tu kAl kaTuki,
    ATutaLir iruppaik kUTu kuvi vAn pU,
    kOTu kaTai kazagkin, aRaimicait tAam
    10
    kATu iRan'tanarE, kAtalar; aTupOr,
    vIyA vizup pukaz, viN tOy viyan kuTai,
    Ir ezu vELir iyain'tu orugku eRin'ta
    kazuvuL kAmUr pOlak
    kalagkinRumAtu, avart teLin'ta en n'ejcE.
    talaimakan pirivinkaN vERupaTTa talaimakaL tOzikkuc coRRatu. - paraNar

    136. marutam
    maippu aRap puzukkin n'eyk kani veN cORu
    varaiyA vaNmaiyoTu puraiyOrp pENi,
    puLLup puNarn'tu iniya Aka, teL oLi
    am kaN iru vicumpu viLagka, tigkaT
    5
    cakaTam maNTiya tukaL tIr kUTTattu,
    kaTi n'akar punain'tu, kaTavuT pENi,
    paTu maNa muzavoTu parUup paNai imiza,
    vatuvai maNNiya makaLir vituppuRRu,
    pUkkaNum imaiyAr n'Okkupu maRaiya,
    10
    men pU vAkaip pun puRak kavaTTilai,
    pazag kanRu kaRitta payampu amal aRukait
    tazagkukural vAnin talaippeyaRku InRa
    maNNu maNi anna mAitazp pAvait
    taN n'aRu mukaiyoTu veN n'Ul cUTTi,
    15
    tU uTaip polin'tu mEvarat tuvanRi,
    mazai paTTanna maNal mali pan'tar,
    izai aNi ciRappin peyar viyarppu ARRi,
    tamar n'amakku Itta talain'AL iravin,
    'uvar n'Igku kaRpin em uyir uTampaTuvi!
    20
    murugkAk kaligkam muzuvatum vaLaii,
    perum puzukkuRRa n'in piRain'utaR poRi viyar
    uRu vaLi ARRac ciRu varai tiRa' ena
    Arva n'ejcamoTu pOrvai vavvalin,
    uRai kazi vALin uruvu peyarn'tu imaippa,
    25
    maRai tiRan aRiyAL Aki, oyyena
    n'ANinaL iRaijciyOLE pENi,
    parUup pakai AmpaR kurUut toTai n'Ivi,
    curumpu imir Aymalar vEyn'ta
    irum pal kUn'tal iruL maRai oLittE.
    uNarppuvayin vArA UTaRkaN talaimakan tan n'ejciRkuc colliyatu.- viRRURRu mUteyinanAr

    137. pAlai
    ARu cel vampalar cERu kiLaittu uNTa
    ciRu pal kENip piTi aTi n'acaii,
    kaLiRu toTUuk kaTakkum kAnyARRu attam
    cenRu cErpu ollAr Ayinum, n'inakkE
    5
    venRu eRi muracin viRaR pOrc cOzar
    in kaTug kaLLin uRan'tai AgkaN,
    varupunal n'eritarum ikukaraip pEriyARRu
    uruva veN maNal muruku n'ARu taN poziR
    pagkuni muyakkam kazin'ta vazin'AL,
    10
    vI ilai amanRa maram payil iRumpil
    tI il aTuppin aragkam pOla,
    perum pAzkoNTanRu, n'utalE; tOLum,
    tOLA muttin teN kaTaR porun'an
    tiN tErc ceziyan poruppiR kavAan
    15
    n'al ezil n'eTu vEy puraiyum
    tol kavin tolain'tana; n'OkO yAnE.
    'talaimakan piriyum' enak karuti vERupaTTa talaimakaTkut tOzi colliyatu.- uRaiyUr
    mutukUttanAr

    138. kuRijci
    ikuLai! kETTicin, kAtal am tOzi!
    kuvaLai uNkaN teN pani malka,
    vaRitu yAn varun'tiya cellaRku annai
    piRitu onRu kaTuttanaL Aki vEmpin
    5
    veRi koL pAcilai n'IlamoTu cUTi,
    uTalun'ark kaTan'ta kaTal am tAnai,
    tirun'tuilai n'eTu vER tennavan potiyil,
    aruj cimai izitarum Arttu varal aruviyin
    tatumpu cIr in iyam kaRagka, kaitozutu,
    10
    uru kezu ciRappin muruku manait tarIi,
    kaTampum kaLiRum pATi, n'uTagkupu
    tOTum toTalaiyum kaikkoNTu, alkalum
    ATinar Atal n'anRO? n'ITu
    n'innoTu teLitta n'al malai n'ATan
    15
    kuRi varal arain'AT kunRattu ucci,
    n'eRi keTa vIzn'ta tun arug kUr iruL,
    tiru maNi umizn'ta n'Akam kAn'taT
    kozu maTaR putup pU Utum tumpi
    n'al n'iRam maruLum aru viTar
    20
    innA n'IL iTai n'inaiyum, en n'ejcE.
    talaimakan ciRaippuRattAnAka, tOzikkuc colluvALAyt talaimakaL colliyatu.- ezUup panRi n'Akan kumaranAr

    139. pAlai
    tujcuvatu pOla iruLi, viN paka
    imaippatu pOla minni, uRaikkoNTu
    ERuvatu pOlap pATu ciRan'tu uraii,
    n'ilam n'ejcu uTka OvAtu cilaittu Agku,
    5
    Ar taLi pozin'ta vAr peyaR kaTai n'AL;
    InRu n'AL ulan'ta vAlA veN mazai
    vAn tOy uyar varai ATum vaikaRai,
    putal oLi ciRan'ta kANpu in kAlai,
    taN n'aRum paTun'Ir mAn'ti, patavu arun'tu
    10
    veN puRakku uTaiya tirimaruppu iralai;
    vAr maNal oru ciRaip piTavu aviz kozu n'izal,
    kAmar tuNaiyoTu EmuRa vatiya;
    arakku n'iRa uruvin Iyal mUtAy
    parappiyavaipOR pAay, pala uTan
    15
    n'Ir vAr marugkin IraNi tikaza;
    innum vArAr Ayin n'annutal!
    yAtukol maRRuavar n'ilaiyE? kAtalar
    karuvik kAr iTi irIiya
    paruvam anRu, avar, 'varutum' enRatuvE.
    piriviTai melin'ta talaimakaL tOzikkuc colliyatu. - iTaikkATanAr

    140. n'eytal
    perug kaTal vETTattuc ciRukuTip paratavar
    irug kazic ceRuvin uzAatu ceyta
    veN kal uppin koLLai cARRi,
    enRUz viTara kunRam pOkum
    5
    kataz kOl umaNar kAtal maTamakaL
    cil kOl el vaLai teLirppa vIci,
    'n'ellin n'ErE veN kal uppu' enac
    cEri vilaimARu kURalin, manaiya
    viLi aRi jamali kuraippa, verIiya
    10
    matar kayal malaippin anna kaN emakku,
    itai muyal punavan pukain'izal kaTukkum
    mA mUtaLLal azun'tiya cAkATTu
    evvam tIra vAgkum tan'tai
    kai pUN pakaTTin varun'ti,
    15
    veyya uyirkkum n'Oy AkinRE.
    iyaRkaip puNarcci puNarn'tu n'Igkum talaimakan pAgkaRku uraittatu.- ammUvanAr

    141. pAlai
    amma vAzi, tOzi! kaimmikak
    kanavum kagkultORu iniya; n'anavum
    punai vinai n'al il puLLum pAgkina;
    n'ejcum n'anipukanRu uRaiyum; ejcAtu
    5
    ulaku tozil ulan'tu, n'Ajcil tujci,
    mazai kAln'Igkiya mAka vicumpil
    kuRu muyal maRu n'iRam kiLara, mati n'iRain'tu,
    aRumIn cErum akal iruL n'aTu n'AL;
    maRuku viLakkuRuttu, mAlai tUkki,
    10
    paza viRal mUtUrp palaruTan tuvanRiya
    vizavu uTan ayara, varukatil amma!
    tuvarap pularn'tu tU malar kajali,
    takaram n'ARum taN n'aRug katuppin
    putu maNa makaTUu ayiniya kaTi n'akarp
    15
    pal kOTTu aTuppil pAl ulai irIi,
    kUzaik kUn'taR kuRun' toTi makaLir
    peruj cey n'ellin vAgkukatir muRittu,
    pAcaval iTikkum irug kAz ulakkaik
    kaTitu iTi verIiya kamajcUl veN kuruku
    20
    tIm kulai vAzai Ogku maTal irAtu;
    n'eTug kAl mAattuk kuRum paRai payiRRum
    cel kuTi n'iRutta perum peyark karikAl
    vel pOrc cOzan iTaiyARRu anna
    n'al icai veRukkai tarumAr, pal poRip
    25
    pulik kEz uRRa pUviTaip peruj cinai
    n'aran'ta n'aRum pU n'AL malar utira,
    kalai pAyn'tu ukaLum, kal cEr vEgkai,
    tEm kamaz n'eTu varaip piRagkiya
    vEgkaTa vaippiR curan iRan'tOrE.
    'piriviTai ARRAL' enak kavanRa tOzikkuk kizatti uraittatu. - n'akkIrar

    142. kuRijci
    ilamalar anna am cen' n'Avin
    pulam mIkkURum puraiyOr Etta,
    palar mEn' tOnRiya kavi kai vaLLal
    n'iRaiarun' tAnai velpOr mAn'taram
    5
    poRaiyan kaTugkOp pATic cenRa
    kuRaiyOr koLkalam pOla, n'anRum
    uva ini vAziya, n'ejcE! kAtali
    muRaiyin vazAatu ARRip peRRa
    kaRai aTi yAnai n'annan pAzi,
    10
    UTTu aru marapin ajcu varu pEeyk
    kUTTu etirkoNTa vAy mozi mijili
    puLLiRku Emam Akiya perum peyar
    veLLat tAnai atikaR konRu, uvan'tu
    oL vAL amalai ATiya jATpin,
    15
    palar aRivuRutal ajci, paippaya,
    n'Irt tiraL kaTukkum mAcu il veLLic
    cUrppuRu kOl vaLai ceRitta munkai
    kuRai aRal anna irum pal kUn'tal,
    iTan il ciRu puRattu izaiyoTu tuyalvara,
    20
    kaTal mIn tujcum n'aLLen yAmattu,
    uruvu kiLar Ovinaip polin'ta pAvai
    iyal kaRRanna otukkinaL van'tu,
    peyal alaik kalagkiya malaip pUg kOtai
    iyal eRi ponnin kogku cOrpu uRaippa,
    25
    toTikkaN vaTukkoLa muyagkinaL;
    vaTippu uRu n'arampin tIviya mozin'tE.
    iravukkuRi van'tu n'Igkum talaimakan tan n'ejciRkuc colliyatu. - paraNar

    143. pAlai
    ceyvinaip pirital eNNi, kaimmikak
    kATu kavin oziyak kaTug katir teRutalin,
    n'ITu cinai vaRiya Aka, ollena
    vATu pal akal ilai kOTaikku oyyum
    5
    tEkku amal aTukkattu AgkaN mEkku ezupu,
    muLi ariR piRan'ta vaLi vaLar kUr eric
    cuTar n'imir n'eTug koTi viTar mukai muzagkum
    'vem malai aruj curam n'In'ti aiya!
    cERum' enRa ciRu coRku ivaTkE,
    10
    vacai il vem pOr vAnavan maRavan
    n'acaiyin vAzn'arkku n'an kalam curakkum,
    poyyA vAyvAL, punaikazal, piTTan
    mai tavaz uyar cimaik kutiraik kavAan
    akal aRai n'eTuj cunai, tuvalaiyin malarn'ta
    15
    taN kamaz n'Ilam pOla,
    kaN pani kaluzn'tana; n'OkO yAnE.
    poruLvayiR piriyak karutiya talaimakanai, tOzi, talaimakaLatu ARRAmai kaNTu, celavu azugkuvittatu. - AlampEri cAttanAr

    144. mullai
    ''varutum'' enRa n'ALum poyttana;
    ari Er uNkaN n'Irum n'illA;
    taN kArkku InRa paig koTi mullai
    vai vAy vAl mukai avizn'ta kOtai
    5
    pey vanappu izan'ta katuppum uLLAr,
    aruL kaNmARalO mARuka an'til
    aRan ajcalarE! Ayizai! n'amar' enac
    ciRiya collip periya pulappinum,
    pani paTu n'aRun' tAr kuzaiya, n'ammoTu,
    10
    tuni tIr muyakkam peRROL pOla
    uvakkun'aL vAziya, n'ejcE! vicumpin
    ERu ezun'tu muzagkinum mARu ezun'tu cilaikkum
    kaTAa yAnai koTkum pAcaRai,
    pOr vETTu ezun'ta maLLar kaiyatai
    15
    kUr vAT kuvimukam citaiya n'URi,
    mAn aTi marugkil peyartta kuruti
    vAna mInin vayin vayin imaippa,
    amar Orttu, aTTa celvam
    tamar virain'tu uraippak kETkum jAnRE.
    vinai muRRiya talaimakan tan n'ejciRkuc uraippAnAy, pAkaRkuc colliyatu. - maturai aLakkar jAzalAr makanAr maLLanAr

    145. pAlai
    vEr muzutu ulaRi n'inRa puzaRkAl,
    tEr maNi icaiyin ciLvITu Arkkum,
    vaRRal maratta poR talai Oti
    veyiR kavin izan'ta vaippin paiyuL koLa,
    5
    n'uNNitin n'ivakkum veN jemai viyan kATTu
    AL il attattu, aLiyaL avanoTu
    vALvari poruta puN kUr yAnai
    pukar citai mukatta kuruti vAra,
    uyar cimai n'eTug kOTTu urum ena muzagkum
    10
    'aruj curam iRan'tanaL' enpa peruj cIr
    anni kuRukkaip paRan'talai, titiyan
    tol n'ilai muzu mutal tumiyap paNNiya
    n'annar mel iNarp punnai pOla,
    kaTu n'avaip paTIiyarmAtO kaLi mayil
    15
    kujcarak kurala kurukOTu Alum,
    tujcA muzavin, tuyttu iyal vAzkkai,
    kUzuTait tan'tai iTanuTai varaippin,
    Uz aTi otugkinum uyagkum aim pAR
    ciRu pal kUn'taR pOtu piTittu aruLAtu,
    20
    eRi kOl citaiya n'URavum ciRupuRam,
    'enakku urittu' ennAL, n'inRa en
    amark kaN ajjaiyai alaitta kaiyE!
    makaTpOkkiya cevilittAy colliyatu. - kayamanAr

    146. marutam
    vali miku munpin aNNal EeRu
    pani malarp poykaip pakal cela maRuki,
    maTak kaN erumai mAN n'Aku tazIi,
    paTappai n'aNNi, pazanattu alkum
    5
    kali makiz Uran oli maNi n'eTun' tEr,
    oL izai makaLir cEri, pal n'AL
    iyagkal AnAtuAyin; vayagkizai
    yArkol aLiyaLtAnE em pOl
    mAyap parattan vAymozi n'ampi,
    10
    vaLi porat tuyalvarum taLi pozi malarin
    kaNpani Akattu uRaippa, kaN pacan'tu,
    Ayamum ayalum maruLa,
    tAy Ompu Ayn'alam vENTAtOLE?
    vAyil vENTic cenRa pANaRkut talaimakaL vAyil maRuttatu.-uvarkkaNNUrp pullagkIranAr

    147. pAlai
    Ogkumalaic cilampil piTavuTan malarn'ta
    vEgkai veRit tazai vERu vakuttanna
    Un poti avizAk kOTTu ukirk kuruLai
    mUnRu uTan InRa muTagkar n'izatta,
    5
    tuRukal viTar aLaip piNavup paci kUrn'tena,
    poRi kiLar uzuvaip pOz vAy ERRai
    aRu kOTTu uzai mAn AN kural Orkkum
    n'eRi paTu kavalai n'irampA n'ILiTai,
    veLLi vItiyaip pOla n'anRum
    10
    celavu ayarn'ticinAl yAnE; pala pulan'tu,
    uNNA uyakkamoTu uyir celac cAay,
    tOLum tol kavin tolaiya, n'ALum
    pirin'tOr peyarvukku iragki,
    marun'tu piRitu inmaiyin, irun'tu vinaiilanE!
    celavu uNarttiya tOzikkut talaimakaL colliyatu. - auvaiyAr

    148. kuRijci
    panait tiraL anna paru Er eRuzt taTak kai,
    kolaic cinam tavirA matanuTai munpin,
    vaNTu paTu kaTAattu, uyar maruppu, yAnai
    taN kamaz cilampin maram paTat tolaicci;
    5
    uRu puli uraRak kutti; viRal kaTin'tu;
    ciRu tinaip perum punam vavvum n'ATa!
    kaTum parik kutirai Aay eyinan
    n'eTun' tEr jimiliyoTu porutu, kaLam paTTena,
    kANiya cellAk kUkai n'ANi,
    10
    kaTum pakal vazagkAtAagku, iTumpai
    peritAl amma ivaTkE; atanAl
    mAlai, varutal vENTum cOlai
    muLai mEy perug kaLiRu vazagkum
    malai mutal aTukkatta ciRu kal ARE.
    pakal varuvAnai 'iravu varuka' enRatu. - paraNar

    149. pAlai
    ciRu pun citalai cEN muyanRu eTutta
    n'eTuj cem puRRattu oTugku irai munaiyin,
    pul arai iruppait toLLai vAn pUp
    perug kai eNkin irug kiLai kavarum
    5
    atta n'IL iTaip pOki, n'anRum
    aritu cey vizup poruL eLitinin peRinum
    vArEn vAzi, en n'ejcE! cEralar
    cuLLiam pEriyARRu veN n'urai kalagka,
    yavanar tan'ta vinai mAN n'an kalam
    10
    ponnoTu van'tu kaRiyoTu peyarum
    vaLam kezu muciRi Arppu eza vaLaii,
    aruj camam kaTan'tu, paTimam vavviya
    n'eTu n'al yAnai aTupOrc ceziyan
    koTi n'uTagku maRukin kUTaR kuTAatu,
    15
    pal poRi majjai vel koTi uyariya,
    oTiyA vizavin, n'eTiyOn kunRattu,
    vaNTu paTa n'ITiya kuNTu cunai n'Ilattu
    etir malarp piNaiyal anna ivaL
    ari matar mazaik kaN teN pani koLavE.
    talaimakan tan n'ejciRkuc collic celavu azugkiyatu.-erukkATTUrt tAyagkaNNanAr

    150. n'eytal
    pinnuviTa n'eRitta kUn'talum, ponnena
    Akattu arumpiya cuNagkum, vampu viTak
    kaN uruttu ezutaru mulaiyum, n'Okki;
    'ellinai peritu' enap pal mAN kURi,
    5
    perun' tOL aTaiya muyagki, n'ITu n'inain'tu,
    arug kaTippaTuttanaL yAyE; kaTuj celal
    vAT cuRA vazagkum vaLai mEy perun' tuRai,
    kanaitta n'eytaR kaN pOl mA malar
    n'anaitta cerun'tip pOtu vAy aviza,
    10
    mAlai maNi itaz kUmpa, kAlaik
    kaL n'ARu kAviyoTu taNNena malarum
    kaziyum, kAnalum, kANtoRum pala pulan'tu;
    'vArArkol?' enap paruvarum
    tArAr mArpa! n'I taNan'ta jAnRE!
    pakaRkuRi van'tu kaNNuRRu n'Igkum talaimakanait tOzi, talaimakaLai iTattu uyttu van'tu, ceRippu aRivuRIi, varaivu kaTAyatu. - kuRuvazutiyAr

    151. pAlai
    'tam n'ayan'tu uRaivOrt tAgki, tAm n'ayan'tu
    in amar kELiroTu EmuRak kezIi,
    n'akutal ARRAr n'alkUrn'tOr!' ena,
    miku poruL n'inaiyum n'ejcamoTu aruL piRitu
    5
    Apaman vAzi, tOzi! kAl viripu
    uRuvaLi eRitoRum kalagkiya poRi varik
    kalaimAn talaiyin mutalmutaR kavartta
    kOTal am kavaTTa kuRug kAl uzujcil
    tARu cinai viLain'ta n'eRRam, ATumakaL
    10
    arik kOR paRaiyin, aiyena olikkum
    patukkaittu Aya cetukkai n'Izal,
    kaLLi muL araip porun'ti, cellun'arkku
    uRuvatu kURum, ciRu cen' n'Avin
    maNi Orttanna teN kural
    15
    kaNi vAy, palliya kATu iRan'tOrE!
    talaimakan pirivinkaN vERupaTTa talaimakaL colliyatu.-kAvanmullaip pUtarattanAr

    152. kuRijci
    n'ejcu n'aTugku arum paTar tIra van'tu,
    kunRuzai n'aNNiya cIRUr AgkaN
    celIiya peyarvOL vaNar curi aimpAl
    n'uN kOl akavun'arp puran'ta pEr icai,
    5
    cinam kezu tAnai, tittan veLiyan,
    iragkun'Irp parappin kAnal am perun' tuRai,
    tanam taru n'an kalam citaiyat tAkkum
    ciRu veL iRavin kuppai anna
    uRu pakai tarUum moym mUcu piNTan
    10
    munai muraN uTaiyak kaTan'ta ven vEl,
    icai n'al Ikaik kaLiRu vIcu vaN makiz,
    pArattut talaivan, Ara n'annan;
    Ezil n'eTu varaip pAzic cilampil
    kaLi mayiR kalAvattanna. tOLE
    15
    val vil iLaiyar perumakan; n'aLLi
    cOlai aTukkattuc curumpu uNa virin'ta
    kaTavuT kAn'taLuLLum, pala uTan
    iRumpUtu kajaliya Aymalar n'ARi,
    vallinum, vallAr Ayinum, cenROrkkuc
    20
    cAl aviz n'eTug kuzi n'iRaiya vIcum,
    mAal yAnai Aay kAnattut
    talaiyARRu n'ilaiiya cEyuyar piRagkal
    vEy amaik kaN iTai puraii,
    cEya Ayinum, n'aTugku tuyar tarumE.
    iravukkuRi van'tu n'Igkum talaimakan tan n'ejciRkuc colliyatu.-paraNar

    153. pAlai
    n'OkO yAnE; n'Otakum uLLam;
    am tIm kiLavi AyamoTu kezIi,
    pan'tuvazip paTarkuvaL Ayinum, n'on'tu n'ani,
    vempumman, aLiyaLtAnE iniyE,
    5
    vankaNALan mArpuuRa vaLaii,
    in coR piNippa n'ampi, n'am kaN
    uRutaru vizumam uLLAL, oyyenat
    teRu katir ulaiiya vEnil veg kATTu,
    uRu vaLi oli kazaik kaN uRupu tINTalin,
    10
    poRi pitirpu eTutta pogku ezu kUr erip
    paitu aRu cimaiyap payam n'Igku Ar iTai
    n'al aTikku amain'taalla; mel iyal
    vallun'aLkollO tAnE elli
    Ogku varai aTukkattu uyarn'ta cenni
    15
    mInoTu polin'ta vAnin tOnRi,
    tEm pAyn'tu Arkkum teri iNark kOgkin
    kAl uRak kazanRa kaL kamaz putu malar
    kai viTu cuTarin tOnRum
    mai paTu mA malai vilagkiya curanE?
    makaT pOkkiya cevilittAy coRRatu. - cEramAn iLagkuTTuvan

    154. mullai
    paTu mazai pozin'ta payam miku puRavin
    n'eTu n'Ir avala pakuvAyt tErai
    ciRu pal iyattin n'eTu n'eRik kaRagka,
    kuRum putaR piTavin n'eTug kAl alari
    5
    cen' n'ilamarugkin n'uN ayir varippa,
    vej cina aravin pai aNan'tanna
    taN kamaz kOTal tAtu piNi aviza,
    tiri maruppu iralai teL aRal parukik
    kAmar tuNaiyoTu EmuRa vatiya,
    10
    kATu kavin peRRa taN patap peru vazi;
    OTupari meliyAk koycuvaR puravit
    tAL tAz tAr maNi tayagkupu iyampa
    Urmati valava! tErE cIr mikupu
    n'am vayiR purin'ta koLkai
    15
    am mA arivaiyait tunnukam, virain'tE.
    vinai muRRiya talaimakan tErppAkaRkuc colliyatu. - potumpiR pullALagkaNNiyAr

    155. pAlai
    aRankaTaip paTAa vAzkkaiyum, enRum
    piRankaTaic celAac celvamum, iraNTum
    poruLin Akum, punaiyizai!' enRu, n'am
    iruL Er aimpAl n'IviyOrE
    5
    n'Oy n'Am uzakkuvam Ayinum, tAm tam
    cey vinai muTikka; tOzi! palvayin
    paya n'irai cErn'ta pAz n'ATTu AgkaN
    n'eTu viLik kOvalar kUval tONTiya
    koTu vAyp pattal vArn'tu uku ciRu kuzi,
    10
    n'Ir kAy varuttamoTu cErviTam peRAtu
    perug kaLiRu mititta aTiyakattu, irum puli
    otugkuvana kazin'ta cetumpal Ir vazi,
    ceyir tIr n'Avin vayiriyar pinRai
    maN Ar muzavin kaNNakattu acaitta
    15
    viral UnRu vaTuvin tOnRum
    maral vATu marugkin malai iRan'tOrE.
    talaimakan pirivinkaN vERupaTTa talaimakaL colliyatu.-pAlai pATiya perugkaTugkO

    156. marutam
    muracuTaic celvar puravic cUTTum
    mUTTuRu kavari tUkkiyanna,
    cezuj cey n'ellin cEyarip puniRRuk katir
    mUtA tinRal ajci, kAvalar
    5
    pAkal AykoTip pakanRaiyoTu parIi,
    kAjciyin akattu, karumpu arutti, yAkkum
    tIm punal Ura! tiRavatAkak
    kuvaLai uNkaN ivaLum yAnum
    kazani Ampal muzun'eRip pain' tazai,
    10
    kAyA jAyiRRAka, talaippeya,
    'poytal ATip polika!' ena van'tu,
    n'in n'akAp pizaitta tavaRO peruma!
    kaLLum kaNNiyum kaiyuRaiyAka
    n'ilaik kOTTu veLLai n'Alcevik kiTAay
    15
    n'ilaittuRaik kaTavuTku uLappaTa Occi,
    taNi marugku aRiyAL, yAy aza,
    maNi maruL mEni pon n'iRam koLalE?
    talaimakaLai iTattu uyttuvan'ta tOzi talaimakanai varaivu kaTAyatu.-AvUr mUlagkizAr

    157. pAlai
    ariyaR peNTir alakiR koNTa
    pakuvAyp pALaik kuvimulai curan'ta
    ari n'iRak kaluzi Ara mAn'ti,
    ceru vETTu, cilaikkum ceg kaN ATavar,
    5
    vil iTa vIzn'tOr patukkai, kOgkin
    elli malarn'ta paig koTi atiral
    perum pular vaikaRai arumpoTu vAgki,
    kAna yAnai kavaLam koLLum
    ajcu varu n'eRiyiTait tamiyar celmAr
    10
    n'ejcu uNa mozipamannE tOzi!
    munai pulam peyartta pullen manRattu,
    peyal uRa n'ekizn'tu, veyil uRac cAay,
    vinai azi pAvaiyin ulaRi,
    manai ozin'tiruttal valluvOrkkE!
    pirivu uNarttiya tOzikkut talaimakaL colliyatu. - vEmpaRRUrk kumaranAr

    158. kuRijci
    'urum uraRu karuviya peru mazai talaii,
    peyal AnRu avin'ta tUgkuiruL n'aTun'AL,
    minnu n'imirn'tanna kanagkuzai imaippa,
    pinnu viTu n'eRiyin kiLaiiya kUn'talaL,
    5
    varai izi mayilin olkuvanaL otugki,
    miTai Urpu iziya, kaNTanen, ivaL' ena
    alaiyal vAzi! vENTu, annai! n'am paTappaic
    cUruTaic cilampil, cuTarppU vEyn'tu
    tAm vENTu uruvin aNagkumAr varumE;
    10
    n'anavin vAyE pOlat tujcun'ark
    kanavu ANTu maruTTalum uNTE; ivaLtAn
    cuTar inRu tamiyaLum panikkum; veruvara
    manRa marAatta kUkai kuzaRinum,
    n'ejcu azin'tu araNam cErum; atantalaip
    15
    pulik kaNattanna n'Ay toTarviTTu,
    murukan anna cIRRattuk kaTun' tiRal
    en'taiyum illan Aka,
    ajcuvaL allaLO, ivaL itu ceyalE?
    talaimakan ciRaippuRattAnAka, tOzi cevilittAykkuc colluvALAy,talaimakan kETpac colliyatu. - kapilar

    159. pAlai
    teN kazi viLain'ta veN kal uppin
    koLLai cARRiya koTu n'uka ozukai
    uranuTaic cuvala pakaTu pala parappi
    umaN uyirttu iRan'ta ozikal aTuppin,
    5
    vaTi uRu pakazik koTu vil ATavar
    aNagkuTai n'On cilai vaNagka vAgki,
    pal An n'eTu n'irai tazIi, kallena
    aru munai alaitta perum pukal valattar,
    kanai kuraR kaTun' tuTip pANi tUgki,
    10
    uvalaik kaNNiyar, Un puzukku ayarum
    kavalai, 'kAtalar iRan'tanar' ena, n'ani
    avalam koLLalmA, kAtal am tOzi!
    vicumpin n'al ERu cilaikkum cEN cimai
    n'aRum pUj cAraR kuRum poRaik kuNAatu
    15
    vil kezu taTak kai vel pOr vAnavan
    mijiRu mUcu kavuLa ciRu kaN yAnait
    toTiyuTait taTa maruppu oTiya n'URi,
    koTumuTi kAkkum kurUukaN n'eTu matil
    cEN viLagku ciRappin AmUr eytinum,
    20
    ANTu amain'tu uRaiyun'ar allar, n'in
    pUN tAgku Akam porun'tutal maRan'tE.
    piriviTai vERupaTTa talaimakaLait tOzi vaRpuRuttiyatu. - AmUrk kavutaman cAtEvanAr

    160. n'eytal
    oTugku Ir Oti n'inakkum aRRO?
    n'aTugkinRu, aLittu, en n'iRai il n'ejcam.
    aTumpu koTi citaiya vAgki, koTug kazik
    kuppai veN maNaR pakkam cErtti,
    5
    n'iRaic cUl yAmai maRaittu InRu, putaitta
    kOTTu vaTTu uruvin pulavu n'ARu muTTai
    pArppu iTan Akum aLavai, pakuvAyk
    kaNavan Ompum kAnal am cErppan:
    muL uRin ciRattal ajci, mella
    10
    vAvu uTaimaiyin vaLpin kATTi,
    Et tozil n'avinRa ezil n'aTaip puravi
    cezu n'Irt taN kazi n'In'talin, Azi
    n'utimukam kuRain'ta poti mukiz n'eytal,
    pAmpu uyar talaiyin, cAmpuvana n'ivappa,
    15
    ira van'tanRAl tiN tEr; karavAtu
    ollena olikkum iLaiyaroTu val vAy
    aravac cIRUr kANa,
    pakal van'tanRAl, pAypari ciRan'tE.
    tOzi varaivu malin'tu colliyatu. kumuzijAzalAr n'appacalaiyAr

    161. pAlai
    vinaivayiR pirital yAvatu? 'vaNar curi
    vaTiyAp pittai, vankaN, ATavar
    aTi amai pakazi Ara vAgki;
    vampalarc cekutta ajcuvaru kavalai,
    5
    paTumuTai n'acaiiya vAzkkaic cej cevi
    eruvaic cEval INTukiLai payirum
    veruvaru kAnam n'In'ti, poruL purin'tu
    iRappa eNNinar' enpatu ciRappak
    kETTanaLkollO tAnE? tOL tAzpu
    10
    curumpu uNa olivarum irum pal kUn'tal,
    am mA mEni, Ay izai, kuRumakaL
    cuNagku cUz Akattu aNagku ena urutta
    n'al varal iLa mulai n'anaiya;
    pal itaz uNkaN paran'tana paniE.
    pirivuNarttiya tOzi, talaimakaLatu vERupATu kaNTu, 'munnamE uNarn'tAL. n'am perumATTi' enRu, talaimakanaic celavu vilakkiyatu. - maturaip pullagkaNNanAr

    162. kuRijci
    koLak kuRaipaTAak kOTu vaLar kuTTattu
    aLappu aritu Akiya kuvai irun' tOnRala,
    kaTal kaNTanna mAka vicumpin
    azaRkoTi anna minnu vacipu n'uTagka,
    5
    kaTituiTi urumoTu kataz uRai citaRi,
    viLivu iTan aRiyA vAn umiz n'aTu n'AL,
    arug kaTik kAvalar ikazpatam n'Okki,
    pani mayagku acaivaLi alaippa, tan'tai
    n'eTu n'akar oru ciRai n'inRanen Aka;
    10
    aRal ena avirvarum kUn'tal, malar ena
    vAL mukattu alamarum mA itaz mazaik kaN,
    mukai n'iraittanna mA vIz veN pal,
    n'akai mANTu ilagkum n'alam kezu tuvar vAy,
    kOl amai vizut toTi viLagka vIci,
    15
    kAl uRu taLirin n'aTugki, AnAtu,
    n'Oy acA vITa muyagkinaL vAymozi
    n'al icai tarUum iravalarkku uLLiya
    n'acai pizaippu aRiyAk kazaltoTi atikan
    kOL aRavu aRiyAp payam kezu palavin
    20
    vEgkai cErn'ta veRpakam poliya,
    vil kezu tAnaip pacum pUN pANTiyan
    kaLiRu aNi vel koTi kaTuppa, kANvara
    oLiRuvana izitarum uyarn'tu tOnRu aruvi,
    n'Er koL n'eTu varaik kavAan
    25
    cUraramakaLirin peRaRku ariyOLE.
    iravuk kuRikkaN talaimakaLait kaNNuRRu n'Igkiya talaimakan tan n'ejciRkuc colliyatu. - paraNar

    163. pAlai
    viN atirpu talaiiya, viravu malar kuzaiya,
    taN mazai pozin'ta tAzpeyaR kaTai n'AL,
    emiyam Aka, tuni uLam kUra,
    cenROr uLLic cil vaLai n'ekiza,
    5
    peru n'acai uLLamoTu varun'acai n'Okki
    viLiyum evvamoTu, 'aLiyaL' ennAtu
    kaLiRu uyirttanna kaN azi tuvalai
    muLari kariyum munpanip pAnAL,
    kunRu n'ekizppu anna kuLir koL vATai!
    10
    enakkE van'tanai pORi! punaR kAl
    ayir iTu kuppaiyin n'ejcu n'ekizn'tu aviza,
    koTiyOr cenRa tEettu, maTiyAtu
    inaiyai Akic celmati;
    vinai vituppuRun'ar uLLalum uNTE!
    pirivinkaN vaRpuRukkum tOzikkut talaimakaL ARRAmai mItUrac colliyatu. -kazArkkIran eyiRRiyAr

    164. mullai
    katir kaiyAka vAgki, jAyiRu
    paitu aRat teRutalin, payam karan'tu mARi,
    viTuvAyppaTTa viyan kaN mA n'ilam
    kATu kavin etirak kanai peyal pozitalin;
    5
    poRi vari ina vaNTu Arppa, pala uTan
    n'aRu vI mullaiyoTu tOnRi tOnRa.
    veRi EnRanRE vI kamaz kAnam.
    'evankol maRRu avar n'ilai?' ena mayagki,
    iku pani uRaikkum kaNNoTu inaipu, Agku
    10
    innAtu uRaivi tol n'alam peRUum
    itu n'aR kAlam; kaNTicin pakaivar
    matil mukam murukkiya toTi citai maruppin,
    kan'tu kAl ocikkum yAnai,
    vej cina vEn'tan vinai viTappeRinE!
    pAcaRaikkaN irun'ta talaimakan tan n'ejciRkuc colliyatu. - maturait tamizk kUttan n'AkantEvanAr

    165. pAlai
    kayan' talai maTap piTi payampil paTTena,
    kaLiRu viLippaTutta kampalai verIi,
    oyyena ezun'ta cev vAyk kuzavi
    tAtu eru maRukin mUtUr AgkaN,
    5
    erumai n'al An peRu mulai mAn'tum
    n'ATu pala iRan'ta n'annarATTikku
    Ayamum aNi izan'tu azugkinRu; tAyum
    'in tOL tArAy, iRIiyar en uyir!' ena,
    kaNNum n'utalum n'Ivi, taNNena,
    10
    taTavu n'ilai n'occi vari n'izal acaii,
    tAzik kuvaLai vATu malar cUTTi,
    'tarumaNaR kiTan'ta pAvai en
    arumakaLE ena muyagkinaL azumE!
    makaT pOkkiya tAyatu n'ilaimai kaNTAr colliyatu. - ......

    166. marutam
    'n'al maram kuzIiya n'anai mutir cATi
    pal n'AL aritta kOoy uTaippin,
    mayagkumazait tuvalaiyin maRuku uTan panikkum
    pazam pal n'ellin vELUrvAyil,
    5
    n'aRu virai teLitta n'ARuiNar mAlai,
    poRi vari ina vaNTu Utala kaziyum
    uyar pali peRUum uru kezu teyvam,
    punai irug katuppin n'I kaTuttOLvayin
    anaiyEn Ayin, aNagkuka, en!' ena
    10
    manaiyOT tERRum makizn'an Ayin,
    yArkol vAzi, tOzi! n'erun'al
    tAr pUN kaLiRRin talaip puNai tazIi,
    vatuvai Ir aNip polin'tu, n'ammoTu,
    putuvatu van'ta kAvirik
    15
    kOTu tOy malirn'iRai, ATiyOrE?
    parattaiyoTu punalATiya talaimakan talaimakaLiTaip pukku, 'yAn ATiRRilan' enRu cULuRRAn enpatu kETTa parattai, tan pAgkAyinAra kETpa, colliyatu. - iTaiyan n'eTugkIranAr

    167. pAlai
    vayagku maNi poruta vakaiamai vanappin
    pacug kAz alkul mAayOLoTu
    vinai vanappu eytiya punai pUj cEkkai,
    viN poru n'eTu n'akart tagki, inRE
    5
    initu uTan kazin'tanRumannE; n'ALaip
    porun'tAk kaNNEm pulampu van'tu uRutarac
    cEkkuvamkollO, n'ejcE! cAttu eRin'tu
    atar kUTTuNNum aNagkuTaip pakazik
    koTu vil ATavar paTu pakai verIi,
    10
    Ur ezun'tu ulaRiya pIr ezu mutu pAz,
    murugkai mEyn'ta perug kai yAnai
    verin' Ogku ciRu puRam urija, olki
    iTTikai n'eTuj cuvar viTTam vIzn'tena,
    maNip puRAt tuRan'ta maram cOr mATattu
    15
    ezutu aNi kaTavuL pOkalin, pullenRu
    ozukupali maRan'ta mezukAp pun tiNaip
    pAl n'Ay tuLLiya paRaikkaT ciRRil,
    kuyil kAz citaiya maNTi, ayil vAyk
    kUr mukac citalai vEyn'ta
    20
    pOr maTi n'al iRaip potiyilAnE?
    talaimakan poruL kaTaikkUTTiya n'ejciRkuc collic celavu azugkiyatu. -kaTiyalUr uruttiragkaNNanAr

    168. kuRijci
    yAmam n'ummoTu kazippi, n'Oy mika,
    pani vAr kaNNEm vaikutum; iniyE;
    AnRal vENTum vAn tOy veRpa!
    pal An kunRil paTu n'izal cErn'ta
    5
    n'al An parappin kuzumUr AgkaN
    koTaik kaTan EnRa kOTA n'ejcin
    utiyan aTTil pOla oli ezun'tu,
    aruvi Arkkum peru varaic cilampin;
    InRaNi irum piTi tazIi, kaLiRu tan
    10
    tUgkun'aTaik kuzavi tuyil puRagkAppa,
    oTugku aLai pulampap pOki, kaTug kaN
    vAL vari vayap puli kal muzai uraRa,
    kAnavar maTin'ta kagkul;
    mAn atarc ciRu n'eRi varutal, n'IyE?
    iravukkuRi van'ta talaimakanai iravukkuRi vilakki, varaivu kaTAyatu. -kOTTampalattut tujciya cEramAn

    169. pAlai
    maram talai karin'tu n'ilam payam vATa,
    alagkukatir vEyn'ta azal tikaz n'anan'talai,
    puli tolaittu uNTa perug kaLiRRu ozi Un
    kali kezu maRavar kAzk kOttu ozin'tatai,
    5
    jeli kOR ciRu tI mATTi, oli tiraik
    kaTal viLai amiztin kaNam cAl umaNar
    cunai koL tIm n'Irc cORRu ulaik kUTTum
    curam pala kaTan'ta n'am vayin paTarn'tu; n'ani
    pacalai pAyn'ta mEniyaL, n'eTitu n'inain'tu,
    10
    cel katir mazukiya pulampu koL mAlai
    mel viral cErttiya n'utalaL, malkik
    kayal umiz n'Irin kaN pani vAra,
    perun' tOL n'ekizn'ta cellaloTu
    varun'tumAl, aLiyaL, tirun'tizaitAnE!
    talaimakan iTaic curattut tan n'ejciRkuc colliyatu. - toNTiyAmUrc cAttanAr

    170. n'eytal
    kAnalum kazaRAtu; kaziyum kURAtu;
    tEn imir n'aRu malarp punnaiyum moziyAtu;
    oru n'in allatu piRitu yAtum ilanE;
    irug kazi malarn'ta kaN pOl n'eytal
    5
    kamaz itaz n'ARRam amiztu ena n'acaii,
    taN tAtu Utiya vaNTinam kaLi ciRan'tu,
    paRaii taLarum tuRaivanai, n'IyE,
    collal vENTumAl alava! palkAl
    kaitaiam paTucinai evvamoTu acAam
    10
    kaTaR ciRu kAkkai kAmar peTaiyoTu
    kOTTumIn vazagkum vETTam maTi parappin
    veL iRAk kanavum n'aLLen yAmattu,
    'n'in uRu vizumam kaLain'tOL
    tan uRu vizumam n'In'tumO!' enavE.
    talaimakaL kAmam mikka kazipaTar kiLaviyAR coRRatu. - maturaik kaLLiR kaTaiyattan veNNAkanAr

    171. pAlai
    'n'utalum n'uN pacappu ivarum; tOLum
    akal malai iRumpin Ayn'tu koNTu aRutta
    paNai ezil aziya vATum; n'ALum
    n'inaivalmAtu avar paNpu' enRu OvAtu
    5
    inaiyal vAzi, tOzi! puNarvar
    ilagku kOl Ay toTi n'ekiza, poruL purin'tu
    alan'talai jemaiyattu atar aTain'tirun'ta
    mAl varaic cIRUr maruL pal mAkkaL
    kOL val ERRai Ocai OrmAr,
    10
    tiruttik koNTa ampinar, n'On cilai
    eruttattu irIi, iTam toRum paTartalin,
    kIzppaTu tAram uNNA, mER cinaip
    pazam pOR cERRa tIm puzal uNIiya,
    karug kOTTu iruppai Urum
    15
    perug kai eNkin curan iRan'tOrE!
    talaimakan pirivinkaN vERupaTTa talaimakaLait tOzi vaRpuRIiyatu. -kallATanAr

    172. kuRijci
    vAraNam uraRum n'Ir tikaz cilampil
    piracamoTu viraiiya vayagku veL aruvi
    in icai imiz iyam kaTuppa, immenak
    kal mukai viTar akam cilampa, vIzum
    5
    kAmpu talaimaNan'ta Ogku malaic cAral;
    irumpu vaTittanna karug kaik kAnavan
    viri malar marAam porun'ti, kOl terin'tu,
    vari n'utal yAnai aru n'iRattu azutti,
    ikal aTu munpin veN kOTu koNTu, tan
    10
    pul vEy kurampai pulara UnRi,
    munRil n'ITiya muzavu uRaz palavil,
    pizi makiz uvakaiyan, kiLaiyoTu kali ciRan'tu,
    cAn'ta jekiziyin Un puzukku ayarum
    kunRa n'ATa! n'I anpilai Akutal
    15
    aRiyEn yAn; aHtu aRin'tanen Ayin
    aNi izai, uNkaN, Ay itazk kuRumakaL
    maNi Er mAN n'alam citaiya,
    pon n'Er pacalai pAvinRumannE!
    tOzi talaimakaLai iTattu uyttu van'tu, talaimakanai varaivu kaTAyatu. -maturaip pAlAciriyar n'appAlanAr

    173. pAlai
    'aRam talaippiriyAtu ozukalum, ciRan'ta
    kELir kETu pala UnRalum, n'ALum
    varun'tA uLLamoTu irun'tOrkku il' enac
    ceyvinai purin'ta n'ejcinar, 'n'aRu n'utal
    5
    mai Ir Oti! arum paTar uzattal
    cil n'AL tAgkalvENTum' enRu, n'in
    n'al mAN el vaLai tiruttinar Ayin,
    varuvar vAzi, tOzi! pala puri
    vAr kayiRRu ozukai n'On cuvaR koLIi,
    10
    pakaTu tuRai ERRattu umaN viLi verIi,
    uzaimAn am piNai inan irin'tu OTa,
    kATu kavin aziya uraii, kOTai
    n'inRu tina viLin'ta, am paNai, n'eTu vEyk
    kaN viTat teRikkum maNNA muttam
    15
    kazagku uRaz tOnRala, pazag kuzit tAam
    in kaLi n'aRavin iyal tEr n'annan
    viN poru n'eTu varaik kavAan
    pon paTu marugkin malai iRan'tOrE.
    talaimakan pirivinkaN vERupaTTa talaimakaLait tOzi vaRpuRuttiyatu. -muLLiyUrp pUtiyAr

    174. mullai
    'iru peru vEn'tar mARu koL viyan kaLattu,
    oru paTai koNTu, varupaTai peyarkkum
    celvam uTaiyOrkku n'inRanRu viRal' ena,
    pUk kOL Eya taNNumai vilakkic
    5
    celvEm Atal aRiyAL, mullai
    n'Er kAl mutu koTi kuzaippa, n'Ir corin'tu,
    kAlai vAnattuk kaTug kuraR koNmU
    muzagkutoRum kaiyaRRu, oTugki, n'ap pulan'tu,
    pazagkaN koNTa pacalai mEniyaL,
    10
    yAgku AkuvaLkol tAnE vEgkai
    UzuRu n'aRu vI kaTuppak kEz koLa,
    Akattu arumpiya mAcu aRu cuNagkinaL,
    n'al maNal viyaliTai n'aTan'ta
    cil mel otukkin, mAayOLE?
    pAcaRaikkaN talaimakan tan n'ejciRkuc colliyatu. - maturai aLakkarjAzAr makanAr maLLanAr

    175. pAlai
    vIgku viLimpu urIiya vicai amai n'On cilai
    vAgku toTai pizaiyA vankaN ATavar
    viTutoRum viLikkum vev vAy vALi
    ARu cel vampalar uyir celap peyarppin,
    5
    pARu kiLai payirn'tu paTumuTai kavarum
    vej curam iRan'ta kAtalar n'ejcu uNa
    ariya vajcinam colliyum, pal mAN
    teri vaLai munkai paRRiyum, 'vinaimuTittu
    varutum' enRanar anRE tOzi!
    10
    kAl iyal n'eTun' tErk kai vaN ceziyan
    AlagkAnattu amar kaTan'tu uyartta
    vElinum pal Uz minni, muracu ena
    mA iru vicumpil kaTi iTi payiRRi,
    n'Er katir n'iraitta n'Emiam celvan
    15
    pOr aTagku akalam porun'tiya tArpOl,
    tiruvil tEettuk kulaii, uru kezu
    maN payam pUppap pAay,
    taN peyal ezili tAzn'ta pOztE?
    pirivinkaN vaRpuRukkum tOzikkut talaimakaL colliyatu; tOzikkut talaimakaL colliyatUum Am; pirivinkaN vERupaTTa talaimakaL tOzikkuc coRRatUum Am.- AlampEri cAttanAr.

    176. marutam
    kaTal kaNTanna kaN akan parappin
    n'ilam paka vIzn'ta vEr mutir kizagkin
    kazai kaNTanna tUmpuTait tiraL kAl,
    kaLiRRuc cevi anna pAcaTai marugkil,
    5
    kazu n'ivan'tanna kozu mukai iTai iTai
    muRuval mukattin pal malar tayagka,
    pUtta tAmaraip puL imiz pazanattu,
    vEppu n'anai anna n'eTug kaN n'IrjeNTu
    irai tEr veN kuruku ajci, ayalatu
    10
    olitta pakanRai iruj cERRu aLLal,
    titalaiyin varippa OTi, virain'tu tan
    n'Ir mali maN aLaic ceRiyum Ura!
    manai n'aku vayalai maran ivar kozug koTi
    ari malar AmpaloTu Artazai taii,
    15
    vizavu ATu makaLiroTu tazUu aNip polin'tu,
    malar Er uNkaN mAN izai munkaik
    kuRun' toTi tuTakkiya n'eTun' toTar viTuttatu
    uTanRanaL pOlum, n'in kAtali? em pOl
    pul uLaik kuTumip putalvaR payan'tu,
    20
    n'elluTai n'eTu n'akar n'in inRu uRaiya,
    enna kaTattaLO, maRRE? tan mukattu
    ezutu ezil citaiya azutanaL Egki,
    aTittena urutta tittip pal Uz
    n'oTittenac civan'ta mel viral tirukupu,
    25
    kUrn'unai mazukiya eyiRRaL
    Ur muzutum n'uvalum n'iR kANiya cenmE.
    tOzi talaimakanai vAyil maRuttatu. marutam- pATiya iLagkaTugkO

    177. pAlai
    'tol n'alam citaiyac cAay, alkalum,
    innum vArAr; ini evan ceyku?' enap
    perum pulampuRutal Ompumati ciRu kaN
    irum piTit taTak kai mAna, n'ey arun'tu
    5
    orugku piNittu iyanRa n'eRi koL aimpAl
    tEm kamaz veRi malar peymmAr, kANpin
    kazai amal cilampin vazai talai vATak
    katir katam kaRRa E kal n'eRiyiTai,
    paig koTip pAkaR ceg kani n'acaii,
    10
    kAna majjaik kamajcUl mAp peTai
    ayir yARRu aTaikarai vayirin n'aralum
    kATu iRan'tu akanROr n'ITinar Ayinum,
    vallE varuvarpOlum veN vEl
    ilai n'iRam peyara Occi, mARROr
    15
    malai maruL yAnai maNTuamar ozitta
    kazaR kAl paNNan kAviri vaTavayin
    n'izaR kayam tazIiya n'eTug kAl mAvin
    taLir Er Akam takai peRa mukain'ta
    aNagkuTai vana mulait tAaya n'in
    20
    cuNagkiTai varitta toyyilai n'inain'tE.
    piriviTai vERupaTTa talaimakaLait tOzi vaRpuRuttiyatu. - ceyalUr iLam poncAttan koRRanAr

    178. kuRijci
    vayirattanna vai En'tu maruppin,
    vetir vEr anna parUu mayirp panRi
    paRaik kaN anna n'iRaic cunai paruki,
    n'Ilattanna akal ilaic cEmpin
    5
    piNTam anna kozug kizagku mAn'ti,
    piTi maTin'tanna kal micai Uz izipu,
    yARu cErn'tanna URu n'Irp paTAarp
    paim putal n'aLi cinaik kuruku irun'tanna,
    vaN piNi avizn'ta veN kUtALattu
    10
    alagku kulai alari tINTi, tAtu uka,
    pon urai kaTTaLai kaTuppak kANvara,
    kiLai amal ciRu tinai viLai kural mEyn'tu,
    kaN initu paTukkum n'al malai n'ATanoTu
    uNarn'tanai puNarn'ta n'Iyum, n'in tOT
    15
    paNaik kavin aziyAtu tuNaip puNarn'tu, enRum,
    taval il ulakattu uRaiiyarO tOzi
    'ellaiyum iravum ennAtu, kallenak
    koNTal vAn mazai pozin'ta vaikaRait
    taN pani aRciram tamiyOrkku aritu' ena,
    20
    kanavinum pirivu aRiyalanE; atantalai
    mun tAn kaNTa jAnRinu m
    pin peritu aLikkum, tan paNpinAnE.
    tOzi varaivu malin'tu colliyatu. - paraNar

    179. pAlai
    viN tOy cimaiya viRal varaik kavAan,
    veNtEr OTum kaTam kAy marugkil,
    tunai eri paran'ta tun arum viyan kATTu,
    ciRu kaN yAnai n'eTug kai n'ITTi
    5
    vAn vAy tiRan'tum vaN punal peRAatu,
    kAn pulan'tu kaziyum kaN akan parappin
    viTu vAyc ceg kaNaik koTu vil ATavar
    n'al n'ilai poRitta kal n'ilai atara,
    arampu koL pUcal kaLaiyun'ark kANAc
    10
    curam cela virumpinir Ayin in n'akai,
    murun'tu enat tiraNTa muL eyiRRut tuvar vAy,
    kuvaLai n'AL malar puraiyum uNkaN, im
    mati Er vAL n'utal pulampa,
    pati peyarn'tu uRaital ollumO, n'umakkE?
    pirivu uNarttiya talaimakaRkut tOzi celavu azugkac colliyatu. -kOTi magkalattu vAtuLi n'aRcEn'tanAr

    180. n'eytal
    n'akai n'ani uTaittAl tOzi! takai mika,
    kOtai AyamoTu kuvavu maNal ERi,
    vI tatai kAnal vaNTal ayara,
    kataz parit tiN tEr kaTaii van'tu,
    5
    taN kayattu amanRa oN pUg kuvaLai
    arumpu alaittu iyaRRiya curumpu Ar kaNNi
    pinnup puRam tAzak konnE cUTTi,
    n'al varal iLa mulai n'Okki, n'eTitu n'inain'tu,
    n'illAtu peyarn'tanan, oruvan; ataRkE
    10
    pulavu n'ARu irug kazi tuzaii, pala uTan
    puL iRai koNTa muLLuTai n'eTun' tOTTut
    tAzai maNan'tu jAzaloTu kezIi,
    paTappai n'inRa muTat tAT punnaip
    pon n'Er n'uN tAtu n'Okki,
    15
    ennum n'Okkum, iv azugkal UrE.
    iran'tu pinninRa talaimakaRkuk kuRain'Ern'ta tOzi talaimakaLaikkuRain'ayappak kURiyatu; talaimakan ciRaippuRattAnAka, tOzikkuc colliyatUum Am. - karuvUrk kaNNampALanAr

    181. pAlai
    tun arug kAnamum tuNital ARRAy,
    pin n'inRu peyarac cUzn'tanaiAyin,
    en n'ilai uraimO n'ejcE! onnAr
    Ompu araN kaTan'ta vIgku perun' tAnai
    5
    aTu pOr mijili ceru vEl kaTaii,
    muruku uRaz munpoTu porutu kaLam civappa,
    Aay eyinan vIzn'tena, jAyiRRu
    oN katir uruppam putaiya OrAgku
    vampap puLLin kampalaip perun' tOTu
    10
    vicumpiTai tUra ATi, mocin'tu uTan,
    pU viri akan tuRaik kaNai vicaik kaTu n'Irk
    kAvirip pEr yARRu ayir koNTu INTi,
    ekkar iTTa kuppai veN maNal
    vaippin yANar vaLam kezu vEn'tar
    15
    jAlam n'ARum n'alam kezu n'al icai,
    n'An maRai mutu n'Ul mukkaT celvan,
    AlamuRRam kavin peRat taiiya
    poykai cUzn'ta pozil manai makaLir
    kaicey pAvait tuRaikkaN iRukkum
    20
    makara n'eRRi vAn tOy puricaic
    cikaram tOnRAc cEN uyar n'al il
    pukAar n'al n'ATTatuvE pakAar
    paNTam n'ARum vaNTu aTar aimpAl,
    paNait takait taTaiiya kANpu in men tOL,
    25
    aNagkucAl, arivai irun'ta
    maNam kamaz maRukin maNaR perug kunRE.
    iTaic curattu oziyak karutiya n'ejciRkuc colliyatu. - paraNar

    182. kuRijci
    pUg kaN vEgkaip pon iNar milain'tu,
    vAgku amai n'On cilai eruttattu irIi,
    tIm pazap palavin cuLai viLai tERal
    vILai ampin iLaiyaroTu mAn'ti,
    5
    OTTu iyal pizaiyA vaya n'Ay piRpaTa,
    vETTam pOkiya kuRavan kATTa
    kuLavit taN putal kurutiyoTu tuyal vara,
    muLavumAt tolaiccum kunRa n'ATa!
    aravu eRi urumOTu onRik kAl vIzttu
    10
    uravu mazai pozin'ta pAnAT kagkul,
    taniyai van'ta ARu n'inain'tu, alkalum,
    paniyoTu kaluzum ivaL kaNNE; atanAl,
    kaTum pakal varutal vENTum teyya
    atir kural mutu kalai kaRi muRi munaii,
    15
    uyarcimai n'eTug kOTTu ukaLa, ukka
    kamaz itaz alari tAay vElan
    veRi ayar viyan kaLam kaTukkum
    peru varai n'aNNiya cAralAnE.
    tOzi irA varuvAnaip 'pakal vA' enRatu. - kapilar

    183. pAlai
    'kuvaLai uNkaN kaluzavum, tirun'tizait
    titalai alkul av vari vATavum,
    attam Ar azuvam n'at tuRan'tu aruLAr
    cenRu cEN iTaiyar Ayinum, n'anRum
    5
    n'ITalar' enRi tOzi! pATu AnRu
    panit tuRaip perug kaTal iRan'tu, n'Ir paruki,
    kuvavut tirai arun'tu koLLaiya kuTakku Erpu,
    vayavup piTi inattin vayinvayin tOnRi,
    irug kiLaik koNmU orugkuTan tuvanRi,
    10
    kAlai van'tanRAl kArE mAlaik
    kuLir koL piTavin kUr mukai alari
    vaNTu vAy tiRakkum taNTA n'ARRam
    kUtir aRcirattu Utai tURRa,
    pani alaik kalagkiya n'ejcamoTu
    15
    varun'tuvam allamO, pirin'ticinOr tiRattE?
    talaimakan kuRitta paruva varavu kaNTu, talaimakaL tOzikkuc colliyatu. -karuvUrk kaligkattAr

    184. mullai
    kaTavuT kaRpoTu kuTikku viLakku Akiya
    putalvaR payan'ta pukaz miku ciRappin
    n'annarATTikku anRiyum, enakkum
    initu AkinRAl; ciRakka, n'in AyuL!
    5
    arun' tozil muTitta cemmal uLLamoTu
    curumpu imir malara kAnam piRpaTa,
    veN piTavu avizn'ta vI kamaz puRavil
    kuNTaik kOTTa kuRu muL kaLLip
    pun talai putaitta kozug koTi mullai
    10
    Ar kazal putup pU uyirppin n'Ikki,
    teL aRal parukiya tirimaruppu eziR kalai
    puLLi am piNaiyoTu vatiyum AgkaN,
    kOTuTaik kaiyar, tuLar eRi vinaijar,
    ariyal Arkaiyar, viLaimakiz tUgka,
    15
    celkatir mazukiya uruva jAyiRRuc
    cekkar vAnam cenRa pozutil,
    kaR pAl aruviyin olikkum n'al tErt
    tAr maNi pala uTan iyampa
    cIr miku kurucil! n'I van'tu n'inRatuvE.
    talaimakan vinaivayiR pirin'tu van'tu eytiya iTattu, tOzi pullu makizvu uraittatu. - maturai marutan iLan'AkanAr

    185. pAlai
    el vaLai jekizac cAay, Ayizai
    n'al eziR paNait tOL irug kavin aziya,
    perug kaiyaRRa n'ejcamoTu n'at tuRan'tu,
    irumpin in uyir uTaiyOr pOla,
    5
    valittu vallinar, kAtalar; vATal
    oli kazai n'ivan'ta n'elluTai n'eTu vetir
    kali koL maLLar vil vicaiyin uTaiya,
    paitu aRa vempiya kal poru parappin
    vEnil attattu AgkaN, vAn ulan'tu
    10
    aruvi AnRa uyarcimai marugkil,
    peru vizA viLakkam pOla, pala uTan
    ilai ila malarn'ta ilavamoTu
    n'ilai uyar piRagkal malai iRan'tOrE.
    piriviTai vERupaTTa talaimakaL tOzikkuc colliyatu. - pAlaipATiya perugkaTugkO

    186. marutam
    vAnam vENTA vaRan il vAzkkai
    n'On jAN vinaijar kOL aRin'tu Irkkum
    mIn mutir ilajcik kalitta tAmarai
    n'Irmicai n'ivan'ta n'eTun' tAL akal ilai
    5
    irug kayam tuLagka, kAl uRutoRum
    perug kaLiRRuc ceviyin alaikkum UranoTu
    ezun'ta kauvaiyO peritE; n'aTpE,
    kozug kOl vEzattup puNai tuNaiyAkap
    punal ATu kENmai anaittE; avanE,
    10
    oN toTi makaLir paNTai yAz pATa,
    Irn' taN muzavin eRikuNil vitirppa,
    taN n'aRuj cAn'tam kamazum tOL maNan'tu,
    innum piRaL vayinAnE; manaiyOL
    emmoTu pulakkum enpa; ven vEl,
    15
    mAri ampin, mazaittOR pazaiyan
    kAviri vaippin pOor anna, en
    ceRivaLai uTaittalO ilenE; uritinin
    yAm tan pakaiyEm allEm; cErn'tOr
    tiru n'utal pacappa n'Igkum
    20
    kozun'anum cAlum, tan uTan uRai pakaiyE.
    talaimakaTkup pAgkAyinAr kETpa, illiTaip parattai colli n'erugkiyatu. -paraNar

    187. pAlai
    tOL pulampu akalat tujci, n'ammoTu
    n'AL pala n'ITiya karan'tu uRai puNarcci
    n'AN uTaimaiyin n'Igki, cEy n'ATTu
    arum poruL valitta n'ejcamoTu Eki,
    5
    n'am uyarvu uLLinar kAtalar kaRuttOr
    tem munai citaitta, kaTum parip puravi,
    vAr kazaR polin'ta vankaN mazavar
    pUn' toTai vizavin talai n'AL anna,
    taru maNal jemiriya tiru n'akar muRRam
    10
    pulampuRumkollO tOzi! cEN Ogku
    alan'talai jemaiyattu AL il AgkaN,
    kal cErpu irun'ta cil kuTip pAkkattu,
    el virun'tu ayara, Emattu alki,
    manai uRai kOzi aNal tAzpu anna
    15
    kavai oN taLira karugkAl yAattu
    vEnil veRpin kAnam kAya,
    munai ezun'tu OTiya keTu n'ATTu Ar iTai,
    panai veLiRu arun'tu paig kaN yAnai
    oN cuTar mutirA iLag katir amaiyattu,
    20
    kaNpaTu pAyal kai oTugku acai n'ilai
    vAL vAyc cuRavin panit tuRai n'In'ti,
    n'AL vETTu ezun'ta n'ayan il paratavar
    vaiku kaTal ampiyin tOnRum
    mai paTu mA malai vilagkiya curanE?
    pirivu uNarttiya tOzikkut talaimakaL colliyatu; talaimakan pirivinkaN talaimakaTkut tOzi colliyatUum Am. - mAmUlanAr

    188. kuRijci
    perug kaTal mukan'ta irug kiLaik koNmU!
    iruNTu uyar vicumpin valan Erpu vaLaii,
    pOrppu uRu muracin iragki, muRai purin'tu
    aRan n'eRi pizaiyAt tiRan aRi mannar
    5
    aruj camattu etirn'ta peruj cey ATavar
    kazittu eRi vALin, n'aLippana viLagkum
    minnuTaik karuviyai Aki, n'ALum
    konnE ceytiyO, aravam? pon ena
    malarn'ta vEgkai mali toTar aTaicci,
    10
    polin'ta AyamoTu kANtaka iyali,
    tazalai vAgkiyum, taTTai Oppiyum,
    azal Er ceyalai am tazai acaiiyum,
    kuRamakaL kAkkum Enal
    puRamum tarutiyO? vAziya, mazaiyE!
    iravil ciRaippuRamAkat tOzi colliyatu. - vIrai veLiyan tittanAr

    189. pAlai
    pacum pazap palavin kAnam vempi,
    vicumpu kaN aziya, vEnil n'ITi,
    kayam kaN aRRa kal Ogku vaippin
    n'ARu uyir maTap piTi tazaii, vERu n'ATTu
    5
    vizavup paTar maLLarin muzavu eTuttu uyari,
    kaLiRu atarppaTutta kal uyar kavAan
    vev varai attam cuTTi, paiyena,
    vayalai am piNaiyal vArn'ta kavarvuRa,
    titalai alkul kuRumakaL avanoTu
    10
    cenRu piRaL Akiya aLavai, enRum
    paTar mali evvamoTu mAtiram tuzaii,
    manai maruNTu irun'ta enninum, n'anai makiz
    n'annarALar kUTu koL in iyam
    tEr Ur teruvil tatumpum
    15
    Ur izan'tanRu, tan vIzvu uRu poruLE.
    makaT pOkkiya cevili colliyatu. - kayamanAr

    190. n'eytal
    tirai uzan'tu acaiiya n'iraivaLai AyamoTu
    uppin kuppai ERi, el paTa,
    varu timil eNNum tuRaivanoTu, UrE
    oru tan koTumaiyin alar pATummE;
    5
    alamaral mazaik kaN amarn'tu n'OkkAL;
    alaiyal vAzi! vENTu, annai! uyarcimaip
    potumpil, punnaic cinai cErpu irun'ta
    vampa n'Arai iriya, oru n'AL,
    pogku varal UtaiyoTu puNari alaippavum,
    10
    uzaikkaTal vazagkalum uriyan; atantalai
    irug kazip pukAar porun'tat tAkki
    vayac cuRA eRin'tena, valavan azippa,
    ezil payam kunRiya ciRai azi tozila
    n'iraimaNip puravi virain'aTai tavira,
    15
    izumen kAnal vizu maNal acaii,
    Ayn'ta pariyan van'tu, ivaN
    mAnRa mAlaic cErn'tanRO ilanE!
    tOzi cevilittAykku aRattoTu n'inRatu. - ulOccanAr

    191. pAlai
    attap pAtirit tuyt talaip putu vI
    eri itaz alariyoTu iTai paTa viraii,
    vaN tOTTut toTutta vaNTu paTu kaNNi,
    tOl putai ciraRRu aTi, kOluTai umaNar
    5
    Ur kaNTanna Aram vAgki,
    aruj curam ivarn'ta acaivu il n'On tAL
    tirun'tu pakaTTu iyampum koTu maNi, purin'tu avar
    maTi viTu vILaiyoTu, kaTitu etir OTi,
    Omai am perug kATTu varUum vampalarkku
    10
    Emam ceppum enRUz n'IL iTai,
    arum poruL n'acaii, pirin'tu uRai valli,
    cenRu, vinai eNNutiAyin, n'anRum,
    uraitticin vAzi en n'ejcE! 'n'irai mukai
    mullai arun'tum melliya Aki,
    15
    aRal ena virin'ta uRal in cAyal
    oli irug kUn'tal tERum' ena,
    valiya kURavum vallaiyO, maRRE?
    talaimakan tan n'ejciRkuc celavu azugkiyatu. - orOTOkattuk kan'tarattanAr

    192. kuRijci
    mati iruppanna mAcu aRu cuTar n'utal
    pon n'Er vaNNam koNTanRu; annO!
    yAgku AkuvaLkol tAnE? vicumpin
    eyyA vari vil anna pain' tAr,
    5
    cev vAy, ciRu kiLi citaiya vAgki,
    poRai melin'tiTTa pun puRap perug kural
    vaLai ciRai vAraNam kiLaiyoTu kavara,
    Enalum iRagkupoRai uyirttana; pAnAL
    n'I van'tu aLikkuvaieninE mAl varai
    10
    mai paTu viTarakam tuzaii, oyyena
    aruvi tan'ta, aravu umiz, tiru maNi
    peru varaic ciRukuTi maRuku viLakkuRuttalin,
    iravum izan'tanaL; aLiyaL uravup peyal
    urum iRai koNTa uyarcimaip
    15
    peru malain'ATa! n'in malarn'ta mArpE.
    tOzi talaimakanaic ceRippu aRivuRIi iravuk kuRi maRuttatu. -potumpilkizAn veNkaNNanAr

    193. pAlai
    kAn uyar marugkil kavalai allatu,
    vAnam vENTA vil Er uzavar
    peru n'AL vETTam, kiLai eza vAytta,
    poru kaLattu ozin'ta kurutic cev vAy,
    5
    poRitta pOlum vAl n'iRa eruttin,
    aNin'ta pOlum cej cevi, eruvai;
    kuRum poRai ezun'ta n'eTun' tAL yAattu
    arug kavaTTu uyarcinaip piLLai UTTa,
    virain'tu vAy vazukkiya kozug kaN Un taTi
    10
    kol paci mutu n'ari valci Akum
    curan n'amakku eLiyamannE; n'al manaip
    pal mAN tagkiya cAyal, in mozi,
    murun'tu Er muRuval, iLaiyOL
    perun' tOL in tuyil kaiviTukalanE.
    poruL valitta n'ejciRkuc colli, talaimakan celavu azugkiyatu. - maturai marutan iLan'AkanAr

    194. mullai
    pEr uRai talaiiya perum pular vaikaRai,
    Er iTam paTutta iru maRup pUzip
    puRam mARu peRRa pUval Irattu,
    Un kizittanna cej cuval n'eTuj cAl,
    5
    vittiya marugkin vitai pala n'ARi,
    iralai n'al mAninam paran'tavaipOl,
    kOTuTait talaikkuTai cUTiya vinaijar,
    kaRagku paRaic cIrin iragka vAgki,
    kaLai kAl kazIiya perum puna varakin
    10
    kavaik katir irum puRam katUu uNTa,
    kuTumi n'eRRi, n'eTu mAt tOkai
    kAmar kalavam parappi, EmuRak
    kollai uzavar kUz n'izal ozitta
    val ilaik kurun'tin vAgkucinai irun'tu,
    15
    kiLi kaTi makaLirin viLi paTap payirum
    kArman ituvAl tOzi! 'pOr mikak
    koTujci n'eTun' tEr pUNTa, kaTum pari,
    viriuLai, n'al mAn kaTaii
    varutum' enRu avar teLitta pOztE.
    paruvam kaNTu ARRAmai mItUra, talaimakaL colliyatu. -iTaikkATanAr

    195. pAlai
    'aruj curam iRan'ta en perun' tOT kuRumakaL
    tirun'tuvEl viTalaiyoTu varum' ena, tAyE,
    punai mAN ijci pUval UTTi,
    manai maNal aTuttu, mAlai n'ARRi,
    5
    uvan'tu, initu ayarum enpa; yAnum,
    mAn piNai n'Okkin maTa n'allALai
    InRa n'aTpiRku aruLAn Ayinum,
    in n'akai muRuval Ezaiyaip pal n'AL,
    kUn'tal vAri, n'ucuppu ivarn'tu, Ompiya
    10
    n'alam punai utaviyum uTaiyanmannE;
    aHtu aRikiRpinO n'anRuman tilla;
    aRuvai tOyum oru perug kuTumi,
    ciRu pai n'ARRiya pal talaik koTug kOl,
    Akuvatu aRiyum mutuvAy, vEla!
    15
    kURukamAtO, n'in kazagkin tiTpam;
    mARA varupani kaluzum kagkulil,
    AnAtu tuyarum em kaN initu paTIiyar,
    em manai mun'tuRat tarumO?
    tan manai uykkumO? yAtu avan kuRippE?
    makaT pOkkiya n'aRRAy colliyatu. - kayamanAr

    196. marutam
    n'eTug koTi n'uTagkum n'aRavu mali pAkkattu,
    n'AL tuRaippaTTa mOTTu iru varAal
    tuTikkaN kozug kuRai n'oTuttu, uNTu ATi,
    vETTam maRan'tu, tujcum kozun'arkkup pATTi
    5
    Ampal akal ilai, amalai vej cORu
    tIm puLip pirampin tiraLkani peytu,
    viTiyal vaikaRai iTUum Ura!
    toTukalam; kuRuka vAral tan'tai
    kaN kavin azittatan tappal, teRuvara,
    10
    onRumozik kOcark konRu, muraN pOkiya,
    kaTun' tErt titiyan azun'tai, koTug kuzai
    annimijiliyin iyalum
    n'in n'alat takuviyai muyagkiya mArpE.
    parattaiyiR pirin'tu van'ta talaimakaRkuc kizatti colliyatu. - paraNar

    197. pAlai
    mA malar vaNNam izan'ta kaNNum,
    pU n'ekiz aNaiyin cAaya tOLum,
    n'annar mAkkaL vizaivanar Ayn'ta
    tol n'alam izan'ta tuyaramoTu, ennatUum
    5
    inaiyal vAzi, tOzi! munai eza
    munnuvar OTTiya muraN miku tiruvin,
    maRam miku tAnai, kaNNan ezini
    tEm mutu kunRam iRan'tanar Ayinum,
    n'ITalar yAza, n'in n'irai vaLai n'ekiza
    10
    tOL tAzpu iruLiya kuvai irug kUn'tal
    maTavOL tazIiya viRalOn mArpil
    pun talaip putalvan Urpu izin'tAgku,
    kaTujcUl maTap piTi tazIiya veN kOTTu
    inamcAl vEzam, kanRu Urpu izitara,
    15
    paLLi koLLum panic curam n'In'ti,
    oL iNark konRai Ogku malai attam
    vinai valiyuRUum n'ejcamoTu
    inaiyar Aki, n'ap pirin'ticinOrE.
    piriviTai vERupaTTa talaimakaLait tOzi vaRpuRIiyatu. -mAmUlanAr

    198. kuRijci
    'kURuvamkollO? kURalamkol?' enak
    karan'ta kAmam kain'n'iRukkallAtu,
    n'ayan'tu n'Am viTTa n'al mozi n'ampi,
    arai n'AL yAmattu vizu mazai karan'tu;
    5
    kAr virai kamazum kUn'tal, tU vinai
    n'uN n'Ul Akam porun'tinaL, veRpin
    iLa mazai cUzn'ta maTa mayil pOla,
    vaNTu vazip paTara, taN malar vEyn'tu,
    vil vakuppuRRa n'al vAgku kuTaic cUl
    10
    am cilampu oTukki ajcinaL van'tu,
    tujcu Ur yAmattu muyagkinaL, peyarvOL,
    AnRa kaRpin cAnRa periyaL,
    am mA arivaiyO allaL; tenAatu
    Aay n'al n'ATTu aNagkuTaic cilampil,
    15
    kaviram peyariya uru kezu kavAan,
    Er malar n'iRai cunai uRaiyum
    cUrmakaLmAtO ennum en n'ejcE!
    puNarn'tu n'Igkiya talaimakaLatu pOkku n'Okkiya talaimakan tan n'ejciRkuc colliyatu. - paraNar

    199. pAlai
    karai pAy veN tirai kaTuppa, pala uTan,
    n'irai kAl oRRalin, kal cErpu utirum
    varai cEr marAattu Uz malar peyal cettu,
    uyagkal yAnai n'Ir n'acaikku alamara,
    5
    cilampi valan'ta vaRuj cinai vaRRal
    alagkal ulavai ari n'izal acaii,
    tiragkumaral kavviya kaiyaRu tokun'ilai,
    aram tin Ucit tiraL n'uti anna,
    tiN n'ilai eyiRRa cen'n'Ay eTuttalin,
    10
    vaLi munaip pULaiyin oyyenRu alaRiya
    keTumAn ina n'irai tarIiya, kalaiyE
    katir mAy mAlai AN kural viLikkum
    kaTal pOl kAnam piRpaTa, 'piRar pOl
    celvEm Ayin, em celavu n'anRu' ennum
    15
    Acai uLLam acaivinRu turappa,
    n'I celaRku uriyai n'ejcE! vEy pOl
    taTaiyina mannum, taNNiya, tiraNTa,
    perun' tOL arivai oziya, kuTAatu,
    irum pon vAkaip perun'tuRaic ceruvil,
    20
    polam pUN n'annan porutu kaLattu oziya,
    valam paTu koRRam tan'ta vAy vAL,
    kaLagkAyk kaNNi n'Ar muTic cEral
    izan'ta n'ATu tan'tanna
    vaLam peritu peRinum, vAralen yAnE.
    poruL kaTaikkUTTiya n'ejciRkut talaimakan colliyatu. - kallATanAr

    200. n'eytal
    n'ilAvin ilagku maNal mali maRukil,
    pulAl am cEri, pul vEy kurampai,
    Ur ena uNarAc ciRumaiyoTu, n'Ir uTuttu,
    innA uRaiyuTTuAyinum, inpam
    5
    oru n'AL uRain'ticinOrkkum, vazi n'AL,
    tam pati maRakkum paNpin em pati
    van'tanai cenmO vaLai mEy parappa!
    pommaR paTu tirai kammena uTaitarum
    maran Ogku oru ciRai pala pArATTi,
    10
    ellai emmoTu kazippi, el uRa,
    n'al tEr pUTTalum uriyIr; aRRanRu,
    cEn'tanir celkuvir Ayin, yAmum
    em varai aLavaiyin peTkuvam;
    n'um oppatuvO? uraitticin emakkE.
    talaimakaL kuRippu aRin'ta tOzi talaimakaRkuk kuRai n'ayappak kURiyatu. -ulOccanAr

    201. pAlai
    amma, vAzi tOzi! 'ponnin
    avir ezil n'uTagkum aNi kiLar OTai
    vinai n'avil yAnai viRaR pOrp pANTiyan
    pukaz mali ciRappin koRkai muntuRai,
    5
    avirkatir muttamoTu valampuri corin'tu,
    tazai aNip polin'ta kOTu En'tu alkul
    pazaiyar makaLir panit tuRaip parava,
    pakalOn maRain'ta an'ti Ar iTai,
    uru kezu perug kaTal uvavuk kiLarn'tAgku,
    10
    alarum manRu paTTanRE; annaiyum
    porun'tAk kaNNaL, veyya uyirkkum' enRu
    evan kaiyaRRanai, ikuLai? cOzar
    veNNel vaippin n'al n'ATu peRinum,
    ANTu amain'tu uRain'ar allar munAatu
    15
    vAn puku talaiya kunRattuk kavAan,
    perug kai eNkin pEzvAy ERRai
    iruL tuNin'tanna kuvavu mayirk kuruLait
    tOl mulaip piNavoTu tiLaikkum
    vEnil n'ITiya curan iRan'tOrE.
    piriviTai vERupaTTa talaimakaTkut tOzi colliyatu. - mAmUlanAr

    202. kuRijci
    vayagku veL aruviya kunRattuk kavAan,
    kayan' talai maTap piTi inan EmArppa,
    pulip pakai venRa puN kUr yAnai
    kallakac cilampil kai eTuttu uyirppin,
    5
    n'al iNar vEgkai n'aRu vI kollan
    kuruku Utu miti ulaip pitirvin pogki,
    ciRu pal minmini pOla, pala uTan
    maNi n'iRa irum putal tAvum n'ATa!
    yAmE anRiyum uLarkol pAnAL,
    10
    utti aravin pait talai tumiya,
    ura urum uraRum uTku varu n'anan'talai,
    tavirvu il uLLamoTu eHku tuNaiyAka,
    kanai iruL paran'ta kal atarc ciRu n'eRi
    tErAtu varUum n'invayin
    15
    Ar ajar aru paTar n'In'tuvOrE?
    iravuk kuRikkaN van'tu n'Igkum talaimakaRkut tOzi colli varaivu kaTAyatu. - AvUrkizAr makanAr kaNNanAr

    203. pAlai
    'uvakkun'aL Ayinum, uTalun'aL Ayinum,
    yAy aRin'tu uNarka' ennAr, tI vAy
    alar vinai mEval ampaR peNTir,
    'innaL inaiyaL, n'in makaL' ena, pal n'AL
    5
    enakku van'tu uraippavum, tanakku uraippu aRiyEn,
    'n'ANuvaL ivaL' ena, n'ani karan'tu uRaiyum
    yAn iv vaRu manai oziya, tAnE,
    'annai aRiyin, ivaN uRai vAzkkai
    enakku eLitu Akal il' ena, kazaR kAl
    10
    min oLir n'eTu vEl iLaiyOn munnuRa,
    pal malai aruj curam pOkiya tanakku, yAn
    annEn anmai n'an vAyAka,
    mAn atar mayagkiya malaimutal ciRu n'eRi
    veytu iTaiyuRAatu eyti, munnarp
    15
    pullen mA malaip pulampu koL cIRUr,
    cel virun'tu ARRi, tuccil irutta,
    n'unai kuzaittu alamarum n'occi
    manai kezu peNTu yAn AkukamannE!
    makaT pOkkiya tAy colliyatu. - kapilar

    204. mullai
    ulaku uTan n'izaRRiya tolaiyA veNkuTai,
    kaTal pOl tAnai, kalimA, vazuti
    venRu amar uzan'ta viyan perum pAcaRaic
    cenRu, vinai muTittanam Ayin, inRE
    5
    kArp peyaRku etiriya kANtaku puRavil,
    kaNam koL vaNTin am ciRait tozuti
    maNam kamaz mullai mAlai Arppa,
    utukkAN van'tanRu pozutE; val virain'tu,
    celka, pAka! n'in n'al vinai n'eTun' tEr
    10
    veNNel arin'ar maTi vAyt taNNumai
    pal malarp poykaip paTu puL Oppum
    kAy n'el paTappai vANan ciRukuTit
    taNTalai kamazum kUn'tal,
    oN toTi maTan'tai tOL iNai peRavE.
    vinai muRRiya talaimakan tErppAkaRkuc colliyatu. - maturaik kAmakkaNi n'appAlattanAr

    205. pAlai
    'uyir kalan'tu onRiya tonRu paTu n'aTpin
    ceyir tIr n'ejcamoTu ceRin'tOr pOla,
    taiyal! n'in vayin piriyalam yAm' enap
    poy val uLLamoTu purivu uNak kURi,
    5
    tuNivu il koLkaiyar Aki, iniyE
    n'Oy mali varuttamoTu n'utal pacappupUra,
    n'Am aza, tuRan'tanar Ayinum, tAmE
    vAymozi n'ilaiiya cEN viLagku n'al icai
    vaLam kezu kOcar viLagku paTai n'URi,
    10
    n'ilam koLa veHkiya polam pUN kiLLi,
    pU viri n'eTug kazi n'AppaN, perum peyark
    kAvirip paTappaip paTTinattanna
    cezu n'akar n'al virun'tu ayarmAr, EmuRa
    vizu n'iti eLitinin eytukatilla
    15
    mazai kAl aRcirattu mAl iruL n'Igki,
    n'ITuamai n'ivan'ta n'izal paTu cilampil,
    kaTAa yAnaik kavuL marugku uRaza
    Am Urpu izitaru kAmar cenni,
    puli uri vari ataL kaTuppa, kali ciRan'tu,
    20
    n'AT pU vEgkai n'aRu malar utira,
    mEkku ezu peruj cinai ERi, kaNak kalai
    kUppiTUu ukaLum kunRakac ciRu n'eRik
    kal piRagku Ar iTai vilagkiya
    col peyar tEetta curan iRan'tOrE.
    talaimakan pirivinkaN vERupaTTa talaivi vaRpuRukkum tOzikkuc colliyatu.- n'akkIrar

    206. marutam
    en enappaTumkol tOzi! n'al makizp
    pETip peN koNTu ATukai kaTuppa,
    n'akuvarap paNaitta tiri maruppu erumai
    mayirk kavin koNTa mAt tOl irum puRam,
    5
    ciRu tozil makAar ERi, cENOrkkut
    tuRukal man'tiyin tOnRum Uran,
    mAri Igkai mAt taLir anna
    am mA mEni, Ay izai, makaLir
    Aram tAgkiya alarmulai Akattu
    10
    ArAk kAtaloTu tAr iTai kuzaiya,
    muzavu mukam pularA vizavuTai viyal n'akar,
    vatuvai mEvalan Akalin, atu pulan'tu,
    aTupOr vELir vIrai muntuRai,
    n'eTu veL uppin n'irampAk kuppai,
    15
    peru peyaRku urukiyAagku,
    tirun'tuizai n'ekizn'tana, taTa men tOLE?
    vAyil vENTic cenRa viRalikkut talaimakaL vAyil maRuttatu. - maturai marutan iLan'AkanAr

    207. pAlai
    aNagkuTai mun'n'Ir paran'ta ceRuvin
    uNagku tiRam peyarn'ta veN kal amiztam
    kuTa pula marugkin uymmAr, puL Orttup
    paTai amaittu ezun'ta peruj cey ATavar
    5
    n'iraip parap poRaiya n'araip puRak kazutaik
    kuRaik kuLampu utaitta kal piRaz iyavin,
    vej curam pOzn'ta, ajcuvaru kavalai,
    mijiRu Ar kaTAam karan'tu viTu kavuLa,
    veyil tina varun'tiya, n'ITu maruppu oruttal
    10
    piNar azi perug kai puraNTa kUval
    teN kaN uvarik kuRaik kuTa mukavai,
    aRanilALan tONTa, veytu uyirttu,
    piRain'utal viyarppa, uNTanaLkollO
    tEm kalan'tu aLaiiya tIm pAl En'tik
    15
    kUzai uLarn'tu mOzaimai kURavum,
    maRutta collaL Aki,
    veRutta uLLamoTu uNNAtOLE?
    makaT pOkkiya tAy colliyatu. - maturai ezuttALan cEn'tampUtanAr

    208. kuRijci
    yAma iravin n'eTug kaTai n'inRu,
    tEm mutir cimaiyak kunRam pATum
    n'uN kOl akavun'ar vENTin, veN kOTTu
    aNNal yAnai Iyum vaN makiz
    5
    veLiyan vENmAn Aay eyinan,
    aLi iyal vAzkkaip pAzip paRan'talai,
    izai aNi yAnai iyal tEr mijiliyoTu
    n'aNpakal uRRa ceruvil puN kUrn'tu,
    oL vAL mayagku amar vIzn'tena, 'puL orugku
    10
    am kaN vicumpin viLagku jAyiRRu
    oN katir teRAmai, ciRakarin kOli,
    n'izal ceytu uzaRal kANEn, yAn' enap
    paTukaLam kANTalcellAn, cinam ciRan'tu,
    uru vinai n'annan, aruLAn, karappa,
    15
    peru vituppuRRa pal vEL makaLir
    kurUup pUm pain' tAr arukkiya pUcal,
    vacai viTak kaTakkum vayagku perun' tAnai
    akutai kiLaitan'tAgku, miku peyal
    uppuc ciRai n'illA veLLam pOla,
    20
    n'ANu varai n'illAk kAmam n'aNNi,
    n'alkinaL, vAziyar, van'tE Ori
    pal pazap palavin payam kezu kollik
    kAr malar kaTuppa n'ARum,
    Er n'uN, Oti mAayOLE!
    puNarn'tu n'Igkum talaimakan tan n'ejciRkuc colliyatu. - paraNar

    209. pAlai
    'tOLum tol kavin tolain'tana; n'ALum
    annaiyum arun' tuyar uRRanaL; alarE,
    pon aNi n'eTun' tErt tennar kOmAn,
    ezu uRaz tiNi tOL iyal tErc ceziyan,
    5
    n'ErA ezuvar aTippaTak kaTan'ta
    AlagkAnattu Arppinum peritu' ena,
    Azal vAzi, tOzi! avarE,
    mAal yAnai maRap pOrp pulli
    kAmpuTai n'eTu varai vEgkaTattu umpar
    10
    aRai iRan'tu akanRanar Ayinum, n'iRai iRan'tu
    uLLAr AtalO aritE cev vEl
    muLLUr mannan kazaltoTik kAri
    cellA n'al icai n'iRutta val vil
    Orik konRu cEralarkku Itta
    15
    cev vErp palavin payam kezu kolli,
    n'ilai peRu kaTavuL Akkiya,
    palar pukaz pAvai anna n'in n'alanE.
    piriviTai vERupaTTa talaimakaLait tOzi vaRpuRIiyatu. - kallATanAr

    210. n'eytal
    kuRiyiRaik kurampaik kolai vem paratavar
    eRiuLi poruta EmuRu peru mIn
    puN umiz kuruti pulavuk kaTal maRuppaTa,
    vicumpu aNi villin pOki, pacum picirt
    5
    tirai payil azuvam uzakki, uran azin'tu,
    n'iraitimil marugkil paTartarum tuRaivan,
    pAnAL iravil, n'am paNait tOL uLLi,
    tAn ivaN van'ta kAlai, n'am Urk
    kAnal am perun' tuRai, kavin pArATTi,
    10
    AnAtu pukazn'ticinOnE; ini, tan
    cAyal mArpin pAyal mARRi,
    'kaitai am paTu cinaik kaTun' tEr vilagkac
    celavu aritu ennum' enpatu
    pala kETTanamAl tOzi! n'AmE.
    tOzi talaimakan ciRaippuRamAka, talaimakaTkuc colluvALAyc colliyatu. - ulOccanAr

    211. pAlai
    kELAy, ella! tOzi! vAliya
    cutai virin'tanna pal pU marAam
    paRai kaNTanna pA aTi n'On tAL
    tiN n'ilai maruppin vayak kaLiRu urijutoRum,
    5
    taN mazai Aliyin tAay, uzavar
    veNNel vittin aRaimicai uNagkum
    pani paTu cOlai vEgkaTattu umpar,
    mozi peyar tEettar Ayinum, n'alkuvar
    kuziyiTaik koNTa kanRuTaip peru n'irai
    10
    piTi paTu pUcalin eytAtu oziya,
    kaTuj cina vEn'tan Evalin eyti,
    n'eTuj cEN n'ATTil talaittArp paTTa
    kallA ezini pal eRin'tu azuttiya
    vankaN katavin veNmaNi vAyil,
    15
    matti n'ATTiya kal kezu panit tuRai,
    n'Ir olittanna pEer
    alar n'amakku oziya, azap pirin'tOrE.
    pirivinkaN vERupaTTa talaimakaLatu vERupATu kaNTu tOzi colliyatu. -mAmUlanAr

    212. kuRijci
    tA il n'al pon taiiya pAvai
    viN tavaz iLa veyiR koNTu n'inRanna,
    miku kavin eytiya, tokukural aimpAl,
    kiLaiaril n'ANaR kizagku maNaRku InRa
    5
    muLai Oranna muL eyiRRut tuvar vAy,
    n'ayavan taivarum cevvazi n'al yAz
    icai Orttanna in tIm kiLavi,
    aNagku cAl arivaiyai n'acaii, perug kaLiRRu
    inam paTi n'Irin kalagkiya pozutil,
    10
    peRal arug kuraiyaL ennAy, vaikalum,
    innA aruj curam n'In'ti, n'IyE
    ennai innaR paTuttanai; minnu vacipu
    uravuk kAr kaTuppa maRali main'tuRRu,
    viravu mozik kaTTUr vENTuvazik koLIi,
    15
    paTai n'ilA ilagkum kaTal maruL tAnai
    maTTu aviz teriyal maRap pOrk kuTTuvan
    poru muraN peRAatu vilagku cinam ciRan'tu,
    ceruc cey munpoTu mun'n'Ir muRRi,
    Ogkutiraip pauvam n'Igka OTTiya
    20
    n'Ir mAN eHkam n'iRattuc cenRu azun'tak
    kUr matan aziyarO n'ejcE! AnAtu
    eLiyaL allOT karuti,
    viLiyA evvam talait tan'tOyE.
    allakuRippaTTu n'Igkum talaimakan tan n'ejcinai n'erugkic colliyatu. -paraNar

    213. pAlai
    vinai n'avil yAnai viRaR pOrt toNTaiyar
    ina mazai tavazum ERRu aru n'eTug kOTTu
    Ogku veL aruvi vEgkaTattu umpar,
    koykuzai atiral vaiku pular alari
    5
    curi irum pittai curumpu paTac cUTi,
    ikal munait tarIiya ERuTaip peru n'irai
    n'anai mutir n'aRavin n'AT pali koTukkum
    vAl n'iNap pukavin vaTukar tEettu,
    n'izaR kavin izan'ta n'Ir il n'IL iTai
    10
    azal avir aruj curam n'eTiya ennAtu,
    akaRal Ayn'tanar Ayinum, pakal celap
    pal katir vAgkiya paTu cuTar amaiyattup
    peru maram konRa kAl puku viyan punattu,
    eri maruL katira tiru maNi imaikkum
    15
    velpOr vAnavan kollik kuTa varai
    vEy ozukku anna, cAy iRaip paNait tOL
    perug kavin citaiya n'Igki, AnROr
    arum peRal ulakam amiztoTu peRinum,
    cenRu, tAm n'ITalOilarE enRum
    20
    kalam peyak kavizn'ta kazal toTit taTak kai,
    valam paTu venRi vAy vAL, cOzar
    ilagku n'Irk kAviri izipunal varitta
    aRal ena n'eRin'ta kUn'tal,
    uRal in cAyaloTu onRutal maRan'tE.
    piriviTai vERupaTTa talaimakaLait tOzi vaRpuRIiyatu. - tAyagkaNNanAr

    214. mullai
    akal iru vicumpakam putaiyap pAay,
    pakal uTan karan'ta, pal katir, vAnam
    irug kaLiRRu ina n'irai kuLirppa vIci,
    perum peyal azi tuLi pozital AnAtu;
    5
    vEn'tanum vem pakai muraNi En'tuilai,
    viTu katir n'eTu vEl imaikkum pAcaRai,
    aTu pukaz mEvaloTu kaNpaTai ilanE;
    amarum n'am vayinatuvE; n'amar ena
    n'am aRivu teLin'ta pommal Oti
    10
    yAgku AkuvaLkoltAnE OgkuviTaip
    paTu cuvaR koNTa paku vAyt teL maNi
    A peyar kOvalar AmpaloTu aLaii,
    paiyuL n'al yAz cevvazi vakuppa,
    Ar uyir aNagkum teL icai
    15
    mAri mAlaiyum tamiyaL kETTE?
    pAcaRaikkaN talaimakaL tan n'ejciRkuc colliyatu. - vaTama vaNNakkan pEri cAttanAr

    215. pAlai
    'vilagku iruj cimaiyak kunRattu umpar,
    vERu pal moziya tEem munni,
    vinai n'acaiip parikkum uran miku n'ejcamoTu
    punai mAN eHkam vala vayin En'ti,
    5
    celal mANpu uRRa n'umvayin, vallE,
    valan Aka!' enRalum n'anRuman tilla
    kaTuttatu pizaikkuvatuAyin, toTutta
    kai viral kavvum kallAk kATci,
    koTumaram piTitta kOTA vankaN,
    10
    vaTi n'avil ampin Eval ATavar,
    AL azittu uyartta ajcuvaru patukkai,
    kUr n'utic cev vAy eruvaic cEval
    paTu piNap pain' talai toTuvana kuzIi,
    mallal mociviral oRRi, maNi koNTu,
    15
    val vAyp pETaikkuc coriyum AgkaN,
    kazin'tOrkku iragkum n'ejcamoTu
    ozin'tu ivaN uRaital ARRuvOrkkE.
    celavu uNarttiya tOzi, talaimakaL kuRippaRin'tu, talaimakanaic celavu azugkuvittatu. - iRagku kuTik kunRa n'ATan

    216. marutam
    'n'AN koL n'uN kOlin mIn koL pAN makaL
    tAn punal aTaikaraip paTutta varAal,
    n'Ar ari n'aRavu uNTu irun'ta tan'taikku,
    vajci viRakin cuTTu, vAy uRukkum
    5
    taN tuRai Uran peNTir emmaip
    peTTAgku mozipa' enpa; av alarp
    paTTanam Ayin, ini evan Akiyar;
    kaTal ATu makaLir koyta jAzalum,
    kazani uzavar kuRRa kuvaLaiyum,
    10
    kaTi miLaip puRavin pUtta mullaiyoTu,
    pal iLag kOcar kaNNi ayarum,
    mallal yANarc cellik kOmAn
    eRiviTattu ulaiyAc ceRi curai veL vEl
    Atan ezini aru n'iRattu azuttiya
    15
    perug kaLiRRu evvam pOla,
    varun'tupamAtu, avar cEri yAm celinE.
    talaimakaTkup pAgkAyinAr kETpa, tanakkup pAgkAyinArkkup parattai colliyatu. - aiyUr muTavanAr

    217. pAlai
    'peytu puRan'tan'ta pogkal veN mazai,
    eHku uRu pajcit tuyp paTTanna,
    tuvalai tUval kaziya, akal vayal
    n'ITu kazaik karumpin kaNaik kAl vAn pUk
    5
    kOTaip pULaiyin vATaiyoTu tuyalvara,
    pAcilai potuLiya putaltoRum pakanRai
    n'Il uN paccai n'iRam maRaittu aTaicciya
    tOl eRi pANTilin vAliya malara,
    kOzilai avaraik kozu mukai aviza,
    10
    Uz uRu tOnRi oN pUt taLai viTa,
    pulamtoRum kurukinam n'arala, kallena
    akanRu uRai makaLir aNi tuRan'tu n'aTugka,
    aRciram van'tanRu; amain'tanRu itu ena,
    ep poruL peRinum, piriyanminO' enac
    15
    ceppuval vAziyO, tuNaiyuTaiyIrkkE;
    n'alkAk kAtalar n'alan uNTu tuRan'ta
    pAz paTu mEni n'Okki, n'Oy pora,
    iNar iRupu uTaiyum n'ejcamoTu, puNarvu vETTu,
    eyiRu tIp piRappat tiruki,
    20
    n'aTugkutum piriyin yAm kaTu pani uzan'tE.
    pirivu uNarttiya tOzikkut talaimakaL ARRAmai mItUrac colliyatu. -kazArkkIran eyiRRiyAr

    218. kuRijci
    'kiLai pArATTum kaTu n'aTai vayak kaLiRu
    muLai tarupu UTTi, vENTu kuLaku arutta,
    vAL n'iRa uruvin oLiRupu minni,
    parUu uRaip pal tuLi citaRi, vAn n'avinRu,
    5
    peru varai n'aLir cimai atira vaTTittu,
    puyal ERu uraiiya viyal iruL n'aTu n'AL,
    viRal izaip polin'ta kANpu in cAyal,
    taTaiit tiraNTa n'in tOL cErpu allatai,
    paTAavAkum, em kaN' ena, n'Iyum,
    10
    'iruL mayagku yAmattu iyavuk keTa vilagki,
    vari vayagku irum puli vazagkun'arp pArkkum
    peru malai viTarakam vara aritu' ennAy,
    vara eLitAka eNNuti; atanAl,
    n'uNNitin kUTTiya paTu mAN Aram
    15
    taNNitu kamazum n'in mArpu, oru n'AL
    aTaiya muyagkEm Ayin, yAmum
    viRal izai n'ekizac cAaytum; atuvE
    annai aRiyinum aRika! alar vAy
    ampal mUtUr kETpinum kETka!
    20
    vaNTu iRai koNTa eri maruL tOnRiyoTu,
    oN pU vEgkai kamazum
    taN peruj cAral pakal van'tImE!
    tOzi talaimakaLai iTattu uyttu van'tu, pakaRkuRi n'Ern'ta vAypATTAl, talai makanai varaivu kaTAyatu. - kapilar

    219. pAlai
    cIr kezu viyan n'akarc cilampu n'aka iyali,
    Orai AyamoTu pan'tu ciRitu eRiyinum,
    'vArAyO!' enRu Etti, pEr ilaip
    pakanRai vAl malar pani n'iRain'tatu pOl
    5
    pAl pey vaLLam cAlkai paRRi,
    'en pATu uNTanaiAyin, oru kAl,
    n'un'tai pATum uN' enRu UTTi,
    'piRan'tataRkoNTum ciRan'tavai ceytu, yAn
    n'alam punain'tu eTutta en polan'toTik kuRumakaL
    10
    aRanilALanoTu iRan'tanaL, ini' ena,
    maRan'tu amain'tu irAa n'ejcam n'OvEn
    'pon vArn'tanna vai vAl eyiRRuc
    cen'n'Ay verIiya pukar uzai oruttal
    pori arai viLavin pun puRa viLai puzal,
    15
    azal eRi kOTai tUkkalin, kOvalar
    kuzal ena n'inaiyum n'Ir il n'IL iTai,
    maTat takai meliyac cAay,
    n'aTakkumkol? ena, n'Oval yAnE.
    makaT pOkkiya tAy colliyatu. - kayamanAr

    220. n'eytal
    Urum cEriyum uTan iyain'tu alar eza,
    tEroTu maRukiyum, paNi mozi payiRRiyum,
    keTAat tIyin uru kezu cellUr,
    kaTAa yAnaik kuzUuc camam tataiya,
    5
    man marugku aRutta mazu vAL n'eTiyOn
    mun muyanRu aritinin muTitta vELvi,
    kayiRu arai yAtta kAN taku vanappin,
    arug kaTi n'eTun' tUN pOla, yAvarum
    kANalAkA mAN ezil Akam
    10
    uLLutoRum panikkum n'ejcinai, n'IyE
    n'eTum puRa n'ilaiyinai, varun'tinaiAyin,
    muzagku kaTal Otam kAlaik koTkum,
    pazam pal n'ellin UNUr AgkaN,
    n'OlA irum puL pOla, n'ejcu amarn'tu,
    15
    kAtal mARAk kAmar puNarcciyin,
    irug kazi mukan'ta ceg kOl av valai
    muTagku puRa iRavoTu ina mIn ceRikkum
    n'eTug katirk kazanit taN cAykkAnattu,
    yANart taN paNai uRum ena, kAnal
    20
    Ayam Ayn'ta cAy iRaip paNait tOL
    n'al ezil citaiyA Emam
    col init teyya, yAm teLiyumARE.
    iravukkuRi van'tu n'Igkum talaimakanai etirppaTTut tOzi colliyatu. -maturai marutan iLan'AkanAr

    221. pAlai
    n'anai viLai n'aRavin tERal mAn'ti,
    punai vinai n'al il taru maNal kuvaii,
    'pommal Oti em makaL maNan' ena,
    vatuvai ayarn'tanar n'amarE; atanAl,
    5
    putuvatu punain'ta cEyilai veL vEl,
    mati uTampaTTa mai aNaR kALai
    vAgku cinai malin'ta tiraL arai marAattu,
    tEm pAy mel iNar taLiroTu koNTu, n'in
    taN n'aRu mucci punaiya, avanoTu
    10
    kazai kavin pOkiya mazai uyar n'anan'talai,
    kaLiRRu irai pizaittalin, kaya vAy vEgkai
    kAy cinam ciRan'tu, kuzumalin verIi,
    irum piTi iriyum cOlai
    aruj curam cERal ayarn'tanen, yAnE.
    talaimakaRkup pOkku uTanpaTTa tOzi talaimakaTkup pOkku uTanpaTac colliyatu. - kayamanAr

    222. kuRijci
    vAn uRa n'ivan'ta n'Il n'iRap peru malaik
    kAna n'ATan uRIiya n'Oykku, en
    mEni Ay n'alam tolaitalin, moziven;
    muzavu mukam pularAk kali koL AgkaN,
    5
    kazAarp perun' tuRai vizavin ATum,
    ITTu ezil polin'ta En'tu kuvavu moympin,
    ATTan atti n'alan n'ayan'tu uraii,
    tAz irug katuppin kAviri vavvalin,
    mAtiram tuzaii, mati maruNTu alan'ta
    10
    Atiman'ti kAtalaR kATTi,
    paTu kaTal pukka pATalcAl ciRappin
    maruti anna mAN pukaz peRIiyar,
    cenmO vAzi, tOzi! pal n'AL,
    uravu urum ERoTu mayagki,
    15
    iravup peyal pozin'ta Irn' taN ARE.
    talaimakan ciRaippuRattAnAka, tOzi talaimakaTkuc colliyatu. - paraNar

    223. pAlai
    'pirital valliyar, itu, n'at tuRan'tOr
    maRan'tum amaikuvarkol?' enRu eNNi,
    Azal vAzi, tOzi! kEzal
    vaLai maruppu uRazum muLai n'eTum perug kAy
    5
    n'anai mutir murukkin cinai cEr pogkar,
    kAy cinak kaTu vaLi eTuttalin, veg kATTu
    azal pozi yAnaiyin aiyenat tOnRum
    n'izal il Omai n'Ir il n'IL iTai,
    iRan'tanar Ayinum, kAtalar n'amvayin
    10
    maRan'tu kaNpaTutal yAvatu puRam tAz
    am paNai n'eTun' tOL tagki, tumpi
    ariyinam kaTukkum curi vaNar aimpAl
    n'uN kEz aTagka vAri, paiyuL keTa,
    n'an mukai atiral pOtoTu, kuvaLait
    15
    taN n'aRug kamaz toTai vEyn'ta, n'in
    maN Ar kUn'tal marIiya tuyilE?
    piriviTai vERupaTTa talaimakaLait tOzi vaRpuRuttiyatu. - pAlai pATiya perugkaTugkO

    224. mullai
    celka, pAka! ellinRu pozutE
    vallOn aTagku kayiRu amaippa, kollan
    vicaittu vAgku turuttiyin veyya uyirA,
    koTu n'ukattu yAtta talaiya, kaTu n'aTai,
    5
    kAl kaTuppu anna kaTuj celal ivuLi,
    pAl kaTai n'uraiyin parUu mitappu anna,
    vAl veL teviTTal vazi vAr n'uNakkam
    cilampi n'Ulin n'uNagkuvana pARi,
    cAn'tu pular akalam maRuppa, kANtaka,
    10
    putu n'alam peRRa veytu n'Igku puRavil,
    teRi n'aTai maraik kaNam iriya, manaiyOL
    aitu uNagku valci peytu muRukku uRutta
    tirimarak kural icai kaTuppa, vari maNal
    alagku katirt tikiri Azi pOza,
    15
    varumkol tOzi! n'am in uyirt tuNai ena,
    cil kOl el vaLai oTukki, pal kAl
    arug kaTi viyal n'akar n'Okki,
    varun'tumAl, aLiyaL tirun'tizaitAnE.
    vinai muRRiya talaimakan tErppAkaRkuc colliyatu. - AvUr mUlagkizAr makanAr perun'talaic cAttanAr

    225. pAlai
    anpum, maTanum, cAyalum, iyalpum,
    enpu n'ekizkkum kiLaviyum, piRavum,
    onRupaTu koLkaiyoTu OrAgku muyagki,
    inRE ivaNam Aki, n'ALai,
    5
    putal ivar ATu amai, tumpi kuyinRa
    akalA am tuLai, kOTai mukattalin,
    n'Irkku iyagku ina n'iraip pinRai vAr kOl
    Ayk kuzal pANiyin aitu van'tu icaikkum,
    tEkku amal cOlaik kaTaRu Ogku aruj curattu,
    10
    yAtta tUNit talai tiRan'tavaipOl,
    pUtta iruppaik kuzai poti kuvi iNar
    kazal tuLai muttin cen' n'ilattu utira,
    mazai tuLi maRan'ta am kuTic cIRUrc
    cEkkuvam kolO n'ejcE! pUp punai
    15
    puyal ena olivarum tAz irug kUn'tal,
    ceRi toTi munkai, n'am kAtali
    aRivu ajar n'Okkamum pulaviyum n'inain'tE?
    poruL kaTaikkUTTiya n'ejciRkut talaimakan colliyatu. - eyinan'tai makanAr iLagkIranAr

    226. marutam
    uNarkuven allen; uraiyal n'in mAyam;
    n'AN ilai manRa yANar Ura!
    akaluL AgkaN, am pakai maTivai,
    kuRun' toTi, makaLir kurUup punal munaiyin,
    5
    pazanap paij cAy kozuti, kazanik
    karan'tai am ceRuvin veN kuruku Oppum,
    val vil eRuzt tOL, paratavar kOmAn,
    pal vEl matti, kazAar muntuRai,
    n'eTu veN marutoTu vajci cAaya,
    10
    viTiyal van'ta peru n'Irk kAviri,
    toTi aNi munkai n'I veyyOLoTu
    mun n'AL ATiya kavvai, in' n'AL,
    vali mikum munpin pANanoTu, mali tArt
    tittan veLiyan uRan'tai n'AL avaip
    15
    pATu in teN kiNaip pATu kETTu ajci,
    pOr aTu tAnaik kaTTi
    porAatu OTiya Arppinum peritE.
    talaimakaRkut tOzi vAyil maRuttatu. - paraNar

    227. pAlai
    'n'utal pacan'tanRE; tOL cAyinavE;
    titalai alkul variyum vATina;
    en AkuvaLkol ivaL?' ena, pal mAN
    n'Ir mali kaNNoTu n'eTitu n'inain'tu oRRi,
    5
    inaiyal vAzi, tOzi! n'anai kavuL
    kAy cinam ciRan'ta vAy puku kaTAttoTu
    mun n'ilai poRAatu muraNi, pon iNarp
    pulik kEz vEgkaip pUj cinai pulampa,
    mutal pAyn'tiTTa muzu vali oruttal
    10
    cen' n'ilap paTu n'IRu ATi, ceru malain'tu,
    kaLam koL maLLarin muzagkum attam
    pala iRan'tu akanRanar Ayinum, n'ilaii,
    n'Oy ilarAka, n'am kAtalar! vAy vAL,
    tamiz akappaTutta imiz icai muracin,
    15
    varun'ar varaiyAp peru n'AL irukkai,
    tUgkal pATiya Ogku peru n'al icaip
    piTi miti vazutuNaip perum peyart tazumpan
    kaTi matil varaippin UNUr umpar,
    vizu n'iti tujcum vIRu peRu tiru n'akar,
    20
    irug kazip paTappai marugkUrp paTTinattu,
    el umiz AvaNattu anna,
    kallen kampalai ceytu akanROrE!
    talaimakan pirivinkaN vERupaTTa talaimakaTkut tOzi colliyatu; pirivinkaN vERupaTTa tOzikkut talaimakaL colliyatUum Am. - n'akkIrar

    228. kuRijci
    piracap pal kiLai Arppa, kallena
    varai izi aruvi Aram tINTit
    taN ena n'anaikkum n'aLir malaic cilampil,
    kaN ena malarn'ta mA itazk kuvaLaik
    5
    kal mukai n'eTuj cunai n'ammoTu ATi,
    pakalE initu uTan kazippi, iravE
    celvar Ayinum, n'anRuman tilla
    vAnkaN virin'ta pakal maruL n'ilavin
    cUral miLaiiya cAral Ar ARRu,
    10
    Ogkal micaiya vEgkai oL vIp
    pulip poRi kaTuppat tOnRalin, kaya vAy
    irum piTi iriyum cOlaip
    perug kal yANart tam ciRukuTiyAnE.
    talaimakan ciRaippuRattAnAka, talaimakaTkuc colluvALAy, tOzi colli yatu. - aNTar makan kuRuvazutiyAr

    229. pAlai
    pakal cey pal katirp paruti am celvan
    akal vAy vAnattu Azi pOzn'tena,
    n'Ir aRa vaRan'ta n'irampA n'IL iTai,
    kayan' talaik kuzavik kavi ukir maTap piTi
    5
    kuLaku maRuttu uyagkiya marugkul pala uTan
    pAz Urk kurampaiyin tOnRum AgkaN,
    n'eTuj cEN iTaiya kunRam pOki,
    poyvalALar muyanRu cey perum poruL
    n'am inRu Ayinum muTika, vallena,
    10
    perun' tuni mEval! n'alkUr kuRumakaL!
    n'Oy malin'tu ukutta n'oci varal cil n'Ir
    pal itaz mazaik kaN pAvai mAyppa,
    pon Er pacalai Urtara, poRi vari
    n'al mA mEni tolaital n'Okki,
    15
    inaiyal enRi; tOzi! cinaiya
    pAcarumpu InRa cem mukai murukkinap
    pOtu aviz alari kozuti tAtu arun'tu,
    am taLir mAattu alagkal mImicai,
    ceg kaN irug kuyil n'ayavarak kUum
    20
    in iLavEnilum vArAr,
    'innE varutum' enat teLittOrE.
    talaimakan pirivinkaN vERupaTTa talaimakaLai vaRpuRuttum tOzikkut talaimakaL, vanpuRai etir azin'tu, colliyatu. - maturaik kUlavANikan cIttalaic cAttanAr

    230. n'eytal
    'uRu kazi marugkin OtamoTu malarn'ta
    ciRu karu n'eytaR kaN pOl mA malarp
    perun' taN mAt tazai irun'ta alkul,
    aiya arumpiya cuNagkin, vai eyiRRu,
    5
    mai Ir Oti, vAL n'utal, kuRumakaL!
    viLaiyATTu AyamoTu veN maNal utirtta
    punnai n'uN tAtu ponnin n'oNTu,
    manai puRan'tarutiAyin, enaiyatUum,
    im manaik kizamai emmoTu puNarin,
    10
    tItum uNTO, mAtarAy?' ena,
    kaTum pari n'al mAn, koTijci n'eTun' tEr
    kai val pAkan paiyena iyakka,
    yAm taR kuRukinamAka, En'tu ezil
    ari vEy uN kaN pani varal oTukki,
    15
    ciRiya iRaijcinaL, talaiyE
    periya evvam yAm ivaN uRavE.
    talaimakaLaik kaNNuRRu n'Igkum talaimakan tan n'ejciRkuc colliyatu. -maturai aRuvai vANikan iLavETTanAr

    231. pAlai
    'ceRuvOr cemmal vATTalum, cErn'tOrkku
    uRum iTattu uvakkum utavi ANmaiyum,
    il irun'tu amaivOrkku il, enRu eNNi,
    n'al icai valitta n'ANuTai manattar
    5
    koTu viR kAnavar kaNai iTat tolain'tOr,
    paTu kaLattu uyartta mayirt talaip patukkaik
    kaLLi am paRan'talaik kaLartoRum kuzIi,
    uLLun'arp panikkum Ukku arug kaTattiTai
    vej curam iRan'tanar Ayinum, n'ejcu uruka
    10
    varuvar vAzi, tOzi! poruvar
    cel camam kaTan'ta cellA n'al icai,
    vicumpu ivar veN kuTai, pacum pUT pANTiyan
    pATu peRu ciRappin kUTal anna n'in
    ATu vaNTu araRRum muccit
    15
    tOTu Ar kUn'tal marIiyOrE.
    talaimakaL pirivinkaN vERupaTTa talaimakaTkut tOzi colliyatu. -maturai Izattup pUtan tEvanAr

    232. kuRijci
    kAN ini vAzi, tOzi! pAnAL,
    mazai muzagku aravam kETTa, kazai tin,
    mAal yAnai puli cettu verIi,
    irug kal viTarakam cilampap peyarum
    5
    perug kal n'ATan kENmai, iniyE,
    kunRa vElic ciRukuTi AgkaN,
    manRa vEgkai maNa n'AT pUtta
    maNi Er arumpin pon vI tAay
    viyal aRai varikkum munRil, kuRavar
    10
    manai mutir makaLiroTu kuravai tUgkum
    Ar kali vizavuk kaLam kaTuppa, n'ALum,
    viravup pUm paliyoTu viraii, annai
    kaTiyuTai viyal n'akark kAval kaNNi,
    'muruku' ena vElaR tarUum.
    15
    paruvamAkap payan'tanRAl, n'amakkE.
    tOzi talaimakan ciRaippuRattAnAka, talaimakaTkuc colluvALAy,colliyatu. - koTimagkalattu vAtuLi n'aRcEn'tanAr

    233. pAlai
    alamaral mazaik kaN malku pani vAra, n'in
    alar mulai n'anaiya, azAal tOzi!
    eri kavarpu uNTa kari puRap peru n'ilam
    pITu kezu marugkin OTu mazai tuRan'tena,
    5
    Un il yAnai uyagkum vEnil,
    maRap paTaik kutirai, mARA main'tin,
    tuRakkam eytiya toyyA n'al icai
    mutiyarp pENiya, utiyaj cEral
    peruj cORu koTutta jAnRai, irum pal
    10
    kULic cuRRam kuzIi irun'tAgku,
    kuRiyavum n'eTiyavum kunRu talaimaNan'ta
    curan iRan'tu akanRanar Ayinum, mika n'ani
    maTagkA uLLamoTu mati mayakkuRAa,
    poruLvayin n'ITalOilar n'in
    15
    iruL aig kUn'tal in tuyil maRan'tE.
    pirivinkaN vERupaTTa talaimakaTkut tOzi colliyatu. -mAmUlanAr

    234. mullai
    kAr payam pozin'ta n'Ir tikaz kAlai,
    n'uN ayir paran'ta taN aya marugkin,
    n'irai paRai annattu anna, virai parip
    pul uLaik kalimA mellitin koLIiya,
    5
    vaLpu orugku amaiyap paRRi, muLkiya
    pal katir Azi mel vazi aRuppa,
    kAl ena maruLa, ERi, n'Ul iyal
    kaN n'Okku ozikkum paN amai n'eTun' tEr
    val virain'tu Urmati n'al valam peRun'a!
    10
    tatar tazai munaiiya teRi n'aTai maTap piNai
    ERu puNar uvakaiya URu ila ukaLa,
    am ciRai vaNTin men paRait tozuti
    mullai n'aRu malart tAtu n'ayan'tu Uta,
    ellai pOkiya pullen mAlai,
    15
    puRavu aTain'tirun'ta uRaivu in n'al Ur,
    kazi paTar uzan'ta pani vAr uNkaN
    n'al n'iRam paran'ta pacalaiyaL
    min n'Er Otip pinnup piNi viTavE.
    talaimakan tErppAkaRkuc colliyatu. - pEyanAr

    235. pAlai
    amma vAzi, tOzi! poruL purin'tu
    uLLArkollO, kAtalar? uLLiyum,
    ciRan'ta ceytiyin maRan'tanarkollO?
    payan n'ilam kuzaiya vIci, peyal munin'tu,
    5
    viNTu munniya koNTal mA mazai
    magkul aRkamoTu pogkupu tuLippa,
    vATaiyoTu n'ivan'ta Ay itazt tOnRi
    cuTar koL akalin curugku piNi aviza,
    curi mukiz mucuNTaip poti aviz vAn pU
    10
    vicumpu aNi mInin pacum putal aNiya,
    kaLavan maN aLaic ceRiya, akal vayal
    kiLai viri karumpin kaNaikkAl vAn pU
    mAri am kurukin Iriya kuragka,
    n'ani kaTuj civappoTu n'Amam tORRi,
    15
    pani kaTi koNTa paNpu il vATai
    maruLin mAlaiyoTu aruL inRi n'aliya,
    'n'utal iRaikoNTa ayal aRi pacalaiyoTu
    tol n'alam citaiyac cAay,
    ennaLkol aLiyaL?' ennAtOrE.
    talaimakan pirivinkaN vERupaTTa talaimakaL, ARRAmai mItUra, tOzikkuc colliyatu. - kazArkkIran eyiRRiyAr

    236. marutam
    maNi maruL malara muLLi amanRa,
    tuNi n'Ir, ilajcik koNTa peru mIn
    ari n'iRak kozug kuRai vauvinar mAn'ti,
    veNNel arin'ar peyarn'ilaip pinRai,
    5
    iTai n'ilam n'eritaru n'eTug katirp pal cUTTup
    pani paTu cAyp puRam parippa, kazanik
    karug kOTTu mAattu alagku cinaip putup pU
    mayagku mazait tuvalaiyin tAam Uran
    kAmam perumai aRiyEn, n'anRum
    10
    uyn'tanen vAzi, tOzi! alkal
    aNi kiLar cAn'tin am paTTu imaippa,
    koTug kuzai makaLirin oTugkiya irukkai
    aRiyAmaiyin azin'ta n'ejcin,
    'ERRu iyal ezil n'aTaip polin'ta moympin,
    15
    tOTTu iruj curiyal maNan'ta pittai,
    ATTan attiyaik kANIrO?' ena
    n'ATTin n'ATTin, Urin Urin,
    'kaTal koNTanRu' ena, 'punal oLittanRu' ena,
    kaluzn'ta kaNNaL, kAtalaR keTutta
    20
    Atiman'ti pOla,
    Etam colli, pEtu peritu uRalE.
    ARRAmai vayilAkap pukka talaimakan n'IkkattukkaN pukka tOzikkut talaimakaL colliyatu. - paraNar

    237.pAlai
    'pun kAR pAtiri ari n'iRat tiraL vI
    n'uN koTi atiraloTu n'uNagku aRal varippa,
    aravu eyiRRu anna arumpu mutir kuravin
    tEn imir n'aRuj cinait tenRal pOza,
    5
    kuyil kural kaRRa vEnilum tuyil tuRan'tu
    innA kaziyum kagkul' enRu n'in
    n'al mA mEni aNi n'alam pulampa,
    inaital AnRicin Ayizai! kanaitiRal
    cen' tI aNagkiya cezu n'iNak kozug kuRai
    10
    men tinaip punkam utirtta maNTaiyoTu,
    irug katir alamarum kazanik karumpin
    viLai kazai pizin'ta am tIm cERRoTu,
    pAl pey cen'n'eR pAcaval pakukkum
    punal poru putavin, uRan'tai eytinum,
    15
    vinai poruLAkat taviralar kaTai civan'tu
    aiya amartta uNkaN n'in
    vai Er vAl eyiRu URiya n'IrE.
    talaimakan pirivinkaN vERupaTTa talaimakaLait tOzi vaRpuRIiyatu. -tAyagkaNNanAr

    238. kuRijci
    mAnRamai aRiyA maram payil iRumpin,
    InRu iLaippaTTa vayavup piNap pacittena,
    maTa mAn valci tarIiya, n'aTu n'AL,
    iruL mukaic cilampin, irai vETTu ezun'ta
    5
    paNai maruL eruttin pal vari irum pOttu,
    maTak kaN AmAn mAtirattu alaRa,
    taTak kOTTu AmAn aNNal EeRu,
    n'anan'talaik kAnattu valam paTat tolaicci,
    irug kal viyal aRai civappa Irkkum
    10
    perug kal n'ATa! piritiAyin,
    marun'tum uTaiyaiyO maRRE irappOrkku
    izai aNi n'eTun' tEr kaLiRoTu enRum
    mazai curan'tanna Ikai, vaN makiz,
    kazal toTit taTak kai, kalimAn, n'aLLi
    15
    n'aLi mukai uTain'ta n'aRug kAr aTukkattu,
    pOn'tai muzu mutal n'ilaiiya kAn'taL
    men piNi mukai avizn'tu alarn'ta
    taN kamaz putu malar n'ARum n'aRu n'utaRkE?
    iravukkuRi van'ta talaimakaRkut tOzi colliyatu. - kapilar

    239. pAlai
    aLitOtAnE; evan Avatukol?
    manRum tOnRAtu; maranum mAyum
    'puli ena ulampum ceg kaN ATavar,
    jeliyoTu piTitta vAr kOl ampinar,
    5
    el Ur eRin'tu, pal At tazIiya
    viLi paTu pUcal vej curattu iraTTum
    vERu pal tEettu ARu pala n'In'ti,
    puLLit toyyil, poRi paTu cuNagkin,
    oL izai makaLir uyar piRai tozUum
    10
    pullen mAlai, yAm ivaN oziya,
    ITTu arugkuraiya poruLvayiR celinE,
    n'ITTuvir allirO, n'eTun'takaiyIr?' ena,
    kuRu n'eTum pulavi kURi, n'ammoTu
    n'erun'alum tIm pala mozin'ta
    15
    ciRu n'al orutti peru n'al UrE!
    poruLvayiR pirin'tu pOkAn'inRa talaimakan tan n'ejciRkuc colliyatu. -eyinan'tai makan iLagkIranAr

    240. n'eytal
    cev vI jAzaR karug kOTTu iruj cinait
    tanip pArppu uLLiya taN paRai n'Arai
    maNip pU n'eytal mAk kazi n'ivappa,
    inip pulampinRE kAnalum; n'aLi kaTal
    5
    tiraic curam uzan'ta tiN timil viLakkil
    pal mIn kUTTam ennaiyark kATTiya,
    en'taiyum cellumAr iravE; an'til
    aNagkuTaip panit tuRai kaitozutu Etti,
    yAyum AyamOTu ayarum; n'Iyum,
    10
    tEm pAy Oti tiru n'utal n'Ivi,
    kOgku mukaittanna kuvimulai Akattu,
    in tuyil amarn'tanaiAyin, vaNTu paTa
    virin'ta cerun'ti veN maNal muTukkar,
    pU vEy punnai am taN pozil,
    15
    vAvE teyya, maNan'tanai celaRkE.
    tOzi iravukkuRi van'ta talaimakaRkup pakaRkuRi n'Ern'tatu. - ezuuppanRi n'Akan kumaranAr

    241. pAlai
    'tuni inRu iyain'ta tuvarA n'aTpin
    iniyar amma, avar' ena muniyAtu
    n'alkuvar n'alla kURinum, alkalum,
    piriyAk kAtaloTu uzaiyar Akiya
    5
    n'amarman vAzi, tOzi! uyarmicai
    mUgkil iLa muLai tiragka, kAmpin
    kazai n'aral viyal akam vempa, mazai maRan'tu
    aruvi AnRa veruvaru n'anan'talai,
    pEey veN tEr peyal cettu OTi,
    10
    tAam paTTa tani mutir perug kalai
    pulam peyarn'tu uRaital cellAtu, alagkutalai
    virun'tin veg kATTu varun'ti vaikum
    atta n'ellit tIj cuvait tiraL kAy
    vaTTak kazagkin tAay, tuyt talaic
    15
    cem muka man'ti ATum
    n'al mara marugkin malai iRan'tOrE!
    piriviTai vERupaTTa talaimakaL vaRpuRuttum tOzikkuc colliyatu. - kAvan mullaip pUtanAr

    242. kuRijci
    arumpu mutir vEgkai alagkal men cinaic
    curumpu vAy tiRan'ta pon purai n'uN tAtu
    maNi maruL kalavattu uRaippa, aNi mikku
    avir poRi majjai ATum cOlai,
    5
    pain' tAT cen' tinaik koTug kural viyan punam,
    cen' tAr kiLLai n'ammoTu kaTin'tOn
    paNpu tara van'tamai aRiyAL, 'n'uN kEz
    muRi purai ezil n'alattu en makaL tuyar marugku
    aRital vENTum' ena, pal pirappu irIi,
    10
    aRiyA vElaR tarIi, annai
    veRi ayar viyan kaLam poliya Etti,
    maRi uyir vazagkA aLavai, cenRu yAm,
    cela varat tuNin'ta, cEN viLagku, el vaLai
    n'ekizn'ta mun kai, n'Er iRaip paNait tOL,
    15
    n'al ezil azivin tol kavin peRIiya,
    mukizttu varal iLa mulai mUzka, pal Uz
    muyagkal iyaivatumannO tOzi!
    n'aRai kAlyAtta n'aLir mukaic cilampil
    peru malai viTarakam n'ITiya ciRiyilaic
    20
    cAn'ta men cinai tINTi, mElatu
    piracam tUgkum cEN cimai
    varaiyaka veRpan maNan'ta mArpE!
    talaimakan ciRaippuRattAnAka, tOzi talaimakaTkuc colluvALAyc colliyatu. - pEricAttanAr

    243. pAlai
    avarai Ay malar utira, tuvarina
    vAgku tuLait tukirin Igkai pUppa,
    iRagku pOtu avizn'ta Irm putal pakanRaik
    kaRagku n'uN tuvalaiyin Uruzai aNiya,
    5
    peyal n'Ir putu varal tavira, cinai n'Erpu
    pIL virin'tu iRaijciya piRagku katirk kazani
    n'el oli pAcaval tuzaii, kallenak
    kaTitu van'tu iRutta kaN il vATai!
    'n'eTitu van'tanai' ena n'illAtu Egkip
    10
    pala pulan'tu uRaiyum tuNai il vAzkkai
    n'amvalattu anmai kURi, avar n'ilai
    aRiyun'am Ayin, n'anRuman tilla;
    pani vAr kaNNEm Aki, ini atu
    n'amakkE evvam AkinRu;
    15
    anaittAl tOzi! n'am tol vinaip payanE!
    talaimakan pirivinkaN vaRpuRuttum tOzikku, talaimakaL 'ARREn' enpatu paTac colliyatu. - koTiyUr kizAr makanAr n'eytal tattanAr

    244. mullai
    '''pacai paTu paccai n'ey tOyttanna
    cEy uyar cinaiya mAc ciRaip paRavai
    pakal uRai mutu maram pulampap pOki,
    mukai vAy tiRan'ta n'akai vAy mullai
    5
    kaTimakaL katuppin n'ARi, koTimicai
    vaNTinam tavirkkum taN patak kAlai
    varinum, vArAr Ayinum, ANTu avarkku
    initukol, vAzi tOzi?'' ena, tan
    pal itaz mazaik kaN n'allakam civappa,
    10
    arun' tuyar uTaiyaL ivaL' ena virumpip
    pANan van'tanan, tUtE; n'Iyum
    pul Ar puravi, val virain'tu, pUTTi,
    n'eTun' tEr Urmati, valava!
    muTin'tanRu amma, n'Am munniya vinaiyE!
    vinai muRRiya talaimakan tErppAkaRkuc colliyatu. - maturai.......maLLanAr

    245. pAlai
    'uyirinum ciRan'ta oN poruL tarumAr
    n'anRu puri kATciyar cenRanar, avar' ena
    manai valittu oziyum matukaiyaL Atal
    n'I n'aRku aRin'tanaiAyin, n'Igki,
    5
    mazai peyal maRan'ta kazai tiragku iyavil,
    cel cAttu eRiyum paNpu il vAzkkai
    val vil iLaiyar talaivar, el uRa,
    vari kiLar paNait tOL, vayiRu aNi titalai,
    ariyalATTiyar alku manai varaippil,
    10
    makiz n'oTai peRAarAki, n'anai kavuL
    kAna yAnai veN kOTu cuTTi,
    manRu OTu putalvan pun talai n'Ivum
    aru munaip pAkkattu alki, vaikuRa,
    n'izal paTak kavinRa n'IL arai ilavattu
    15
    azal akain'tanna alagkucinai oN pUk
    kuzal icait tumpi Arkkum AgkaN,
    kuRum poRai uNagkum tatar veL enpu
    kaTug kAl oTTakattu alku paci tIrkkum
    kal n'eTug kavalaiya kAnam n'In'ti,
    20
    am mA arivai oziya,
    cenmO n'ejcam! vAralen yAnE.
    poruL kaTaikkUTTiya n'ejcinaik kazaRi, talaimakan colli, celavu azugkiyatu. - maturai marutan iLan'AkanAr

    246. marutam
    piNar mOTTu n'an'tin pEz vAy ERRai
    katir mUkku Aral kaLavan Aka,
    n'eTu n'Irp poykait tuNaiyoTu puNarum
    mali n'Ir akal vayal yANar Ura!
    5
    pOtu Ar kUn'tal n'I veyyOLoTu
    tAtu Ar kAjcit taN pozil akal yARu
    ATinai enpa, n'erun'ai; alarE
    kAy cina moympin perum peyark karikAl
    Arkali n'aRavin veNNivAyil,
    10
    cIr kezu mannar maRaliya jATpin
    imiz icai muracam poru kaLattu oziya,
    patinoru vELiroTu vEn'tar cAya,
    moy vali aRutta jAnRai,
    toyyA azun'tUr Arppinum peritE.
    tOzi talaimakaRku vAyil maRuttatu. - paraNar

    247. pAlai
    maNNA muttam ozukkiya vana mulai
    n'al mAN Akam pulampat tuRan'tOr
    aruL ilar vAzi, tOzi! poruL purin'tu,
    irug kiLai eNkin azal vAy ERRai,
    5
    karug kOTTu iruppai veN pU munaiyin,
    peruj cem puRRin irun' talai iTakkum
    ariya kAnam ennAr, pakai paTa
    munai pAzpaTTa AgkaN, AL pArttuk
    kolai val yAnai curam kaTi koLLum
    10
    URu paTu kavalaiya ARu pala n'In'ti,
    paTu muTai n'acaiiya paRai n'eTug kazuttin
    pARu kiLai cEkkum cEN cimaik
    kOTu uyar piRagkal malai iRan'tOrE.
    talaimakan pirivinkaN vERupaTTa talaimakaLatu vERupATu kaNTu,vERupaTTa tOzikkut talaimakaL colliyatu. - maturai marutag kizAr makanAr perugkaNNanAr

    248. kuRijci
    n'akai n'I kELAy tOzi! alkal;
    vaya n'Ay eRin'tu, van paRaz tazIi,
    iLaiyar eytutal maTakki, kiLaiyoTu
    n'Almulaip piNaval coliya kAn ozin'tu,
    5
    arum puzai muTukkar AL kuRittu n'inRa
    taRukaT panRi n'Okki, kAnavan
    kuRukinan toTutta kUrvAyp pakazi
    maTai celal munpin tan paTai celac cellAtu,
    'aru vazi vilakkum em peruviRal pOnm' ena,
    10
    eyyAtu peyarum kunRa n'ATan
    ceRi aril tuTakkalin, parIip puri avizn'tu,
    En'tu kuvavu moympin pUc cOr mAlai,
    ERRu imiR kayiRRin, ezil van'tu tuyalvara,
    il van'tu n'inROR kaNTanaL, annai;
    15
    vallE en mukam n'Okki,
    'n'allai man!' ena n'akUup peyarn'tOLE.
    iravukkuRic ciRaippuRamAkat talaimakaTkuc colluvALAy,talaimakan kETpa, tOzi colliyatu. - kapilar

    249. pAlai
    amma vAzi, tOzi! pal n'AL
    iv Ur ampal evanO? vaL vAr
    vici piNittu yAtta ari kOl teN kiNai
    in kural akavun'ar irappin, n'AToRum
    5
    pon kOTTuc ceRittu, polan'tAr pUTTi,
    cAn'tam putaitta En'tu tuLagku ezil imil
    ERu mun'tuRuttu, cAl patam kuvaii,
    n'eTun' tEr kaLiRRoTu curakkum koTum pUN
    pal vEl mucuNTai vEmpi anna en
    10
    n'al ezil iLa n'alam tolaiyinum, n'alkAr
    pal pUg kAnattu alku n'izal acaii,
    tOkait tUvit toTait tAr mazavar
    n'Aku A vIzttu, tiRRi tinRa
    pulavuk kaLam tuzaiiya tukaL vAyk kOTai
    15
    n'IL varaic cilampin irai vETTu ezun'ta
    vAL vari vayap puli tINTiya viLi cettu,
    vERu vERu kavalaiya ARu parin'tu, alaRi,
    uzai mAn ina n'irai OTum
    kazai mAy piRagkal malai iRan'tOrE.
    talaimakan pirivinkaN vERupaTTa talaimakaLatu vERupATu kaNTu ARRALAkiya tOzikkut talaimakaL colliyatu. - n'akkIranAr

    250. n'eytal
    evan kol? vAzi, tOzi! mayagku picir
    malku tirai uzan'ta olku n'ilaip punnai
    vaNTu imir iNara n'uN tAtu varippa,
    maNam kamaz iLa maNal ekkark kANvara,
    5
    kaNam koL AyamoTu puNarn'tu viLaiyATa,
    koTujci n'eTun' tEr iLaiyaroTu n'Ikki,
    tAran, kaNNiyan, cEra van'tu, oruvan,
    vari manai pukazn'ta kiLaviyan, yAvatum
    maRu mozi peRAan peyarn'tanan; ataRkoNTu
    10
    arum paTar evvamoTu perun' tOL cAay,
    av valaip paratavar kAnal am ciRu kuTi
    vev vAyp peNTir kavvaiyin kalagki,
    iRai vaLai n'ekizn'ta n'ammoTu
    tuRaiyum tujcAtu, kagkulAnE!
    talaimakaRkuk kuRai n'Ern'ta tOzi talaimakaTkuk kuRai n'ayappak kURiyatu. - cellUr kizAr makanAr perumpUtagkoRRanAr

    251. pAlai
    tUtum cenRana; tOLum ceRRum;
    Oti oN n'utal pacalaiyum mAyum;
    vIgku izai n'ekizac cAay, cellaloTu
    n'Am paTar kUrum arun' tuyar kETpin,
    5
    n'an'tan veRukkai eytinum, maRRu avaN
    tagkalar vAzi, tOzi! vel koTit
    tunai kAl anna punai tErk kOcar
    tol mUtAlattu arum paNaip potiyil,
    in icai muracam kaTippu ikuttu iragka,
    10
    tem munai citaitta jAnRai, mOkUr
    paNiyAmaiyin, pakai talaivan'ta
    mA kezu tAnai vampa mOriyar
    punai tEr n'Emi uruLiya kuRaitta
    ilagku veL aruviya aRai vAy umpar,
    15
    mAcu il veN kOTTu aNNal yAnai
    vAyuL tappiya, arug kEz, vayap puli
    mA n'ilam n'eLiyak kutti, pukaloTu
    kAppu ila vaikum tEkku amal cOlai
    n'irampA n'IL iTaip pOki,
    20
    aram pOz av vaLai n'ilai n'ekizttOrE.
    talaimakan pirivinkaN vERupaTTa talaimakaLatu vERupATu kaNTu,tOzi colliyatu. - mAmUlanAr

    252. kuRijci
    iTam paTupu aRiyA valam paTu vETTattu
    vAL vari n'aTugkap pukalvan'tu, ALi
    uyar n'utal yAnaip pukar mukattu oRRi,
    veN kOTu puykkum taN kamaz cOlaip
    5
    peru varai aTukkattu oru vEl En'ti,
    taniyan varutal avanum ajcAn;
    pani vAr kaNNEn Aki, n'Oy aTa,
    emiyEn iruttalai yAnum ARREn;
    yAgkuc ceyvAmkol tOzi! Igkait
    10
    tuy aviz pani malar utira vIcit
    tozil mazai pozin'ta pAnAT kagkul,
    eRi tirait tivalai tUum ciRu kOTTup
    perug kuLam kAvalan pOla,
    arug kaTi annaiyum tuyil maRan'tanaLE?
    talaimakan ciRaippuRattAnAka, tOzikkuc colluvALAy, talaimakaL colliyatu. - n'akkaNNaiyAr

    253. pAlai
    'vaikaltORum pacalai pAya, en
    meyyum perumpiRitu AkinRu, oyyena;
    annaiyum amarA mukattinaL; alarE,
    vATAp pUvin kogkar OTTi,
    5
    n'ATu pala tan'ta pacum pUT pANTiyan
    pon mali n'eTu n'akark kUTal ATiya
    in icai Arppinum peritE; Igku yAn
    cila n'AL uyyalen pOnm' enap pala n'inain'tu,
    Azal vAzi, tOzi! vaTAatu,
    10
    Ar iruL n'aTu n'AL Er A uyya,
    pakai munai aRuttup pal inam cAay,
    kaNamcAl kOvalar n'eTu viLip payir aRin'tu,
    inam talait tarUum tuLagku imil n'al ERRut
    tazUup piNar eruttam tAzap pUTTiya
    15
    am tUmpu akal amaik kamajcelap peyta
    tuRu kAz valciyar tozu aRai vauvi,
    kanRuTaip peru n'irai manRu n'iRai tarUum
    n'ErA van tOL vaTukar peru makan,
    pEr icai erumai n'al n'ATTu uLLatai
    20
    ayiri yARu iRan'tanar Ayinum, mayar iRan'tu
    uLLupatilla tAmE paNait tOL,
    kurumpai men mulai, arumpiya cuNagkin,
    n'ucuppu azittu olivarum tAz irug kUn'tal,
    mAka vicumpin tilakamoTu patitta
    25
    tigkaL anna n'in tiru mukattu,
    oN cUTTu avir kuzai malain'ta n'OkkE.
    talaimakan pirivinkaN vERupaTTa talaimakaTkut tOzi colliyatu. - n'akkIrar

    254. mullai
    'n'arai virAvuRRa n'aRu men kUn'taR
    cem mutu ceviliyar pala pArATTa,
    polan cey kiNkiNi n'alam peRu cEvaTi
    maNal mali muRRattu n'ilam vaTuk koLAa,
    5
    manai uRai puRavin ceg kAR cEval
    tuNaiyoTu kuRum paRai payiRRi, mEl cela,
    viLaiyATu Ayattu iLaiyOrk kANtoRum
    n'amvayin n'inaiyum n'al n'utal arivai
    pulampoTu vatiyum kalagku ajar akala,
    10
    vEn'tu uRu toziloTu vERu pulattu alki,
    van'tu vinai muTittanam Ayin, n'Iyum,
    paNai n'ilai munaiiya, vinai n'avil, puravi
    izai aNi n'eTun' tEr Azi uRuppa,
    n'uN koTi minnin, paim payir tumiya,
    15
    taLava mullaiyoTu talaii, taNNena
    veRi kamaz koNTa vI tatai puRavin
    n'eTi iTai pin paTak kaTavumati, enRu yAn
    colliya aLavai, n'ITAtu, vallena,
    tAr maNi mA aRivuRAa,
    20
    Ur n'aNit tan'tanai, uvakai yAm peRavE!
    vinai muRRi van'tu eytiya talaimakan tErppAkaRkuc colliyatu. - maturai aRuvai vANikan iLavETTanAr

    255. pAlai
    ulaku kiLarn'tanna uru kezu vagkam
    pulavut tiraip perug kaTal n'Ir iTaip pOza,
    iravum ellaiyum acaivu inRu Aki,
    virai celal iyaRkai vagkUz ATTa,
    5
    kOTu uyar tiNi maNal akan tuRai, n'IkAn
    mATa oL eri marugku aRin'tu oyya,
    AL vinaip pirin'ta kAtalar n'AL pala
    kaziyAmaiyE, azi paTar akala,
    varuvarmannAl tOzi! taN paNaip
    10
    poru punal vaippin n'am Ur AgkaN,
    karuviLai muraNiya taN putal pakanRai
    peru vaLam malara alli tINTi,
    palavuk kAyp puRatta pacum pazap pAkal
    kUtaLa mUtilaik koTi n'irait tUgka,
    15
    aRan inRu alaikkum AnA vATai
    kaTi manai mATattuk kagkul vIca,
    'tirun'tuizai n'ekizn'tu perug kavin cAya,
    n'irai vaLai Urun' tOL' ena,
    uraiyoTu cellum anpinarp peRinE.
    piriviTai vERupaTTa talaimakaL, ARRAmai mItUra, tOzikkuc colliyatu. -maturai marutan iLan'AkanAr

    256. marutam
    piNagku aril vaLLai n'ITu ilaip potumpila
    maTi tuyil munaiiya vaL ukir yAmai
    n'oTi viTu kallin pOki, akantuRaip
    pakuvAy n'iRaiya, n'ugkin kaLLin
    5
    n'ukarvAr arun'tu makizpu iyagku n'aTaiyoTu
    tIm perum pazanam uzakki, ayalatu
    Ampal mel aTai oTugkum Ura!
    poyyAl; aRiven, n'in mAyam. atuvE
    kaiyakappaTTamai aRiyAy; n'erun'ai
    10
    mai ezil uNkaN maTan'taiyoTu vaiyai
    Er taru putup punal uritinin n'ukarn'tu,
    parattai Ayam karappavum, ollAtu
    kavvai AkinRAl, peritE; kANtakat
    tol pukaz n'iRain'ta pal pUg kazani,
    15
    karumpu amal paTappai, perum peyark kaLLUr,
    tiru n'utaR kuRumakaL aNi n'alam vavviya
    aRanilALan,'aRiyEn' enRa
    tiRan il vej cUL aRi kari kaTAay,
    muRi Ar perug kiLai ceRiyap paRRi,
    20
    n'IRu talaippeyta jAnRai,
    vIRu cAl avaiyattu Arppinum peritE.
    tOzi talaimakaRku vAyil maRuttatu. - maturait tamizk kUttanAr kaTuvan maLLanAr

    257. pAlai
    vEniR pAtirik kUni mA malar
    n'aRai vAy vATal n'ARum n'AL, curam,
    ari Ar cilampin cIRaTi civappa,
    emmoTu Or ARu paTIiyar, yAza n'in
    5
    pommal Oti potuLa vAri,
    arumpu aRa malarn'ta Ay pU marAattuc
    curumpu cUz alari taii, vEyn'ta n'in
    tEm pAy kUn'tal kuRum pala mocikkum
    vaNTu kaTin'tu Ompal tERRAy, aNi koLa
    10
    n'uN kOl el vaLai teLirkkum munkai
    mel iRaip paNait tOL viLagka vIci,
    valluvaimannAl n'aTaiyE kaLvar
    pakai miku kavalaic cel n'eRi kANmAr,
    micai maram cErttiya kavai muRi yAattu,
    15
    n'Ar arai marugkin n'Ir varap poLittu,
    kaLiRu cuvaittiTTa kOtuTait tataral
    kallA umaNarkkut tI mUTTu Akum,
    tunpuRu takuvana AgkaN, pun kOTTu
    aril ivar puRRattu alku irai n'acaii,
    20
    veL arA miLira vAgkum
    piLLai eNkin malaivayinAnE.
    uTan pOkAn'inRa talaimakaTkut talaimakan colliyatu. - uRaiyUr maruttuvan tAmOtaranAr

    258. kuRijci
    n'annan utiyan arug kaTip pAzi,
    tol mutir vELir Ompinar vaitta
    ponninum arumai n'anku aRin'tum, annOT
    tunnalammAtO eninum, aHtu ollAy
    5
    taN mazai tavazum tAz n'Ir n'anan'talaik
    kaTug kARRu eTukkum n'eTum perug kunRattu
    mAya iruL aLai mAy kal pOla,
    mAykatil vAziya, n'ejcE! n'ALum,
    mel iyaR kuRumakaL n'al akam n'acaii,
    10
    aravu irai tErum ajcuvaru ciRu n'eRi,
    iravin eytiyum peRAay, aruL varap
    pullen kaNNai pulampu koNTu, ulakattu
    uLLOrkku ellAm peru n'akaiyAka,
    kAmam kaimmika uRutara,
    15
    AnA aru paTar talaittan'tOyE!
    allakuRippaTTup patippeyarn'ta talaimakan tan n'ejciRkuc colliyatu. -paraNar

    259. pAlai
    vElum viLagkina; iLaiyarum iyanRanar;
    tArum taiyina; tazaiyum toTuttana;
    n'ilam n'Ir aRRa vemmai n'Igkap
    peyal n'Ir talaii, ulavai ilai n'Ittuk
    5
    kuRu muRi InRana, maranE; n'aRu malar
    vEyn'tana pOlat tOnRi, pala uTan
    tEm paTap potuLina pozilE; kAnamum,
    n'ani n'anRu Akiya pani n'Igku vazi n'AL,
    pAl enap parattarum n'ilavin mAlaip
    10
    pOtu van'tanRu, tUtE; n'Iyum
    kalagkA manattai Aki, en col
    n'ayan'tanai koNmO n'ejcu amar takuvi!
    teRRi ulaRinum, vayalai vATinum,
    n'occi men cinai vaNar kural cAyinum,
    15
    n'inninum maTavaL n'ani n'in n'ayan'ta
    annai allal tAgki, n'in aiyar
    puli maruL cemmal n'Okki,
    valiyAy innum; tOykam, n'in mulaiyE!
    uTanpOkku n'Ern'ta tOzi talaimakaTkuc colliyatu. - kayamanAr

    260. n'eytal
    maNTilam mazuka, malai n'iRam kiLara,
    vaNTinam malar pAyn'tu Uta, mImicaik
    kaNTaR kAnal kurukinam olippa,
    tirai pATu aviya, timil tozil maRappa,
    5
    karai ATu alavan aLaivayin ceRiya,
    cekkar tOnRa, tuNai puNar anRil
    ekkarp peNNai aka maTal cEra,
    kazi malar kamaz mukam karappa, pozil manaip
    punnai n'aRu vI pon n'iRam koLAa,
    10
    ellai paippayak kazippi, el uRa,
    yAgku Akuvalkol yAnE? n'IgkAtu,
    mutu marattu uRaiyum muravu vAy mutu puL
    katumenak kuzaRum, kazutu vazagku, arai n'AL,
    n'ejcu n'ekiz paruvaral ceyta
    15
    anpilALan aRivu n'ayan'tEnE.
    iravukkuRikkaN talaimakan ciRaippuRamAka, tOziyAl col eTukkappaTTu,talaimakaL colliyatu. - mOcik karaiyanAr

    261. pAlai
    kAnap pAtirik karun' takaTTu oL vI
    vEnil atiraloTu viraii, kANvara,
    cil aig kUn'tal azutti, mel iNart
    tEm pAy marAam aTaicci, vAn kOl
    5
    ilagku vaLai teLirppa vIci, cilampu n'akac
    cil mel otukkamoTu menmela iyali, 'n'in
    aNi mAN ciRupuRam kANkam; ciRu n'ani
    Eku' ena, Ekal n'ANi, oyyena
    mA koL n'OkkamoTu maTam koLac cAay,
    10
    n'inRu talai iRaijciyOLE; atu kaNTu,
    yAm mun'tuRutal cellEm, AyiTai
    aruj curattu alkiyEmE irum puli
    kaLiRu aTTuk kuzumum Ocaiyum, kaLi paTTu
    villOr kuRumpil tatumpum,
    15
    val vAyk kaTun' tuTip pANiyum kETTE.
    puNarn'tu uTan pOyina kAlai, iTaic curattup paTTatanai mINTu van'ta kAlattut tOzikkut talaimakan colliyatu. - pAlai pATiya perugkaTugkO

    262. kuRijci
    mutai paTu pacug kATTu aril pavar mayakki,
    pakaTu pala pUNTa uzavuRu cej cey,
    iTu muRai n'irampi, Aku vinaik kalittu,
    pAcilai amanRa payaRu A pukkena,
    5
    vAy mozit tan'taiyaik kaN kaLain'tu, aruLAtu,
    Ur mutu kOcar n'avaitta ciRumaiyin,
    kalattum uNNAL, vAlitum uTAaL,
    cinattin koNTa paTivam mARAL,
    maRam kezu tAnaik koRRak kuRumpiyan,
    10
    ceru iyal n'al mAn titiyaRku uraittu, avar
    in uyir cekuppak kaNTu cinam mARiya
    annimijili pOla, meym malin'tu,
    AnA uvakaiyEm Ayinem pU malin'tu
    aruvi Arkkum ayam tikaz cilampin
    15
    n'uN pala tuvalai putalmicai n'anaikkum
    vaNTu paTu n'aRavin vaN makizp pEkan
    koNTal mA malai n'ARi,
    am tIm kiLavi van'tamARE.
    iravukkuRikkaN talaimakaLaip puNarn'tu n'Igkum talaimakan tan n'ejciRkuc colliyatu. - paraNar

    263. pAlai
    tayagku tiraip perug kaTal, ulaku tozat tOnRi,
    vayagku katir virin'ta, uru kezu maNTilam
    kayam kaN vaRappap pAay, n'al n'ilam
    payam keTat tirukiya paitu aRu kAlai,
    5
    vERu pal kavalaiya veruvaru viyan kATTu,
    ARu cel vampalar varu tiRam kANmAr,
    vil val ATavar mEl AL oRRi,
    n'ITu n'ilai yAattuk kOTu koL aruj curam
    koNTanan kazin'ta vankaN kALaikku,
    10
    avaL tuNivu aRin'tanen Ayin, annO!
    oLiRu vEl kOtai Ompik kAkkum
    vajci anna en vaLa n'akar viLagka,
    initinin puNarkkuven mannO tuni inRu
    tiru n'utal polin'ta en pEtai
    15
    varu mulai muRRattu EmuRu tuyilE!
    makaT pOkkiya tAy colliyatu. - karuvUrk kaNNampALanAr

    264. mullai
    mazai il vAnam mIn aNin'tanna,
    kuzai amal mucuNTai vAliya malara,
    vari veN kOTal vAgku kulai vAn pUp
    periya cUTiya kavar kOl kOvalar,
    5
    ellup peyal uzan'ta pal An n'iraiyoTu,
    n'Ir tikaz kaNNiyar, Urvayin peyartara,
    n'ani cENpaTTa mAri taLi ciRan'tu,
    Ertaru kaTu n'Ir teruvutoRu ozuka,
    pEr icai muzakkamoTu ciRan'tu n'ani mayagki,
    10
    kUtir n'inRanRAl, pozutE! kAtalar
    n'am n'ilai aRiyAr Ayinum, tam n'ilai
    aRin'tanarkollO tAmE Ogku n'aTaik
    kAy cina yAnai kagkul cUza,
    ajcuvara iRutta tAnai
    15
    vej cina vEn'tan pAcaRaiyOrE?
    paruvam kaNTu, vanpuRai etir azin'tu, talaimakaL tOzikkuc colliyatu;tOzi talaimakaTkuc colliyatUum Am. - umpaR kATTu iLagkaNNanAr

    265. pAlai
    pukaiyin pogki, viyal vicumpu ukan'tu,
    pani Ur azaR koTi kaTuppat tOnRum
    imayac cev varai mAnumkollO?
    pal pukaz n'iRain'ta vel pOr n'an'tar
    5
    cIr miku pATalik kuzIi, kagkai
    n'Irmutal karan'ta n'itiyamkollO?
    evankol? vAzi, tOzi! vayagku oLi
    n'izaRpAl aRalin n'eRitta kUn'tal,
    kuzaR kural, pAvai iragka, n'attuRan'tu,
    10
    oN toTi n'ekizac cAay, cellaloTu
    kaN pani kaluzn'tu yAm oziya, poRai aTain'tu,
    in cilai ezil ERu keNTi, puraiya
    n'iNam poti vizut taTi n'eruppin vaittu eTuttu,
    aNagku aru marapin pEey pOla
    15
    viLar Un tinRa vETkai n'Igka,
    tukaL aRa viLain'ta tOppi paruki,
    kulAa val vil koTu n'Okku ATavar
    pulAal kaiyar, pUcA vAyar,
    orAa uruL tuTi kuTumik kurAloTu
    20
    marAaj cIRUr marugkil tUgkum
    cen' n'utal yAnai vEgkaTam tazIi,
    vem munai aruj curam iRan'tOr
    n'amminum valitAt tUkkiya poruLE!
    piriviTai vERupaTTa talaimakaL, ARRAmai mItUra, tOzikkuc colliyatu. -mAmUlanAr

    266. marutam
    kOTuRa n'ivan'ta n'ITu irum parappin
    an'tip parAaya putup punal, n'erun'ai,
    main'tu mali kaLiRRin talaip puNai tazIi,
    n'aran'tam n'ARum kuvai irug kUn'tal
    5
    iLan' tuNai makaLiroTu Ir aNik kalaii,
    n'Ir peyarn'tu ATiya En'tu ezil mazaik kaN
    n'OkkutoRum n'OkkutoRum tavirvilaiyAki,
    kAmam kaimmikac ciRattalin, n'AN izan'tu,
    ATinai enpa makizn'a! atuvE
    10
    yAz icai maRukin n'ITUr kizavOn
    vAy vAL evvi Eval mEvAr
    n'eTu miTal cAytta pacum pUN porun'talar
    arimaNavAyil uRattUr AgkaN,
    kaLLuTaip peruj cORRu el imiz anna,
    15
    kavvai AkinRAl peritE; ini aHtu
    avalam anRuman, emakkE; ayala
    kazani uzavar kali ciRan'tu eTutta
    kaRagku icai verIip paRan'ta tOkai
    aNagkuTai varaippakam poliya van'tu iRukkum
    20
    tiru maNi viLakkin alaivAyc
    ceru miku cEeyoTu uRRa cULE!
    parattaiyiR pirin'tu van'tu kUTiya talaimakaRkut talaimakaL colliyatu. -paraNar

    267. pAlai
    'n'ejcu n'ekiztakun'a kURi, anpu kalan'tu,
    aRAa vajcinam ceytOr, vinai purin'tu,
    tiRam vERu Akal eRRu?' enRu oRRi,
    inaital AnRicin, n'IyE; cinai pAyn'tu,
    5
    utirtta kOTai, uTku varu kaTattiTai,
    verukku aTi anna kuvi mukiz iruppai,
    maruppuk kaTain'tanna, koLLai vAn pU
    mayirk kAl eNkin Ir inam kavara,
    mai paTTanna mA muka mucuvinam
    10
    paitu aRu n'eTug kazai pAytalin, oyyena
    vetir paTu veNNel vev aRait tAay,
    ukir n'eri Ocaiyin pogkuvana poriyum
    Ogkal veRpin curam pala iRan'tOr
    tAm pazi uTaiyar allar; n'ALum
    15
    n'ayan'tOrp piNittal tERRA, vayagku vinai
    vAL Er el vaLai n'ekiztta,
    tOLE tOzi! tavaRu uTaiyavvE!
    piriviTai vERupaTTa talaimakaLatu ARRAmai kaNTu, ARRALAkiya tOzikkut talai makaL colliyatu. - pAlai pATiya perugkaTugkO

    268. kuRijci
    aRiyAy vAzi, tOzi! poRi varip
    pU n'utal yAnaiyoTu puli porak kuzain'ta
    kurutic ceg kaLam pulavu aRa, vEgkai
    uru kezu n'ARRam kuLaviyoTu vilagkum
    5
    mA malai n'ATanoTu maRu inRu Akiya
    kAmam kalan'ta kAtal uNTuenin,
    n'anRuman; atu n'I n'ATAy, kURuti;
    n'ANum n'aTpum illOrt tErin,
    yAn alatu illai, iv ulakattAnE
    10
    in uyir anna n'innoTum cUzAtu,
    muLai aNi mUgkilin, kiLaiyoTu polin'ta
    perum peyar en'tai arug kaTi n'Ivi,
    ceytu pin iragkA vinaiyoTu
    mey al perum pazi eytinen yAnE!
    kuRai vENTip pin n'inRa talaimakanukkuk kuRai n'Ern'ta tOzi,talaimakaTkuk kuRai n'ayappa, kURiyatu. - vaTama vaNNakkan pEri cAttanAr

    269. pAlai
    toTi tOL ivarka! evvamum tIrka!
    n'eRi irug katuppin kOtaiyum punaika!
    ERuTai ina n'irai peyara, peyarAtu,
    ceRi curai veL vEl mazavart tAgkiya
    5
    taRukaNALar n'al icai n'iRumAr,
    piTi maTin'tanna kuRumpoRai marugkin,
    n'aTTa pOlum n'aTAa n'eTug kal
    akal iTam kuyinRa pal peyar maNNi,
    n'aRu virai majcaL Irm puRam poliya
    10
    ampu koNTu aRutta Ar n'Ar urivaiyin
    cem pUg karan'tai punain'ta kaNNi
    vari vaNTu Arppac cUTTi, kazaR kAl
    iLaiyar patip peyarum aruj curam iRan'tOr,
    taii n'inRa taN peyal kaTai n'AL,
    15
    polagkAcu n'iraitta kOTu En'tu alkul
    n'alam kEz mAk kural kuzaiyoTu tuyalvara,
    pATu Urpu ezutarum paku vAy maNTilattu
    vayir iTaippaTTa teL viLi iyampa,
    vaNTaR pAvai uNtuRait tarIi,
    20
    tiru n'utal makaLir kuravai ayarum
    peru n'Irk kAnal tazIiya irukkai,
    vANan ciRukuTi, vaNagku katir n'ellin
    yANart taN paNaip pOtu vAy avizn'ta
    oN ceg kazun'Ir anna, n'in
    25
    kaN pani tuTaimAr van'tanar, virain'tE.
    piriviTai vERupaTTa talaimakaLait tOzi vaRpuRuttiyatu. - maturai marutan iLan'AkanAr

    270. n'eytal
    irug kazi malarn'ta vaL itaz n'Ilam,
    pulAal maRukin ciRukuTip pAkkattu
    ina mIn vETTuvar, jAzaloTu milaiyum
    mel am pulampa! n'ekizn'tana, tOLE;
    5
    cEyiRAt tuzan'ta n'urai pitirp paTu tirai
    parAaraip punnai vAgku cinait tOyum
    kAnal am perun' tuRai n'Okki, ivaLE,
    koy cuvaR puravik kai vaN kOmAn
    n'al tErk kuTTuvan kazumalattu anna,
    10
    am mA mEni tol n'alam tolaiya,
    tujcAk kaNNaL alamarum; n'IyE,
    kaTavuL maratta muL miTai kuTampaic
    cEvaloTu puNarAc ciRu karum pETai
    innAtu uyagkum kagkulum,
    15
    n'um Ur uLLuvai; n'OkO, yAnE.
    pakaRkuRikkaN van'tu n'Igkum talaimakanait tOzi varaivu kaTAyatu. -cAkalAcanAr

    271. pAlai
    poRi varip puRavin ceg kAR cEval
    ciRu pun peTaiyoTu cEN pulam pOki,
    ari maNal iyavil paral tErn'tu uNTu,
    vari maral vATiya vAn n'Igku n'anan'talaik
    5
    kuRumpoRai marugkin kOT curam n'In'ti,
    n'eTuj cEN van'ta n'Ir n'acai vampalar
    cel uyir n'iRutta cuvaik kAy n'ellip
    pal kAy am cinai akavum attam
    cenRu, n'Ir avaNir Aki, n'inRu taru
    10
    n'ilai arum poruT piNi n'inain'tanir eninE,
    valvatAka, n'um cey vinai! ivaTkE,
    kaLi mali kaLLin n'al tEr aviyan
    ATu iyal iLa mazai cUTit tOnRum
    pazam tUgku viTarakattu ezun'ta kAmpin
    15
    kaN iTai puraiyum n'eTu men paNait tOL,
    tirun'tu kOl Ay toTi jekizin,
    marun'tum uNTO, pirin'tu uRai n'ATTE?
    celavu uNarttiya tOzi, talaimakaLatu kuRippu aRin'tu, talaimakanaic celavu azugkac colliyatu. - kAvirippUmpaTTinattuc cegkaNNanAr

    272. kuRijci
    irum puli tolaitta perug kai vEzattup
    pulavu n'ARu pukar n'utal kazuva, kagkul
    aruvi tan'ta aNagkuTai n'eTug kOTTu
    ajcu varu viTar mukai Ar iruL akaRRi,
    5
    min oLir eHkam cel n'eRi viLakka,
    taniyan van'tu, pani alai muniyAn,
    n'Ir izi marugkin Ar iTattu amanRa
    kuLaviyoTu miTain'ta kUtaLag kaNNi
    acaiyA n'ARRam acai vaLi pakara,
    10
    tuRu kal n'aNNiya kaRi ivar paTappaik
    kuRi iRaik kurampai n'am manaivayin pukutarum,
    meym mali uvakaiyan; an' n'ilai kaNTu,
    'muruku' ena uNarn'tu, mukaman kURi,
    uruvac cen' tinai n'IroTu tUuy,
    15
    n'eTu vEL paravum, annai; annO!
    en Avatu koltAnE pon ena
    malarn'ta vEgkai alagku cinai poliya
    maNi n'iRa majjai akavum
    aNi malai n'ATanoTu amain'ta n'am toTarpE?
    iravukkuRi van'ta talaimakan ciRaippuRattAnAka, talaimakaTkuc colluvALAy, tOzi colliyatu. - maturai aRuvai vANikan iLavETTanAr

    273. pAlai
    vicumpu vicaittu ezun'ta kUtaLag kOtaiyin,
    pacug kAl veN kuruku vAp paRai vaLaii,
    Arkali vaLavayin pOtoTu parappa,
    pulam puniRu tIrn'ta putu varal aRciram,
    5
    n'alam kavar pacalai n'aliyavum, n'am tuyar
    aRiyArkollO, tAmE? aRiyinum,
    n'am manattu anna menmai inmaiyin,
    n'ammuTai ulakam uLLArkollO?
    yAgku ena uNarkO, yAnE? vIgkupu
    10
    talai varampu aRiyAt takai varal vATaiyoTu
    mulaiyiTait tOnRiya n'Oy vaLar iLa muLai
    acaivuTai n'ejcattu uyavut tiraL n'ITi,
    UrOr eTutta ampal am cinai,
    ArAk kAtal avir taLir parappi,
    15
    pulavar pukazn'ta n'Ar il peru maram
    n'ila varai ellAm n'izaRRi,
    alar arumpu Uzppavum vArAtOrE.
    pirivinkaN talaimakaL aRivu mayagkic colliyatu.-auvaiyAr

    274. mullai
    iru vicumpu atira muzagki, ara n'alin'tu,
    iku peyal azi tuLi talaii, vAnam
    paruvam ceyta pAnAT kagkul,
    ATu talait turuvin tOTu EmArppa,
    5
    kaTai kOl ciRu tI aTaiya mATTi,
    tiN kAl uRiyan, pAnaiyan, ataLan,
    n'uN pal tuvalai oru tiRam n'anaippa,
    taNTu kAl UnRiya tani n'ilai iTaiyan,
    maTi viTu vILai kaTitu cenRu icaippa,
    10
    teRi maRi pArkkum kuRu n'ari verIi,
    muLLuTaik kuRun' tURu iriyap pOkum
    taN n'aRu puRavinatuvE n'aRu malar
    mullai cAnRa kaRpin
    mel iyaR kuRumakaL uRaivu in UrE.
    talaimakan tErppAkaRkuc colliyatu. - iTaik kATanAr

    275. pAlai
    Ogku n'ilait tAzi malkac cArtti,
    kuTai aTai n'Irin maTaiyinaL eTutta
    pan'tar vayalai, pan'tu eRin'tu ATi,
    iLamait takaimaiyai vaLa manaik kizatti!
    5
    'pitirvai n'Irai veN n'IRu Aka' ena,
    yAm taR kazaRug kAlai, tAn tan
    mazalai in col, kazaRal inRi,
    in uyir kalappak kURi, n'annutal
    peruj cORRu illattu orugku ivaN irAaL,
    10
    EtilALan kAtal n'ampi,
    tiraL arai iruppait toLLai vAn pUk
    kuruLai eNkin irug kiLai kavarum
    vem malai aruj curam, n'am ivaN oziya,
    iru n'ilan uyirkkum innAk kAnam,
    15
    n'erun'aip pOkiya peru maTat takuvi
    aitu akal alkul tazai aNik kUTTum
    kUzai n'occik kIzatu, en makaL
    cem puTaic ciRu viral varitta
    vaNTalum kANTirO, kaN uTaiyIrE?
    makaT pOkkiya tAy colliyatu. - kayamanAr

    276. marutam
    n'IL irum poykai irai vETTu ezun'ta
    vALai veN pOttu uNIiya, n'Arai tan
    aTi aRivuRutal ajci, paipayak
    kaTi ilam pukUum kaLvan pOla,
    5
    cAay otugkum tuRai kEz UranoTu
    Avatu Aka! ini n'AN uNTO?
    varukatil amma, em cEri cEra!
    ari vEy uNkaN avan peNTir kANa,
    tArum tAnaiyum paRRi, Ariyar
    10
    piTi payinRu tarUum perug kaLiRu pOla,
    tOL kan'tAkak kUn'talin piNittu, avan
    mArpu kaTi koLLEn Ayin, ArvuRRu
    iran'tOrkku IyAtu ITTiyOn poruLpOl,
    paran'tu veLippaTAtu Aki,
    15
    varun'tukatilla, yAy Ompiya n'alanE!
    talaimakaTkup pAgkAyinAr kETpap parattai colliyatu. - paraNar

    277. pAlai
    taN katir maNTilam avir, aRac cAayp
    pakal azi tORRam pOla, paiyena
    n'utal oLi karappavum, ALvinai tarumAr,
    taval il uLLamoTu eHku tuNai Aka,
    5
    kaTaiyal am kurala vAL vari uzuvai
    pEz vAyp piNavin vizup paci n'OnAtu,
    irum panaj ceRumpin anna parUu mayir,
    ciRu kaN, panRi varu tiRam pArkkum
    attam Ar azuvattu AgkaN n'anan'talai,
    10
    pottuTai maratta pukar paTu n'Izal,
    ARu cel vampalar acaiyun'ar irukkum,
    Iram il, vej curam iRan'tOr n'amvayin
    vArA aLavai Ayizai! kUr vAy
    azal akain'tanna kAmar tutai mayir
    15
    manai uRai kOzi maRanuTaic cEval
    pOr puri eruttam pOlak kajaliya
    pogku azal murukkin oN kural mAn'ti,
    citar citarn'tu ukutta cevvi vEnil
    van'tanRu amma, tAnE;
    20
    vArAr tOzi! n'am kAtalOrE.
    talaimakan pirivinkaN talaimakaL, tOzikkup paruvam kaNTu azin'tu,colli yatu. - karuvUr n'anmArpan

    278. kuRijci
    kuNa kaTal mukan'ta koLLai vAnam
    paNai kezu vEn'tar pal paTait tAnait
    tOl n'iraittanaiya Aki, valan Erpu,
    kOl n'imir koTiyin vaci paTa minni,
    5
    urum uraRu atir kural talaii, pAnAL,
    peru malai mImicai muRRinaAyin,
    vAL ilagku aruvi tAay, n'ALai,
    iru vetir am kazai ociyat tINTi
    varuvatumAtO, vaN pari un'ti,
    10
    n'ani perum parappin n'am Ur muntuRai;
    pani poru mazaik kaN civappa, pAnAL
    muni paTar akala mUzkuvamkollO
    maNi maruL mEni Ayn'alam tolaiya,
    taNivu arun' tuyaram ceytOn
    15
    aNi kiLar n'eTu varai ATiya n'IrE?
    iravukkuRikkaN talaimakan ciRaippuRamAka, talaimakaTkut tOzi colliyatu. - kapilar

    279. pAlai
    'n'aTTOr inmaiyum, kELir tunpamum,
    oTTAtu uRaiyun'ar perukkamum, kANUu,
    oru pati vAztal ARRupatilla
    pon avir cuNagkoTu ceRiya vIgkiya
    5
    men mulai muRRam kaTavAtOr' ena,
    n'aLLen kagkulum pakalum, iyain'tu iyain'tu
    uLLam pottiya uram cuTu kUr eri
    ALvinai mAriyin aviyA, n'ALum
    kaTaRu uzan'tu ivaNam Aka, paTar uzan'tu
    10
    yAgku AkuvaLkol tAnE tIm toTai
    viLari n'arampin n'ayavaru cIRiyAz
    mali pUm pogkar makiz kuraR kuyiloTu
    puNar tuyil eTuppum punal teLi kAlaiyum
    n'ammuTai matukaiyaL Aki, aNi n'aTai
    15
    anna mAN peTaiyin menmela iyali,
    kaiyaRu n'ejcinaL, aTaitarum
    mai Ir Oti mAayOLE?
    poruLvayiR pirin'tu pOkAn'inRa talaimakan tan n'ejciRkuc colliyatu. -irugkOn ollaiyAyan cegkaNNanAr

    280. n'eytal
    pon aTarn'tanna oL iNarc cerun'tip
    pal malar vEyn'ta n'alam peRu kOtaiyaL,
    tiNi maNal aTai karai alavan ATTi
    acaiyinaL irun'ta Ay toTik kuRumakaL,
    5
    n'alamcAl vizup poruL kalam n'iRai koTuppinum,
    peRal arugkuraiyaL Ayin, aRam terin'tu,
    n'Am uRai tEem marUup peyarn'tu, avanoTu
    iru n'Irc cErppin uppuTan uzutum,
    peru n'Irk kuTTam puNaiyoTu pukkum,
    10
    paTuttanam, paNin'tanam, aTuttanam, iruppin,
    tarukuvankollO tAnE viri tiraik
    kaN tiraL muttam koNTu, jAgkart
    tEn imir akan karaip pakukkum
    kAnal am perun' tuRaip paratavan emakkE?
    talaimakaLaik kaNNuRRu n'Igkum talaimakan tan n'ejciRkuc colliyatu; alla kuRippaTTup pOkAn'inRavan colliyatUum Am, - ammUvanAr

    281. pAlai
    ceyvatu terin'ticin tOzi! alkalum,
    akaluL ANmai accu aRak kURiya
    col pazutu Akum enRum ajcAtu,
    olku iyal maTa mayil ozitta pIli,
    5
    vAn pOz val vil cuRRi, n'On cilai
    av vAr viLimpiRku amain'ta n'ovvu iyal
    kanai kural icaikkum virai celal kaTug kaNai
    muraN miku vaTukar munnuRa, mOriyar
    ten ticai mAtiram munniya varaviRku
    10
    viNNuRa Ogkiya pani irug kunRattu,
    oN katirt tikiri uruLiya kuRaitta
    aRai iRan'tu, avarO cenRanar
    paRai aRain'tanna alar n'amakku ozittE.
    talaimakan pirivinkaN vERupaTTa talaimakaLatu vERupATu kaNTu ARRALAya tOzikkut talaimakaL colliyatu. - mAmUlanAr

    282. kuRijci
    peru malaic cilampin vETTam pOkiya,
    ceRi maTai ampin, val vil, kAnavan
    porutu tolai yAnai veN kOTu koNTu,
    n'Ir tikaz cilampin n'an pon akazvOn,
    5
    kaN porutu imaikkum tiN maNi kiLarppa,
    vain' n'uti vAla maruppu oTiya ukka
    teN n'Ir Ali kaTukkum muttamoTu,
    mUvERu tAramum orugkuTan koNTu,
    cAn'tam poRaimaram Aka, n'aRai n'Ar
    10
    vEgkaik kaNNiyan izitarum n'ATaRku
    in tIm palavin Er kezu celvattu
    en'taiyum etirn'tanan, koTaiyE; alar vAy
    ampal Urum avanoTu moziyum;
    cAy iRait tiraNTa tOL pArATTi,
    15
    yAyum, 'avanE' ennum; yAmum,
    'vallE varuka, varain'ta n'AL!' ena,
    n'al iRai mel viral kUppi,
    il uRai kaTavuTku Akkutum, paliyE!
    iravukkuRikkaN talaimakan ciRaippuRamAka, tOzi talaimakaTkuc colluvALAyc colliyatu; talaimakan pirivinkaN tOzikkut talaimakaL colliyatUum Am. - tol kapilan

    283. pAlai
    n'al n'eTug katuppoTu perun' tOL n'Ivi,
    n'in ivaN ozital ajciya enninum,
    celavu talaikkoNTa peru vituppu uRuvi
    pal kavar maruppin mutu mAn pOkki,
    5
    cil uNAt tan'ta cIRUrp peNTir
    tirivayin, tevuTTum cEN pulak kuTijaip
    paital men kural aitu van'tu icaittoRum,
    pOkun'ar pulampum ARE EkutaRku
    ariya Akum ennAmai, kari maram
    10
    kaN akai iLag kuzai kAlmutal kavini,
    vicumpuTan iruNTu, vemmai n'Igka,
    pacug kaN vAnam pAy taLi pozin'tena,
    pul n'ukumpu eTutta n'al n'eTug kAnattu,
    UTTuRu pajcip picir paran'tanna
    15
    vaNNa mUtAy taN n'ilam varippa,
    iniya Akuka taNin'tE
    innA n'Ippin n'innoTu celaRkE.
    uTanpOkku valitta tOzi talaimakaRkuc colliyatu. - maturai marutan iLan'AkanAr

    284. mullai
    ciRiyilai n'ellik kAy kaNTanna
    kuRu vizik kaNNa kUral am kuRu muyal
    muTan'tai varakin vIgku pIL arun'tupu,
    kuTan'tai am ceviya kOT pavar oTugki,
    5
    in tuyil ezun'tu, tuNaiyoTu pOki,
    munRil ciRu n'iRai n'Ir kaNTu uNNum
    pun pulam tazIiya poRaimutal ciRu kuTi,
    tinaik kaL uNTa teRi kOl maRavar,
    vicaitta villar, vETTam pOki,
    10
    mullaip paTappaip pulvAy keNTum
    kAmar puRavinatuvE kAmam
    n'amminum tAn talaimayagkiya
    am mA arivai uRaivu in UrE.
    vinai muRRiya talaimakan tErppAkaRkuc colliyatu; tan n'ejciRkuc colliyatUum Am. - iTaikkATanAr

    285. pAlai
    'oziyac cenmAr, celpa' enRu, n'Am
    azi paTar uzakkum avala n'ejcattu
    evvam ikan'tu cEN akala, vai eyiRRu
    Un n'acaip piNavin uRu paci kaLaiiyar,
    5
    kATu tEr maTap piNai alaRa, kalaiyin
    OTu kuRagku aRutta cen'n'Ay ERRai
    veyil pulan'tu iLaikkum vemmaiya, payil vari
    irum puli vEgkaik karun' tOl anna
    kal eTuttu eRin'ta pal kizi uTukkai
    10
    ulaRu kuTai vampalar uyar maram ERi,
    ERu vETTu ezun'ta inam tIr eruvai
    ATu cevi n'Okkum attam, paNait tOL
    kuvaLai uNkaN ivaLum n'ammoTu
    varUum enRanarE, kAtalar;
    15
    vArAy tOzi! muyagkukam, palavE.
    uTanpOkku uTanpaTuvitta tOzi talaimakaTkuc colliyatu. - kAvirippUm paTTinattuk kArikkaNNanAr

    286. marutam
    veLLi vizut toTi men karuppu ulakkai,
    vaLLi n'uN iTai vayin vayin n'uTagka;
    mIn cinai anna veN maNal kuvaii,
    kAjci n'Izal, tamar vaLam pATi,
    5
    Urk kuRumakaLir kuRuvazi, viRan'ta
    varAal arun'tiya ciRu ciral marutin
    tAz cinai uRagkum taN tuRai Ura!
    vizaiyA uLLam vizaiyum Ayinum,
    enRum, kETTavai tOTTi Aka mITTu, Agku,
    10
    aRanum poruLum vazAmai n'ATi,
    taR takavu uTaimai n'Okki, maRRu atan
    pin AkummE, munniyatu muTittal;
    anaiya, periyOr ozukkam; atanAl,
    ariya periyOrt teriyugkAlai,
    15
    n'ummOr annOr mATTum, inna
    poyyoTu miTain'tavai tOnRin,
    mey yANTu uLatO, iv ulakattAnE?
    'varain'tu eytuval' enRu n'Igkum talaimakan, 'talaimakaLai ARRuvittuk koN Tiruttal vENTum' enRu tOziyaik kaippaRRinARku, kaippaRRiyatu tannaita toTTuc cULuRuvAnAkak karuti, colliyatu. - OrampOkiyAr

    287. pAlai
    toTi aNi munkait toku viral kuvaii,
    paTiva n'ejcamoTu pakal tuNai Aka,
    n'Omkol? aLiyaL tAnE! tUgku n'ilai,
    marai ERu coRin'ta, mAt tAT kan'tin
    5
    curai ivar potiyil am kuTic cIRUr
    n'AT pali maRan'ta n'araik kaN iTTikai,
    puricai mUzkiya pori arai Alattu
    oru tani n'eTu vIz utaitta kOTai
    tuNaip puRA irikkum tUy mazai n'anan'talai,
    10
    kaNaik kAl am piNai ERu puRam n'akka,
    olku n'ilai yAattu Ogku cinai payan'ta
    alkuRu vari n'izal acaiyinam n'Okka,
    arampu van'tu alaikkum mAlai,
    n'irampA n'IL iTai varun'tutum yAmE.
    pirin'tu pOkAn'inRa talaimakan, iTaic curattu n'inRu, tan n'ejciRkuc colliyatu. - kuTavAyiRkIrattanAr

    288. kuRijci
    cenmati; ciRakka, n'in uLLam! n'in malai
    Aram n'Iviya am pakaTTu mArpinai,
    cAral vEgkaip paTu cinaip putup pU
    muruku muraN koLLum uruvak kaNNiyai,
    5
    eri tin kollai iRaijciya Enal,
    evvam kUriya, vaikalum varuvOy!
    kani mutir aTukkattu em tanimai kANTalin,
    eNmai ceytanai Akuvai n'aNNik
    koTiyOr kuRukum n'eTi irug kunRattu,
    10
    iTTu ARu iragkum viTTu oLir aruvi
    aru varai izitarum veru varu paTAark
    kayan' talai man'ti uyagku paci kaLaiiyar,
    pArppin tan'tai pazac cuLai toTinum,
    n'ani n'Oy Eykkum pani kUr aTukkattu,
    15
    makaLir mAgkATTu aRRE tukaL aRak
    kon'toTu utirtta katuppin,
    am tIm kiLavit tan'tai kAppE.
    pakaRkuRikkaN tOzi ceRippu aRivuRIi varaivu kaTAyatu. - viRRURRu mUteyinanAr

    289. pAlai
    cilai ERaTTa kaNai vIz vampalar
    uyar patukku ivarn'ta tatar koTi atiral
    n'eTu n'ilai n'aTukal n'AT palik kUTTum
    curaniTai vilagkiya maran Ogku iyavin,
    5
    van'tu, vinai valitta n'amvayin, enRum,
    terumaral uLLamoTu varun'tal AnAtu,
    n'ekizA men piNi vIgkiya kai ciRitu
    avizinum, uyavum Ay maTat takuvi
    cEN uRai pulampin n'AL muRai izaitta
    10
    tiN cuvar n'Okki, n'inain'tu, kaN pani,
    n'ekiz n'Ul muttin, mukiz mulait teRippa,
    mai aRa virin'ta paTai amai cEkkai
    ai men tUvi aNai cErpu acaii,
    maiyal koNTa matan azi irukkaiyaL
    15
    pakuvAyp palli paTutoRum paravi,
    'n'alla kURu' ena n'aTugki,
    pullen mAlaiyoTu porumkol tAnE?
    pirin'tu pOkAn'inRa talaimakan tan n'ejciRkuc colliyatu. - eyinan'tai makan iLagkIranAr

    290. n'eytal
    kuTumik kokkin paig kAR pETai,
    iruj cERRu aLLal n'AT pulam pOkiya
    kozu mIn valcip pun talaic ciRAar,
    n'uN jAN av valaic cEval paTTena,
    5
    alkuRu pozutin melku irai micaiyAtu,
    paital piLLai tazIi, oyyena,
    am kaN peNNai anpuRa n'aralum
    ciRu pal tol kuTip peru n'Irc cErppan,
    kazi cEr punnai azi pUg kAnal,
    10
    taNavA n'ejcamoTu tamiyan van'tu, n'am
    maNavA munnum evanO tOzi!
    veN kOTTu yAnai viRaR pOrk kuTTuvan
    teN tiraip parappin toNTi muntuRai,
    curumpu uNa malarn'ta perun' taN n'eytal
    15
    maNi Er mAN n'alam orIi,
    pon n'Er vaNNam koNTa en kaNNE?
    iravukkuRikkaN talaimakan ciRaippuRattAnAka, tOzikkuc colluvALAy,talaimakaL colliyatu. - n'akkIrar

    291. pAlai
    vAnam peyal vaLam karappa, kAnam
    ulaRi ilai ilavAka, pala uTan
    ERuTai Ayattu inam paci teRuppa,
    kayan aRa vaRan'ta kOTaiyoTu n'ayan aRap
    5
    peru varai n'ivan'ta marugkil, koTu varip
    puliyoTu porutu cinam ciRan'tu, valiyOTu
    uravuk kaLiRu otugkiya marugkil, parUup paral,
    ciRu pal minmini kaTuppa, evvAyum
    n'iRaivana imaikkum n'irampA n'IL iTai
    10
    eruvai iruj ciRai irIiya, viri iNart
    tAtu uN tumpi mural icai kaTuppa,
    pariyinatu uyirkkum ampinar, veruvara
    uvalai cUTiya talaiyar, kavalai
    Arttu, uTan arum poruL vavvalin, yAvatum
    15
    cAttu iTai vazagkAc cEN cimai atara
    ciRiyilai n'ellit tIm cuvait tiraL kAy
    utirvana tAam attam tavirvu inRu,
    puLLi am piNai uNIiya uLLi,
    aRu maruppu ozitta talaiya, tOl poti,
    20
    maRu maruppu iLag kOTu atirak kUum
    cuTar teRa varun'tiya aruj curam iRan'tu, Agku
    uLLinai vAziya, n'ejcE! pOtu enap
    pulam kamaz n'ARRattu irum pal kUn'tal,
    n'al ezil, mazaik kaN, n'am kAtali
    25
    mel iRaip paNaittOL viLagkum mAN kavinE.
    poruLvayiR pOkAn'inRa talaimakan iTaic curattut tan n'ejciRkuc colli yatu. - pAlai pATiya perug kaTugkO

    292.kuRijci
    kURAy, ceyvatu tOzi! vERu uNarn'tu,
    annaiyum poruL ukuttu alamarum; men muRic
    ciRu kuLaku arun'tu, tAy mulai peRAa,
    maRi kolaip paTuttal vENTi, veRi puri
    5
    Etil vElan kOtai tuyalvarat
    tUgkum Ayin, atUum n'ANuval;
    ilagku vaLai n'ekizn'ta cellal; pulam paTarn'tu,
    iravin mEyal marUum yAnaik
    kAl val iyakkam oRRi, n'aTu n'AL,
    10
    varaiyiTaik kazutin van kaik kAnavan
    kaTu vicaik kavaNin eRin'ta ciRu kal
    uTu uRu kaNaiyin pOki, cAral
    vEgkai viri iNar citaRi, tEn citaiyUu,
    palavin pazattuL tagkum
    15
    malai kezu n'ATan maNavAkkAlE!
    veRi accuRIi,talaimakaL tOzikkuc colliyatu. - kapilar

    293. pAlai
    ilai ozittu ulaRiya pun talai ulavai
    valai valan'tanaiya Aka, pala uTan
    cilampi cUzn'ta pulam keTu vaippin,
    tukil Ay ceykaip pA virin'tanna
    5
    veyil avirpu n'uTagkum vev veg kaLari,
    kuyiR kaN anna kurUuk kAy muRRi,
    maNik kAcu anna mAl n'iRa irug kani,
    ukAay men cinai utirvana kaziyum
    vEnil vej curam tamiyar tAmE,
    10
    celpa enpa tOzi! yAmE,
    paNpu il kOvalar tAy pirittu yAtta
    n'ejcu amar kuzavi pOla, n'on'tu n'on'tu,
    innA mozitum enpa;
    en mayagkinarkol, n'am kAtalOrE?
    poruLvayiR piriyak karutiya talaimakan kuRippu aRin'tu, talaimakaL tOzikkuc colliyatu; talaimakanAl pirivu uNarttappaTTa tOzi talaimakaTkuc colliyatUumAm. - kAvanmullaip pUtanAr

    294. mullai
    magkul mA mazai viN atirpu muzagki,
    tuLLup peyal kazin'ta pinRai, pukaiuRap
    puLLi n'uN tuvalai pUvakam n'iRaiya,
    kAtalarp pirin'ta kaiyaRu makaLir
    5
    n'Ir vAr kaNNin karuviLai malara,
    tuyt talaip pUvin putal ivar Igkai
    n'eyt tOyttanna n'Ir n'anai am taLir
    iru vakir IruLin Iriya tuyalvara,
    avaraip paim pUp payila, akal vayal
    10
    katir vAr kAy n'el kaTku initu iRaijca,
    citar cinai tUgkum aRcira arai n'AL,
    'kAy cina vEn'tan pAcaRai n'ITi,
    n'am n'Oy aRiyA aRanilALar
    in' n'ilai kaLaiya varukuvarkol?' ena
    15
    AnAtu eRitarum vATaiyoTu
    n'OnEn tOzi! en tanimaiyAnE.
    paruva varavinkaN vaRpuRukkum tOzikkut talaimakaL colliyatu. - kazArkkIran eyiRRiyAr

    295. pAlai
    n'ilam n'Ir aRRu n'IL cunai vaRappa,
    kunRu kOTu akaiya, kaTug katir teRutalin,
    enRUz n'ITiya vEy paTu n'anan'talai,
    n'ilavu n'iRa maruppin perug kai cErtti,
    5
    vEgkai venRa veru varu paNait tOL
    Ogkal yAnai uyagki, matam tEmpi,
    pal mara oru ciRaip piTiyoTu vatiyum
    kalluTai atara kAnam n'In'ti,
    kaTal n'Ir uppin kaNam cAl umaNar
    10
    uyagku pakaTu uyirppa acaii, murampu iTittu
    akal iTam kuzitta akal vAyk kUval
    ARu cel vampalar acai viTa URum,
    puTaiyal am kazaR kAl pulli kunRattu,
    n'aTai arug kAnam vilagki, n'On cilait
    15
    toTai amai pakazit tuvanRu n'ilai vaTukar,
    pizi Ar makizar, kali ciRan'tuArkkum
    mozi peyar tEem iRan'tanar Ayinum,
    pazi tIr mAN n'alam tarukuvarmAtO
    mArip pittikattu Ir itaz puraiyum
    20
    am kaluz koNTa ceg kaTai mazaik kaN,
    maNam kamaz aimpAl, maTan'tai! n'in
    aNagku n'ilaipeRRa taTa men tOLE.
    piriviTai vERupaTTa talaimakaTkut tOzi colliyatu. - mAmUlanAr

    296. marutam
    kOtai iNara, kuRug kAl, kAjcip
    pOtu aviz n'aRun' tAtu aNin'ta kUn'tal,
    ari matar mazaik kaN, mAayOLoTu
    n'erun'aiyum kamaz pozil tujci, inRum
    5
    peru n'Ir vaiyai avaLoTu ATi,
    pularA mArpinai van'tu n'inRu, emvayin
    karattal kUTumO maRRE? parappil
    pal mIn koLpavar mukan'ta ippi
    n'Ar ari n'aRavin makiz n'oTaik kUTTum
    10
    pEr icaik koRkaip porun'an, ven vEl
    kaTum pakaTTu yAnai n'eTun' tEr ceziyan,
    malai purai n'eTu n'akark kUTal n'ITiya
    malitaru kampalai pOla,
    alar AkinRu, atu palar vAyp paTTE.
    vAyil vENTic cenRa talaimakaRku vAyil maRukkum tOzi colliyatu. -maturaip pErAlavAyAr

    297. pAlai
    pAnAT kagkulum, perum pun mAlaiyum,
    AnA n'OyoTu azi paTark kalagki,
    n'amvayin inaiyum iTumpai kaimmika,
    ennai AkumO, n'ejcE! n'am vayin
    5
    irug kavin illAp perum pun tATi,
    kaTugkaN, maRavar pakazi mAyttena,
    marugkul n'uNukiya pEem mutir n'aTukal,
    peyar payam paTarat tOnRu kuyil ezuttu
    iyaipuTan n'OkkalcellAtu, acaivuTan
    10
    ARu cel vampalar viTTanar kaziyum
    cUr mutal irun'ta Omai am puRavin,
    n'Ir muL vElip pulavu n'ARu munRil,
    ezutiyanna koTi paTu verukin
    pULai anna pogku mayirp piLLai,
    15
    mati cUz mInin, tAy vazippaTUum
    ciRukuTi maRavar cEk kOL taNNumaikku
    eruvaic cEval iruj ciRai peyarkkum
    veru varu kAnam, n'ammoTu,
    'varuval' enROL makiz maTa n'OkkE?
    poruLvayiR pOkAn'inRa talaimakan tan n'ejciRkuc colliyatu. - maturai marutan iLan'AkanAr

    298. kuRijci
    payam kezu tiruvin pal katir jAyiRu
    vayagku tozil tarIiyar, valan Erpu viLagki,
    malku kaTal tOnRiyAgku, malku paTa,
    maNi maruL mAlai, malarn'ta vEgkai
    5
    oN taLir avir varum oli kezu peruj cinait
    taN tuLi acaivaLi taivarum n'ATa!
    konRu cinam taNiyAtu, venRu muraN cAmpAtu,
    irum piTit tozutiyin inam talaimayagkAtu,
    perum peyaR kaTAam cerukki, vaLa malai
    10
    irug kaLiRu iyalvarum perug kATTu iyavin,
    Ar iruL tumiya veL vEl En'ti,
    tAz pUg kOtai Utu vaNTu irIi,
    men piNi avizn'ta arai n'AL iravu, ivaN
    n'I van'tataninum, initu AkinRE
    15
    tUval kaLLin tunai tEr, en'tai
    kaTiyuTai viyal n'akar OmpinaL uRaiyum
    yAy aRivuRutal ajci, pAnAL,
    kAval n'ejcamoTu kAmam ceppEn,
    yAn n'in koTumai kURa, n'inaipu Agku,
    20
    inaiyal vAzi, tOzi! n'at tuRan'tavar
    n'ITalar Aki varuvar, vallena;
    kagkul uyavut tuNai Akiya
    tujcAtu uRaivi ivaL uvan'tatuvE!
    iravukkuRikkaN talaimakaRkut talaimakaL colliyatu. - maturai paNTa vANikan iLan'tEvanAr

    299. pAlai
    ellaiyum iravum, vinaivayin pirin'ta
    munnam, mun uRupu aTaiya uLLiya
    pati maRan'tu uRaital vallinam Ayinum,
    atu maRan'tu uRaital aritu AkinRE
    5
    kaTu vaLi eTutta kAl kazi tEkkilai
    n'eTu viLip parun'tin veRi ezun'tAgku,
    vicumpu kaN putaiyap pAay, pala uTan
    akal iTam cellun'ar aRivu keTat tAay,
    kavalai karakkum kATu akal attam,
    10
    cey poruL marugkin celavu tanakku uraittena,
    vaiku n'ilai matiyam pOla, paiyena,
    pulampu koL avalamoTu, putuk kavin izan'ta
    n'alam kezu tirumukam iRaijci, n'ilam kiLaiyA,
    n'IroTu poruta Ir itaz mazaik kaN
    15
    ikutaru teN pani Akattu uRaippa,
    kAl n'ilaicellAtu, kazi paTark kalagki,
    n'A n'aTukkuRRa n'avilAk kiLaviyoTu,
    aRal maruL kUn'talin maRaiyinaL,' tiRal mANTu
    tirun'tukamAtO, n'um celavu' ena veytu uyirA,
    20
    paruvaral evvamoTu azin'ta
    peru vituppuRuvi pEtuRu n'ilaiyE.
    iTaic curattup pOkAn'inRa talaimakan tan n'ejciRkuc colliyatu. -eyinan'tai makanAr iLagkIranAr

    300. n'eytal
    n'AL valai mukan'ta kOL val paratavar
    n'uNagku maNal AgkaN uNagkap peymmAr,
    paRi koL koLLaiyar, maRuka ukka
    mIn Ar kurukin kAnal am perun' tuRai,
    5
    ellai taN pozil cenRena, celIiyar,
    tEr pUTTu ayara Eey, vAr kOl
    ceRi toTi tirutti, pARu mayir n'Ivi,
    'cel ini, maTan'tai! n'in tOziyoTu, manai' enac
    colliyaaLavai, tAn peritu kaluzn'tu,
    10
    tIgku AyinaL ivaL Ayin, tAgkAtu,
    n'otumalar pOlap piriyin, katumenap
    piRitu onRu Akalum ajcuval; atanAl,
    cENin varun'ar pOlap pENA,
    irug kali yANar em ciRu kuTit tOnRin,
    15
    val etir koNTu, mellitin vinaii,
    'tuRaiyum mAnRanRu pozutE; cuRavum
    Otam malkalin, mARu AyinavE;
    ellinRu; tOnRal! cellAtIm' ena,
    emar kuRai kURat tagki, EmuRa,
    20
    iLaiyarum puraviyum inpuRa, n'Iyum
    il uRai n'al virun'tu ayartal
    ollutum, peruma! n'I n'alkutal peRinE.
    pakaRkuRi van'tu n'Igkum talaimakaRkut tOzi colliyatu. - ulOccanAr maNi miTai pavaLam muRRumn'ittilak kOvai

Tags         :

புதுப்பிக்கபட்ட நாள் : 07-09-2016 00:16:05(இந்திய நேரம்)