தமிழ் இணையக் கல்விக்கழகம் - TAMIL VIRTUAL ACADEMY

மொழிகள்

N'ittilak KOvai-n'ittilak KOvai

  • n'ittilak kOvai

    301. pAlai
    'vaRan uRu ceyyin vATupu varun'ti,
    paTar mikap pirin'tOr uLLupu n'inaital
    ciRu n'ani AnRikam' enRi tOzi!
    n'alkun'ar ozitta kUlic cil patam
    5
    oTivai inRi OmpAtu uNTu,
    n'Ir vAz mutalai Avittanna
    Arai vEyn'ta aRai vAyc cakaTattu,
    Ur iHtu ennAar, tItu il vAzkkai,
    curamutal varuttam maramutal vITTi,
    10
    pATu in teN kiNai kaRagka, kANvara,
    kuvi iNar erukkin tatar pUg kaNNi
    ATUuc cennit takaippa, makaTUu,
    muLarit tIyin muzagku azal viLakkattuk
    kaLari Aviraik kiLar pUg kOtai,
    15
    vaNNa mArpin vana mulait tuyalvara,
    ceRi n'aTaip piTiyoTu kaLiRu puNarn'tennak
    kuRu n'eTun' tUmpoTu muzavup puNarn'tu icaippa,
    kAr vAn muzakkin n'Irmicait tevuTTum
    tErai oliyin mANa, cIr amaittu,
    20
    cil ari kaRagkum ciRu pal iyattoTu
    pal Ur peyarvanar ATi, ollena,
    talaip puNarttu acaitta pal tokaik kalap paiyar,
    irum pEr okkal kOTiyar iRan'ta
    pun talai manRam kANin, vazi n'AL,
    25
    azugkal mUtUrkku innAtAkum;
    atuvE maruvinam, mAlai; atanAl,
    kAtalar ceyta kAtal
    n'ITu inRu maRattal kUTumO, maRRE?
    piriviTai vERupaTTa talaimakaL vaRpuRuttum tOzikkuc colliyatu. - atiyan viNNattanAr

    302. kuRijci
    cilampil pOkiya cem muka vAzai
    alagkal am tOTu, acaivaLi uRutoRum,
    paLLi yAnaip parUup puRam taivarum
    n'al varai n'ATanoTu aruvi ATiyum,
    5
    pal itaz n'Ilam paTu cunaik kuRRum,
    n'aRu vI vEgkai ina vaNTu Arkkum
    veRi kamaz cOlai n'ayan'tu viLaiyATalum
    ariya pOlum kAtal am tOzi!
    irug kal aTukkattu ennaiyar uzuta
    10
    karumpu enak kaviniya perug kural Enal,
    kiLi paTa viLain'tamai aRin'tum,' celka' ena,
    n'am avaN viTun'aL pOlAL, kaimmikac
    cil cuNagku aNin'ta, ceRin'tu vIgku, iLa mulai,
    mel iyal olivarum katuppoTu,
    15
    pal kAl n'Okkum aRan il yAyE.
    pakalE ciRaippuRamAkat tOzi talaimakaTkuc colluvALAyc colliyatu.- maturai aRuvai vANikan iLavETTanAr

    303. pAlai
    iTai piRar aRital ajci, maRai karan'tu,
    pEey kaNTa kanavin, pal mAN
    n'uNNitin iyain'ta kAmam ven vEl,
    maRam miku tAnai, pacumpUN, poRaiyan
    5
    kAr pukanRu eTutta cUr pukal n'anan'talai
    mA irug kolli uccit tAay,
    tatain'tu cel aruviyin alar ezap pirin'tOr
    pulam kan'tAka iravalar celinE,
    varai purai kaLiRRoTu n'an kalan Iyum
    10
    urai cAl vaN pukazp pAri paRampin
    n'irai paRaik kurIiyinam kAlaip pOki,
    muTagku puRac cen'n'el tarIiyar, OrAgku
    irai tEr koTpin Aki, pozutu paTap
    paTar koL mAlaip paTartan'tAgku,
    15
    varuvar enRu uNarn'ta, maTam kezu, n'ejcam!
    aiyam teLiyarO, n'IyE; pala uTan
    vaRal maram porun'tiya ciLvITu, umaNar
    kaNa n'irai maNiyin, Arkkum curan iRan'tu,
    azi n'Ir mIn peyarn'tAgku, avar
    20
    vazi n'aTaic cERal valitticin, yAnE.
    talaimakan pirivinkaN vETkai mItUrn'ta talaimakaL tan n'ejciRkuc colliyatu. - auvaiyAr

    304. mullai
    iru vicumpu ivarn'ta karuvi mA mazai,
    n'Ir ceRi n'ugkin kaN citarn'tavai pOl,
    cUr panippanna taN varal AliyoTu
    parUup peyal azi tuLi talaii, vAn n'avinRu,
    5
    kurUut tuLi pozin'ta perum pular vaikaRai,
    ceytu viTTanna cen' n'ila marugkil,
    ceRittu n'iRuttanna teL aRal paruki,
    ciRu maRi tazIiya teRin'aTai maTap piNai,
    valam tiri maruppin aNNal iralaiyoTu,
    10
    alagku cinaik kurun'tin alku n'izal vatiya,
    curumpu imirpu Uta, piTavut taLai aviza,
    arum poRi majjai Ala, vari maNal
    maNi miTai pavaLam pOla, aNi mikak
    kAyAj cemmal tAay, pala uTan
    15
    Iyal mUtAy Irm puRam varippa,
    pulan aNi koNTa kAr etir kAlai,
    'En'tu kOTTu yAnai vEn'tan pAcaRai
    vinaiyoTu vERu pulattu alki, n'anRum
    aRavar allar, n'am aruLAtOr' ena,
    20
    n'am n'Oy tanvayin aRiyAL,
    em n'on'tu pulakkumkol, mAayOLE?
    pAcaRaikkaN talaimakan tan n'ejciRkuc colliyatu. - iTaikkATanAr

    305. pAlai
    pakalinum akalAtAki, yAmam
    taval il n'IttamoTu aiyenak kaziya,
    taLi mazai pozin'ta taN varal vATaiyoTu
    pani mIkkUrum paital pAnAL,
    5
    pal paTai n'ivan'ta vaRumai il cEkkai,
    parukuvanna kAtaloTu tiruki,
    mey pukuvanna kai kavar muyakkattu,
    Or uyir mAkkaLum pulampuvarmAtO;
    aruLilALar poruLvayin akala,
    10
    evvam tAgkiya iTumpai n'ejcattu
    yAn evan uLenO tOzi! tAnE
    parAraip peNNaic cEkkum, kUrvAy,
    oru tani anRil uyavuk kural kaTaiiya,
    uLLE kanalum uLLam mellenak
    15
    kanai eri piRappa Utum
    n'inaiyA mAkkaL tIm kuzal kETTE?
    pirivu uNarttappaTTa tOzikkut talaimakaL colliyatu; talaimakan pirivinkaN tOzi talaimakaTkuc colliyatUum Am. - vaTama vaNNakkan pEricAttanAr

    306. marutam
    perum peyar makizn'a! pENAtu akanmO!
    paran'ta poykaip pirampoTu n'ITiya
    muT kompu Igkait tuyt talaip putu vI
    InRa mAttin iLan' taLir varuTa,
    5
    vAr kuruku uRagkum n'Ir cUz vaLa vayal
    kazanik karumpin cAyp puRam Urn'tu,
    pazana yAmai pacu veyil koLLum
    n'elluTai maRukin n'annar Ura!
    ituvO maRRu n'in cemmal? mANTa
    10
    mati Er oL n'utal vayagku izai orutti
    ikazn'ta collum colli, civan'ta
    Ay itaz mazaik kaN n'Oy uRa n'Okki,
    taN n'aRug kamaz tAr parIiyinaL, n'ummoTu
    UTinaL ciRu tuni ceytu em
    15
    maNal mali maRukin iRan'ticinOLE.
    tOzi talaimakaRku vAyil maRuttatu - maturaik kUlavANikan cIttalaic cAttanAr

    307. pAlai
    'ciRu n'utal pacan'tu, perun' tOL cAay,
    akal ezil alkul av vari vATa,
    pakalum kagkulum mayagki, paiyena,
    peyal uRu malarin kaN pani vAra,
    5
    Igku ivaL uzakkum' ennAtu, vinai n'ayan'tu,
    n'Igkal ollumO aiya! vEgkai
    aTu muraN tolaitta n'eTu n'al yAnai
    maiyal am kaTAam cerukki, matam ciRan'tu,
    iyagkun'arc cekukkum ey paTu n'anan'talai,
    10
    perug kai eNkinam kurumpi tErum
    puRRuTaic cuvara putal ivar potiyil,
    kaTavuL pOkiya karun' tAT kan'tattu
    uTan uRai pazamaiyin tuRattalcellAtu,
    irum puRAp peTaiyoTu payirum
    15
    perug kal vaippin malaimutal ARE?
    pirivu uNarttappaTTa tOzi talaimakanaic celavu vilakkiyatu. -maturai Izattup pUtan tEvanAr

    308. kuRijci
    uzuvaiyoTu uzan'ta uyagku n'aTai oruttal
    n'eTu vakir vizup puN kazAa, kagkul
    Ali azi tuLi pozin'ta vaikaRai,
    vAl veL aruvip punal malin'tu ozukalin,
    5
    ilagku malai putaiya veN mazai kavaii,
    kalam cuTu pukaiyin tOnRum n'ATa!
    iravin varutal evanO? pakal varin,
    tolaiyA vElin vaN makiz en'tai
    kaLiRu aNan'tu eytAk kal mukai itaNattu,
    10
    ciRu tinaip paTu kiLi emmoTu Oppi,
    mallal aRaiya malir cunaik kuvaLait
    tEm pAy oN pU n'aRum pala aTaicciya
    kUn'tal mel aNait tujci, pozutu paTa,
    kAvalark karan'tu, kaTi punam tuzaiiya
    15
    perug kaLiRRu oruttalin, peyarkuvai,
    karug kOR kuRijci, n'um uRaivu in, UrkkE.
    iravu varuvAnaip 'pakal varuka' enRatu. - picirAn'taiyAr

    309. pAlai
    vaya vAL eRin'tu, villin n'Ikki,
    payam n'irai tazIiya kaTugkaN mazavar,
    ampu cEN paTuttu vanpulattu uyttena,
    teyvam cErn'ta parArai vEmpil
    5
    kozuppu A eRin'tu, kuruti tUuy,
    pulavup puzukku uNTa vAn kaN akal aRai,
    kaLiRu puRam urijciya karug kAl ilavattu
    aralai veN kAz Aliyin tAam
    kATu mika n'eTiya ennAr, kOTiyar
    10
    perum paTaik kutirai, n'al pOr, vAnavan
    tirun'tu kazaR cEvaTi n'acaiip paTarn'tAgku,
    n'Am celin, evanO tOzi! kAmpin
    vanai kazai uTain'ta kavaN vicaik kaTi iTik
    kanai cuTar amaiyattu vazagkal cellAtu,
    15
    iravup punam mEyn'ta uravuc cina vEzam
    taN peru paTAar verUum
    kunRu vilagku iyavin, avar cenRa, n'ATTE?
    piriviTai vERupaTTa talaimakaLatu vERupATu kaNTu vERupaTTa tOzikkut talaimakaL colliyatu. - karuvUrk kan'tappiLLaic cAttanAr

    310. n'eytal
    kaTun' tEr iLaiyaroTu n'Ikki, n'inRa
    n'eTun' takai n'Irmaiyai anRi, n'Iyum,
    tozutaku meyyai, azivu mun'tuRuttu,
    pal n'AL van'tu, paNi mozi payiRRalin,
    5
    kuvaLai uNkaN kaluza, n'inmATTu
    ivaLum perum pEtuRRanaL; Orum
    tAyuTai n'eTu n'akart tamar pArATTa,
    kAtalin vaLarn'ta mAtar Akalin,
    peru maTam uTaiyarO, ciRitE; atanAl,
    10
    kunRin tOnRum kuvavu maNaR cErppa!
    inRu ivaN virumpAtImO! cenRu, ap
    pU viri punnaimItu tOnRu peNNaik
    kUum kaNNaHtE teyya Agka
    uppu oy umaNar ozukaiyoTu van'ta
    15
    iLaip paTu pETai iriya, kuraittu ezun'tu
    urum icaip puNari uTaitarum
    perun'Ir vEli em ciRu n'al UrE.
    talaimakaRkuk kuRain'Ern'ta tOzi colliyatu. - n'akkIranAr

    311. pAlai
    irum piTip paricilar pOlak kaTai n'inRu,
    arug kaTik kAppin akal n'akar oru ciRai,
    ezutiyanna tiN n'ilaik katavam
    kazutu vazagku arai n'AL, kAvalar maTin'tena,
    5
    tiRan'tu n'ap puNarn'tu, 'n'ummin ciRan'tOr
    immai ulakattu il' enap pal n'AL
    pommal Oti n'Iviya kAtaloTu,
    payam talaippeyarn'tu mAtiram vempa,
    varuvazi vampalarp pENi, kOvalar
    10
    maza viTaip pUTTiya kuzAayt tIm puLi
    cevi aTai tIrat tEkkilaip pakukkum
    pulli n'al n'ATTu umpar, cel aruj
    curam iRan'tu Ekinum, n'ITalar
    aruL mozit tERRi, n'am akanRicinOrE.
    pirivinkaN vERupaTTa talaimakaTkut tOzi colliyatu. - mAmUlanAr

    312. kuRijci
    n'ejcu uTampaTutalin onRu purin'tu aTagki,
    iravin varUum iTumpai n'Igka,
    varaiyak karutum Ayin, peritu uvan'tu,
    Ogku varai izitarum vIgku peyal n'Ittam,
    5
    kAn'taL am ciRukuTik kauvai pENAtu,
    ari matar mazaik kaN civappa, n'ALaip
    peru malai n'ATan mArpu puNai Aka,
    ATukam vammO kAtal am tOzi!
    vEy payil aTukkam putaiyak kAl vIzttu,
    10
    in icai muracin iragki, onnAr
    OTu puRam kaNTa, tAL tOy taTak kai,
    vel pOr vazuti cel camattu uyartta
    aTu pukaz eHkam pOla,
    koTi paTa minnip pAyinRAl, mazaiyE!
    talaimakan ciRaippuRamAkat tOzi colliyatu; talaimakaL colliyatUum Am. -maturai marutan iLan'AkanAr

    313. pAlai
    'inip piRitu uNTO? ajcal Ompu!' ena
    aNik kavin vaLara muyagki, n'ejcam
    piNittOr cenRa ARu n'inain'tu, alkalum,
    kuLittup poru kayalin kaN pani malka,
    5
    aiya Aka veyya uyirA,
    iravum ellaiyum paTar aTa varun'ti,
    aravu n'ugku matiyin n'utal oLi karappa,
    tam alatu illA n'am ivaN oziya,
    poruL purin'tu akanRanar Ayinum, aruL purin'tu,
    10
    varuvar vAzi, tOzi! periya
    n'itiyam corin'ta n'Ivi pOlap
    pAmpu Un tEmpum vaRam kUr kaTattiTai,
    n'IgkA vampalar kaNai iTat tolain'tOr
    vaci paTu puNNin kuruti mAn'ti,
    15
    oRRuc cel mAkkaLin oTugkiya kurala,
    il vazip paTUum kAkkaik
    kal uyar piRagkal malai iRan'tOrE.
    piriviTai vERupaTTa talaimakaLait tOzi vaRpuRuttiyatu. - pAlai pATiya perugkaTugkO

    314. mullai
    'n'Ilattu anna n'Ir poti karuvin,
    mA vicumpu atira muzagki, Aliyin
    n'ilam taNNenRu kAnam kuzaippa,
    inam tEr uzavar in kural iyampa,
    5
    maRiyuTai maTap piNai tazIi, puRavin
    tirimaruppu iralai paim payir ukaLa,
    Ar peyal utaviya kAr cey kAlai,
    n'Ul n'eRi n'uNagkiya kAl n'avil puravi
    kallenak kaRagku maNi iyampa, vallOn
    10
    vAc cela vaNakkiya tAp pari n'eTun' tEr
    Irm puRavu iyagku vazi aRuppa, tIm toTaip
    paiyuL n'al yAz cevvazi piRappa,
    in' n'ilai vArAr Ayin, tam n'ilai
    evankol? pANa! uraitticin, ciRitu' ena,
    15
    kaTavuT kaRpin maTavOL kURa,
    cey vinai azin'ta maiyal n'ejcin
    tuni koL paruvaral tIra, van'tOy!
    initu ceytanaiyAl; vAzka, n'in kaNNi!
    vEli cuRRiya vAl vI mullaip
    20
    perun' tAr kamazum, virun'tu oli, katuppin
    in n'akai iLaiyOL kavava,
    mannuka, peruma! n'in malarn'ta mArpE!
    vinai muRRip pukun'ta talaimakaRkut tOzi colliyatu. - maturai aLakkar jAzAr makanAr ammaLLanAr

    315. pAlai
    'kUzaiyum kuRu n'eRik koNTana; mulaiyum
    cUzi men mukam ceppuTan etirina;
    peN tuNai cAnRanaL, ivaL' enap pal mAN
    kaN tuNai Aka n'Okki, n'erun'aiyum,
    5
    ayirttanRumannE, n'ejcam; peyarttum,
    aRiyAmaiyin ceRiyEn, yAnE;
    perum peyar vazuti kUTal anna tan
    arug kaTi viyal n'akarc cilampum kaziyAL,
    cENuRac cenRu, vaRuj cunaikku olki,
    10
    puRavuk kuyinRu uNTa pun kAy n'ellik
    kOTai utirtta kuvi kaN pacug kAy,
    aRu n'Ul paLigkin tuLaik kAcu kaTuppa,
    vaRu n'ilattu utirum attam, katumena,
    kUr vEl viTalai poyppap pOki,
    15
    cEkkuvaL kollOtAnE tEkkin
    akal ilai kavitta putal pOl kurampai,
    Un puzukku ayarum munRil,
    kAn kezu vAzn'ar ciRukuTiyAnE.
    makaT pOkkiya tAy colliyatu. - kuTavAyil kIrattanAr

    316. marutam
    'tuRai mIn vazagkum peru n'Irp poykai,
    ari malar Ampal mEyn'ta n'eRi maruppu
    Irn' taN erumaic cuval paTu mutu pOttu,
    tUgku cERRu aLLal tujci, pozutu paTa,
    5
    pain' n'iNa varAal kuRaiyap peyartan'tu,
    kurUuk koTip pakanRai cUTi, mUtUrp
    pOr ceRi maLLarin pukutarum Uran
    tEr tara van'ta, teriizai, n'ekiz tOL,
    Ur koLkallA, makaLir tarat tara,
    10
    parattaimai tAgkalO ilen' ena vaRitu n'I
    pulattal ollumO? manai kezu maTan'tai!
    atu pulan'tu uRaital valliyOrE,
    ceyyOL n'Igka, cil patam kozittu,
    tAm aTTu uNTu, tamiyar Aki,
    15
    tE mozip putalvar tiragku mulai cuvaippa,
    vaikun'ar Akutal aRin'tum,
    aRiyAr amma, aHtu uTalumOrE!
    talaimakaRku vAyil n'Ern'ta tOzi talaimakaLai n'erugkic colliyatu. -OrampOkiyAr

    317. pAlai
    ' "mAka vicumpin mazai tozil ulan'tena,
    pAay anna pakal iruL parappi,
    pukai n'iRa uruvin aRciram n'Igka,
    kuvimukai murukkin kUr n'unai vai eyiRRu
    5
    n'akai muka makaLir UTTu ukir kaTukkum
    mutirAp pal itaz utirap pAyn'tu, uTan
    malar uN vETkaiyin citar citarn'tu ukuppa,
    pon cey kannam poliya, veLLi
    n'uN kOl aRai kuRain'tu utirvana pOla,
    10
    arava vaNTinam UtutoRum kuravattu
    Ogku cinai n'aRu vI kOgku alar uRaippa,
    tuvaittu ezu tumpi, tavir icai viLari
    putaittu viTu n'arampin, immena imirum
    An EmuRRa kAmar vEnil,
    15
    veyil avir puraiyum vI tatai marAattuk
    kuyil iTu pUcal emmoTu kETpa
    varuvEm" enRa paruvam ANTai
    illaikol?' ena mella n'Okki,
    n'inain'tanam irun'tanamAka, n'ayan'tu Agku
    20
    uLLiya marugkin uLLam pOla,
    van'tu n'inRanarE kAtalar; n'an' tuRan'tu
    ennuziyatukol tAnE pal n'AL
    annaiyum aRivuRa aNagki,
    n'al n'utal pAaya pacalai n'OyE?
    talaimakan varavu uNarn'ta tOzi talaimakaTkuc colliyatu. - vaTamOtag kizAr

    318. kuRijci
    kAna mAn atar yAnaiyum vazagkum;
    vAna mImicai urumum n'ani uraRum;
    aravum puliyum ajcutakavu uTaiya;
    ira vazagku ciRu n'eRi tamiyai varuti
    5
    varai izi aruvip pATToTu piracam
    muzavu cEr n'arampin immena imirum,
    paza viRal n'anan'talaip paya malai n'ATa!
    manRal vENTinum peRukuvai; onRO
    inRu talaiyAka vAral; varinE,
    10
    Em uRu tuyaramoTu yAm ivaN oziya,
    ek kaNTu peyarug kAlai, yAza n'in
    kal kezu ciRukuTi eytiya pinRai,
    Utal vENTumAl ciRitE vETToTu
    vEy payil azuvattup pirin'ta n'in
    15
    n'Ay payir kuRi n'ilai koNTa kOTE!
    iravukkuRi van'ta talaimakanai varavu vilakki varaivu kaTAyatu. - kapilar

    319. pAlai
    maNi vAyk kAkkai mA n'iRap perug kiLai
    piNi vIz Alattu alagku cinai ERi,
    koTu vil eyinar kuRumpiRku Ukkum
    kaTu vinai maRavar villiTat tolain'tOr
    5
    paTu piNam kavarum pAz paTu n'anan'talai,
    aNagku ena urutta n'Okkin, aiyena
    n'uNagkiya n'ucuppin, n'uN kEz mAmai,
    pon vI vEgkaip putu malar puraiya
    n'al n'iRattu ezun'ta, cuNagku aNi vana mulai,
    10
    curumpu Ar kUn'tal, perun' tOL, ivaLvayin
    pirin'tanir akaRal cUzin, arum poruL
    eytukamAtO n'umakkE; koy tazait
    taLir Er anna, tAgku aru matukaiyaL,
    melliyaL, iLaiyaL, n'ani pEr anpinaL,
    15
    'celvEm' ennum n'um etir,
    'ozivEm' ennum oNmaiyO ilaLE!
    celavu uNarttiya talaimakaRkut tOzi celavu azugkac colliyatu. -erukkATTUrt tAyagkaNNanAr

    320. n'eytal
    Ogku tiraip parappin vAgku vicaik koLIi,
    timilOn tan'ta kaTug kaN vaya mIn,
    tazai aNi alkul celvat tagkaiyar,
    vizavu ayar maRukin vilai enap pakarum
    5
    kAnal am ciRukuTi, peru n'Irc cErppa!
    malar Er uNkaN em tOzi evvam
    alar vAy n'Igka, n'I aruLAy poyppinum,
    n'eTug kazi tuzaiiya kuRug kAl annam
    aTumpu amar ekkar am ciRai uLarum,
    10
    taTavu n'ilaip punnait tAtu aNi, perun' tuRai
    n'aTugku ayir pOzn'ta koTujci n'eTun' tEr
    vaNTaR pAvai citaiya van'tu, n'I
    tOL putitu uNTa jAnRai,
    cULum poyyO, kaTal aRi kariyE?
    pakaRkuRikkaN van'ta talaimakanait tOzi varaivu kaTAyatu. - maturaik kUlavANikan cIttalaic cAttanAr

    321. pAlai
    pacitta yAnaip pazagkaN anna
    vaRuj cunai mukan'ta kOTait teL viLi
    vicittu vAgku paRaiyin viTarakattu iyampa,
    katirk kAl am piNai uNIiya, pukal ERu
    5
    kutirk kAl iruppai veN pU uNNAtu,
    AN kural viLikkum cEN pAl viyan curaip
    paTu maNi ina n'irai uNIiya, kOvalar
    viTu n'ilam uTaitta kaluz kaN kUval,
    kanRuTai maTap piTi kaLiRoTu taTavarum
    10
    pun talai manRattu am kuTic cIRUr,
    tuNaiyoTu tuccil irukkumkollO?
    kaNaiyOr ajcAk kaTugkaN kALaiyoTu
    elli munnuRac cellumkollO?
    ev vinai ceyugkol? n'OkO yAnE!
    15
    ari peytu potin'ta teri cilampu kazIi,
    yAy aRivuRutal ajci,
    vEy uyar piRagkal malai iRan'tOLE.
    makaT pOkkiya cevili colliyatu. - kayamanAr

    322. kuRijci
    vayagku veyil jemiyap pAay, minnu vacipu,
    mayagku tuLi pozin'ta pAnAT kagkul;
    ArAk kAmam aTUu n'inRu alaippa,
    iRu varai vIzn'arin n'aTugki, teRuvara,
    5
    pAmpu eRi kOlin tamiyai vaiki,
    5
    tEmputikollO? n'ejcE! urum icaik
    kaLiRu kaNkUTiya vAL mayagku jATpin,
    oLiRu vER tAnaik kaTun' tErt titiyan
    10
    varu punal izitaru maram payil iRumpil,
    piRai uRaz maruppin, kaTug kaN, panRik
    kuRai Ar koTuvari kuzumum cAral,
    aRai uRu tIm tEn kuRavar aRuppa
    muyalun'ar muRRA ERRu aru n'eTuj cimai,
    15
    pukal arum, potiyil pOlap
    peRal arugkuraiyaL, em aNagkiyOLE!
    allakuRippaTTup pOkinRa talaimakan tan n'ejciRkuc colliyatu. - paraNar

    323. pAlai
    immen pEr alar, iv Ur, n'amvayin
    ceyvOr Ec col vATa, kAtalar
    varuvar enpatu vAyvatAka,
    aiya, ceyya, matan ila, ciRiya n'in
    5
    aTi n'ilan uRutal ajci, paiyat
    taTavaral otukkam takaikoLa iyali,
    kANiya vammO? kaRpu mEmpaTuvi!
    palavup pala taTaiiya vEy payil aTukkattu,
    yAnaic cel inam kaTuppa, vAnattu
    10
    vayagku katir mazugkap pAay, pAmpin
    pai paTa iTikkum kaTug kural ERRoTu
    Ali azi tuLi talaiik
    kAl vIzttanRu, n'in katuppu uRaz puyalE!
    pirivinkaN vERupaTTa talaimakaLait tOzi vaRpuRuttiyatu. - paRan'ATTup perugkoRRanAr

    324. mullai
    virun'tum peRukun'aL pOlum, tirun'tu izait
    taTa men paNait tOL, maTa mozi arivai
    taLir iyal kiLLai ini tinin eTutta
    vaLarAp piLLait tUvi anna,
    5
    uLar peyal vaLartta, paim payirp puRavil
    paRaik kaN anna n'iRaic cunai tORum
    tuLi paTu mokkuL tuLLuvana cAla,
    toLi poru pokuTTut tOnRuvana mAya,
    vaLi cinai utirttalin, veRi koLpu tAay,
    10
    ciraR ciRaku Eyppa aRaRkaN varitta
    vaNTu uN n'aRu vI tumitta n'Emi
    taN n'ila marugkil pOzn'ta vaziyuL,
    n'irai cel pAmpin viraipu n'Ir muTuka,
    cellum, n'eTun'takai tErE
    15
    mullai mAlai n'akar pukal Ayn'tE!
    vinai muRRiya talaimakan karuttu uNarn'tu uzaiyar colliyatu. -okkUr mAcAttiyAr

    325. pAlai
    amma! vAzi, tOzi! kAtalar,
    'veN maNal n'ivan'ta polag kaTai n'eTu n'akar,
    n'aLi irug kagkul puNar kuRi vAytta
    kaLavum kaimmika alarn'tanRu; annaiyum
    5
    uTkoNTu OvAL kAkkum; pin peritu
    ivaN uRaipu evanO? aLiyaL!' enRu aruLi,
    'ATu n'aTaip polin'ta pukaRciyin, n'ATu kOL
    aLLanaip paNitta atiyan pinRai,
    vaL uyir mAk kiNai kaN avin'tAgku,
    10
    malai kavin azin'ta kanai kaTaRRu aruj curam
    veyyamanRa; n'in vai eyiRu uNIiya,
    taN mazai oru n'AL talaiyuka! oL n'utal,
    olku iyal, arivai! n'innoTu celkam;
    cil n'AL AnRanaiAka' ena, pal n'AL,
    15
    ulaivu il uLLamoTu vinai vali uRIi,
    ellAm perum piRitAka, vaTAatu,
    n'al vER pANan n'al n'ATTu uLLatai,
    vAL kaN vAnattu enRUz n'IL iTai,
    AL kol yAnai atar pArttu alkum
    20
    cOlai attam mAlaip pOki,
    oziyac cenROrmanRa;
    pazi evan Amkol, n'Oy taru pAlE?
    koNTu n'Igkak karuti ozin'ta talaimakan pirivinkaN talaimakaL tOzikkuc colliyatu. - mAmUlanAr

    326. marutam
    Ural av vAy urutta titti,
    pEr amar mazaik kaN, perun' tOL, ciRu n'utal,
    n'allaL amma, kuRumakaL celvar
    kaTun' tEr kuzitta jeLLal AgkaN,
    5
    n'eTug koTi n'uTagkum maTTa vAyil,
    irug katirk kazanip perug kavin anna
    n'alam pArATTi, n'aTai ezil polin'tu,
    vizavil celIiyar vENTum ven vEl
    izai aNi yAnaic cOzar maRavan
    10
    kazai aLan'tu aRiyAk kAvirip paTappai,
    punal mali putavin, pOor kizavOn,
    pazaiyan Okkiya vEl pOl,
    pizaiyala kaN, avaL n'OkkiyOr tiRattE!
    tOzi talaimakanai vAyil maRuttatu. - paraNar

    327. pAlai
    'inpamum iTumpaiyum, puNarvum pirivum,
    n'anpakal amaiyamum iravum pOla,
    vERu vERu iyala Aki, mARu etirn'tu,
    uLa' ena uNarn'tanaiAyin, orUum
    5
    innA vej curam, n'al n'acai turappa,
    tunnalum takumO? tuNivu il n'ejcE!
    n'I cela valittanaiAyin, yAvatum
    n'inaitalum ceytiyO emmE kanai katir
    Avi av vari n'Ir ena n'acaii,
    10
    mA tavap parikkum maral tiragku n'anan'talai,
    kaLar kAl yAtta kaN akal parappin
    cev varai kozi n'Ir kaTuppa, aravin
    av vari urivai aNavarum marugkin,
    puRRu arai yAtta pular cinai maratta,
    15
    main' n'iRa uruvin, maNik kaN, kAkkai
    pain' n'iNam kavarum paTu piNak kavalaic
    cenROr celpuRattu iragkAr konROr,
    kOl kazipu iragkum atara,
    vEy payil azuvam iRan'ta pinnE?
    poruL kaTaikkUTTiya n'ejcinaik kazaRiyatu. - marugkUrp pAkaic cAttan pUtanAr

    328. kuRijci
    vazai amal aTukkattu, valan Erpu, vayiriyar
    muzavu atirn'tanna muzakkattu EROTu,
    uravup peyal pozin'ta n'aLLen yAmattu,
    aravin pain' talai iTaRi, pAnAL
    5
    iravin van'tu, em iTaimulai muyagki,
    tuni kaN akala aLaii, kagkulin
    initin iyain'ta n'aNpu, avar munital
    teRRu Akutal n'aRku aRin'tanam Ayin,
    ilagku vaLai n'ekiza, paran'tu paTar alaippa, yAm
    10
    muyagkutoRum muyagkutoRum uyagka mukan'tu koNTu
    aTakkuvammannO tOzi! maTap piTi
    mazai tavaz cilampil kaTujcUl InRu,
    kazai tin yAkkai vizai kaLiRu taivara,
    vAzai am cilampil tujcum
    15
    cAral n'ATan cAyal mArpE!
    iravukkuRic ciRaippuRamAkat tOzi col eTuppa, talaimakaL colliyatu. -maturaip paNTa vANikan iLan'tEvanAr

    329. pAlai
    pUg kaNum n'utalum pacappa, n'Oy kUrn'tu,
    Igku yAn varun'tavum, n'Igkutal tuNin'tu,
    vAztal vallun'ar Ayin, kAtalar
    kuvin'ta kurampai am kuTic cIRUr,
    5
    paTu maNi iyampap pakal iyain'tu, umaNar
    koTu n'ukam piNitta ceg kayiRRu ozukaip
    pakaTu ayAk koLLum vem munait tukaL tokuttu,
    eRi vaLi cuzaRRum attam, ciRitu acain'tu,
    EkuvarkollO tAmE pAy koLpu,
    10
    uRu verin' oTikkum ciRu varik kuru
    n'eTu n'al yAnai n'Ir n'acaikku iTTa
    kai kaRittu uraRum mai tUgku iRumpil,
    puli pukku Inum vaRuj cunai,
    pani paTu cimaiyap pal malai iRan'tE?
    piriviTai vERupaTTa talaimakaL tOzikkuc colliyatu; pirivu uNarttiya tOzikkut talaimakaL colliyatUum Am. - uRaiyUr mutukUttanAr

    330. n'eytal
    kazip pUg kuRRum, kAnal alkiyum,
    vaNTaR pAvai vari maNal ayarn'tum,
    inpuRap puNarn'tum, iLi varap paNin'tum,
    tan tuyar veLippaTat tavaRi, n'am tuyar
    5
    aRiyAmaiyin, ayarn'ta n'ejcamoTu
    cellum, annO; mel am pulampan!
    celvOn peyar puRattu iragki, mun n'inRu,
    takaiiya cenRa en n'iRai il n'ejcam
    eytinRukollO tAnE? eytiyum,
    10
    kAmam ceppa, n'AN inRukollO?
    utuva kAN, avar Urn'ta tErE;
    kuppai veN maNaR kuvavumicaiyAnum,
    ekkart tAzai maTalvayinAnum,
    Ay koTip pAcaTumpu pariya Urpu izipu,
    15
    ciRukuTip paratavar perug kaTal maTutta
    kaTuj celal koTun' timil pOla,
    n'ivan'tu paTu tORRamoTu ikan'tu mAyummE!
    talaimakaRkuk kuRai n'Ern'ta tOzi talaimakaTkut kuRai n'ayappak kURiyatu. -ulOccanAr

    331. pAlai
    n'ITu n'ilai araiya ceg kuzai iruppai,
    kOTu kaTain'tanna, koLLai vAn pU,
    ATu paran'tanna, Inal eNkin
    tOTu cinai urIi uNTa miccil
    5
    paig kuzait tazaiyar pazaiyar makaLir
    kaN tiraL n'IL amaik kaTippin tokuttu,
    kunRakac ciRukuTi maRukutoRum maRukum
    cIRUr n'ATu pala piRakku oziya,
    cenROr anpu ilar tOzi!enRum,
    10
    arun' tuRai muRRiya karug kOTTuc cIRiyAzp
    pANar Arppa, pal kalam utavi,
    n'ALavai irun'ta n'anai makizt titiyan,
    vELiroTu porIiya, kazitta
    vAL vAy anna vaRuj curam iRan'tE!
    talaimakan pirivinkaN tOzikkut talaimakaL colliyatu. - mAmUlanAr

    332. kuRijci
    muLai vaLar mutala mUgkil murukki,
    kiLaiyoTu mEyn'ta kEz kiLar yAnai,
    n'Ir n'acai marugkin n'iRam pArttu oTugkiya,
    poru muraN uzuvai tolaicci, kUr n'unaik
    5
    kurutic ceg kOTTu azi tuLi kazAa,
    kal mukai aTukkattu menmela iyali,
    ceRu pakai vATTiya cemmaloTu, aRu kAl
    yAz icaip paRavai imira, piTi puNarn'tu,
    vAzai am cilampil tujcum n'ATan
    10
    n'in purai takka cAyalan ena, n'I
    anpu uraittu aTagkak kURiya in col
    vAyttana vAzi, tOzi! vETTOrkku
    amiztattu anna kamaz tAr mArpin
    vaNTu iTaip paTAa muyakkamum,
    15
    taNTAk kAtalum, talai n'AL pOnmE!
    iravukkuRic ciRaippuRamAkat tOzikkut talaimakaL iyaRpaTa mozin'tatu. -kapilar

    333. pAlai
    'yAa oN taLir arakku vitirttanna n'in
    Aka mEni am pacappu Ura,
    azivu peritu uTaiyaiyAki, avarvayin
    pazi talaittarutal vENTuti; mozi koNTu
    5
    tAgkal ollumO maRRE; Agku n'in
    evvam perumai uraippin; cey poruL
    vayagkAtuAyinum payam keTat tUkki,
    n'ITalar vAzi, tOzi! kOTaiyil,
    kuruttu iRupu ukka varuttam colAtu,
    10
    tUmpuTait tuyt talai kUmpupu tiragkiya,
    vEnil, veLiRRup panai pOlak kai eTuttu,
    yAnaip peru n'irai vAnam payirum
    malai cEN ikan'tanar Ayinum, n'ilai peyarn'tu,
    n'AL iTaippaTAmai varuvar, n'amar' ena,
    15
    payam taru koLkaiyin n'ayam talaitiriyA
    n'in vAy in mozi n'al vAyAka
    varuvar AyinO n'anRE; vArAtu,
    avaNar kAtalar Ayinum, ivaN n'am
    pacalai mAytal eLituman tilla
    20
    cenRa tEettuc cey vinai muRRi,
    maRutaral uLLattar eninum,
    kuRuku peru n'acaiyoTu tUtu varappeRinE.
    piriviTai vaRpuRuttum tOzikkut talaimakaL colliyatu. - kallATanAr

    334. mullai
    OTA n'al ERRu urivai taiiya
    ATu koL muracam izumena muzagka,
    n'ATu tiRai koNTanam Ayin pAka!
    pATu imiz kaTalin ezun'ta cummaiyoTu
    5
    perug kaLiRRut taTak kai puraiyak kAl vIzttu,
    irum piTit tozutiyin INTuvana kuzIi,
    vaNagku iRai makaLir ayarn'tanar ATum
    kazagku uRaz AliyoTu kataz uRai citaRi,
    peyal toTagkinRAl, vAnam; vAnin
    10
    vayagku ciRai annattu n'irai paRai kaTuppa,
    n'Alku uTan pUNTa kAl n'avil puravik
    koTijci n'eTun' tEr kaTum pari tavirAtu,
    ina mayil akavum kAr koL viyan punattu,
    n'On cUTTu Azi Ir n'ilam tumippa,
    15
    INTE kANak kaTavumati pUg kEzp
    polivana amartta uNkaN,
    oli pal kUn'tal Ay ciRu n'utalE!
    vinai muRRiya talaimakan tErppAkaRkuc colliyatu. - maturaik kUttanAr

    335. pAlai
    iruL paTu n'ejcattu iTumpai tIrkkum
    aruL n'anku uTaiyar Ayinum Ital
    poruL illOrkku aHtu iyaiyAtuAkutal
    yAnum aRivenmannE; yAnai tan
    5
    kol maruppu oTiyak kutti, cinam ciRan'tu,
    innA vEnil in tuNai Ara,
    muLi cinai marAattup poLi piLan'tu UTTa,
    pulampu vIRRirun'ta n'ilam paku vej curam
    ariya allaman, n'amakkE viri tAr
    10
    ATu koL muracin aTu pOrc ceziyan
    mATa mUtUr matiRpuRam tazIi,
    n'ITu veyil uzan'ta kuRiyiRaik kaNaik kAl,
    toTai amai pan malart tOTu potin'tu yAtta
    kuTai Oranna kOL amai eruttin
    15
    pALai paRRu azin'tu oziya, puRam cErpu,
    vAL vaTittanna vayiRuTaip potiya,
    n'AL uRat tOnRiya n'ayavaru vanappin,
    Arattu anna aNi kiLar putup pU
    vAr uRu kavariyin vaNTu uNa viriya,
    20
    muttin anna veL vI tAay,
    alakin anna ari n'iRattu Ali
    n'akai n'ani vaLarkkum ciRappin, takai mikap
    pUvoTu vaLarn'ta mUvAp pacug kAy
    n'Irinum iniya Aki, kUr eyiRRu
    25
    amiztam URum cev vAy,
    oN toTi, kuRumakaT koNTanam celinE!
    talaimakan poruL kaTaikkUTTiya n'ejcinaik kazaRic celavu azugkiyatu. - maturait tattag kaNNanAr

    336. marutam
    kuzaR kAl cEmpin kozu maTal akal ilaip
    pAcip parappil paRazoTu vatin'ta
    uNNAp piNavin uyakkam coliya,
    n'AL irai tarIiya ezun'ta n'Ir n'Ay
    5
    vALaiyoTu uzappa, tuRai kaluzn'tamaiyin,
    teN kaT tERal mAn'ti, makaLir
    n'uN ceyal am kuTam irIi, paNpin
    makizn'an parattaimai pATi, aviz iNark
    kAjci n'Izal kuravai ayarum
    10
    tIm perum poykait tuRai kEz Uran
    tEr tara van'ta n'Er izai makaLir
    Ecupa enpa, en n'alanE; atuvE
    pAkan n'eTitu uyir vAztal kAy cinak
    kol kaLiRRu yAnai n'alkalmARE;
    15
    tAmum piRarum uLarpOl cERal
    muzavu imiz tuNagkai tUgkum vizavin,
    yAn avaN vArAmARE; varinE, vAniTaic
    cuTaroTu tiritarum n'erujci pOla,
    ennoTu tiriyAnAyin, ven vEl
    20
    mAri ampin mazait tOR cOzar
    vil INTu kuRumpin vallattup puRa miLai,
    Ariyar paTaiyin uTaika, en
    n'Er iRai munkai vIgkiya vaLaiyE!
    n'ayap pupparattai iR parattaikkup pAgkAyinAr kETpac colliyatu. - pAvaik koTTilAr

    337. pAlai
    'cAral yAattu uyar cinai kuzaitta
    mAri Irn' taLir anna mEni,
    pEr amar mazaik kaN, pulampu koNTu oziya,
    Igkup pirin'tu uRaital initu anRu; Akalin
    5
    avaNatu Aka, poruL' enRu, umaNar
    kaNa n'irai anna, pal kAl, kuRumpoRai,
    tUtu oy pArppAn maTi veL Olaip
    paTaiyuTaik kaiyar varu toTar n'Okki,
    'uNNA marugkul innOn kaiyatu
    10
    pon Akutalum uNTu' ena, konnE
    taTin'tu uTan vIztta kaTugkaN mazavar,
    tiRan il citAar vaRumai n'Okki,
    ceg kOl ampinar kain' n'oTiyAp peyara,
    koTi viTu kurutit tUgku kuTar kaRIi,
    15
    vari maral iyavin oru n'ari ERRai,
    veN paral imaikkum kaN paRi kavalai,
    kaLLi n'Izal kataRupu vatiya,
    mazai kaNmARiya veg kATTu Ar iTai,
    emiyam kazitan'tOyE pani iruL
    20
    perug kali vAnam talaiiya
    irug kuLir vATaiyoTu varun'tuvaL enavE!
    munnoru kAlattup poruLvayiR pirin'tu van'ta talaimakan pinnum poruL kaTaikkUTTiya n'ejciRkuc colliyatu. - pAlai pATiya perugkaTugkO

    338. kuRijci
    kunRu Ogku vaippin n'ATu mIkkURum
    maRam kezu tAnai aracaruLLum,
    aRam kaTaippiTitta cegkOluTan, amar
    maRam cAyttu ezun'ta valan uyar tiNi tOL,
    5
    palar pukaz tiruvin, pacum pUT pANTiyan
    aNagkuTai uyar n'ilaip poruppin kavAan,
    cinai oL kAn'taL n'ARum n'aRu n'utal,
    tuNai Ir Oti mAayOLvayin,
    n'uN kOl avir toTi vaN puRam cuRRa
    10
    muyagkal iyaiyAtuAyinum, enRum,
    vayavu uRu n'ejcattu uyavut tuNaiyAka,
    onnAr tEem pAz paTa n'URum
    tun arun' tuppin ven vER poRaiyan
    akal irug kAnattuk kolli pOla,
    15
    tavAaliyarO, n'aTpE! avaLvayin
    aRAaliyarO, tUtE poRAar
    viN porak kazitta tiN piTi oL vAL,
    puniRRu An taravin, iLaiyar perumakan,
    toku pOrc cOzan, poruL mali pAkkattu,
    20
    vazagkal AnAp perun' tuRai
    muzagku iru mun'n'Irt tiraiyinum palavE!
    allakuRippaTTa talaimakan tan n'ejciRkuc colliyatu. - maturaik kaNakkAyanAr

    339. pAlai
    vIgku vicai, piNitta virai pari, n'eTun' tEr
    n'On katir cuman'ta Azi Az marugkil,
    pAmpu ena muTukun'Ir OTa, kUmpip
    paRRu viTu viralin payaRu kAy Uzppa,
    5
    aRciram n'inRanRAl, pozutE; muRpaTa
    ALvinaikku ezun'ta acaivu il uLLattu
    ANmai vAgka, kAmam taTpa,
    kavai paTu n'ejcam! kaNkaN akaiya,
    iru talaik koLLi iTai n'inRu varun'ti,
    10
    oru talaip paTAa uRavi pOnRanam;
    n'Omkol? aLiyaL tAnE yAkkaikku
    uyir iyain'tanna n'aTpin, av uyir
    vAztal anna kAtal,
    cAtal anna pirivu ariyOLE!
    pOkAn'inRa talaimakan tan n'ejciRkuc colliyatu. - n'arai muTi n'eTTaiyAr

    340. n'eytal
    pal n'AL evvam tIra, pakal van'tu,
    punnai am potumpin in n'izal kazippi,
    mAlai mAl koLa n'Okki, paN Ayn'tu,
    valavan vaN tEr iyakka, n'Iyum
    5
    celavu viruppuRutal ozikatil amma
    'cellA n'al icai, polam pUN, tiraiyan
    pal pUg kAnaR pavattiri anna ivaL
    n'al ezil iLa n'alam tolaiya, ollena,
    kaziyE Otam malkinRu; vaziyE
    10
    vaL eyiRRu aravoTu vaya mIn koTkum;
    cenROr manRa; mAnRanRu pozutu' ena,
    n'in tiRattu avalam vITa, inRu ivaN
    cEppin evanO pUk kEz pulampa!
    pacu mIn n'oTutta veN n'el mAat
    15
    tayir miti mitavai Arttuvam n'inakkE;
    vaTavar tan'ta vAn kEz vaTTam
    kuTa pula uRuppin kUTTupu n'ikazttiya
    vaNTu imir n'aRuj cAn'tu aNikuvam tiN timil
    ellut tozil maTutta val vinaip paratavar
    20
    kUr uLik kaTu vicai mATTalin, pAypu uTan,
    kOT cuRAk kizitta koTu muTi n'eTu valai
    taN kaTal acaivaLi eRitoRum, vinai viTTu,
    munRil tAzait tUgkum
    teN kaTaR parappin, em uRaivu in, UrkkE?
    pakaR kuRikkaN tOzi talaimakaRkuc colliyatu. - n'akkIrar

    341. pAlai
    uy takai inRAl tOzi! paipaya,
    kOgkum koy kuRai uRRana; kuyilum
    tEm pAy mAattu Ogku cinai viLikkum;
    n'ATu Ar kAvirik kOTu tOy malir n'iRaik
    5
    kazai azi n'Ittam cAaya vazi n'AL,
    mazai kazin'tanna mAk kAl mayagku aRal,
    patavu mEyal arun'tu tuLagku imil n'al ERu,
    matavuTai n'Ak koTu acai vITap paruki,
    kuRug kAR kAjcik kOtai mel iNarp
    10
    pon takai n'uN tAtu uRaippa, tokku uTan,
    kuppai vAr maNal ekkart tujcum,
    yANar vEnilman, itu
    mAN n'alam n'ukarum tuNai uTaiyOrkkE?
    pirivinkaN tOzikkut talaimakaL colliyatu. - AvUr mUlagkizAr

    342. kuRijci
    oRuppa Ovalai; n'iRuppa n'illalai;
    puNarn'tOr pOlap pORRumati! n'inakku yAn
    kiLaijan allenO? n'ejcE! tenAatu
    vel pOrk kavuriyar n'al n'ATTu uLLatai
    5
    maN koL puRRattu aruppu uzai tiRappin
    A koL mUtUrk kaLvar perumakan,
    Eval iLaiyar talaivan, mEvAr
    arug kuRumpu eRin'ta ARRaloTu, parun'tu paTap
    pal ceruk kaTan'ta cel uRaz taTak kai,
    10
    keTAa, n'al icait tennan, toTAa
    n'Ir izi marugkil kal aLaik karan'ta av
    varaiyaramakaLirin ariyaL,
    av vari alkul aNaiyAkkAlE!
    allakuRippaTTa talaimakan tan n'ejciRkuc colliyatu. - maturaik kaNakkAyanAr

    343. pAlai
    vAgku amai puraiyum vIgku iRaip paNait tOL,
    cil cuNagku aNin'ta, pal pUN, men mulai,
    n'al ezil, Akam pullutal n'ayan'tu,
    maram kOL umaN makan pErum parutip
    5
    pun talai citaitta van talai n'aTukal
    kaNNi vATiya maNNA marugkul,
    kUr uLi kuyinRa kOTu mAy ezuttu, av
    ARu cel vampalar vERu payam paTukkum
    kaN pori kavalaiya kAnattu AgkaN,
    10
    n'anan'talai yAattu am taLirp peruj cinai,
    il pOl n'Izal cel veyil ozimAr,
    n'eTuj cevik kazutaik kuRug kAl ERRaip
    puRam n'iRai paNTattup poRai acAak kaLain'ta
    peyar paTai koLLArkku uyavut tuNai Aki,
    15
    uyarn'ta ALvinai purin'tOy; peyarn'tu n'inRu
    uLLinai vAzi, en n'ejcE! kaLLin
    makizin makizn'ta ari matar mazaik kaN,
    cil mozip polin'ta tuvar vAy,
    pal mAN pEtaiyin pirin'ta n'IyE.
    talaimakan iTaic curattu mILak karutiya n'ejcinaik kazaRip pOyatu. -maturai marutan iLan'AkanAr

    344. mullai
    vaLa mazai pozin'ta vAl n'iRak kaLari,
    uLartaru taN vaLi uRutoRum, n'ilavu enat
    toku mukai virin'ta muTak kAR piTavin,
    vai Er vAl eyiRRu, oL n'utal, makaLir
    5
    kai mAN tONi kaTuppa, paiyena,
    mayilinam payilum maram payil kAnam
    el iTai uRAa aLavai, vallE,
    kazal oli n'Avin teN maNi kaRagka,
    n'izal oLippanna n'imir parip puravi
    10
    vayakku uRu koTijci poliya, vaLpu Ayn'tu,
    iyakkumati vAziyO, kaiyuTai valava!
    payappuRu paTar aTa varun'tiya
    n'ayappu in kAtali n'akai mukam peRavE!
    vinai muRRiya talaimakan tErppAkaRkuc colliyatu. - maturai aLakkar jAzAr makanAr maLLanAr

    345. pAlai
    'vicumpu taLi pozin'tu, vemmai n'Igki,
    taN patam paTutal celka!' enap pal mAN
    n'Am cela vizain'tanamAka, 'Ogku pukazk
    kAn amar celvi aruLalin, veN kAl,
    5
    pal paTaip puravi eytiya tol icai
    n'uNagku n'uN panuvaR pulavan pATiya
    ina mazai tavazum EziR kunRattu,
    karug kAl vEgkaic cem pUm piNaiyal
    aitu En'tu alkul yAm aNin'tu uvakkum
    10
    cil n'AL kazika!' enRu mun n'AL
    n'ammoTu poyttanar Ayinum, tammoTu
    tirun'tu vEl iLaiyar curumpu uNa malaimAr,
    mA muRi InRu marak kompu akaippa,
    uRai kazin'tu ulan'ta pinRai, poRaiya
    15
    ciRu veL aruvit tuvalaiyin malarn'ta
    karug kAl n'uNavin peruj cinai vAn pUc
    cem maNaR ciRu n'eRi kammena varippa,
    kATu kavin peRuka tOzi! ATu vaLikku
    olku n'ilai iRRi oru tani n'eTu vIz
    20
    kal kaN cIkkum attam,
    alku veyil n'Izal acain'tanar celavE!
    tOzikkut talaimakaL colliyatu. - kuTavAyiR kIrattanAr

    346.marutam
    n'akai n'anRu amma tAnE iRai micai
    mAric cutaiyin Irm puRattu anna
    kUral kokkin kuRum paRaic cEval,
    veLLi veN tOTu anna, kayal kuRittu,
    5
    kaL Ar uvakaik kali makiz uzavar
    kAjci am kuRun' taRi kutti, tIm cuvai
    men kazaik karumpin n'an pala miTain'tu,
    peruj cey n'ellin pAcu aval potti,
    varuttik koNTa val vAyk koTuj ciRai
    10
    mItu azi kaTu n'Ir n'Okki, paippayap
    pArval irukkum payam kEz Ura!
    yAm atu pENinRO ilamE n'I n'in
    paN amai n'al yAzp pANanoTu, vici piNi,
    maN Ar, muzavin kaN atirn'tu iyampa,
    15
    makiz tuNaic cuRRamoTu maTTu mAn'ti,
    em manai vArAyAki, mun n'AL,
    n'um manaic cErn'ta jAnRai, am manaik
    kuRun' toTi maTan'tai uvan'tanaL n'eTun' tEr,
    izai aNi yAnaip pazaiyan mARan,
    20
    mATa mali maRukin kUTal AgkaN,
    veLLat tAnaiyoTu vERu pulattu iRutta
    kiLLi vaLavan n'al amar cAay,
    kaTum parip puraviyoTu kaLiRu pala vavvi,
    Etil mannar Ur koLa,
    25
    kOtai mArpan uvakaiyin peritE.
    tOzi talaimakaRku vAyil maRuttatu. - n'akkIrar

    347. pAlai
    tOLum tol kavin tolaiya, n'ALum
    n'alam kavar pacalai n'alkinRu n'aliya,
    cAl perun' tAnaic cEralAtan
    mAl kaTal OTTi, kaTampu aRuttu, iyaRRiya
    5
    paN amai muracin kaN atirn'tanna,
    kavvai tURRum vev vAyc cEri
    ampal mUtUr alar n'amakku oziya,
    cenRanar Ayinum, ceyvinai avarkkE
    vAykkatil vAzi, tOzi! vAyAtu,
    10
    mazai karan'tu oLitta kazai tiragku aTukkattu,
    oN kEz vayap puli pAyn'tena, kuvavu aTi
    veN kOTTu yAnai muzakku icai verIi,
    kanRu ozittu OTiya pun talai maTap piTi
    kai talai vaitta maiyal vituppoTu,
    15
    keTu makap peNTirin tErum
    n'eTu mara marugkin malai iRan'tOrE!
    talaimakan pirivinkaN talaimakaL tOzikkuc colliyatu. - mAmUlanAr

    348. kuRijci
    en Avatukol tAnE munRil,
    tEn tEr cuvaiya, tiraL arai, mAattu,
    kOTaikku Uztta, kamaz n'aRun' tIm kani,
    payirppuRap palavin etirc cuLai aLaii,
    5
    iRAloTu kalan'ta, vaNTu mUcu, ariyal
    n'eTug kaN ATu amaip pazun'i, kaTun' tiRal
    pAppuk kaTuppu anna tOppi vAn kOTTuk
    kaTavuL Ogku varaikku Okki, kuRavar,
    muRit tazai makaLir maTuppa, mAn'ti,
    10
    aTukkal Enal irum punam maRan'tuzi,
    'yAnai vavvina tinai' ena, n'OnAtu,
    iLaiyarum mutiyarum kiLaiyuTan kuzIi,
    cilai Ayn'tu tiritarum n'ATan
    n'ilaiyA n'al mozi tERiya n'ejcE?
    talaimakan ciRaippuRattAnAka, tOzi colleTuppa, talaimakaL colliyatu. -maturai iLampAlAciriyan cEn'tan kUttanAr

    349. pAlai
    aram pOz av vaLai ceRin'ta munkai
    varain'tu tAm piNitta tol kavin tolaiya,
    evan Ayn'tanarkol tOzi! jemann
    teri kOl anna ceyir tIr cem mozi,
    5
    ulain'ta okkal, pATun'ar celinE,
    uran mali uLLamoTu munai pAzAka,
    arug kuRumpu eRin'ta perug kala veRukkai
    cUzAtu curakkum n'annan n'al n'ATTu,
    eziR kunRattuk kavAan, kEz koLa,
    10
    tirun'tu arai n'ivan'ta karug kAl vEgkai
    eri maruL kavaLam mAn'ti, kaLiRu tan
    vari n'utal vaitta vali tEmpu taTak kai
    kal Ur pAmpin tOnRum
    col peyar tEetta curan iRan'tOrE?
    talaimakan pirivinkaN tOzikkut talaimakaL colliyatu. - mAmUlanAr

    350. n'eytal
    kaziyE, ciRu kural n'eytaloTu kAvi kUmpa,
    eRi tirai Otam taral AnAtE;
    tuRaiyE, marugkin pOkiya mAk kavai maruppin
    iruj cERRu Ir aLai alavan n'Ippa,
    5
    vazagkun'ar inmaiyin pATu AnRanRE;
    koTu n'ukam n'uzain'ta kaNaik kAl attiri
    vaTi maNi n'eTun' tEr pUNa EvAtu,
    En'tu ezil mazaik kaN ivaL kuRaiyAkac
    cEn'tanai cenmO peru n'Irc cErppa!
    10
    ilagku irum parappin eRi cuRA n'Ikki,
    valampuri mUzkiya vAn timiR paratavar
    oli talaip paNilam Arppa, kallena,
    kali kezu koRkai etirkoLa, izitarum
    kuvavu maNal n'eTug kOTTu AgkaN,
    15
    uvakkAN tOnRum, em ciRu n'al UrE!
    pakaRkuRi van'tu n'Igkum talaimakaRkut tOzi colliyatu. - cEn'tan kaNNanAr

    351. pAlai
    vERRu n'ATTu uRaiyuL viruppuRap pENi,
    peRal arug kELir pin van'tu viTuppa,
    poruL akappaTutta pukal mali n'ejcamoTu
    kuRai vinai muTitta n'iRaivu in iyakkam
    5
    aRivuRUumkollO tAnE katir teRa,
    kazal ilai ukutta kAl poru tAz cinai,
    azal akain'tanna am kuzaip potumpil,
    puzal vI iruppaip pun kATTu attam,
    maRutaral uLLamoTu kuRuka, tORRiya
    10
    cey kuRi Azi vaikaltORu eNNi,
    ezutu cuvar n'inain'ta azutu vAr mazaik kaN
    vilagku vIz arip pani polag kuzait teRippa,
    tirun'tuizai munkai aNal acaittu UnRi,
    irun'tu aNai mItu, porun'tuzik kiTakkai,
    15
    varun'tu tOL pUcal kaLaiyum marun'tu ena
    uLLutoRu paTUum palli,
    puLLut tozutu uRaivi cevimutalAnE?
    poruL muRRi maRuttarAn'inRa talaimakan tan n'ejciRkuc colliyatu. -porun'til iLagkIranAr

    352. kuRijci
    'muTavu mutir palavin kuTam maruL perum pazam
    pal kiLait talaivan kallAk kaTuvan,
    pATu imiz aruvip pARai marugkin,
    ATu mayil munnatu Aka, kOTiyar
    5
    vizavu koL mUtUr viRali pinRai
    muzavan pOla akappaTat tazIi,
    in tuNaip payirum kunRa n'ATan
    kuTi n'anku uTaiyan; kUTun'arp piriyalan;
    keTu n'A moziyalan; anpinan' ena, n'I
    10
    valla kURi, vAyvatin puNarttOy;
    n'allai; kAN, ini kAtal am tOzIi!
    kaTum parip puravi n'eTun' tEr ajci,
    n'al icai n'iRutta n'ayam varu panuval,
    tol icai n'iRIiya urai cAl pANmakan
    15
    eNNu muRai n'iRutta paNNinuLLum,
    putuvatu punain'ta tiRattinum,
    vatuvai n'ALinum, iniyanAl emakkE.
    varain'tu eytiya pinRai maNa manakkaN cenRa tOzikkut talaimakaL colliyatu; varaivu malin'tu colliya tOzikkut talaimakaL colliyatUum Am. - ajciyattai makaL n'AkaiyAr

    353. pAlai
    ALvinaip piritalum uNTO? piriyinum,
    kEL, ini vAziya, n'ejcE! n'ALum
    kanavuk kazin'tanaiyavAki, n'anavin,
    n'ALatu celavum, mUppinatu varavum,
    5
    aritu peRu ciRappin kAmattu iyaRkaiyum,
    in' n'ilai aRiyAy Ayinum, cen' n'ilai
    amai ATu am kazai tINTi, kallena
    jemai ilai utirtta eri vAyk kOTai
    n'eTu veN kaLari n'IRu mukan'tu cuzala,
    10
    kaTu veyil tirukiya vEnil veg kATTu,
    uyagku n'aTai maTap piNai tazIiya, vayagku poRi,
    aRu kOTTu, eziR kalai aRukayam n'Okki,
    teN n'Ir vETTa ciRumaiyin, tazai maRan'tu,
    uNn'Ir inmaiyin, olkuvana taLara,
    15
    maram n'izal aRRa iyavin curan iRan'tu,
    uLLuvai allaiyO maRRE uLLiya
    virun'tu ozivu aRiyAp perun' taN pan'tar,
    varun'ti varun'ar Ompi, taNNenat
    tAtu tukaL utirtta tAzai am kUn'tal
    20
    vIz itaz alari mel akam cErtti,
    makiz aNi muRuval mANTa cEkkai,
    n'ammoTu n'an mozi n'avilum
    pommal Otip punaiyizai kuNanE?
    mun oru kAlattup poruLvayiR pirin'ta talaimakan poruL muRRi van'tirun'ta kAlattu, mINTum poruL kaTAvina n'ejciRkuc colliyatu. - maturai aLakkara jAzAr makanAr maLLanAr

    354. mullai
    mata vali yAnai maRaliya pAcaRai,
    iTi umiz muracam poru kaLattu iyampa,
    venRu koTi eTuttanan, vEn'tanum; kanRoTu
    kaRavaip pullinam puRavutoRu ukaLa,
    5
    kuzal vAy vaittanar kOvalar, val virain'tu,
    iLaiyar Ekuvanar pariya, viri uLaik
    kaTu n'aTaip puravi vazivAy OTa,
    valavan vaLpu vali uRuppa, pulavar
    pukaz kuRi koNTa polan'tAr akalattu,
    10
    taN kamaz cAn'tam n'uN tukaL aNiya,
    venRi koL uvakaiyoTu pukutal vENTin,
    yANTu uRaivatukol tAnE mANTa
    pOtu uRaz koNTa uNkaN
    tItilATTi tiru n'utaR pacappE?
    vinai muRRiya talaimakaRku uzaiyAr colliyatu. - maturait tamizk kUttan kaTuvan maLLanAr

    355. pAlai
    mAvum vaN taLir InRana; kuyilum
    in tIm pal kural kompar n'uvalum;
    mUtilai ozitta pOtu aviz peruj cinai,
    vallOn taivarum vaL uyirp pAlai
    5
    n'arampu Arttanna vaNTinam muralum;
    tuNi kayam tunniya tU maNal ekkar,
    tAtu uku taN pozil alki, kAtalar
    cezu manai maRakkum cevvi vEnil
    tAnE van'tanRuAyin, AnAtu
    10
    ilagku vaLai n'ekizn'ta evvam kATTip
    pulan'tanam varukam; cenmO tOzi!
    'yAmE emiyam Aka, n'IyE
    pon n'ayan'tu aruL ilaiyAki,
    innai Akutal ottanRAl' enavE.
    pirivu uNarttiya tOzikkut talaimakaL colliyatu. - tagkAl poRkollanAr

    356.marutam
    mEl tuRaik koLIiya kazAlin kIzt tuRai
    uku vAr arun'ta, paku vAy yAmai
    kampuL iyavan Aka, vici piNit
    teN kaN kiNaiyin piRazum Uran
    5
    iTai n'eTun' teruvil katumenak kaNTu, en
    poR toTi munkai paRRinanAka,
    'annAy!' enRanen; avan kai viTTananE,
    tol n'acai cAlAmai, n'annan paRampil
    ciRukArOTan payinoTu cErttiya
    10
    kaR pOl n'AvinEnAki, maRRu atu
    ceppalen mannAl, yAykkE; n'al tErk
    kaTum pakaTTu yAnaic cOzar marukan
    n'eTug katir n'ellin vallam kizavOn
    n'allaTi uLLAnAkavum, ollAr
    15
    katavam muyaRalum muyalpa; atAanRu,
    oli pal kUn'tal n'amvayin aruLAtu,
    konRanan Ayinum kolai pazutu anRE
    aruvi Ampal kalitta muntuRai
    n'annan Aay pirampu anna
    20
    min Ir Oti! ennai, n'in kuRippE?
    pinninRa talaimakaRkuk kuRai n'Ern'ta tOzi talaimakaLaik kuRai n'ayappak kURiyatu.-paraNar

    357. pAlai
    koTu muL Igkai cUraloTu miTain'ta
    vAn mukai iRumpin vayavoTu vatin'ta
    uNNAp piNavin uyakkam tIriya,
    taTa maruppu yAnai valam paTat tolaicci,
    5
    viyal aRai civappa vAgki, muNagku n'imirn'tu,
    pulavup puli puraNTa pul cAy ciRu n'eRi
    payil irug kAnattu vazagkalcellAtu,
    perug kaLiRRu ina n'irai kai toTUup peyarum,
    tIm cuLaip palavin tozuti, umpaR
    10
    perug kATu iRan'tanar Ayinum, yAza n'in
    tirun'tu izaip paNait tOL varun'ta n'ITi,
    uLLAtu amaitalO ilarE; n'alkuvar
    miku peyal n'ilaiiya tIm n'Irp poykai
    aTai iRan'tu avizn'ta taN kamaz n'Ilam
    15
    kAloTu tuyalvan'tanna, n'in
    Ay itaz mazaik kaN amartta n'OkkE.
    piriviTai vERupaTTa talaimakaLait tOzi vaRpuRIiyatu.-erukkATTUrt tAyagkaNNanAr

    358. kuRijci
    n'Ilattu anna n'iRam kiLar eruttin,
    kAmar pIli, Ay mayil tOkai
    in tIm kurala tuvanRi, men cIr
    ATu takai ezil n'alam kaTuppak kUTi,
    5
    kaN n'Er itaza, taN n'aRug kuvaLaik
    kuRun' toTar aTaicciya n'aRum pal kUzai
    n'ITu n'Ir n'eTuj cunai AyamoTu ATAy,
    uyagkiya manattaiyAki, pulampu koNTu,
    innai Akiya n'in n'iRam n'Okki,
    10
    annai vinavinaL Ayin, annO!
    en ena uraikkO yAnE tunniya
    peru varai izitarum n'eTu veL aruvi,
    OTai yAnai uyar micai eTutta
    ATu koTi kaTuppa, tOnRum
    15
    kOTu uyar veRpan uRIiya n'OyE?
    pakalE ciRaippuRamAkat tOzi talaimakaTkuc colliyatu. - maturai marutan iLan'AkanAr

    359. pAlai
    'pani vAr uNkaNum, pacan'ta tOLum,
    n'ani piRar aRiyac cAay, n'ALum,
    karan'tanam uRaiyum n'am paNpu aRiyAr,
    n'ITinarmannO, kAtalar' ena n'I
    5
    evan kaiyaRRanai? ikuLai! avarE
    vAnavarampan veLiyattu anna n'am
    mAN n'alam tammoTu koNTanar munAatu,
    aruj curak kavalai acaiiya kOTiyar,
    perug kal mImicai, iyam ezun'tAgku,
    10
    vIz piTi keTutta n'eTun' tAL yAnai
    cUr pukal aTukkattu mazai mARu muzagkum,
    poyyA n'al icai mA vaN pulli,
    kavaik katir varakin yANarp pain' tAL
    mutait cuval mUzkiya, kAn cuTu kurUup pukai
    15
    aruvit tuvalaiyoTu mayagkum
    peru varai attam iyagkiyOrE!
    piriviTai vERupaTTa talaimakaTkut tOzi colliyatu.-mAmUlanAr

    360. n'eytal
    pal pUn' taN pozil, pakal uTan kazippi,
    oru kAl Urtip paruti am celvan
    kuTavayin mA malai maRaiya, koTug kazit
    taN cERRu aTaiiya kaNaik kAl n'eytal
    5
    n'uN tAtu uNTu vaNTinam tuRappa,
    veruvaru kaTun' tiRal iru perun' teyvattu
    uru uTan iyain'ta tORRam pOla,
    an'ti vAnamoTu kaTal aNi koLAa,
    van'ta mAlai peyarin, maRRu ivaL
    10
    perum pulampinaLE teyya; atanAl,
    pANi pizaiyA mAN vinaik kali mA
    tujcu Ur yAmattut teviTTal Ompi,
    n'eTun' tEr akala n'Ikki, paiyenak
    kunRu izi kaLiRRin kuvavu maNal n'In'ti,
    15
    iravin vammO uravu n'Irc cErppa!
    ina mIn arun'tu n'AraiyoTu panaimicai
    anRil cEkkum munRil, pon ena
    n'al malar n'aRu vI tAam
    punnai n'aRum pozil ceyta n'am kuRiyE.
    pakaRkuRi van'ta talaimakaRkut tOzi pakaRkuRi maRuttu, iravukkuRi n'Ern'tatu. - maturaik kaNNattanAr

    361. pAlai
    'tU malart tAmaraip pUvin am kaN,
    mA itazk kuvaLai malar piNaittanna,
    tiru mukattu alamarum peru matar mazaik kaN,
    aNi vaLai munkai, Ay itaz maTan'tai
    5
    vAr mulai muRRattu n'Ul iTai vilagkinum,
    kavavup pulan'tu uRaiyum kazi perug kAmattu
    inpuRu n'ukarcciyin ciRan'tatu onRu il' ena
    anpAl mozin'ta en mozi koLLAy,
    poruL purivuNTa maruLi n'ejcE!
    10
    kariyAp pUvin periyOr Ara,
    azal ezu tittiyam aTutta yAmai
    n'izaluTai n'eTug kayam pukal vETTAagku,
    uLLutal Ompumati, ini n'I, muL eyiRRu,
    cil mozi, arivai tOLE pal malai
    15
    vev aRai marugkin viyan curam,
    evvam kUra, iRan'tanam, yAmE.
    poruLvayiR pirin'tu pOkAn'inRa talaimakan tan n'ejciRkuc colliyatu. - eyinan'tai makanAr iLagkIranAr

    362. kuRijci
    pAmpuTai viTara pani n'Ir iTTut tuRait
    tEm kalan'tu ozuka, yARu n'iRain'tanavE;
    veN kOTTu yAnai poruta puN kUrn'tu,
    paig kaN valliyam kal aLaic ceRiya,
    5
    murukku arumpu anna vaL ukir vayap piNavu
    kaTi koLa, vazagkAr ARE; AyiTai
    elliRRu ennAn, ven vEl En'ti,
    n'acai tara van'ta n'annarALan
    n'ejcu pazutAka, vaRuviyan peyarin,
    10
    inRu ippozutum yAn vAzalenE;
    evankol? vAzi, tOzi! n'am iTai mulaic
    cuNagku aNi muRRattu Aram pOlavum,
    cilampu n'ITu cOlaic citar tUgku n'aLippin
    ilagku veL aruvi pOlavum,
    15
    n'ilam koNTanavAl, tigkaL am katirE!
    iravukkuRic ciRaippuRamAkat tOzi colliyatu. - veLLivItiyAr

    363. pAlai
    n'irai celal ivuLi viraivuTan kaTaii,
    akal iru vicumpil pakal celac cenRu,
    mazuku cuTar maNTilam mA malai maRaiya,
    pozutu kazi malarin, punaiyizai! cAay,
    5
    aNai aNain'tu inaiyai Akal kaNai araip
    pul ilai n'ellip pukar il pacug kAy
    kal atar marugkil kaTu vaLi utirppa,
    polam cey kAcin poRpat tAam
    attam n'aNNi, atar pArttu irun'ta
    10
    kolai veg koLkaik koTun' tozil maRavar
    ARu cel mAkkaL aru n'iRattu eRin'ta
    eHku uRu vizuppuN kUrn'tOr eytiya,
    vaLai vAyp parun'tin, vaL ukirc cEval
    kiLai taru teL viLi kezu muTaip payirum
    15
    innA vej curam iRan'tOr, munniya
    cey vinai valattar Aki, ivaN n'ayan'tu,
    eyta van'tanarE tOzi! mai ezil
    tuNai Er etir malar uNkaN
    piNai Er n'Okkam perug kavin koLavE.
    piriviTai vERupaTTa talaimakaTkut tOzi colliyatu. - maturaip poncey kollan veNNAkanAr

    364. mullai
    mAtiram putaiyap pAay, kAl vIzttu,
    ERuTaip peru mazai pozin'tena, avaltORu
    ATu kaLap paRaiyin vari n'uNal kaRagka,
    Ay pon avir izai tUkkiyanna
    5
    n'ITu iNark konRai kavin peRa, kATu uTan
    cuTar purai tOnRip putal talaik koLAa,
    mullai illamoTu malara, kalla
    paku vAyp paij cunai mA uNa malira,
    kAr toTagkinRE kAlai; kAtalar
    10
    vej cina vEn'tan viyan perum pAcaRai,
    venRi vETkaiyoTu n'ammum uLLAr;
    yAtu ceyvAmkol? tOzi! n'Otakak
    kolai kuRittanna mAlai
    tunaitaru pOztin, n'In'talO aritE!
    paruvam kaNTu azin'ta talaimakaL tOzikkuc colliyatu. - maturai marutagkizAr makanAr perugkaNNanAr

    365. pAlai
    akal vAy vAnam mAl iruL parappa,
    pakal ARRuppaTutta paiyen tORRamoTu
    cinaval pOkiya punkaN mAlai,
    atta n'aTukal AL ena utaitta
    5
    kAna yAnaik katuvAy vaL ukir,
    irum panai itakkaiyin, oTiyum AgkaN,
    kaTugkaN ATavar E muyal kiTakkai,
    varun'ar inmaiyin kaLaiyun'ark kANA
    enRUz vej curam tan'ta n'IyE
    10
    tuyar ceytu ARRAyAki, peyarpu, Agku
    uLLinai vAziya, n'ejcE! ven vEl
    mA vaN kazuvuL kAmUr AgkaN,
    pUtam tan'ta pori arai vEgkait
    taN kamaz putu malar n'ARum
    15
    am cil Oti Ay maTat takaiyE.
    talaimakan iTaic curattu n'inRu colliyatu.-maturai marutan iLan'AkanAr

    366. marutam
    tAz cinai marutam takai peRak kaviniya
    n'Ir cUz viyan kaLam poliya, pOrpu azittu,
    kaL Ar kaLamar pakaTu talai mARRi,
    kaTug kARRu eRiya, pOkiya turumpu uTan
    5
    kAyal ciRu taTik kaN keTap pAytalin,
    iru n'Irp parappin panit tuRaip paratavar
    tIm pozi veL uppuc citaitalin, cinaii,
    kazani uzavaroTu mARu etirn'tu, mayagki,
    iruj cERRu aLLal eRi ceruk kaNTu,
    10
    n'arai mUtALar kai piNi viTuttu,
    n'anai mutir tERal n'uLaiyarkku Iyum
    polam pUN evvi n'Izal anna,
    n'alam peRu paNait tOL, n'al n'utal arivaiyoTu,
    maNam kamaz taN pozil alki, n'erun'ai
    15
    n'I taR pizaittamai aRin'tu,
    kaluzn'ta kaNNaL, em aNagku annALE.
    parattaiyiR pirin'tu van'ta talaimakan vAyil vENTiya iTattu,tOzi colliyatu. - kuTavAyiR kIrattanAr

    367. pAlai
    ilagku cuTar maNTilam pulam talaippeyarn'tu,
    pal katir mazukiya kal cEr amaiyattu,
    alan'talai mUtERu AN kural viLippa,
    manai vaLar n'occi mA cErpu vatiya,
    5
    munai uzai irun'ta am kuTic cIRUr,
    karug kAl vEgkaic cej cuval varakin
    miku patam n'iRain'ta toku kUTTu oru ciRai,
    kuvi aTi verukin paig kaN ERRai
    Un n'acaip piNavin uyagku paci kaLaiiyar,
    10
    taLir purai koTiRRin, ceRi mayir eruttin,
    katirtta cennik kavirp pU anna
    n'eRRic cEval aRRam pArkkum
    pullen mAlaiyum, initu manRamma
    n'al aka vana mulai aTaiyap pullutoRum
    15
    uyir kuzaippanna cAyal,
    ceyir tIr, in tuNaip puNarn'ticinOrkkE.
    piriviTai vERupaTTa talaimakaL vaRpuRukkum tOzikkuc colliyatu. - paraNar

    368. kuRijci
    toTutOR kAnavan cUTuRu viyan punam,
    kari puRam kazIiya perum pATTu Irattu,
    tOTu vaLar pain' tinai n'ITu kural kAkkum
    oN toTi makaLirkku UcalAka
    5
    ATu cinai ozitta kOTu iNar kajaliya
    kuRumpoRai ayalatu n'eTun' tAL vEgkai,
    maTa mayiR kuTumiyin, tOnRum n'ATan
    uyar varai marugkin kAn'taL am cOlaik
    kuragku aRivArA maram payil iRumpil,
    10
    kaTi cunait teLin'ta maNi maruL tIm n'Ir
    piTi puNar kaLiRRin emmoTu ATi,
    pal n'AL umparp peyarn'tu, cil n'AL
    kaziyAmaiyE vazivazip peruki,
    am paNai viLain'ta tEk kaT tERal
    15
    vaNTu paTu kaNNiyar makizum cIRUr,
    evankol vAzi, tOzi! kogkar
    maNi arai yAttu maRukin ATum
    uLLi vizavin anna,
    alar AkinRu, atu palar vAyp paTTE?
    pakalE ciRaippuRamAkat talaimakaTkuc colluvALAyt tOzi colliyatu. -maturai marutan iLan'AkanAr

    369. pAlai
    kaNTicin makaLE! kezIi iyaivenai:
    oN toTi ceRitta munkai Uz koLpu,
    magkaiyar pala pArATTa, cen' tArk
    kiLLaiyum tIm pAl uNNA; mayil iyal
    5
    cEyizai makaLir Ayamum ayarA;
    tAziyum malar pala aNiyA; kEz koLak
    kAz punain'tu iyaRRiya vanappu amai n'On cuvarp
    pAvaiyum pali enap peRAa; n'Oy pora,
    ivai kaNTu, inaivatantalaiyum, n'inaivilEn,
    10
    koTiyOL munniyatu uNarEn, 'toTiyOy!
    inRu n'in oli kural maNNal' enRataRku,
    eR pulan'tu azin'tanaLAki, taR takak
    kaTal am tAnai kai vaN cOzar,
    keTal aru n'al icai uRan'tai anna,
    15
    n'itiyuTai n'al n'akarp putuvatu punain'tu,
    tamar maNan ayaravum ollAL, kavarmutal
    Omai n'ITiya ulavai n'IL iTai,
    maNi aNi palakai, mAk kAz n'eTu vEl,
    tuNivuTai uLLamoTu tutain'ta munpin
    20
    aRiyAt tEettu aruj curam maTutta
    ciRiyORku otta en peru maTat takuvi,
    'ciRappum cIrum inRi, cIRUr
    n'alkUr peNTin pul vEy kurampai
    Or A yAtta oru tUN munRil
    25
    Etil vaRu manaic cilampu uTan kazIi,
    mEyinaLkol?' ena n'Oval yAnE.
    makaT pOkkiya cevili colliyatu. - n'akkIrar

    370. n'eytal
    'vaLai vAyk kOtaiyar vaNTal taii,
    iLaiyOr, celpa; ellum ellinRu;
    akal ilaip punnaip pukar il n'Izal,
    pakalE emmoTu ATi, iravE,
    5
    kAyal vEyn'ta tEyA n'al il
    n'OyoTu vaikutiAyin, n'un'tai
    arug kaTip paTuvalum' enRi; maRRu, 'n'I
    cellal' enRalum ARRAy; 'celinE,
    vAzalen' enRi, Ayin; jAzal
    10
    vaNTu paTat tatain'ta kaNNi, n'eytal
    taN arum pain' tAr tuyalvara, an'ti,
    kaTal kezu celvi karai n'inRAgku,
    n'IyE kAnal oziya, yAnE
    veRi koL pAvaiyin polin'ta en aNi tuRan'tu,
    15
    ATu makaL pOlap peyartal
    ARREnteyya; alarka, iv UrE!
    pakalE ciRaippuRamAkat talaimakaTkuc colluvALAyt tOzi colliyatu. -ammUvanAr

    371. pAlai
    av viLimpu urIiya vicai amai n'On cilai,
    cev vAyp pakazi, ceyir n'Okku ATavar
    kaNai iTak kazin'ta tan vIztuNai uLLi,
    kuRu n'eTun' tuNaiya maRi puTai ATa,
    5
    punkaN koNTa tiri maruppu iralai
    mEy patam maRutta ciRumaiyoTu, n'Oy kUrn'tu,
    n'eytal am paTuvil cil n'Ir uNNAtu,
    eHku uRu mAn'tarin inain'tu kaNpaTukkum,
    paitu aRa vempiya pAz cEr attam,
    10
    emiyam n'In'tum emminum, pani vArn'tu,
    ennaAm kol tAmE 'teN n'Ir
    Ay cunai n'ikar malar pOnm' ena n'acaii
    vI tEr paRavai vizaiyum
    pOtu Ar kUn'tal n'am kAtali kaNNE?
    poruLvayiR pirin'tu pOkAn'inRa talaimakan tan n'ejciRkuc colliyatu. -eyinan'tai makan iLagkIranAr

    372. kuRijci
    arun' teRal marapin kaTavuL kAppa,
    perun' tEn tUgkum n'ATu kAN n'anan'talai,
    aNagkuTai varaippin, pAzi AgkaN,
    vEL mutu mAkkaL viyal n'akark karan'ta
    5
    arug kala veRukkaiyin ariyOL paNpu n'inain'tu,
    varun'tinammAtO eninum, aHtu ollAy,
    irum paNait toTutta palar ATu Ucal,
    Urn'tu izi kayiRRin, cela vara varun'ti,
    n'eTu n'eRik kutiraik kUr vEl ajci
    10
    kaTu munai alaitta koTu vil ATavar
    ATu koL pUcalin pATu ciRan'tu eRiyum,
    perun' tuTi vaLpin vIgkupu n'ekizA,
    mEy maNi izan'ta pAmpin, n'I n'ani
    tEmpinai vAzi, en n'ejcE! vEn'tar
    15
    kON taNi eyilin kAppuc ciRan'tu,
    INTu arugkuraiyaL, n'am aNagkiyOLE.
    allakuRippaTTup pOkAn'inRa talaimakan tan n'ejciRkuc colliyatu. - paraNar

    373. pAlai
    munai kavarn'tu koNTena, kalagki, pIr ezun'tu,
    manai pAz paTTa marai cEr manRattu,
    paNait tAL yAnai parUup puRam urijci,
    cetu kAz cAyn'ta mutu kAR potiyil,
    5
    aruj curam n'In'tiya varuttamoTu kaiyaRRu,
    perum pun mAlai pulampu van'tu uRutara,
    mILi uLLam celavu valiyuRuppa,
    tAz kai pUTTiya tani n'ilai irukkaiyoTu,
    tan n'ilai uLLum n'am n'ilai uNarAL;
    10
    irum pal kUn'tal, cEyizai, maTan'tai,
    kanai iruL n'aTu n'AL, aNaiyoTu porun'ti,
    veytuRRup pulakkum n'ejcamoTu, aitu uyirA,
    Ay itaz mazaik kaN malka, n'Oy kUrn'tu,
    perun' tOL n'anaikkum kaluzn'tu vAr arip pani
    15
    mel viral ukirin teRiyinaL, ven vEl
    aNNal yAnai aTu pOr vEn'tar
    orugku akappaTutta muravu vAy jAyil
    Or eyil mannan pOla,
    tuyil tuRan'tanaLkol? aLiyaL tAnE!
    pirin'tu pOkAn'inRa talaimakan iTaic curattut tan n'ejciRkuc colliyatu. -pANTiyan EnAti n'eTugkaNNanAr

    374. mullai
    mAk kaTal mukan'tu, mAtirattu iruLi,
    malar talai ulakam putaiya, valan Erpu,
    pazagkaN koNTa kozum pal koNmU,
    pOzn'ta pOlap pala uTan minni,
    5
    tAzn'ta pOla n'ani aNi van'tu,
    cOrn'ta pOlac corivana payiRRi,
    iTiyum muzakkum inRi, pANar
    vaTi uRu n'al yAz n'arampu icaittanna
    in kural azi tuLi talaii, n'al pala
    10
    peyal peytu kazin'ta pU n'ARu vaikaRai,
    ceRi maNal n'ivan'ta kaLar tOnRu iyavil,
    kuRu mOTTu mUtAy kuRukuRu OTi,
    maNi maNTu pavaLam pOla, kAyA
    aNi miku cemmal oLippana maRaiya,
    15
    kAr kavin koNTa kAmar kAlai,
    celka, tErE n'al valam peRun'a!
    perun' tOL, n'uNukiya n'ucuppin,
    tirun'tuizai, arivai virun'tu etirkoLavE!
    pAcaRai muRRiya talaimakan tErppAkaRkuc colliyatu. - iTaikkATanAr

    375. pAlai
    'cenRu n'ITun'ar allar; avarvayin
    inaital AnAy' enRicin ikuLai!
    ampu toTai amaiti kANmAr, vampalar
    kalan ilar Ayinum konRu, puL UTTum
    5
    kallA iLaiyar kalitta kavalai,
    kaNa n'ari inanoTu kuzIi, n'iNan arun'tum
    n'eyttOr ATiya mallal moci viral,
    atta eruvaic cEval cErn'ta
    arai cEr yAtta veN tiraL, vinai viRal,
    10
    ezUut tiNi tOL, cOzar peru makan
    viLagku pukaz n'iRutta iLam peruj cenni
    kuTik kaTan Akalin, kuRaivinai muTimAr,
    cempu uRaz puricaip pAzi n'URi,
    vampa vaTukar pain' talai cavaTTi,
    15
    konRa yAnaik kOTTin tOnRum,
    ajcuvaru marapin vej curam iRan'tOr
    n'Oy ilar peyartal aRiyin,
    AzalamannO, tOzi! en kaNNE.
    piriviTai vERupaTTa talaimakan tOzikkuc colliyatu. - iTaiyan cEn'tag koRRanAr

    376. marutam
    cellal, makizn'a! n'iR cey kaTan uTaiyenman
    kallA yAnai kaTi punal kaRRena,
    mali punal poruta marutu Ogku paTappai,
    oli katirk kazani, kazAar muntuRai,
    5
    kali koL cuRRamoTu karikAl kANa,
    taN patam koNTu, tavirn'ta in icai
    oN poRip punai kazal cEvaTip puraLa,
    karug kaccu yAtta kANpin av vayiRRu,
    irum polam pANTil, maNiyoTu teLirppa,
    10
    punal n'ayan'tu ATum atti aNi n'ayan'tu,
    kAviri koNTu oLittAgkum annO!
    n'umvayin pulattal cellEm; emvayin
    pacan'tanRu, kANTicin n'utalE; acumpin
    am tUmpu vaLLai azaR koTi mayakki,
    15
    vaN tOTTu n'ellin vAgku pIL viriya,
    tuyt talai muTagku iRAt teRikkum, poRpuTaik
    kuragkuuLaip puravik kuTTuvan
    maran'tai anna, en n'alam tan'tu cenmE!
    kAtaRparattai pulan'tu colliyatu. - paraNar

    377. pAlai
    kOTai n'ITalin, vATu pulattu ukka
    ciRu pul uNavu, n'eRi paTa maRuki,
    n'uN pal eRumpi koNTu aLaic ceRitta
    vittA valci, vIgku cilai, maRavar
    5
    pal Uz pukkup payan n'irai kavara,
    kozug kuTi pOkiya perum pAz manRattu,
    n'arai mUtALar atir talai iRakki,
    kavai manattu iruttum vallu vanappu aziya,
    vari n'iRac citalai arittalin, pullenRu,
    10
    peru n'alam citain'ta pEem mutir potiyil
    innA oru ciRait tagki, in n'akaic
    ciRu men cAyal peru n'alam uLLi,
    vampalar Akiyum kazipa manRa
    n'acai tara van'tOr iran'tavai
    15
    icai paTap peytal ARRuvOrE!
    poruL kaTaikkUTTiya n'ejciRkut talaimakan colliyatu. - mAROkkattuk kAmakkaNi n'appAlattanAr

    378. kuRijci
    'n'itiyam tujcum n'ivan'tu Ogku varaippin,
    vatuvai makaLir kUn'tal kamaz koLa,
    vagkUz ATTiya am kuzai vEgkai
    n'an pon anna n'aRun' tAtu utira,
    5
    kAmar pIli Ay mayil tOkai
    vERu vERu inatta varai vAz varuTaik
    kOTu muRRu iLan' takarp pATu viRan'tu, ayala
    ATu kaLa vayirin iniya Ali,
    pacum puRa men cIr ociya, vicumpu ukan'tu,
    10
    irug kaN ATu amait tayagka irukkum
    perug kal n'ATan pirin'ta pulampum,
    uTanRa annai amarA n'Okkamum,
    vaTan'tai tUkkum varu pani aRcirac
    cuTar kezu maNTilam azugka, jAyiRu
    15
    kuTa kaTal cErum paTar kUr mAlaiyum,
    anaittum, aTUu n'inRu n'aliya, ujaRRi,
    yAgganam vAzti?' enRi tOzi!
    n'IgkA vajcinam ceytu; n'at tuRan'tOr
    uLLAr Ayinum, uLenE avar n'ATTu
    20
    aL ilaip palavin kani kavar kaiya
    kallA man'ti kaTuvanOTu ukaLum
    kaTun' tiRal aNagkin n'eTum perug kunRattu,
    pATu in aruvi cUTi,
    vAn tOy cimaiyam tOnRalAnE.
    iravukkuRic ciRaippuRamAkat tOzi col eTuppa, talaimakaL colliyatu. -kAvaTTanAr

    379. pAlai
    n'am n'ayan'tu uRaivi tol n'alam aziya,
    teruLAmaiyin tItoTu kezIi,
    aruL aRa, n'imirn'ta munpoTu poruL purin'tu,
    ALvinaikku etiriya, mILi n'ejcE!
    5
    n'inaiyinaiAyin, enava kENmati!
    viri tirai mun'n'Ir maN tiNi kiTakkai,
    pariti am celvam potumai inRi,
    n'anavin iyanRatuAyinum, kagkul
    kanavin aRRu, atan kazivE; atanAl,
    10
    viravuRu pal malar vaNTu cUzpu aTaicci,
    cuvalmicai acaiiya n'ilai tayagku uRu muTi
    INTu pal n'ARRam vENTuvayin uvappa,
    ceyvuRu viLagku izaip polin'ta tOL cErpu,
    eytiya kanai tuyil ERRoRum, tiruki,
    15
    mey pukuvanna kai kavar muyakkin
    mikuti kaNTanRO ilenE; n'I n'in
    pal poruL vETkaiyin, col varai n'Ivi,
    celavu valiyuRuttanai Ayin, kAloTu
    kanai eri n'ikazn'ta ilai il am kATTu,
    20
    uzaip puRattu anna puLLi n'Izal,
    acaiiya pozutil pacaiiya van'tu, ivaL
    maRappu arum pal kuNam n'iRattu van'tu uRutara,
    oru tiRam n'inaittal cellAy, tiripu n'inRu,
    uRu puli uzan'ta vaTu maruppu oruttaRkup
    25
    piTi iTu pUcalin aTi paTak kuzin'ta
    n'irampA n'IL iTait tUgki,
    iragkuvai allaiyO, uram keTa melin'tE?
    mun oru kAlattup poruL muRRivan'ta talaimakan pinnum poruL kaTaikkUTTiya n'ejciRkuc colliyatu. - pAlai pATiya perugkaTugkO

    380. n'eytal
    tEr cEN n'Ikki, tamiyan van'tu, 'n'um
    Ur yAtu?' enna, n'aNi n'aNi otugki,
    mun n'AL pOkiya tuRaivan, n'erun'ai,
    akal ilai n'Aval uNtuRai utirtta
    5
    kani kavin citaiya vAgkik koNTu, tan,
    tAzai vEr aLai, vIz tuNaikku iTUum
    alavaR kATTi, 'n'aRpARRu itu' ena,
    n'inain'ta n'ejcamoTu, n'eTitu peyarn'tOnE;
    utuk kAN tOnRum, tErE inRum;
    10
    n'Am etir koLLAm Ayin, tAn atu
    tuNikuvan pOlAm; n'ANu mika uTaiyan;
    veN maNal n'eTug kOTTu maRaikO?
    amma, tOzi! kURumati n'IyE.
    pinninRa talaimakaRkuk kuRai n'Ern'ta tOzi talaimakaTkuk kuRai n'ayappak kURiyatu. - maturai marutan iLan'AkanAr

    381. pAlai
    ALi n'al mAn aNagkuTai oruttal
    mILi vEzattu n'eTun'takai pulampa,
    En'tal veN kOTu vAgki, kuruku arun'tum
    ajcu varat takun'a AgkaN, majcu tapa,
    5
    azal kAnRu tiritarum alagku katir maNTilam
    n'izal cUnRu uNTa n'irampA n'IL iTai,
    kaRRu urik kuTampaik kata n'Ay vaTukar
    vil cinam taNin'ta veruvaru kavalai,
    kuruti ATiya pulavu n'ARu iruj ciRai
    10
    eruvaic cEval INTu kiLait tozuti,
    paccUn koLLai cARRi, paRai n'ivan'tu,
    cekkar vAnin vicumpu aNi koLLum
    aruj curam n'In'tiya n'amminum, porun'tAr
    munai araN kaTan'ta vinai val tAnai,
    15
    tEn imir n'aRun' tAr, vAnavan uTaRRiya
    onnAt tevvar man eyil pOla,
    perum pAz koNTa mEniyaL, n'eTitu uyirttu,
    varun'tumkol? aLiyaL tAnE curumpu uNa,
    n'eTu n'Ir payan'ta n'irai itazk kuvaLai
    20
    etir malar iNaip pOtu anna, tan
    ari matar mazaik kaN teN pani koLavE!
    talaimakan iTaic curattut tan n'ejciRkuc colliyatu. - maturai iLagkaucikanAr

    382. kuRijci
    'piRar uRu vizumam piRarum n'Opa;
    tam uRu vizumam tamakkO tajcam;
    kaTampu koTi yAttu, kaNNi cUTTi,
    vERu pal kurala oru tUkku in iyam
    5
    kATu kezu n'eTu vET pATu koLaikku ERpa,
    aNagku ayar viyan kaLam poliya, paiyat
    tUgkutal purin'tanar, n'amar' ena, Agku avaRku
    aRiyak kURal vENTum tOzi!
    aruvi pAyn'ta karu viral man'ti
    10
    cezug kOT palavin pazam puNaiyAka,
    cAral pEr Ur muntuRai izitarum
    vaRan uRal aRiyAc cOlai,
    viRal malai n'ATan col n'ayan'tOyE!
    iravukkuRic ciRaippuRamAkat tOzi talaimakaTkuc colliyatu. - kapilar

    383. pAlai
    taR puran'tu eTutta eR tuRan'tu uLLAL,
    Urum cEriyum OrAgku alar eza,
    kATum kAnamum avanoTu tuNin'tu,
    n'ATum tEyamum n'ani pala iRan'ta
    5
    ciRu vankaNNikku Er tERuvar ena,
    vATinai vAziyO, vayalai! n'ALtoRum,
    pal kiLaik koTik kompu alamara malarn'ta
    alkultalaik kUTTu am kuzai utaviya,
    vinai amai varal n'Ir vizut toTi tattak
    10
    kamajcUl peru n'iRai tayagka mukan'tu koNTu,
    Ay maTak kaNNaL tAy mukam n'Okki,
    pey cilampu olippap peyarvanaL, vaikalum,
    Ara n'Ir UTTip purappOr
    yAr maRRup peRukuvai? aLiyai n'IyE!
    makaT pOkkiya tAy colliyatu. - kayamanAr

    384. mullai
    'irun'ta vEn'tan arun' tozil muTittena,
    purin'ta kAtaloTu perun' tEr yAnum
    ERiyatu aRin'tanRu allatu, van'ta
    ARu n'ani aRin'tanROilenE; "tAay,
    5
    muyaR paRaz ukaLum mullai am puRavil,
    kavaik katir varakin cIRUr AgkaN,
    mel iyal arivai ilvayin n'iRIi,
    izimin" enRa n'in mozi maruNTicinE;
    vAn vazagku iyaRkai vaLi pUTTinaiyO?
    10
    mAn uru Aka n'in manam pUTTinaiyO?
    uraimati vAziyO, valava!' ena, tan
    varai maruL mArpin aLippanan muyagki,
    manaik koNTu pukkanan, n'eTun' takai;
    virun'tu Er peRRanaL, tirun'tizaiyOLE.
    vinai muRRiya talaimakanatu varavu kaNTu, uzaiyar colliyatu. - okkUr mAcAttiyAr

    385. pAlai
    tan Oranna Ayamum, mayil iyal
    en Oranna tAyarum, kANa,
    kai val yAnaik kaTun' tErc cOzar
    kAvirip paTappai uRan'tai anna
    5
    ponnuTai n'eTu n'akar, puraiyOr ayara,
    n'al mAN vizavil takaram maNNi,
    yAm pala puNarppac collAL, kAmpoTu
    n'elli n'ITiya kal aRaik kavAan,
    atta Alattu alan'talai n'eTu vIz
    10
    tittik kuRagkil tirun'ta urija,
    vaLaiyuTai munkai aLaii, kiLaiya
    payil irum piNaiyal pacug kAzk kOvai
    akal amai alkul paRRi, kUn'tal
    ATu mayil pIliyin pogka, n'anRum,
    15
    tAn amar tuNaivan Ukka, Ugki,
    uLLAtu kazin'ta muL eyiRRut tuvar vAyc
    ciRu vankaNNi cilampu kazIi,
    aRiyAt tEettaL Akutal koTitE.
    makaT pOkkiya cevilittAy colliyatu. - kuTavAyiR kIrattanAr

    386. marutam
    poykai n'Irn'Ayp pulavu n'ARu irum pOttu
    vALai n'AL irai tErum Ura!
    n'ANinen, peruma! yAnE pANan
    mal aTu mArpin vali uRa varun'ti,
    5
    etirtalaik koNTa Ariyap porun'an
    n'iRait tiraL muzavut tOL kaiyakattu ozin'ta
    tiRan vERu kiTakkai n'Okki, n'al pOrk
    kaNaiyan n'ANiyAgku maRaiyinaL
    mella van'tu, n'alla kURi,
    10
    'mai Ir Oti maTavOy! yAnum n'in
    cEriyEnE; ayal ilATTiyEn;
    n'ugkai Akuven n'inakku' ena, tan kait
    toTu maNi mel viral taNNenat taivara,
    n'utalum kUn'talum n'Ivi,
    15
    pakal van'tu peyarn'ta vANutaR kaNTE.
    tOzi vAyil maRuttatu; talaimakaL takuti colliyatUum Am. - paraNar

    387. pAlai
    tirun'tuizai n'ekizn'tu, perun' tOL cAay,
    ari matar mazaik kaN kaluzac celvIr!
    varuvIr Akutal uraimin mannO
    pUk kaN paRain'ta pun talaic ciRAaroTu
    5
    av vari konRa kaRai cEr vaL ukirp
    pacai viral pulaitti n'eTitu picain'tu UTTiya
    pUn' tukil imaikkum, polan kAz alkul,
    av vari citaiya n'Okki, vev vinaip
    payil aril kiTan'ta vETTu viLi verIi,
    10
    varip puRa italin maNik kaT pETai
    n'uN poRi aNin'ta eruttin, kUr muT
    ceg kAl, cEval payirum AgkaN,
    vil INTu aruj camam tataiya n'URi,
    n'al icai n'iRutta n'ANuTai maRavar
    15
    n'irai n'ilai n'aTukal porun'ti, imaiyAtu,
    irai n'acaiik kiTan'ta mutu vAyp palli
    ciRiya teRRuvatuAyin, 'periya
    OTai yAnai uyarn'tOr Ayinum,
    n'inRAgkup peyarum kAnam
    20
    cenROrman' ena irukkiRpOrkkE.
    talaimakaLatu kuRippu aRin'tu, tOzi talaimakanaic celavu azugkac colliyatu. - maturai marutan iLan'AkanAr

    388. kuRijci
    amma vAzi, tOzi n'am malai
    amai aRuttu iyaRRiya vev vAyt taTTaiyin,
    n'aRu virai Aram aRa eRin'tu uzuta
    uLaik kural ciRu tinai kavartalin, kiLai amal
    5
    peru varai aTukkattuk kurIi Oppi,
    Ogku iruj cilampin oL iNar n'aRu vI
    vEgkai am kavaTTiTai n'ivan'ta itaNattu,
    pon maruL n'aRun' tAtu Utum tumpi
    in icai OrA irun'tanamAka,
    10
    'mai Ir Oti maTa n'allIrE!
    n'ovvu iyaR pakazi pAyn'tena, puN kUrn'tu,
    evvamoTu van'ta uyar maruppu oruttal n'um
    punattuzip pOkal uRumO maRRu?' ena,
    cinavuk koL jamali ceyirttup puTai ATa,
    15
    collik kazin'ta val viR kALai
    cAn'tu Ar akalamum takaiyum mika n'ayan'tu,
    Igku n'Am uzakkum evvam uNarAL,
    n'annar n'ejcamoTu mayagki, 'veRi' ena,
    annai tan'ta mutu vAy vElan,
    20
    'em iRai aNagkalin van'tanRu, in' n'Oy;
    taNi marun'tu aRival' ennum Ayin,
    vinavin evanO maRRE 'kanal cina
    maiyal vEza mey uLampOka,
    UTTiyanna Un puraL ampoTu
    25
    kATTu mAn aTi vazi oRRi,
    vETTam cellumO, n'um iRai?' enavE?
    iravukkuRic ciRaippuRamAkat talaimakaL tOzikkuc colliyatu; tOzi talaimakaTkuc colliyatUum Am. - UTTiyAr

    389. pAlai
    aRiyAy vAzi, tOzi! n'eRi kural
    cAn'tu Ar kUn'tal uLari, pOtu aNin'tu,
    tEm kamaz tiru n'utal tilakam taiiyum,
    pal itaz etir malar kiLLi vERu paTa
    5
    n'al iLa vana mulai alliyoTu appiyum,
    perun' tOL toyyil varittum, ciRu paraTTu
    am cej cIRaTip pajci UTTiyum,
    eR puRan'tan'tu, n'iR pArATTi,
    pal pUj cEkkaiyin pakalum n'IgkAr,
    10
    manaivayin iruppavarmannE tunaitan'tu,
    irappOr En'tu kai n'iRaiya, purappOr
    pulampu il uLLamoTu putuva tan'tu uvakkum
    arum poruL vETTam eNNi, kaRuttOr
    ciRu pun kiLavic cellal pAzpaTa,
    15
    n'al icai tam vayin n'iRumAr, val vEl
    vAna varampan n'al n'ATTu umpar,
    vEnil n'ITiya veg kaTaRRu aTai mutal,
    ARu cel vampalar vERu pirin'tu alaRa,
    kolai vemmaiyin n'ilai peyarn'tu uRaiyum
    20
    perug kaLiRu tolaicciya irug kEz ERRai
    cem pula marugkil tan kAl vAgki,
    valam paTu venRiyoTu cilampakam cilampa,
    paTu mazai urumin muzagkum
    n'eTu mara marugkin malai iRan'tOrE!
    piriviTai vERupaTTa talaimakaL vaRpuRukkum tOzikkuc colliyatu. - n'akkIranAr

    390. n'eytal
    uvar viLai uppin koLLai cARRi,
    atar paTu pUziya cEN pulam paTarum
    tatar kOl umaNar pati pOku n'eTu n'eRik
    kaNa n'irai vAzkkaitAn n'anRukollO?
    5
    vaNar curi mucci muzutum man puraLa,
    aitu akal alkul kavin peRap punain'ta
    pal kuzait toTalai olkuvayin olki,
    ' ''n'ellum uppum n'ErE; UrIr!
    koLLIrO'' enac cEritoRum n'uvalum,
    10
    av vAgku un'ti, amait tOLAy! n'in
    mey vAz uppin vilai eyyAm' ena,
    ciRiya vilagkinamAka, periya tan
    ari vEy uNkaN amarttanaL n'Okki,
    'yArIrO, em vilagkiyIir?' ena,
    15
    mUral muRuvalaL pErvanaL n'inRa
    cil n'irai vAl vaLaip polin'ta
    pal mAN pEtaikku ozin'tatu, en n'ejcE!
    talaimakan pAgkaRkuc colliyatu; n'ejciRkuc colliyatUum Am. - ammUvanAr

    391. pAlai
    pArval verukin kUr eyiRRu anna
    vari men mukaiya n'uN koTi atiral
    malku akal vaTTiyar, koLvu iTam peRAar
    vilaijar, ozitta talai vEy kAn malar
    5
    tEm pAy mullaiyoTu jAgkarp pOkki,
    taN n'aRug katuppil puNarn'tOr punain'ta en
    poti mAN mucci kANtoRum, paNTaip
    paza aNi uLLappaTumAl tOzi!
    inRoTu cil n'AL varinum, cenRu, n'ani
    10
    paTAavAkum, em kaNNE kaTAa
    vAn maruppu acaittalcellAtu, yAnai tan
    vAy n'iRai koNTa vali tEmpu taTak kai
    kunRu puku pAmpin tOnRum,
    enRUz vaippin, curan iRan'tOrE!
    piriviTai vaRpuRuttum tOzikkut talaimakaL colliyatu. - kAvan mullaip pUtanAr

    392. kuRijci
    tAz perun' taTak kai talaiiya, kAnattu,
    vIz piTi keTutta, veN kOTTu yAnai
    uN kuLaku maRutta uyakkattanna,
    paNpuTai yAkkaic citaivu n'anku aRIi,
    5
    pinnilai muniyAnAki, 'n'anRum,
    tAtu cey pAvai anna taiyal,
    mAtar mel iyal, maTa n'allOLvayin
    tItu inRAka, n'I puNai pukuka!' ena
    ennum taNTum Ayin, maRRu avan
    10
    azitakap peyartal n'ani innAtE
    ol ini, vAzi, tOzi! kallenak
    kaNa mazai pozin'ta kAn paTi iravil,
    tinai mEy yAnai inan irin'tu OTa,
    kal uyar kazutil cENOn eRin'ta
    15
    val vAyk kavaNin kaTu veTi ollena,
    maRap puli uraRa, vAraNam kataRa,
    n'anavuRu kaTciyin n'al mayil Ala,
    malai uTan verUum mAk kal veRpan
    piriyun'an AkalO aritE; atAanRu,
    20
    uritual paNpin piriyunan Ayin,
    vinai tavap peyarn'ta ven vEl vEn'tan
    munaikol tAnaiyoTu mun van'tu iRuppa,
    tan varampu Akiya man eyil irukkai
    ARRAmaiyin, piTitta vEl valit
    25
    tORRam pizaiyAt tol pukaz peRRa,
    vizai taka Ogkiya kazai tujcu marugkin
    kAn amar n'annan pOla,
    yAn Akuval, n'in n'alam taruvEnE.
    pinninRa talaimakaRkuk kuRai n'Ern'ta tOzi talaimakaTkuk kuRai n'ayappak kURiyatu. - mOcikIranAr

    393. pAlai
    kOTu uyar piRagkaR kunRu pala n'In'ti,
    vERu pulam paTarn'ta vinai taral uLLattu
    ARu cel vampalar kAy paci tIriya,
    mutaic cuvaR kalitta Ir ilai n'eTun' tOTTuk
    5
    kavaik katir varakin kAl toku pogkazi,
    kavaTTu aTip poruta pal cinai utirvai
    akan kaN pARaic cevvayin teRIi,
    vari aNi paNait tOL vAr cevit tannaiyar
    paNNai veN pazattu arici Eyppa,
    10
    cuzal maram colitta cuLaku alai veN kAz
    toTi mAN ulakkai Uzin pOkki,
    uralmukam kATTiya curai n'iRai koLLai,
    AgkaN iruj cunai n'IroTu mukavA,
    kaLi paTu kuzicik kal aTuppu ERRi,
    15
    iNar tatai kaTukkai INTiya tAtin,
    kuTavar puzukkiya pogku avizp punkam,
    matarvai n'al An pAloTu, pakukkum
    n'irai pala kuzIiya n'eTumozip pulli
    tEn tUgku uyar varai n'al n'ATTu umpar,
    20
    vEgkaTam iRan'tanar Ayinum, ANTu avar
    n'ITalar vAzi, tOzi! tOTu koL
    uru kezu majjai oli cIr Eyppa,
    takaram maNNiya taN n'aRu mucci,
    pukar il kuvaLaip pOtoTu teri itaz
    25
    vEnil atiral vEyn'ta n'in
    EmuRu puNarcci in tuyil maRan'tE.
    piriviTai vERupaTTa talaimakaLait tOzi vaRpuRuttiyatu. - mAmUlanAr

    394. mullai
    kaLavum puLittana; viLavum pazun'ina;
    ciRu talait turuvin pazuppu uRu viLaitayir,
    itaip puna varakin avaippu mAN ariciyoTu,
    kAr vAyttu ozin'ta Ir vAyp puRRattu
    5
    Iyal peytu aTTa in puLi vej cORu
    cEtAn veNNey vem puRattu uruka,
    iLaiyar arun'ta, pinRai, n'Iyum
    iTu muL vEli muTak kAl pan'tar,
    putuk kalattu anna cev vAyc ciRRil,
    10
    punai irug katuppin n'in manaiyOL ayara,
    pAluTai aTicil toTIiya, oru n'AL,
    mA vaN tOnRal! van'tanai cenmO
    kATu uRai iTaiyan yATu talaippeyarkkum
    maTi viTu vILai verIi, kuRu muyal
    15
    manRa irum putal oLikkum
    punpula vaippin em ciRu n'al UrE.
    iravukkuRit talaimakaLai iTattu uyttu van'tu, tOzi talaimakanai varaivu kaTAyatu. - n'anpalUrc ciRumEtAviyAr

    395. pAlai
    taN kayam payan'ta vaN kAR kuvaLai
    mAri mA malar peyaRku ERRanna,
    n'IroTu n'iRain'ta pEr amar mazaik kaN
    pani vAr evvam tIra, ini varin,
    5
    n'anRuman vAzi, tOzi! teRu katir
    Iram n'aitta n'Ir aRu n'anan'talai
    azal mEyn'tu uNTa n'izal mAy iyavin,
    vaRal marattu anna kavai maruppu eziR kalai,
    aRal avirn'tanna tEr n'acaii OTi,
    10
    pulampu vazippaTTa ulamaral uLLamoTu,
    mEy piNaip payirum melin'tu azi paTar kural
    aruj curam cellun'ar AL cettu Orkkum,
    tirun'tu arai jemaiya, perum punak kunRattu,
    ATu kazai iru vetir n'aralum
    15
    kOTu kAy kaTaRRa kATu iRan'tOrE!
    piriviTait tOzikkut talaimakaL colliyatu. - eyinan'tai makanAr iLagkIranAr

    396. marutam
    toTuttEn, makizn'a! cellal koTit tErp
    polam pUN n'annan punanATu kaTin'tena,
    yAz icai maRukin pAzi AgkaN,
    'ajcal' enRa Aay eyinan
    5
    ikal aTu kaRpin mijiliyoTu tAkki,
    tan uyir koTuttanan, colliyatu amaiyAtu;
    teRal arug kaTavuL munnart tERRi,
    mel iRai munkai paRRiya col iRan'tu,
    Arva n'ejcam talaittalai ciRappa, n'in
    10
    mArpu tarukallAy; piRan AyinaiyE;
    ini yAn viTukkuven allen; man'ti,
    pani vAr kaNNaL, pala pulan'tu uRaiya,
    aTun' tiRal atti ATu aNi n'acaii,
    n'eTu n'Irk kAviri koNTu oLittAgku, n'in
    15
    manaiyOL vavvalum ajcuval; cinaii,
    Ariyar alaRat tAkki, pEr icait
    tonRu mutir vaTavarai vaNagku vil poRittu,
    vej cina vEn'taraip piNittOn
    vajci anna, en n'alam tan'tu cenmE!
    kAtaRparattai talaimakaRkuc colliyatu. - paraNar

    397. pAlai
    en makaL peru maTam yAn pArATTa,
    tAy tan cemmal kaNTu kaTan iRuppa,
    muzavu mukam pularA vizavuTai viyal n'akar,
    maNan iTaiyAkak koLLAn, 'kal pakak
    5
    kaNa mazai tuRan'ta kAn mayagku azuvam
    eLiyavAka, En'tu koTi paran'ta
    poRi vari alkul mAayOTku' enat
    taNin'ta paruvam cellAn, paTartarat
    tuNin'tOnmanRa tunai veg kALai
    10
    kaTum pakaTTu oruttal n'aTugkak kutti,
    pOz puN paTutta pori arai Omaip
    perum poLic cEyarai n'Okki, Un cettu,
    karug kAl yAattup parun'tu van'tu iRukkum
    cEN uyarn'tu Ogkiya vAn uyar n'eTug kOTTuk
    15
    kOTai vev vaLikku ulamarum
    pul ilai vetira n'el viLai kATE.
    makaT pOkkiya cevilittAy colliyatu. - kayamanAr

    398. kuRijci
    'izai n'ilai n'ekizn'ta evvam kUra,
    paTar mali varuttamoTu pala pulan'tu acaii,
    men tOL n'ekizac cAay, konRai
    UzuRu malarin pAz paTa muRRiya
    5
    pacalai mEni n'Okki, n'utal pacan'tu,
    innEm Akiya em ivaN aruLAn,
    n'ummOn ceyta koTumaikku, immenRu,
    alamaral mazaik kaN teN pani malka,
    n'anRu puRamARi akaRal, yAza n'in
    10
    kunRu kezu n'ATaRku en enappaTumO?
    karai poru n'Ittam! urai' enak kazaRi,
    n'innoTu pulattal ajci, avar malaip
    pal malar pOrttu, n'ANu mika oTugki,
    maRain'tanai kaziyum n'iR tan'tu celutti,
    15
    n'ayan aRat tuRattal valliyOrE,
    n'otumalALar; atu kaNNOTAtu,
    azal cinai vEgkai n'izal tavirn'tu acaii,
    mAri puRan'tara n'an'ti, Ariyar
    pon paTu n'eTu varai puraiyum en'tai
    20
    pal pUg kAnattu alki, inRu, ivaN
    cErn'tanai celinE citaikuvatu uNTO?
    kuya vari irum pOttup poruta puN kUrn'tu,
    uyagku piTi tazIiya matan azi yAnai
    vAgku amaik kazaiyin n'aralum, avar
    25
    Ogku malai n'ATTin varUuvOyE!
    kAmam mikka kazi paTar kiLaviyAl, varaiviTattukkaN, talaimakaL talaimakan varaiyininRum pOn'ta ARRoTu pulan'tu, colliyatu. -immenkIranAr

    399. pAlai
    cimaiyak kurala cAn'tu arun'ti, iruLi,
    imaiyak kAnam n'ARum kUn'tal,
    n'al n'utal, arivai! in uRal Akam
    parukuvanna kAtal uLLamoTu,
    5
    tirukupu muyagkal inRi, avaN n'ITAr
    kaTaRRu aTai marugkin kaNicciyin kuzitta
    uTaikkaN n'ITu amai URal uNTa,
    pATu in teN maNi, payam kezu peru n'irai
    vATu pulam pukkena, kOTu tuvaittu akaRRi,
    10
    olku n'ilaik kaTukkai alku n'izal acaii,
    pal An kOvalar kallAtu Utum
    ciRu vetirn' tIm kuzaR pulampu koL teL viLi,
    mai il paLigkin anna tORRap
    pal kOL n'ellip paig kAy arun'ti,
    15
    melkiTu maTa marai Orkkum attam,
    kAy katir kaTukiya kavin azi piRagkal,
    vEy kaN uTain'ta cimaiya,
    vAy paTu marugkin malai iRan'tOrE.
    talaimakan pirivinkaN talaimakaLait tOzi vaRpuRuttiyatu. - eyinan'tai makanAr iLagkIranAr

    400. n'eytal
    n'akai n'anRu amma tAnE 'avanoTu,
    manai iRan'tu alkinum alar, ena n'ayan'tu,
    kAnal alkiya n'am kaLavu akala,
    pal purin'tu iyaRal uRRa n'al vinai,
    5
    n'Ul amai piRappin, n'Ila utti,
    koym mayir eruttam piNar paTap peruki,
    n'eymmiti munaiiya kozuj cORRu Arkai
    n'iral iyain'tu onRiya celavin, cen' tinaik
    kural vArn'tanna kuvavut talai, n'al n'Anku
    10
    vIgku cuval mociyat tAgku n'ukam tazIi,
    pUm poRip pal paTai olippap pUTTi,
    matiyuTai valavan Evalin, iku tuRaip
    punal pAyn'tanna vAm mAn tiN tErk
    kaNai kazin'tanna n'On kAl vaN pari,
    15
    pAl kaNTanna Utai veN maNal,
    kAl kaNTanna vazi paTap pOki,
    ayirc cERRu aLLal azuvattu AgkaN,
    iruL n'Ir iTTuc curam n'In'ti, tuRai kezu
    mellam pulampan van'ta jAnRai,
    20
    pU mali irug kazit tuyalvarum aTaiyoTu,
    n'Emi tan'ta n'eTun'Ir n'eytal
    viLaiyA iLag kaL n'ARa, palavuTan
    poti aviz taN malar kaNTum, n'anRum
    putuvatu AkinRu amma paza viRal,
    25
    pATu ezun'tu iragku mun'n'Ir,
    n'ITu irum peNNai, n'am azugkal UrE!
    talaimakan varain'tu eytiya pinRai, tOzi talaimakaTkuc colliyatu. -ulOccanAr

Tags         :

புதுப்பிக்கபட்ட நாள் : 07-09-2016 00:16:29(இந்திய நேரம்)